2 Gawˇliˬtu 7:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nga’maf-anr nawmaf-euq nuima pannaeq laf-awq. Nga’maf tiqghaq-anr-iq maq mrlaeq-aq, tiqghaq-anr-iq maq lavcawv-aq, tiqghaq-anr-iq maq shuirdzaq haw-aq.

Akha

² Nga maꞈ gʼaˇ duˬ naw maꞈ-euˬ nui ma pah nehˬ laꞈ-awˬ. Tsawˇ haˬ tiˬ gʼaˬ-ahˇ-iˬ nga maꞈ maˬ mˇ lehˬ haw-aˬ. Tsawˇ haˬ tiˬ gʼaˬ-ahˇ-iˬ nga maꞈ maˬ laˆ cawˆ haw-aˬ. Tsawˇ haˬ tiˬ gʼaˬ-ahˇ-iˬ nga maꞈ maˬ myawꞈ maˬ shuiˇ haw-aˬ.

2 Gawˇliˬtu 7:2 ပူးပေါင်းရင်းမြစ်များ

Maꞈtehˬ 10:14

Tsawrhaq tiq ghaq, nawmaf-anr maqha-aer nawmaf-euq dawq-anr maq narhaq nar-aq, nawmaf, nymr khoernymr-anr nae maqngeur nar-aq, meuq khoermeuq-anr nae dov-ir ngae, nawq-euq aqkuir-anr laeflar-euq khaqlaer baevkhar yaf-awq.

Maꞈtehˬ 10:40

“Nawmaf-anr hageuf-eu tsawrhaq-aq, ngaq-anr hageuf-eu mae. Ngaq-anr hageuf-eu tsawrhaq-aq, ngaq-anr bi’oe-euq ghaq-anr hageuf-eu mae.

Luˇkaꞈ 10:8

“Nawmaf, meuq aqgeu meuq-anr ur-ir-eu maqkaq, aqyawfmaf, nawmaf-anr hageuf naeqlaf nar-aq, khar ciqdav naeqlaf-euq jeq dzaq-awq.

Gʼaˬkʼehˇ 20:33

Ngar-aq, tiqghaq-iq-euq pyur, shuir maqngeur nar-aq, dmghaq dmlmr-anr maerjuir maqjuir-aq.

Lormav 16:18

Aqjeq mirnae aernar-aq, khoerlof-aer ghae-eu tsawrhaq deuq-aq, aqdui-euq Sanqpaq Yeqsur Kali-euq gar maqmr-aer, yawqha-euq uqmav-euq gharduq taef-aer mr-eu mae. Aqyawf maf-aq, narhaq muiq-eu dawq hawr-eu jaceuq-eu dawq nae, maqdzaw-euq tsawrhaq-anr shuirtawv-eu mae.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

2 Gawˇliˬtu 11:16

Ngar tiq pov paraer ma, tsawrhaq tiqghaq-iq ngaq-anr aqdzawq argan nga laer taqnoeq. Aerkhawf, nawmaf, ngaq-anr khoerlof-aer noeq-eu ngeur nar-aq, ngar khanqsaer uicuiv jaevnya’ni ngaq-anr aqdzawq argan-anr hageuf-eu lof-aer hageuf naeqlaf-awq.

2 Gawˇliˬtu 11:9

Ngar, nawmaf jawr-eu gar jawr ngae tiqjeqnav mawf-eu khawf, tiqghaq-iq-euq khavbaev maqbi pyeuf-aq. Aqjeq mirnae aernar-aq, Maqgeqdawrniv mirkhanq-anr nae oe-euq aqyuif aqnyir deuq nae ngar nym-eu jeq bifnaeq laf-euq mae. Dzeurlaf ngae, nawmaf-anr tiqjeq-iq maqbi dar-euq lof-aer, maeqhu paw khawf khoerlof-aer mrghae ma.

2 Gawˇliˬtu 4:2

Aerkhawf, nga’maf shafdawrlar paq-aer ghae-eu zaftaq-euq jeq byaerdzae jir-awr, jaqmyawf-euq lafkhoer maqdaef-aer, maershuir maqanrni, Miqyaer-euq dawq khawqluf-eu ma. Khoermirnae, Miqyaer-euq maeqshi, tsawrhaq dawqtawv luf-euq zaqsiq nuisiq-anr tsaqni, yawtsaq yawdawr-aq, nga’maf-anr byacaevni ciqpoeq luf-eu mae.

Piˇliˇpiˆ 2:29

Nawmaf, Sanqpaq Miqyaer-euq lafkhoer, laqkhaq caertavni aqyawf-anr hageuf-awq. Aqyawf lof-aer ghae-eu tsawrhaq-anr noeqpoeq-awq.

Gawˇlawˇsehˇ 4:10

Ngaq naeq-aer kuv-anr urluf-eu Aqliqdaqgur, nawmaf-anr dawqcawq puqanr lef-euq mae. Baqnaqbar-euq aqdur Maqkuv khawf, nawmaf-anr dawqcawq puqanr lef-euq mae. (Maqkuv-euq garkawv ngar, nawmaf-anr khaertaq-euq lof-aer, aqyawf, nawmaf jawr-eu gar oekeuv nar-aq, aqyawf-anr hageuf-awq).

1 Teˇsaˬloˇni 2:10

Nga’maf, nawmaf naeq-aer jawr ngae, kharmr kharshaq-euq jeq-aq, yawmuiq yawshawr, tsaq-awr dawr-eu hawr-eu iqbax taqkhar maqza-a laer Kali-anr jan-eu nawmaf hawr-eu Miqyaer khawf sarkir pyeuf-eu mae.

Piˇleˇmoˬ 1:12

Nymq-mr ngar, aqyawf-anr nawr jawr-eu gar bi ghofle ma. Aqyawf-aq, ngaq-euq nuima ma. Khoermirnae, nawr, aqyawf-anr hageuf-awq.

Piˇleˇmoˬ 1:17

Khoermirnae, ngar-aq, nawq-euq gar mrcawq ma laer nawr sawxluf-eu ngeur nar-aq, ngaq-anr hageuf-eu lof-aer aqyawf-anr hageuf-awq.

2 Yoˇhaˬ 1:10

Tsawrhaq tiqghaqnav nawmaf jawr-eu gar lar-awr, dawqmaeq dawqtsov heu maqmaeq nar-aq, aqyawf-anr irkanr-euq lafkhoer taq ha’anr, dawqcawq khawf taq puqnaeq.