2 Gawˇliˬtu 8:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawfmaf yawkhav-aer tsermr-eu shaqzanq daq-eu lafkhoer, laqkhaq caer-eu jeq byan-awr irshaqshaq duidui-eu khawf, nuima jerloni bif-awr damq-eu mae.

Akha

² Shaˬ-eu zahˬ-eu gʼawˬ mya jeˬ lawˬ haw gaˇ aˬ yawꞈ maꞈ ya daˬ-euˬ kʼawꞈ, maˬ ehˇ jiˇ coeˇ ni laꞈ kʼaˬ cehˇ-eu meh. Kʼoeˇ miˇ neh aˬ yawꞈ maꞈ yaw shaˬ shaˬ dui dui kʼawꞈ, damˬ nehˬ-eu paw tiˬ pawꞈ-iˬ gʼaˬ byehˆ maˬ byehˆ-a.

2 Gawˇliˬtu 8:2 ပူးပေါင်းရင်းမြစ်များ

Dawqdaq 11:25

Nuima jerloni bifdov ghae-eu tsawrhaq-aq, bawle zale-awr, Aqcawq-anr ircuf shaeqnaeq-eu tsawrhaq-aq, Aqcawq, aqyawf-anr ircuf shaeqnaeq taef-a.

Maꞈtehˬ 20:15

Ngaq-euq pyur ngar janrmawf-eu lof-aer maqjanr nya-ar lor? Ngar yawmuiq mirnae, nawr myavnav nav-eu le laq?’

Lormav 12:8

Ghaq bif-eu lafsawq za-euq ngeur nar-aq, ghaq bif-awq. Bif-awr damq-eu lafsawq za-euq ngeur nar-aq, nuima jerloni bif-awr damq-awq. Sheuqghae-eu lafsawq za-euq ngeur nar-aq, laejae-awr sheuqghae-awq. Ghawqshaq gaq-eu lafsawq za-euq ngeur nar-aq, laqkhaq tiqcaer ghawqshaq gaqnaeq-awq.

Lormav 2:4

Maqngeur nar-aq, aqyawf-euq sanr duidui-eu yawmuiq jeq, ornya-eu jeq, nuinoeq ghawqmanrni noeq-eu jeq-anr nawr yaeqbawq saerlu-aer ghae-eu le laq? Nawr noeqpov noeqparlar nya’ni, Miqyaer-euq yawmuiq jeq, nawq-anr sheuqghaeluf nga laer nawr maq siqnya-eu le lor?

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

2 Gawˇliˬtu 2:9

Nawmaf, yawqjeq navluf-euq lafkhoer narhaqgeuf luf-eu nga lor laer, nawmaf-anr tsermr haw-eu gharduq ngar sanqbof khoer bofanr lef-euq ma.

2 Gawˇliˬtu 6:10

Noeqshaq-eu gar dur-eu khawf, aqmyanluf laqkhaqcaer luf-eu ma. Irshaq shaq-eu tsawrhaq-anr dur-eu khawf, tsawrhaq ghawqmya ni-anr smrmuiq bi muiqlar-eu ma. Tiqjeq-iq maqjav-eu gar dur-eu khawf, yawqjeq navluf jav-eu tsawrhaq ma.

2 Gawˇliˬtu 9:11

Nawmaf, yawqjeq navluf-euq gharduq nuima jerloni bifnya damqnya paq-aer, yawqpaw navluf smrmuiq muiqlar taef-a. Heu-euq baqda’nae, aqcawq, Miqyaer-euq guiqlanq-anr jaceuq taef-a.

2 Gawˇliˬtu 9:13

Nawmaf, Kali-euq guiqlanq dawq-euq uqmov jawr-eu ma laer sarkir kamq-awr, aqyawf maf-anr khawf, tsawrhaq dawqtawv luf-anr khawf, nuima jerloni bifnaeq-eu guiqlanq-euq gar heu-anr aqcawq ya’mawr-awr, Miqyaer-anr ciqhuiq ciqmanr taef-a.

1 Teˇsaˬloˇni 1:6

Nawmaf shaq-awr zanq-eu jeq-anr yadaq duidui-euq khawf Yawshawr Saflar nae bif-euq laqkhaq caer-eu jeq tiqbyanni anr-eu lafkhoer nawmaf guiqlanq dawq-anr hageuf-euq khoer-aq, nawmaf, nga’maf-anr hawr-eu Sanqpaq Yeqsur-anr hawgeuf dzawgeuf-eu jeq pyeuf-eu mae.

1 Teˇsaˬloˇni 2:14

Aqyuif aqnyir deuq-or! Yurdav mirkhanq-anr Yeqsur Kali-euq lafkhoer jawr-eu Miqyaer-euq Kalizaq armur deuq-aq, nawmaf-anr hawgeuf dzawgeuf-euq mae. Aqyawfmaf, Yurdav tsawrhaq khaeq-awr khav-eu gar yadaq-euq lof-aer, nawmaf khawf nawmaf-euq tsawrhaq nae khaeq-awr khav-euq gar yadaq-euq mae.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

Panmaeq 2:9

“Ngar, nawq nae mr-euq jeq, khaeq-awr khav-eu gar yadaq-euq hawr-eu irshaq shaqluf-eu siqnya ma (aqdir aernar-aq, nawr-aq, smrmuiq smrbaw mae). Yurdav tsawrhaq maqngeur-eu gar, Yurdav tsawrhaq ma laer aer-eu tsawrhaq khoerdeuq, yaeqbawq saerlu-aer ngaeq-eu gar khawf ngar siqnya ma. Aqyawf maf-aq, naef Saqdaq-euq zanrdawq khawqnymr mae.