2 Gawˇliˬtu 8:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Tiqghaqnav siqnya’mawf nar-aq, Tirtuv-aq, ngaq-euq cawq pyeuf-awr nawmaf-anr gar mrnaeq luf-eu, ngaq-euq gar mrcawq mae. Maernmr heu nyiq ghaq-aq, Kali-euq yawshaef khanqsaer pyeuf-eu Kalizaq armur deuq-euq dawqtsaf dawqdzawr mr-eu tsawrhaq mae.

Akha

²³ Tiˇtuˆ gʼaˬ-aˬ, ngaˬ-euˬ gaˇ mˇ cawˬ pyeuꞈ-eu loꞈ-ehˇ, ngaˬ nehˬ-ehˇ tiˬ kawˆ loꞈ-ehˇ naw maꞈ-ahˇ caw ba-eu gaˇ mˇ luꞈ meh. Aˬ yawꞈ nehˬ-ehˇ oe caw-euˬ aˬ yuiꞈ aˬ nyiˇ nui deuˬ-aˬ, Ka li-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ Ka li zaˬ aˇ muˇ deuˬ-euˬ dah zaˇ oe-euˬ meh.

2 Gawˇliˬtu 8:23 ပူးပေါင်းရင်းမြစ်များ

Luˇkaꞈ 5:10

Aqyawf-euq za dzaecawq Zeqbeqdaer-euq zaqyo Yaqkov hawr-eu Yorhaq khawf zanq duidui ler-euq mae. Yeqsur, Sirmoq-anr aernaeq-eu, “Taqguv! Iqnan tafnar-aq, nawr, tsawrhaq-anr pov-eu tsawrhaq pyeuflar taef-a.”

Luˇkaꞈ 5:7

Khoermirnae, bi cawba le-eu gharduq, lawq yawqlawq yawq-anr ur-eu za dzaecawq deuq-anr lafdzawr dzawrnaeq-euq mae. Aqyawfmaf oe-awr lawq nyiq lawq luf-anr ngaqshaq nyaefanrbyan taq-euq mirnae, lawq ga’nuif-ir paq-aer pyeuflar taq-euq mae.

Yoˇhaˬ 13:16

Ngar, nawmaf-anr aqdirma-aer aernaeq nyar, kuirlaf zaqkhav-aq, yawqha-euq yawsanr navmaqtser maq huiqdzaeq-a. Bikhaer-eu ghaq khawf, aqyawf-anr khaer-euq ghaq navmaqtser maq huiqdzaeq-a.

1 Gawˇliˬtu 11:7

Zaqyo aqli-aq, Miqyaer-euq shaevdzeuf hawr-eu Miqyaer-euq yawshaef khanqsaer pyeuf-eu mirnae, uqboeq boeq-eu maqtsaq-a. Aerkhawf, zaqmiq aqbur-aq, zaqyo aqli-euq yawshaef khanqsaer mae.

2 Gawˇliˬtu 12:18

Ngar, Tirtuv-anr shar-awr aqdui-euq maernmr tiq ghaq khawf, aqyawf naeq-aer bi’oe-euq ma. Tirtuv, nawmaf-euq pyurshuir myawqganq shuirdzaq-aq laq? Nga’nyaf nuima tiqgar tsaq-awr, kuirciq gmluf-eu maqngeur-a lor?

2 Gawˇliˬtu 7:6

Aerkhawf, nuima nyir-eu tsawrhaq-anr nuima bi sarlar-eu Miqyaer-aq, Tirtuv larkeuv ngae nga’maf-anr nuima bi sarlar-euq mir-a.

2 Gawˇliˬtu 8:16

Ngar, nawmaf-euq gharduq nuima keuv-eu lof-aer, Tirtuv khawf nawmaf-euq gharduq nuima keuvni, Miqyaer janrnaeq laf-euq mirnae, Miqyaer-euq guiqlanq-anr jaceuq ma.

2 Gawˇliˬtu 8:18

Nga’maf, maernmr nuighaq tiqghaq-anr khawf aqyawf naeq-aer bi’oe-euq ma. Kalizaq armur dawqtawvluf, aqyawf guiqlanqdawq maeqnya duidui-eu gar jaceuq-eu mae.

2 Gawˇliˬtu 8:19

Khoer taef-aer maqngeur-eu, nga’maf naeq-aer tiqkawv lof-aer aqyuif aqnyir deuq nae damq-euq pyur khoer bi shaha-ir-eu laer, Kalizaq armur deuq, maernmr heughaq-anr tserdov-awr khaertaq-euq mae. Sanqpaq Miqyaer-euq yawshaef khanqsaer dovlarni hawr-eu aqcawq-anr cawba mawf-eu nawmaf-euq nuima byacaevni bi dovlar-eu laer nga’maf gar heu mrluf-eu ma.

2 Gawˇliˬtu 8:22

Aqyawfnyaf naeq-aer maernmr tiq ghaq parbi oecaw-euq ma. Nga’maf, maernmr heughaq-anr ghawqmya jeq ghawqmya pov tsermr haw-awr, aqyawf nuima keuv duidui-eu tiq ghaq ngar-a laer yasiq-euq ma. Nga’maf, nawmaf-anr yawduqbaw duidui-eu mirnae, nymq-mr aqyawf nuima par keuvdzaeq lar-euq mae.

2 Gawˇliˬtu 8:6

Tirtuv nae guiqlanq yawdzanr-euq gar heu mrdanq bae-euq lof-aer, nawmaf-euq ghanrcae khawf mrluiv-awq laer nga’maf, aqyawf-anr shar-euq ma.

Piˇliˇpiˆ 2:25

Ngaq-euq maernmr Irbaqpawqdir-anr nawmaf jawr-eu gar bighofle-eu tsaq-eu paq laer khawf ngar sharnoeq luf-eu ma. Aqyawf-aq, ngaq-euq gar mrcawq hawr-eu, saflar paw-euq guirdeuv deuvcawq mae. Nawmaf nae ngar mawf-eu jeq-anr bi cawba-eu laer khaerlef-euq tiq ghaq khawf pyeuf-eu mae.

Piˇliˇpiˆ 4:3

Aqdir ngaq-euq gar mrcawq pyeuf-eu ghaq-or! Zaqmiq aqbur heu nyiq ghaq-anr cawba naeq-awq laer ngar, nawq-anr khawf shar-eu ma. Aqyawfnyaf, ngaq naeq-aer guiqlanqdawq maeq-eu gar mr-euq mae. Gaqleqmeq hawr-eu ngaq-euq gar mrcawq nuideuq khawf, aqyawf maf-euq tsawrmyanr Daef-eu jeq bif-eu sanqbof-euq lafkhoer bofanr taq-euq mae.

Gawˇlawˇsehˇ 1:7

Nga’maf naeq-aer tiqkawv lof-aer kuirlaf zaqkhav geufluf-eu, nga’maf zawr gaq-eu Irbaqpaqlar-anr nae, nawmaf garkawv khoer yadzaw-euq mae. Aqyawf-aq, nawmaf-euq gharduq sarjax zif-eu lafkhoer, Kali-euq kuirlaf zaqkhav pyeuf-eu mae.

1 Teˇsaˬloˇni 2:2

Nawmaf siqluf-eu lof-aer, dzeurlaf ngae, nga’maf, Pirlirpiv-anr jawr ngae, aqcawq khaeqnaeq khavnaeq laf-awr, yaeqbawq saerlu-aer janrnaeq laf-eu gar yadaq-euq ma. Nawmaf-anr Miqyaer-euq guiqlanqdawq maeqlar ngae, lavtsoeq-eu jeq ghawqmya’ni jav-eu khawf, nga’maf, aqdui-euq Miqyaer-anr ghoeghoe-aer nuima khaqduqni maeq-euq ma.

2 Tiˆmoˇseˬ 4:10

Aqjeq mirnae aernar-aq, Deqmav-aq, heuzir-anr taf-eu mirtsaq-anr gaq-eu mirnae, ngaq-anr byaerdzae-awr, Tersaqlorni-anr ir-euq mae. Gaqleqgeq-aq, Gaqlaqtiv-anr le-euq mae. Tirtuv khawf Daqlaqmaqdir-anr ir-euq mae.

Tiˇtuˆ 1:4

Jan-eu jeq tiqgar dur-eu lafkhoer, aqdir ngaqli pyeuf-eu Tirtuv-anr sanqbof bofanr lef-eu ma. Aqda Miqyaer hawr-eu aqdui-euq Kakhof-eu ghaq Yeqsur Kali-euq guiqlanq yawdzanr hawr-eu nuisar of-eu jeq, nawq-euq khoertav jav luf-ur!

Piˇleˇmoˬ 1:17

Khoermirnae, ngar-aq, nawq-euq gar mrcawq ma laer nawr sawxluf-eu ngeur nar-aq, ngaq-anr hageuf-eu lof-aer aqyawf-anr hageuf-awq.

Piˇleˇmoˬ 1:24

Ngaq-euq gar mrcawq Maqkuv, Aqliqdaqgur, Deqmav hawr-eu Lurkaf, aqha’maf khawf dawqtsaf tsafanr lef-euq mae.

3 Yoˇhaˬ 1:8

Khoermirnae, yawtsaq yawdawr-euq lafkhoer, aqdui heulof-aer ghae-eu tsawrhaq naeq-aer gar mrcawq pyeufnya’ni, aqdui, aqyawf maf-anr yawmuiq-aer hageuf-eu tsaq mae.