2 Gawˇliˬtu 8:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aqyuif aqnyir deuq-or! Nga’maf, nawmaf-anr Maqgeqdawrniv mirkhanq-anr jawr-eu Kalizaq armur deuq-anr Miqyaer, guiqlanq yawdzanr bif-euq garkawv bi siqmawf mir-a.

Akha

¹ Aˬ yuiꞈ aˬ nyiˇ Ka li zaˬ deuˬ-oˇ, Maˬgeˬdawˇniˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ kʼoeˇ taˆ Miˬyehˇ guiˬ lahˬ keuˆ le-euˬ gaˇ kawˆ naw maꞈ-ahˇ bi siꞈ mawꞈ miˇ-a.

2 Gawˇliˬtu 8:1 ပူးပေါင်းရင်းမြစ်များ

Maꞈtehˬ 25:22

Pyur 2,000 byav za-euq khoerghaq khawf lar-awr aer-eu, ‘Sanqpaq-or! Nawr, ngaq-anr pyur 2,000 byav biftaq yaf-euq mae. Hawsher-eq, ngar 2,000 byav gafjeuq-euq ma.’

Gʼaˬkʼehˇ 11:23

Aqyawf khoergar irkeuv-awr, Miqyaer-euq guiqlanq yawdzanr-anr ya’mawr-euq mirnae, laqkhaq caer-eu mae. Aqyawf, aqyawfmaf yawqghaq navluf-anr nuima zifdanni, Sanqpaq Miqyaer-euq dawqpae taeqni daef-awq laer ghaq bif-euq mae.

Gʼaˬkʼehˇ 16:9

Uqcif pawdzer, Pawrluv-anr mawrle-euq lafkhoer, Maqgeqdawrniv tsawrhaq tiq ghaq yawfle-awr Pawrluv-anr shar-eu, “Maqgeqdawrniv mirkhanq-anr lar-awr, nga’maf-anr cawba lar-awq.”

Gʼaˬkʼehˇ 24:17

“Heumyav khof dzeur-ir-euq nar-aq, ngar, ngaq-euq tsawrjeuq tsawrca-euq shaqzaq-anr cawba-eu gharduq gamfnaeq-eu jeq hawr-eu lawrnaeq-eu jeq shaha ler-euq ma.

Lormav 15:26

Aqjeq mirnae aernar-aq, Maqgeqdawrniv mirkhanq hawr-eu Aqgaqyar mirkhanq-anr jawr-eu tsawrshawr deuq, Yeqlursaqlaeq-anr jawr-eu tsawrshawr deuq-euq lafkhoer irshaqzaq deuq-euq gharduq, pyur damq-awr cawba-eu gar nuikhanr shir-eu mae.

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

2 Gawˇliˬtu 11:9

Ngar, nawmaf jawr-eu gar jawr ngae tiqjeqnav mawf-eu khawf, tiqghaq-iq-euq khavbaev maqbi pyeuf-aq. Aqjeq mirnae aernar-aq, Maqgeqdawrniv mirkhanq-anr nae oe-euq aqyuif aqnyir deuq nae ngar nym-eu jeq bifnaeq laf-euq mae. Dzeurlaf ngae, nawmaf-anr tiqjeq-iq maqbi dar-euq lof-aer, maeqhu paw khawf khoerlof-aer mrghae ma.

2 Gawˇliˬtu 9:12

Aqjeq mirnae aernar-aq, guiqlanq-euq gar heu-aq, tsawrshawr deuq mawf-eu jeq-anr cawba-eu taef-aer maqngeur-eu, tsawrhaq ghawqmya’ni Miqyaer-euq guiqlanq-anr jaceuq duidui-eu jeq khawf dovlar-eu mae.

2 Gawˇliˬtu 9:2

Aqjeq mirnae aernar-aq, nawmaf, aqcawq-anr cawba mawf-eu nuima anr-eu mae laer ngar siqnya ma. Khoermirnae, ngar, Maqgeqdawrniv mirkhanq-anr jawr-eu tsawrhaq deuq-anr, nawmaf nuima keuv-eu garkawv khanqsaer jaevluf-eu ma. Aqgaqyar mirkhanq-anr jawr-eu deuq laeqhmqdan taq-euq tiq khof byanlar-euq mae laer, ngar, aqyawf maf-anr aernaeq-euq ma. Nawmaf laejae duidui luf-eu baqda’nae, aqyawfmaf myaqni tiqpav-aq, mrmawf-eu nuima anrlar-euq mae.

2 Gawˇliˬtu 9:4

Khoerlof-aer maqngeur nar-aq, Maqgeqdawrniv mirkhanq-anr jawr-eu tsawrhaq ngaq naeq-aer oe ngae, nawmaf maq laeqhmq taq-euq gar ya’mawr nar-aq, nga’maf nae nawmaf-anr yawduq baw-euq khoer-aq, shafdawr-eu jeq pyeuf-ir taef-a. Nawmaf ya shafdawr-eu gar ngeurdzaeq taqpar aerkeuv.

Eˇpeˇsu 3:8

Kali-euq lafkhoer anr-eu, maq povmawr jircoerni sanr-eu guiqlanq deuq, aqcawq tsawrjeuq tsawrca-anr dawqmaeq bimaeq-ir-eu gharduq, tsawrshawr dawqtawv luf-anr nae teqdzaeq dzaeq-eu ghaq pyeuf-eu ngaq-anr, guiqlanq yawdzanr khoer bifnaeq laf-euq mae.

Gawˇlawˇsehˇ 1:29

Kali, ngaq-euq lafkhoer baoq huiq duidui-eu jeq nae gar mrluf-eu gar ghoe-awr, teu-euq gharduq ngar khawf laejae-awr gar mrluf-eu ma.

1 Teˇsaˬloˇni 4:10

Aqdir aernar-aq, nawmaf, Maqgeqdawrniv mirkhanq doeni jawr-eu aqyuif aqnyir yawqghaq navluf-anr gaqluf-eu mae. Aerkhawf, aqyuif aqnyir deuq-or! Khoernav maqtser gaqdzaeq lar-awq laer nga’maf, nawmaf-anr shar-eu ma.