2 Gawˇliˬtu 6:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqcawq tiqghaq-iq maq siqnya-eu tsawrhaq-anr dur-eu khawf, aqcawq ghawqmya’ni siqnya-eu mae. Shirtaw taeqni pyeuf-ir-euq tsawrhaq-anr dur-eu khawf, daefluf-eu tsawrhaq ma. Diq-eu gar yadaq-euq khawf, saef-eu gar maqya daq-aq.

Akha

⁹ Aˬ cawˬ tiˬ gʼaˬ-iˬ maˬ siˬ nya-eu tsawˇ haˬ-ahˇ duˇ kʼawꞈ, yawˬ gʼaˬ na luꞈ siˬ nya-eu tsawˇ haˬ ma. Shiˇ leˇ-eu tsawˇ haˬ-ahˇ duˇ kʼawꞈ, dehꞈ luꞈ-eu tsawˇ haˬ ma. Kʼehˬ dui kʼaˆ dui dui nehˬ laꞈ-euˬ kʼawꞈ, shiˇ gaˇ maˬ keuˆ-euˬ tsawˇ haˬ ma.

2 Gawˇliˬtu 6:9 ပူးပေါင်းရင်းမြစ်များ

Gʼaˬkʼehˇ 17:18

Khoerngae, Erpirgurlu armaf hawr-eu Saqtovif armaf-euq tsawrganr siqzaq deuq khawf, Pawrluv naeq-aer jasawx-euq mae. Khoerngae, tiqpavnav deuq aer-eu, “Heugar maqloev maqlawv-aer tortor-aer can-eu heughaq aqjeq aermawf-eu nga?” Pawrluv, Yeqsur-euq garkawv hawr-eu ghofdaef lar-euq garkawv maeq-eu mirnae, tiqpavnav deuq aer-eu, “Aqyawf-aq, yawqkhanq yawqmir yawq-euq miqyaer deuq-euq garkawv maeq-eu lof-aer dur nga.”

Gʼaˬkʼehˇ 19:26

Aerkhawf, tsawrhaq-euq aqlaf nae taev-euq miqyaer deuq-aq, miqyaer maqngeur-a laer Pawrluv heughaq aeraer-aer, Erpersu-anr taef-aer maqngeur-eu, Aqsir mircoer yawqgar navluf aerghaqni, aqyawf, tsawrhaq ghawqmya ni-anr gheupyawr-awr nuima lavpar luf-eu gar nawmaf yagaq ya’mawr-euq mae.

Gʼaˬkʼehˇ 25:19

Aerkhawf, aqyawfmaf uqduq tanq-eu zanr-euq garkawv ja-awr, shirdzeur-euq Yeqsur laer kur-eu tiq ghaq-euq garkawv Pawrluv naeq-aer tsawrpyaer pyaer-eu mae. Aerkhawf, Pawrluv, Yeqsur heughaq-aq, daefluf-eu mae laer aer-eu mae.

Gʼaˬkʼehˇ 25:26

Aerkhawf, ngar, Pawrluv-euq garkawv ngaq-euq sanqpaq-anr aqjox-aer bofnaeq-eu laer yawduq maqbawnya siq. Khoermirnae, aqyawf-anr yawmuiq-aer narhaqtser ghaq-awr, aqyawf-euq garkawv ngar bofnaeq nya’ni, nawmaf-euq maeqshi, heunav maqtser sanqpaq Aqgirpav-or! Nawq-euq maeqshi, ngar, aqyawf-anr sheuqlaf-euq ma.

Lormav 15:19

Baoq huiq-eu bisiq bimawr-eu jeq hawr-eu zanqler paq-aer ghae-eu jeq heudeuq, Miqyaer-euq Saflar-euq baoq-anr ghoe-awr mr-euq ma. Khoerlof-aer mrmr-aer, ngar, Yeqlursaqlaeq-anr nae Irlurliv-anr keuvni, Kali-euq garkawv guiqlanqdawq maeqdoe-euq ma.

Lormav 8:36

Yaerbof-euq lafkhoer boftaq-euq lof-aer, “Nawq-euq gharduq, nga’maf nan’ga-i saef-eu gar ya daqluf-eu ma. Nga’maf-aq, yabi saef-eu laer ghae-eu yawr lof-aer bi sawxtaq-euq ma.” (Jc 44:22)

1 Gawˇliˬtu 11:32

Aqdui, mirtsaqzaq naeq-aer tiqkawv lof-aer yarkhaq dar-eu gar maqya daqni, Sanqpaq Miqyaer, aqdui-anr yarkhaq dar-eu-aq, aqdui-anr diqdiq-aer maeq-eu jeq pyeuf-eu mae.

1 Gawˇliˬtu 15:31

Aqdui-euq Sanqpaq Yeqsur Kali-euq lafkhoer nawmaf-euq baqda’nae, ngar khanqsaer jaev-awr, nan-anr nae shirluf-eu ma laer ngar aertsaev peuq-eu ma.

1 Gawˇliˬtu 4:9

Miqyaer-aq, ghaqkhaer pyeuf-eu nga’maf-anr, saef-awq laer yarkhaq dartsaev taq-euq tsawrhaq lof-aer, aqcawq-euq jeqnan nansaq bijawr naeqlaf-euq mae laer ngar noeq-eu ma. Khoermirnae, nga’maf-aq, mirtsaq-euq khoertav, mqtav ghaqkhaer hawr-eu tsawrhaqzaq hawnirghaduq pyeuflar-euq mae.

2 Gawˇliˬtu 11:6

Ngar dawq ngaeq-eu paw maq dzawlaf-euq khawf, siqnya-eu tsawrganr paw-aq maqteq. Khoer-aq, yawqjeq navluf-euq lafkhoer nga’maf, nawmaf-anr byacaevni bimawr-euq ma.

2 Gawˇliˬtu 4:2

Aerkhawf, nga’maf shafdawrlar paq-aer ghae-eu zaftaq-euq jeq byaerdzae jir-awr, jaqmyawf-euq lafkhoer maqdaef-aer, maershuir maqanrni, Miqyaer-euq dawq khawqluf-eu ma. Khoermirnae, Miqyaer-euq maeqshi, tsawrhaq dawqtawv luf-euq zaqsiq nuisiq-anr tsaqni, yawtsaq yawdawr-aq, nga’maf-anr byacaevni ciqpoeq luf-eu mae.

2 Gawˇliˬtu 5:11

Nga’maf, Sanqpaq Miqyaer-anr guv paq-aer ghae-eu nga laer siqnya-eu mirnae, tsawrhaqzaq-anr gheupyawr duidui luf-eu ma. Khoeruqtaf, nga’maf aqjox-aer ghae-eu tsawrhaq la laer, Miqyaer yawmuiq-aer siqnya luf-eu mae. Nawmaf-euq zaqsiq nuisiq khawf, nga’maf-anr khoerlof-aer siqnya taef-a laer ngar noeqtmq ma.