2 Gawˇliˬtu 8:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ngar, garkawv heukawv-anr taf-eu, ngaq-euq nuinoeq nawmaf-anr heulof-aer aernaeq-eu ma. Heu-aq, nawmaf-euq gharduq yawmuiq mae. Aqjeq mirnae aernar-aq, nawmaf gar heuhmq mrmawf-awr, mirnuivkhof nae mrdanq baetaq-euq mae.

Akha

¹⁰ Gaˇ kawˆ heu hmˬ-ahˇ taꞈ leˇ-awˇ, ngaˇ naw maꞈ-ahˇ heu loꞈ-ehˇ gʼaˬ biꞈ-eu ma. Miˇ nui kʼoꞈ naw maꞈ neh beh-euˬ gaˇ heu hmˬ nymˬ-mˇ mˇ luiˆ jiˇ-eu tsaˬ meh. Naw maꞈ-aˬ, mˇ beh beh-euˬ deuˬ pyeuꞈ-eu tehꞈ-ehˇ maˬ ngeuˇ ni, mui ma keuˆ beh beh-euˬ deuˬ kʼawꞈ pyeuꞈ-eu meh.

2 Gawˇliˬtu 8:10 ပူးပေါင်းရင်းမြစ်များ

Dawqdaq 19:17

Irshaqzaq-anr ghawqshaq gaq-eu tsawrhaq-aq, Ya’we Miqyaer-anr ngaqnaeq-eu jeq pyeuf-eu mae. Aqyawf nae mr-euq jeq-anr, Ya’we Miqyaer tsoeqkhofnaeq taef-a.

Maꞈtehˬ 10:42

Ngar, nawmaf-anr aqdirma-aer aernaeq nyar, aqsur ghaq maqkaq, aqcawq taf-aer nyirdzaeq-eu ngaq-euq zaqlanr tiq ghaq-anr ircuf yawtsaef tiq khmq bidawr-euq taef khawf, khoerghaq-aq, guiqlanq maqza-aer maqghae-ar.”

Yoˇhaˬ 11:50

Tsawrjeuq tiqjeuq jeuqlan-aer maqya cawv-ir ni, tsawrhaq armaf-euq gharduq, tsawrhaq tiq ghaq shirdan nar-aq, aqdui-euq gharduq muiq taef-a laer nawmaf maq sharnoeq-eu le lor?”

Yoˇhaˬ 16:7

Ngar, nawmaf-anr dawrcoeni aernaeq nyar. Ngar ghofler-eu-aq, nawmaf-euq gharduq yawmuiq mae. Aqjeq mirnae aernar-aq, ngar maq ghofler nar-aq, Cawba-eu ghaq, nawmaf jawr-eu gar maqoe-a. Aerkhawf, ngar ghawq-ir-euq nar-aq, aqyawf-anr nawmaf jawr-eu gar khaerghaelef ma.

Yoˇhaˬ 18:14

Gaqyaqpar heughaq-aq, yawbae Yurdav tsawrhaq-anr, ‘Tsawrjeuq tiq jeuq-euq gharduq tsawrhaq tiq ghaq shirdan nar-aq muiq taef-a’ laer, nuinoeq nuidur bif-euq khoerghaq mae.

1 Gawˇliˬtu 10:23

Ngar yawqjeq navluf mrkhmq ma. Aerkhawf, yawqjeq navluf-aer gardanr tsoeq-eu maqngeur-a. Ngar yawqjeq navluf mrkhmq ma. Aerkhawf, yawqjeq navluf-aer bihuiq bi manrlar-eu maqngeur-a.

1 Gawˇliˬtu 16:2

Yawqjaw navluf-euq yawbae ngae nan, nawmaf yawqghaq navluf yawqha nae za-euq gar geuxni pyur yurdov-awr jeqhmq taq-awq. Khoerlof-aer janr nar-aq, ngar larkeuv ngae, pyur tafuiq-eu laer maqya ghae-ar.

1 Gawˇliˬtu 6:12

Ngar yawqjeq navluf mrkhmq ma. Aerkhawf, yawqjeq navluf-aer gardanr tsoeq-eu maqngeur-a. Ngar yawqjeq navluf mrkhmq ma. Aerkhawf, ngar, aqgeu jeq-euq baoq-euq uqmov maqkaq maqjawr.

1 Gawˇliˬtu 7:25

Zaqguq deuq-euq garkawv-anr tafler-awr Sanqpaq Miqyaer nae bif-euq dawq ngar maqza-aq. Aerkhawf, Sanqpaq Miqyaer, ngaq-anr ghawqshaq gaq-eu mirnae, ngaq-anr jancoer paq-aer ghae-eu tsawrhaq bi pyeuflar naeqlaf-euq lof-aer, ngaq-euq nuinoeq nawmaf-anr ja’naeq nyar.

1 Gawˇliˬtu 7:40

Maq danqdzaq-ir ni jawrnya nar-aq, aqyawf-euq gharduq laqkhaq caerdzaeq taef-a laer ngar noeq mir-a. Ngar heulof-aer aer-eu-aq, Miqyaer-euq Saflar khawf nuima tsaq taef-a laer ngar noeq-eu ma.

2 Gawˇliˬtu 12:1

Ngar khanqsaer jaev-eu-aq gardanr maqtsoeq-a. Aerkhawf, Sanqpaq Miqyaer nae panmaeq naeqlaf-euq deuq hawr-eu mawrle-euq deuq-euq garkawv ngar ja’naeq ma de-eq.

2 Gawˇliˬtu 8:6

Tirtuv nae guiqlanq yawdzanr-euq gar heu mrdanq bae-euq lof-aer, nawmaf-euq ghanrcae khawf mrluiv-awq laer nga’maf, aqyawf-anr shar-euq ma.

2 Gawˇliˬtu 8:8

Ngar heulof-aer aer-eu-aq, nawmaf-anr dawq bif-eu maqngeur. Aerkhawf, aqcawq laejae-eu garkawv ja’naeq-awr, nawmaf shawrjaevni gaq-eu jeq-anr tsermr-eu jeq pyeuf-eu ma.

2 Gawˇliˬtu 9:2

Aqjeq mirnae aernar-aq, nawmaf, aqcawq-anr cawba mawf-eu nuima anr-eu mae laer ngar siqnya ma. Khoermirnae, ngar, Maqgeqdawrniv mirkhanq-anr jawr-eu tsawrhaq deuq-anr, nawmaf nuima keuv-eu garkawv khanqsaer jaevluf-eu ma. Aqgaqyar mirkhanq-anr jawr-eu deuq laeqhmqdan taq-euq tiq khof byanlar-euq mae laer, ngar, aqyawf maf-anr aernaeq-euq ma. Nawmaf laejae duidui luf-eu baqda’nae, aqyawfmaf myaqni tiqpav-aq, mrmawf-eu nuima anrlar-euq mae.

Piˇliˇpiˆ 4:17

Ngar lafsawq za’ni sharpov-eu maqngeur. Aerkhawf, nawmaf-euq jeqma-anr jirjeuq bijeuq larni sharpov luf-eu ma.

HeˬByehˇ 13:16

Aerkhawf, yawmuiq jeq mr-awr aqcawq-anr birnaeq pav naeq-eu jeq-anr taqngaer. Aqjeq mirnae aernar-aq, khoerlof-aer lawrnaeq-eu jeq-anr-aq, Miqyaer nuima tsaq-eu mae.