2 Gawˇliˬtu 7:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Tirtuv larkeuv-euq mirnae taef-aer nuima sarlar-euq maqngeur-aer, aqyawf, nawmaf naeq-aer jawr ngae nuima sarlar-euq mirnae, nga’maf khawf nuima sarlar-euq mir-a. Nawmaf, ngaq-anr mawrmawf duidui-eu, nawmaf tsawrngoer ngoerluf-eu hawr-eu nawmaf, ngaq-anr nuima keuv duidui-eu garkawv heudeuq, aqyawf, ja’naeq laf-euq mirnae ngar laqkhaq caerdzaeq lar-euq mir-a.

Akha

⁷ Aˬ yawꞈ laˇ-euˬ baˬ da neh tehꞈ-ehˇ nga maꞈ gʼaˬ ahˇ laˇ-euˬ maˬ ngeuˇ. Naw maꞈ aˬ yawꞈ-ahˇ aˬ joˆ-ehˇ gʼaˬ biꞈ-euˬ gaˇ kawˆ aˬ yawꞈ ja mehˬ nehˬ laꞈ-euˬ miˇ neh, nga maꞈ gʼaˬ ahˇ laˇ-euˬ ma. Naw maꞈ ngaˬ-ahˇ aˇ naˆ ni mawˇ mawꞈ-eu gaˇ kawˆ maˬ ehˇ, pyeuꞈ dzeuˇ yaꞈ-euˬ gaˇ kawˆ-ahˇ naw maꞈ aˇ naˆ ni noeˬ shaˬ luꞈ-eu gaˇ kawˆ maˬ ehˇ, naw maꞈ ngaˇ jawˇ paw aˇ naˆ ni pyawˬ mawꞈ-eu gaˇ kawˆ maˬ ehˇ, nga maꞈ-ahˇ aˬ yawꞈ dzawˇ mehˬ laꞈ-euˬ meh. Kʼoeˇ miˇ neh, ngaˇ laˬ kʼaˬ cehˇ-eu maˬ ehˇ jiˇ coeˇ nya.

2 Gawˇliˬtu 7:7 ပူးပေါင်းရင်းမြစ်များ

Jaceuq 141:5

Tsaq-awr dawr-eu tsawrhaq nae ngaq-anr bidiq-awq; Khoer-aq, ghawqshaq gaq-eu jeq pyeuf taef-a. Aqyawf nae ngaq-anr bidaeq-awq; Khoer-aq, zawr muiq-eu tsir lof-aer pyeuf-awr; Ngaq-euq uqduq maq hageuf-aer taqbi ghae naeqlaf. Aqjeq mirnae aernar-aq, Ngar guiqlanq sharshar-aer tsawrcawv deuq-euq gardeuq-anr deuvluf-eu ma.

Jaceuq 30:5

Aqjeq mirnae aernar-aq, aqyawf nuima paer-eu tiqkhaeq larkhaeq taef-aer paer-awr; Aqyawf ghoer mr-eu jeq-aq, tiqzir zif-eu mae. Uqcif mirlan-aer ya’ngoer-eu law-awr khawf, Uqshawq paw laqkhaq caer-eu jeq keuvle-eu mae.

Jaceuq 38:18

Ngar, ngaq-euq yawlaeq yawca dzawrdov ma. Ngar, ngaq-euq iqbax-euq baqda’nae nuima narluf-eu ma.

Jaceuq 51:1

Miqyaer-or! Nawq-euq ghoer-awr gaq-eu jeq-euq baqda’nae, Ngaq-anr ghawqshaq gaqnaeq laf-awq. Nawq-euq myaq duidui-eu nanqyuni ghawqshaq gaq-eu jeq-euq baqda’nae, Ngaq-euq yawbanq yawlaeq sivdzaebyov naeqlaf-awq.

Maꞈtehˬ 26:75

Khoerngae, Beqtuvluv, Yeqsur nae aqyawf-anr, “Yapoer maq doerlar-euq minav-aer, nawr, ngaq-anr maq siqnya nya laer smq pov keuvni pyaer taef-a” laer aernaeq-euq dawq khoerdawq-anr noeqdov lar-euq mae. Khoermirnae, aqyawf dov-ir-awr, nuima cawv-eu lafkhoer ngoer duidui-euq mae.

Maꞈtehˬ 5:4

“Ghawqshaq-aer ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawf maf-anr bi noeqsarlar taef-a.

Luˇkaꞈ 22:44

Yeqsur shaqzanq mr duidui-eu mirnae, yawbae navmaqtser, yawshaq-anr teufler-awr guiqlanq parshar-euq mae. Aqyawf-euq kuqpyur, shiq lof-aer pyeuf-ir-awr, mirtsa dzavka luf-eu mae.

Gʼaˬkʼehˇ 11:23

Aqyawf khoergar irkeuv-awr, Miqyaer-euq guiqlanq yawdzanr-anr ya’mawr-euq mirnae, laqkhaq caer-eu mae. Aqyawf, aqyawfmaf yawqghaq navluf-anr nuima zifdanni, Sanqpaq Miqyaer-euq dawqpae taeqni daef-awq laer ghaq bif-euq mae.

Lormav 1:12

Ngar heulof-aer aermawf-eu ma. Ngar jan-eu mirnae nawmaf ghaq khavlar-awr, nawmaf jan-eu mirnae ngar khawf ghaq khavlar-awr, nyiq pawluf ghaq khavlar-eu gar geufmawf mir-a.

1 Gawˇliˬtu 5:2

Khoerlof-aer mrluf-eu tsawrhaq-anr nawmaf-euq lafkhoer nae taedov-eu gharduq, dawqkawq kawqkawq-aer tsawrngoer ngoer paq-aer ghae-eu khawf, nawmaf nuima huiqhuiq-aer parjawr nya-eu nga.

2 Gawˇliˬtu 1:14

Nawmaf, nga’maf-anr uicuiv siqnya-eu mae. Khoermirnae, aqdui-euq Sanqpaq Yeqsur-euq arnan ngae nan, nawmaf-euq baqda’nae nga’maf khanqsaer jaevnya-eu lof-aer, nawmaf khawf nga’maf-euq baqda’nae khanqsaer jaevnya taef-a.

2 Gawˇliˬtu 1:4

Miqyaer, aqdui-anr nuima bi sarlar-euq lof-aer, khaeq-awr khav-eu kharngeur-eu jeq-anr yadaq-eu tsawrhaq-anr nuima bi sarlar nya’ni, aqdui nae yadaq-euq khaeq-awr khav-eu yawqjeq navluf-euq lafkhoer, aqyawf, aqdui-anr nuima bi sarlar naeqlaf-euq mae.

2 Gawˇliˬtu 2:9

Nawmaf, yawqjeq navluf-euq lafkhoer narhaqgeuf luf-eu nga lor laer, nawmaf-anr tsermr haw-eu gharduq ngar sanqbof khoer bofanr lef-euq ma.

2 Gawˇliˬtu 5:2

Maeqtsoeq dmdav-eu lof-aer mq-euq khoertav jav-eu nymr khoer-anr dmdav mawf-eu mirnae, aqdui saeqghawv heu-euq lafkhoer jawrluf ngae manrluf-eu ma.

2 Gawˇliˬtu 7:6

Aerkhawf, nuima nyir-eu tsawrhaq-anr nuima bi sarlar-eu Miqyaer-aq, Tirtuv larkeuv ngae nga’maf-anr nuima bi sarlar-euq mir-a.

2 Gawˇliˬtu 7:8

Ngaq nae nawmaf-anr bofnaeq-euq sanqbof khoertaf nawmaf-anr bi noeqshaq-euq mirnae, yawbae ngar noeqshaq-euq khawf, nymq-mr maqpar noeqshaq mir-a. Aqjeq mirnae aernar-aq, sanqbof khoertaf nawmaf-anr tiqkhaeq taef-aer bi noeqshaq-euq gar ngar ya’mawr-euq ma.

2 Gawˇliˬtu 8:16

Ngar, nawmaf-euq gharduq nuima keuv-eu lof-aer, Tirtuv khawf nawmaf-euq gharduq nuima keuvni, Miqyaer janrnaeq laf-euq mirnae, Miqyaer-euq guiqlanq-anr jaceuq ma.

Piˇliˇpiˆ 1:20

Ngar geufmawf duidui-awr, noeqtmq taq-euq jeq-aq heulof-aer ma. Ngar tiqjeq-iq-euq lafkhoer maqya shafdawr-aer, dzeurlaf ngae lof-aer nymq-mr khawf, nuima khaqduqni anr-awr, daef khawf shir khawf ngaq-euq mawrdo nae Kali-anr taqhuiq taqmanr ma.

Gawˇlawˇsehˇ 2:5

Ngaq-euq mawrdo nawmaf naeq-aer maqjawr-eu khawf, ngaq-euq nuima nawmaf naeq-aer javluf-eu ma. Nawmaf, aqyawf jeqyawf tsaqtsaqni mrluf sharluf-awr, Kali-anr zifdanni janluf-eu mirnae, ngar laqkhaqcaer mir-a.

1 Teˇsaˬloˇni 3:6

Aerkhawf, nymq-mr Tivmorseq, nawmaf jawr-eu gar nae ghofkeuv le-awr, nawmaf janluf-eu garkawv hawr-eu gaqluf-eu garkawv, laqkhaq caerlar paq-aer nga’maf-anr dzawrnaeq laf-euq mae. Nawmaf, aqmyanluf nga’maf-anr noeqkeuv luf-awr, nga’maf, nawmaf-anr mawrmawf-eu lof-aer, nawmaf khawf, nga’maf-anr mawrmawf duidui-eu garkawv khawf dzawrnaeq laf-euq mae.

1 Teˇsaˬloˇni 3:8

Nawmaf, Sanqpaq Yeqsur-euq lafkhoer jawrzifluf nar-aq, nga’maf yawdaef daefluf ma.

HeˬByehˇ 2:1

Khoermirnae, aqdui yawqpawyawq maqya jivdovghae paq-aer, aqdui nae yagaq taq-euq dawq-anr yawmuiq-aer narhaq-eu tsaq mae.

Yaˬkoˆ 5:17

Erlirya-aq, aqdui lof-aer ghae-eu tsawrhaq mae. Uqyaer taqbi yaerle laer aqyawf guiqlanqshar duidui ngae, smr khof taf tiq pav mirtsaq-euq khoertav uqyaer maq yaerle-aq.

2 Yoˇhaˬ 1:4

Aqda Miqyaer nae aqdui-anr dawq biftaq-euq lof-aer nawq-euq zaq tiqpavnav deuq yawtsaq yawdawr-euq lafkhoer daefluf-eu gar ngar ya’mawr-euq mirnae, laqkhaqcaer duidui nya.

Yuˇdaˆ 1:3

Ngar zawr gaq-eu cawqdeuq-or! Aqdui kakhof-eu jeq tiqkawv lof-aer za-eu garkawv, ngar nuima keuv-awr nawmaf-anr bofanr naeqlefmawf mir-a. Aerkhawf, Miqyaer nae tsawrshawr deuq-anr tiq pov bif-euq nar-aq luiv-eu jan-eu jeq-euq gharduq, nuima keuv duidui-eu lafkhoer deuv-awq laer, ghaq bif-eu tsaq nga laer noeq-awr bofanr lef-euq ma.