2 Gawˇliˬtu 7:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Miqyaer-anr yawzeu baw-eu lafkhoer noeqshaq-eu jeq-aq, nawmaf-euq lafkhoer aqgeu jeq bi dovlar-euq nga laer sharnoeqhaw sher-eq: nawmaf laejae mawf-eu nuima anrlar-awr, yawqha-euq garkawv jashaw mawf-eu uqtaf, maqtsaq-eu jeq-anr nuima paer duidui lar-awr, Miqyaer-anr guv-eu jeq anrlar-euq uqtaf, yawmuiq jeq-anr za’mawf duidui lar-awr, yawmuiq jeq mrmawf-eu shaqdaef shaqnar anrlar-euq uqtaf, dawrcoeni yarkhaq darmawf lar-euq mae. Heudeuq dawqtawv luf-euq lafkhoer, nawmaf yawlaeq maqanr nga laer byacaevni dovlar-euq mae.

Akha

¹¹ Naw maꞈ neh noeˬ shaˬ-euˬ kʼoeˇ-ahˇ Miˬyehˇ aˬ joˆ-ehˇ jahˇ-euˬ gaˇ shaˇ noeˬ haw sheˇ. Naw maꞈ guiˬ lahˬ saꞈ laˇ paw nui ma keuˆ dui dui laˇ-euˬ meh. Naw maꞈ yawˬ ha maˬ mˇ lehˬ-euˬ gaˇ kawˆ bi siˬ bi mawˇ mawꞈ dui dui laˇ-euˬ meh. Yaw tsaˬ yaw dawˇ laꞈ kʼoeˇ nui ma pehˇ-eu, kʼahˬ lahˇ-eu, ngaˬ-ahˇ mawˇ mawꞈ dui dui-eu, ngaˬ-euˬ gʼaˇ duˬ nui ma keuˆ dui dui-eu, yaw lehˬ mˇ gaˇ yaw kʼaˆ-ehˇ daˇ nehˬ mawꞈ-eu, heu deuˬ naw maꞈ-euˬ laꞈ kʼoeˇ pyeuꞈ doˆ laˇ-euˬ meh. Yawˬ jeˬ na luꞈ laꞈ kʼoeˇ yawˬ ha maˬ lehˬ maˬ ca-eu gaˇ kawˆ bya cehˆ ni doˆ laˇ ni naw maꞈ dehꞈ-euˬ meh.

2 Gawˇliˬtu 7:11 ပူးပေါင်းရင်းမြစ်များ

Jaceuq 119:139

Ngaq-anr muir-eu deuq, nawq-euq dawq-anr ngaer-eu mirnae, Ngar nuima keuv-eu jeq, miqdzaq dofluf-eu lof-aer javluf mir-a.

Jaceuq 130:6

Uqcif paw lofpir-eu deuq uqbya byalar-eu gar dawq-eu navmaqtser, Ngaq-euq nuima saflar, Sanqpaq Miqyaer-anr dawq-eu ma. Uqcif paw lofpir-eu deuq uqbya byalar-eu gar dawq-eu navmaqtser dawq-eu ma.

Jaceuq 145:19

Aqyawf, aqyawf-anr guv-eu tsawrhaq deuq geufmawf-eu jeq tiqlof bifnaeq-awr, Aqyawfmaf kur ngae, narhaq-awr kakhof naeq-eu mae.

Jaceuq 2:11

Guv-eu lafkhoer Ya’we Miqyaer-euq gar mr-awr, Yawdzuq gan’gan-aer laqkhaq caer-awq.

Jaceuq 35:13

Aerkhawf, aqyawfmaf narluf gawrluf ngae, ngar guqdar paerzeur dm-awr, Nuima nanqyuni taq-eu lafkhoer dzardzaq sheuq-euq ma; Khoernar-aq, ngar guiqlanq shar-eu, ngaq-euq nuima-anr ghofkhoflar paq-aer shar-euq ma.

Jaceuq 38:9

Sanqpaq Miqyaer-or! Ngar geufmawf-eu jeq, nawq-euq maeqshi javluf-eu mae. Ngar yawkhav-aer manrluf-eu heu-aq, Nawq-anr nae zaftaq-euq jeq maqngeur-a.

Jaceuq 42:1

Khaqtsaev ircuf lawrgawv-anr nuikhanr jav-eu lof-aer, Miqyaer-or! Ngaq-euq nuima saflar khawf, nawq-anr nuikhanr jav-eu ma.

Jaceuq 69:9

Ngar, nawq-euq nymr-anr nuima keuv duidui-eu mirnae, ngaq-anr ur gawrlar luf-eu nya, Aqcawq, nawq-anr yaeqbawq-aer aer-euq dawq khoerdeuq dawqtawvluf, ngaq-anr gadavle taq-euq mae.

Dawqdaq 14:16

Tsawrganr anr-eu tsawrhaq-aq, guv-eu siqnya-awr yawdoer jeq-anr jawdzeur-eu mae. Aerkhawf, aqdzawq argan-aq, yawqhar yawqha yawduq baw-awr maqyanr-a.

Dawqdaq 28:14

Aqmyanluf, Ya’we Miqyaer-anr guv-eu tsawrhaq-aq, guiqlanqhuiq taef-a. Aerkhawf, nuima lavghanr-eu tsawrhaq-aq, Lavbyov lavbyav-eu jeq-anr ga’anr taef-a.

Maˬkuˆ 3:5

Yeqsur nuima paerpaer-aer aqyawf maf-euq tiqjawq haw-euq mae. Aqyawfmaf nuima ghanr-eu mirnae, Yeqsur noeqshaq-awr khoerghaq-anr aernaeq-eu, “Nawq-euq aqlaf cawqja-awq.” Khoerghaq aqlaf cawqja ngae, taqler-awr yawqlafyawq lof-aer durlar-euq mae.

Yoˇhaˬ 2:17

Khoerngae, aqyawf-euq zaqlanr deuq boftaq-euq dawq heudawq-anr noeqmawr lar-euq mae, “Miqyaer-or! Ngar, nawq-euq nymr-anr nuima keuv duidui-eu mirnae, ngaq-anr ur gawrlar luf-eu nya.” (Jc 69:9)

Gʼaˬkʼehˇ 17:16

Pawrluv, Aqteq-anr jawr-awr, aqyawf nyaf-anr dawqluf ngae, meuq meuqlanni tanqpanq aqma mawrkawr byanluf-eu gar ya’mawr-awr, saflar maqsarni pyeuflar taq-euq mae.

Lormav 11:20

Tsaq mae. Aqyawfmaf maqjan-eu mirnae bi deuvdzae-euq mae. Nawr jan-eu mirnae zifluf-eu mae. Aerkhawf, nawr nuima taqhuiq, guv-eu lafkhoer jawr-awq.

Lormav 14:18

Kali-euq gharduq mr-eu tsawrhaq-anr Miqyaer nuikhanr shir-awr, tsawrhaqzaq khawf nuima tsaq taef-a.

Lormav 3:5

Aqdui-euq maqtsaq maqdawr-eu jeq-euq baqda’nae, Miqyaer-euq tsaq-awr dawr-eu jeq bi dovlar nar-aq, aqdui aqjox-aer aer-eu tsaq la? Miqyaer maqtsaq maqdawr-eu lafkhoer, aqyawf nuima paer-eu jeq bi keuvle-eu nga laer aer-eu lor? (Ngar-aq, tsawrhaqzaq noeq-eu lof-aer aer-eu taef ma.)

1 Gawˇliˬtu 12:25

Khoer-aq, mawrdo-euq arsaer deuq ghawq-awr ghaer-eu jeq maqbi jav-aer, tiqsaer tirsaer ghawqshaq bigaq-eu gharduq mae.

1 Gawˇliˬtu 5:13

Aerkhawf, lafnyir paw jawr-eu deuq-anr-aq, Miqyaer yarkhaqdar taef-a. Khoermirnae, “Nawmaf-euq lafkhoer nae tsawrdoer-anr taedzae-awq.” (Dm 17:7)

1 Gawˇliˬtu 5:2

Khoerlof-aer mrluf-eu tsawrhaq-anr nawmaf-euq lafkhoer nae taedov-eu gharduq, dawqkawq kawqkawq-aer tsawrngoer ngoer paq-aer ghae-eu khawf, nawmaf nuima huiqhuiq-aer parjawr nya-eu nga.

2 Gawˇliˬtu 13:7

Nawmaf yawdoer jeq tiqjeq-iq maqya mrni, nga’maf, Miqyaer-anr guiqlanq sharluf-eu ma. Nga’maf tsermr haw-eu jeq-anr daqcoer ngar-a laer bi dovlar mawf-eu mirnae janr-eu maqngeur. Nga’maf tsermr haw-eu jeq-anr maq daqcoer-eu tsawrhaq lof-aer dur-eu khawf, nawmaf taqhuiq paq-aer ghae-eu jeq mrnya’ni, nga’maf guiqlanq sharluf-eu ma.

2 Gawˇliˬtu 2:6

Khoerlof-aer ghae-eu tsawrhaq-anr, nawmaf myaqni tiqpav aqyawf-anr khoerlof-aer darnaeq-euq-aq ghaq taef-a.

2 Gawˇliˬtu 6:4

Aerkhawf, nga’maf yawqjeq navluf-euq lafkhoer yawqhar yawqha, Miqyaer-euq guiqlanq-euq gar mrzaq ma laer noeqpoeq-awr, heudeuq-anr yadaq-euq ma: yawkhav-aer ya’or-eu, shaqzanq myaq-eu, mawf-awr nym-eu, noeqshaq-eu,

2 Gawˇliˬtu 7:1

Ngar zawr gaq-eu cawqdeuq-or! Aqdui sarjax heudeuq-anr zataq-euq mirnae, aqdui-euq mawrdo hawr-eu saflar-anr bi jawflar-eu yawqjeq navluf-anr tsiqshawr-awr, Miqyaer-anr guv-eu lafkhoer, yawshawr jeq bi byanlar kar-eur.

2 Gawˇliˬtu 7:7

Tirtuv larkeuv-euq mirnae taef-aer nuima sarlar-euq maqngeur-aer, aqyawf, nawmaf naeq-aer jawr ngae nuima sarlar-euq mirnae, nga’maf khawf nuima sarlar-euq mir-a. Nawmaf, ngaq-anr mawrmawf duidui-eu, nawmaf tsawrngoer ngoerluf-eu hawr-eu nawmaf, ngaq-anr nuima keuv duidui-eu garkawv heudeuq, aqyawf, ja’naeq laf-euq mirnae ngar laqkhaq caerdzaeq lar-euq mir-a.

2 Gawˇliˬtu 7:9

Ngar, nawmaf-anr bi noeqshaq-euq mirnae, nymq-mr ngar laqkhaq caer-eu maqngeur. Nawmaf noeqshaq-eu khoer baqda’nae noeqpov noeqpar-euq mirnae, laqkhaq caer-eu mir-a. Nga’maf-euq baqda’nae, nawmaf guiqlanq tiqpawf-iq maqya smq-ir ni, Miqyaer nuima tsaq-eu lafkhoer nawmaf ya noeqshaq-euq mae.

2 Gawˇliˬtu 9:2

Aqjeq mirnae aernar-aq, nawmaf, aqcawq-anr cawba mawf-eu nuima anr-eu mae laer ngar siqnya ma. Khoermirnae, ngar, Maqgeqdawrniv mirkhanq-anr jawr-eu tsawrhaq deuq-anr, nawmaf nuima keuv-eu garkawv khanqsaer jaevluf-eu ma. Aqgaqyar mirkhanq-anr jawr-eu deuq laeqhmqdan taq-euq tiq khof byanlar-euq mae laer, ngar, aqyawf maf-anr aernaeq-euq ma. Nawmaf laejae duidui luf-eu baqda’nae, aqyawfmaf myaqni tiqpav-aq, mrmawf-eu nuima anrlar-euq mae.

Eˇpeˇsu 4:26

“Nuima paernya taef-a. Aerkhawf, iqbax taqmr.” (Jc 4:4) Nanrma ga’anr ngae keuvni nuima paerpaer-aer taqjawr.

Eˇpeˇsu 5:11

Yawzanr jeq naeq-aer gardanr maqtsoeq-eu gar mr-eu gar maq gmler-aer, gar khoer yawbya-anr bi dovlar-awq.

Piˇliˇpiˆ 2:12

Khoermirnae, ngar zawr gaq-eu cawqdeuq-or! Ngar, nawmaf naeq-aer jawr ngae, nawmaf aqmyanluf ngaq-euq dawq narhaq geuf-euq lof-aer, khoernav maqtser, nymq-mr ngar, nawmaf naeq-aer maqjawr ngae khawf ngaq-euq dawq narhaq geuf-awq. Nawmaf, yawqha-euq kakhof-eu jeq za’nya paq-aer, guv-awr yawdzuq dzuq-eu lafkhoer laejae duidui-awq.

1 Teˇsaˬloˇni 4:6

Garkawv heu-anr tafler-awr nae tsawrhaq tiqghaq-iq yawqha-euq aqyuif aqnyir-anr coeqler civlerni, myawf-awr shuir-eu jeq taqmr. Nawmaf yanr de-eq laer dzeurlaf ngae ngar, nawmaf-anr yawkhav khav-aer maeqnaeq-euq lof-aer, Sanqpaq Miqyaer khoerlof-aer janr-euq tsawrhaq-anr yarkhaq darnaeq taef-a.

1 Tiˆmoˇseˬ 5:20

Iqbax mrluf-eu deuq-anr tsawrhaq dawqtawv luf-euq maeqshi daeqdaeq-aer maeqnaeq-awq. Khoerlof-aer janr nar-aq, nuideuq khawf guv-eu nuima anrlar taef-a.

2 Tiˆmoˇseˬ 2:15

Nawr, Miqyaer-euq maeqshi, tsermr haw-eu jeq-anr daqdzeur nya-eu tsawrhaq, shafdawr khar maqza-eu gar mrzaq hawr-eu yawtsaq yawdawr-euq dawq-anr dawrcoeni maeqnaeq nya-eu tsawrhaq pyeuflarni laejae duidui-awq.

Tiˇtuˆ 3:8

Dawq heudawq-aq, jancoer ghoecoer paq-aer ghae-eu mae. Miqyaer-anr jan-eu tsawrhaq deuq, aqmyanluf yawmuiq jeq ya’mr mae laer maqya ngaerni, ngar, nawq-anr yawmuiq-aer bimaeq bi tsovmawf mir-a. Gar khoerdeuq-aq, muiq-eu gar pyeuf-eu uqtaf, tsawrhaq yawqghaq navluf-euq gharduq gardanr tsoeq-eu mae.

HeˬByehˇ 4:1

Khoermirnae, aqyawf-euq ghaqnaq naqduq-anr urler-eu sarjax javluf ngae, nawmaf-euq lafkhoer tiqghaqnav maqya urler-eu paq laer, aqdui khawf guvkhar za-eu mae.

Yaˬkoˆ 3:17

Aerkhawf, mq-anr nae dovle-euq zaqsiq tsawrganr yawbae jeq-aq, yawshawr mae. Khoeruqtaf, tsaqler dzoerler-eu jeq hawr-eu nuinanq nuiyu anr-awr, narhaqgeuf nya-eu jeq hawr-eu ghawqshaq gaq-eu nuima tiqbyanni anr-eu uqtaf, yawmuiq jeq mr-awr, myavpyawq huiqnyir maqtser-aer, yawmuiq janrgeuf-eu jeq maqanr-a.

1 Beˬtuˆluˆ 1:17

Myavpyawq huiqnyir maqtserni tsawrhaqzaq yawqha nae kharmr kharshar-euq gar haw-awr, yarkhaq dar-eu khoerghaq-anr nawmaf, ‘Aqda’ laer kur-eu ngeur nar-aq, nawmaf khardaef-eu khoerkeuvni, aqyawf-anr guv-eu lafkhoer daef-awq.

1 Beˬtuˆluˆ 2:2

Zaqnanq, aqcoer dawrmawf-eu lof-aer, nawmaf khawf, shawrjaevni ghae-eu aqcoer pyeuf-eu Yaerdawq-anr dawrmawf-awq. Dawr nar-aq, nawmaf huiqlar manrlar taef-a.

Yuˇdaˆ 1:23

Aerkhawf, nawmaf guv-eu nuima anr-eu lafkhoer tsawrhaq tiqpavnav deuq-anr bibuq-ir ni miqdzaq-euq lafkhoer nae gheudov naeq-awq. Shiqshaq baqda’nae maqshawrni bipyeuf-ir-euq maeqtsoeq-anr taef-aer khawf byae-awq.

Panmaeq 3:19

Ngar gaq-eu tsawrhaq yawqghaq navluf-anr, ngar maeqpar dzawpar naeq-eu ma. Khoermirnae, nawr nuima keuv-awr noeqpov noeqpar mr-awq.