2 Gawˇliˬtu 7:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngar, nawmaf-anr bi noeqshaq-euq mirnae, nymq-mr ngar laqkhaq caer-eu maqngeur. Nawmaf noeqshaq-eu khoer baqda’nae noeqpov noeqpar-euq mirnae, laqkhaq caer-eu mir-a. Nga’maf-euq baqda’nae, nawmaf guiqlanq tiqpawf-iq maqya smq-ir ni, Miqyaer nuima tsaq-eu lafkhoer nawmaf ya noeqshaq-euq mae.

Akha

⁹ Ehˇ kʼawꞈ, nymˬ-mˇ ngaˇ laˬ kʼaˬ cehˇ-eu ma. Heu loꞈ-ehˇ ehˇ ngeh, naw maꞈ noeˬ shaˬ ni ya boꞈ-euˬ miˇ neh laˬ kʼaˬ cehˇ-eu ma lehˇ ehˇ mawꞈ-eu maˬ ngeuˇ. Naw maꞈ kʼoeˇ loꞈ-ehˇ noeˬ shaˬ-euˬ kʼoeˇ baˬ da neh, naw maꞈ yaw dehꞈ dehꞈ paˇ-euˬ gaˇ ngaˇ laˬ kʼaˬ cehˇ-eu ma lehˇ ehˇ mawꞈ-eu ma. Nga maꞈ baˬ da neh naw maꞈ maˬ ya smˬ-iˇ-eu gʼaˇ duˬ, Miˬyehˇ nui ma tsaˬ-eu laꞈ kʼoeˇ naw maꞈ kʼoeˇ loꞈ-ehˇ ya noeˬ shaˬ-euˬ jeˬ pyeuꞈ-eu meh.

2 Gawˇliˬtu 7:9 ပူးပေါင်းရင်းမြစ်များ

Jaceuq 38:18

Ngar, ngaq-euq yawlaeq yawca dzawrdov ma. Ngar, ngaq-euq iqbax-euq baqda’nae nuima narluf-eu ma.

Maꞈtehˬ 3:8

Nawmaf noeqpov noeqpar-euq gar geux-eu arsiq bi siqle-awq.

Luˇkaꞈ 15:10

Khoerlof-aer durni, ngar, nawmaf-anr aernaeq nyar, iqbaxzaq tiq ghaq noeqpov noeqpar nar-aq, Miqyaer-euq mqtav ghaqkhaer deuq-euq maeqshi khawf, aqyawf-euq gharduq laqkhaqcaer taef-a.”

Luˇkaꞈ 15:32

Aerkhawf, nawqnyir heughaq-aq, shir-euq khawf ghofdaef lar-awr, byov-ir-euq khawf mawrkhof-euq mirnae, aqdui laqkhaq caertavni laqkhaq cawcaer naeq-eu tsaq taef-a.’ ”

Luˇkaꞈ 15:7

Khoerlof-aer durni, ngar, nawmaf-anr aernaeq nyar, iqbax maqya noeqpov-eu dawr-awr tsaq-eu tsawrhaq 99 ghaq-euq gharduq, mq-euq khoertav laqkhaq caer-eu navmaqtser, iqbaxzaq tiq ghaq noeqpov noeqpar-euq mirnae, mq-euq khoertav laqkhaq caerdzaeq-eu mae.

Gʼaˬkʼehˇ 20:21

Yurdav tsawrhaq hawr-eu Heqlaqsar tsawrhaq-anr khawf, Miqyaer-euq maeqshi iqbax noeqpov-awr, aqdui-euq Sanqpaq Yeqsur Kali-anr jan-awq laer sarkir kamq-euq ma.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

2 Gawˇliˬtu 2:16

Aqdui-aq, cawv-ir luf-eu tsawrhaq-euq gharduq lavsaef nya-eu yawsaf pyeuf-awr, buq-ir luf-eu tsawrhaq-euq gharduq-aq, lavdaef nya-eu yawsaf pyeuf-eu ma. Heulof-aer aqsur ghaq janrnya la?

2 Gawˇliˬtu 7:8

Ngaq nae nawmaf-anr bofnaeq-euq sanqbof khoertaf nawmaf-anr bi noeqshaq-euq mirnae, yawbae ngar noeqshaq-euq khawf, nymq-mr maqpar noeqshaq mir-a. Aqjeq mirnae aernar-aq, sanqbof khoertaf nawmaf-anr tiqkhaeq taef-aer bi noeqshaq-euq gar ngar ya’mawr-euq ma.