2 Gawˇliˬtu 7:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqjeq mirnae aernar-aq, Miqyaer-anr yawzeu baw-eu lafkhoer noeqshaq-eu jeq-aq, kakhof-eu jeq za’ni noeqpov noeqpar-eu jeq bi dovlar-eu mirnae, nuima cawv paq-aer ghae-eu jeq maqngeur-a. Aerkhawf, mirtsaq-anr taf-eu noeqshaq-eu jeq-aq, shir-eu jeq-anr saqler-eu mae.

Akha

¹⁰ Miˬyehˇ nui ma tsaˬ-eu laꞈ kʼoeˇ ya noeˬ shaˬ-eu jeˬ-aˬ, nui ma-ahˇ bi noeˬ paˇ-awˇ, ka kʼoꞈ-eu jeˬ za ni sheuˬ gʼeh-eu jeˬ pyeuꞈ-eu meh. Kʼoeˇ baˬ da neh nui ma maˬ saˇ-ehˇ gʼeh-eu maˬ loˬ-a. Ehˇ kʼawꞈ, tsawˇ haˬ zaˬ-ahˇ taꞈ leˇ-awˇ noeˬ shaˬ-eu jeˬ-aˬ, shiˇ-eu jeˬ-ahˇ uˬ duˬ duˬ leˇ-eu meh.

2 Gawˇliˬtu 7:10 ပူးပေါင်းရင်းမြစ်များ

Jaceuq 38:18

Ngar, ngaq-euq yawlaeq yawca dzawrdov ma. Ngar, ngaq-euq iqbax-euq baqda’nae nuima narluf-eu ma.

Dawqdaq 15:13

Laqkhaq caer-eu nuima-aq, myavpyawq bi byalar-eu mae. Aerkhawf, ghawqshaq-aer ghae-eu nuima-aq, saflar-anr nyaefpyaev-eu mae.

Dawqdaq 15:15

Shaqzanq naf-eu tsawrhaq-euq gharduq, Yawqnan navluf yawdoer mae. Aerkhawf, nuima laqkhaq caer-eu tsawrhaq-aq, Maq tsaevlerni yawbui builuf-eu mae.

Dawqdaq 17:22

Nuima laqkhaq caer-eu jeq-aq, javghaq lof-aer muiq-eu mae. Aerkhawf, nuima saflar pav-ir-euq nar-aq, shaqyoeq gui-ir-eu mae.

Dawqdaq 18:14

Tsawrhaq-euq saflar-aq, nargawr-anr daqcoer-eu mae. Aerkhawf, nuima saflar pav-ir-euq nar-aq, Aqsur ghaq kamqcoer nmr-mq?

Maꞈtehˬ 26:75

Khoerngae, Beqtuvluv, Yeqsur nae aqyawf-anr, “Yapoer maq doerlar-euq minav-aer, nawr, ngaq-anr maq siqnya nya laer smq pov keuvni pyaer taef-a” laer aernaeq-euq dawq khoerdawq-anr noeqdov lar-euq mae. Khoermirnae, aqyawf dov-ir-awr, nuima cawv-eu lafkhoer ngoer duidui-euq mae.

Luˇkaꞈ 15:10

Khoerlof-aer durni, ngar, nawmaf-anr aernaeq nyar, iqbaxzaq tiq ghaq noeqpov noeqpar nar-aq, Miqyaer-euq mqtav ghaqkhaer deuq-euq maeqshi khawf, aqyawf-euq gharduq laqkhaqcaer taef-a.”

Luˇkaꞈ 18:13

“Aerkhawf, jeq taf-eu khoerghaq-aq, garmanr kaq-eu gar yawf-awr, myavpyawq mq paw maq ghawrleur peuq-aer, khanq-anr terter-aer aer-eu, ‘Miqyaer-or! Ngar-aq, iqbaxzaq mir-a. Ngaq-anr ghawqshaq gaqnaeq laf-awq.’

Gʼaˬkʼehˇ 11:18

Aqyawfmaf garkawv khoer-anr yagaq ngae, ciqcur savni jawr-awr Miqyaer-anr ciqhuiq ciqmanr-eu, “Tox-aer mar-iq, aqcawq tsawrjeuq tsawrca-anr khawf daef-eu jeq bi za’ni Miqyaer, aqyawf maf-anr bi noeqpov bi noeqpar-euq ngar-a.”

Gʼaˬkʼehˇ 3:19

Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.

2 Gawˇliˬtu 12:21

Ngar paroe ngae, ngaq-euq Miqyaer, nawmaf-euq maeqshi ngaq-anr daqga paq-aer janrnaeq laf-eu gar guv mir-a. Dzeurlaf ngae, maqshawr-eu jeq mr-euq, banq-awr muv-euq, jawflafni daef-euq, khoerlof-aer mr-euq tsawrhaq ghawqmya ghaq nymq-mr keuvni maq noeqpov-eu mirnae, ngar tsawrngoer ya’ngoer-eu paq laer guv mir-a.

2 Gawˇliˬtu 7:9

Ngar, nawmaf-anr bi noeqshaq-euq mirnae, nymq-mr ngar laqkhaq caer-eu maqngeur. Nawmaf noeqshaq-eu khoer baqda’nae noeqpov noeqpar-euq mirnae, laqkhaq caer-eu mir-a. Nga’maf-euq baqda’nae, nawmaf guiqlanq tiqpawf-iq maqya smq-ir ni, Miqyaer nuima tsaq-eu lafkhoer nawmaf ya noeqshaq-euq mae.

HeˬByehˇ 12:17

Arnan-aq, Irsawr, aqyawf-euq aqda nae dawq ngaeqghae-eu gar za’mawf-eu mae. Aerkhawf, maq janrnaeq-aq. Aqyawf nae mrdzeur-euq jeq-anr myavbir juni sharpov duidui-euq khawf, noeqpov noeqparduq maqpar jav-euq mae laer nawmaf siqnya-eu mae.