2 Gawˇliˬtu 6:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Taqhuiq naeqlaf-awr, taqteq naeqlaf ngae khawf, yawmuiq ja-awr, yawdoer ja’naeqlaf ngae khawf, jaqmyawf maershuir aer-eu khawf, dawrcoeni mr-euq ma.

Akha

⁸ Yaw zeu baw nehˬ laꞈ-euˬ jeˬ-ahˇ maˬ ehˇ, daˬ laˆ ga nehˬ laꞈ-euˬ jeˬ-ahˇ maˬ ehˇ, yehˬ bawˬ sehˇ lu-ehˇ ehˇ nehˬ laꞈ-euˬ jeˬ-ahˇ maˬ ehˇ, ja ceuˬ nehˬ laꞈ-euˬ jeˬ-ahˇ maˬ ehˇ, nga maꞈ ya daˬ-euˬ ma. Nga maꞈ yaw tsaˬ yaw dawˇ jeˬ ngehˬ-euˬ kʼawꞈ, jaˬ myawꞈ myawꞈ-eu tsawˇ haˬ ngaˇ lehˇ ehˇ laˇ gaˇ ya daˬ-euˬ ma.

2 Gawˇliˬtu 6:8 ပူးပေါင်းရင်းမြစ်များ

Maꞈtehˬ 10:25

Zaqlanr tiq ghaq, saqlaq lof-aer durlar-awr, kuirlaf zaqkhav tiq ghaq, yawsanr ghaq lof-aer durlar nar-aq, nuikhanr shir-awq. Aqcawq, nymrsanr ghaq-anr Beqsaqburlar laer kur-euq nar-aq, aqyawf-euq miqsawrzaq deuq-anr ngeurdzaeq arnavni par kurdoer-eu paq nga!

Maꞈtehˬ 22:16

Khoernar-aq, aqyawf maf-euq zaqlanr hawr-eu Heqlor-euq armur-anr ur-eu tsawrhaq deuq-anr, Yeqsur jawr-eu gar khaerghae-awr heulof-aer bi narhaq-euq mae, “Saqlaq-or! Nawr-aq, tsaq-awr dawr-eu tiq ghaq pyeuf-awr, yawtsaq yawdawr dawr-aer Miqyaer-euq garma maeq-eu mae. Aqcawq noeqdoer lar-eu gar khanq maqlanr-aer, myavpyawq huiqnyir khawf maqtser-a laer nga’maf siqnya ma.

Maꞈtehˬ 27:63

“Sanqpaq-or! Aqcawq-anr sheuqbanq-eu khoerghaq daefluf ngae, aqyawf, ‘Smq nan byanlar nar-aq, ngar ghofdaeflar ma’ laer aer-eu gar nga’maf noeqtaq-euq ma.

Maˬkuˆ 12:14

Khoermirnae, aqyawfmaf lar-awr, aqyawf-anr heulof-aer aernaeq-euq mae, “Saqlaq-or! Nawr-aq, tsaq-awr dawr-eu tiq ghaq pyeuf-awr, yawtsaq yawdawr dawr-aer Miqyaer-euq garma maeq-eu mae. Aqcawq noeqdoer lar-eu gar khanq maqlanr-aer, myavpyawq huiqnyir khawf maqtser-a laer nga’maf siqnya-eu ma. Sanqpaq Gaersaq-anr jeq dovnaeq-eu tsaq mae lor, maqngeur nar-aq, maqtsaq-a laq?

Yoˇhaˬ 7:12

Tsawrhaq armaf deuq-euq yawkaq, aqyawf-euq garkawv lawflawf-aer jaluf-eu mae. Tiqpavnav deuq aer-eu, “Aqyawf-aq, yawmuiq mae.” Yawqdeuqyawq aer-eu, “Maqngeur-a, aqyawf-aq, tsawrhaq-anr sheuqbanq-eu tsawrhaq mae.”

Gʼaˬkʼehˇ 10:22

Khoerngae, aqyawfmaf aer-eu, “Yardzoeq guirhuq Gorneqlir-aq, Miqyaer-anr guv-awr, Yurdav tsawrjeuq tsawrca dawqtawv luf-euq lafkhoer tsawrmyanr muiq-eu, tsaq-awr dawr-eu tiq ghaq mae. Nawq-anr aqyawf-euq irkanr-euq lafkhoer kurur-awr, nawq-euq dawq narhaq-awq laer shawr-eu mqtav ghaqkhaer tiq ghaq, aqyawf-anr aernaeq le-euq mae.”

Gʼaˬkʼehˇ 16:39

Khoermirnae, aqyawfmaf oe-awr, aqyawf nyaf-anr tanqshar-euq mae. Khoernar-aq, aqyawf nyaf-anr kuv-anr nae sheuqdov-awr, meuq heumeuq-anr nae dov-ir naeqlaf laer shar-eu mae.

Gʼaˬkʼehˇ 22:12

“Khoergar, Aqnaqnir laer kur-eu tiq ghaq jawr-eu mae. Aqyawf-aq, khoergar jawr-eu Yurdav tsawrhaq dawqtawv luf-euq lafkhoer tsawrmyanr muiq-eu uqtaf, zanrdawq jav-eu lof-aer Miqyaer-anr guv-eu tsawrhaq tiq ghaq mae.

Gʼaˬkʼehˇ 24:5

Aqjeq mirnae aernar-aq, tsawrhaq heughaq-aq, zawr khav-eu nyawq-ir nya-eu nargawr-anr dur-eu tiq ghaq ngar-a laer nga’maf ya’mawr-euq ma. Mirtsaq-euq khoertav kharngeur-eu gar jawr-eu Yurdav tsawrhaq dawqtawvluf, puiqlarni janr-eu ghaq pyeuf-awr, maqtsaq-eu Naqzaqlaer baqmur-euq aqyuif khawf pyeufluf-eu mae.

Gʼaˬkʼehˇ 28:22

Aerkhawf, yawqgar navluf jawr-eu tsawrhaq, armur heumur-anr jadoer luf-eu mae laer nga’maf siqnya ma. Khoermirnae, nawr aqjox-aer noeq-eu le laer nga’maf gaqmawf mir-a.”

Gʼaˬkʼehˇ 4:21

Khoerngae, aqyawfmaf, tsawrhaq baqmaf-anr guv-eu lafkhoer, aqyawf nyaf-anr aqjox-aer khaeqnaeq-eu paq nga laer noeq maqdov-eu mirnae, aqyawf nyaf-anr guvtsiq yawkhav-aer parnyaef-awr pyaeqnaeq-euq mae. Aqjeq mirnae aernar-aq, khoergar pyeuflar-euq garkawv-euq baqda’nae, tsawrhaq dawqtawvluf Miqyaer-anr ciqhuiq ciqmanr luf-eu mae.

Gʼaˬkʼehˇ 5:13

Aqcawq tiqghaq-iq aqyawfmaf naeq-aer maq gawfler peuq-eu khawf, mirkhanqzaq, aqyawf maf-anr noeqpoeq-awr taqhuiq-eu mae.

Gʼaˬkʼehˇ 6:3

Khoermirnae, aqyuif aqnyir deuq-or! Nawmaf-euq lafkhoer tsawrmyanr muiq-awr, Yawshawr Saflar hawr-eu zaqsiq tsawrganr byan-eu tsawrhaq shif ghaq-anr tserdov-awq. Nga’maf, aqyawf maf-anr khaerdar naeq-awr gar heu bimr ma.

Lormav 3:8

“Yawmuiq jeq dovlarni, aqdui yawdoer jeq mr kar-eur” laer maqaer nya-a lor? Nga’maf khoerlof-aer aer-eu mae laer tsawrhaq tiqpavnav deuq yaeqbawq-aer jabu jadoer-eu mae. Khoerlof-aer aer-eu deuq-aq, yarkhaq dar-eu gar bidaq-eu tsaq mae.

2 Gawˇliˬtu 1:18

Miqyaer sarjax zif-eu lof-aer, ngaq nae nawmaf-anr aernaeq-euq dawqdeuq-aq, ngeur-eu jeq khawf maqngeur-eu jeq khawf, keuqkeuq soso-aer aer-eu maqngeur.

2 Gawˇliˬtu 11:21

Nga’maf khoerlof-aer janrni ghaqbaqbaq mir-a laer shafdawr-eu lafkhoer ya’aer-eu ngar-a! Aerkhawf, tsawrhaq tiqghaqnav aqjeq-euq garkawv-anr nae nuima khaqduqni ghae nar-aq, ngar khawf, nuima khaqduqni ghae ma. (Ngar heulof-aer ngaeq-eu-aq, aqdzawq argan lof-aer ngaeq-eu ma.)

2 Gawˇliˬtu 12:16

Dzeurlaf ngae, ngar, nawmaf-euq gharduq khavbaev maqpyeuf-aq. Aerkhawf, ngar tsawrganr zmq-awr, nawmaf-anr cawqtawv-awr cawqza-euq ma!

2 Gawˇliˬtu 4:2

Aerkhawf, nga’maf shafdawrlar paq-aer ghae-eu zaftaq-euq jeq byaerdzae jir-awr, jaqmyawf-euq lafkhoer maqdaef-aer, maershuir maqanrni, Miqyaer-euq dawq khawqluf-eu ma. Khoermirnae, Miqyaer-euq maeqshi, tsawrhaq dawqtawv luf-euq zaqsiq nuisiq-anr tsaqni, yawtsaq yawdawr-aq, nga’maf-anr byacaevni ciqpoeq luf-eu mae.

1 Teˇsaˬloˇni 2:3

Nga’maf, nawmaf-anr ghaq bif-euq khoer-aq, maqtsaq-eu jeq hawr-eu maqshawr-eu lafkhoer mr-euq maqngeur. Maershuir shuir-eu laer mr-euq khawf maqngeur.

1 Tiˆmoˇseˬ 3:7

Aqyawf-aq, lafnyir paw tsawrmyanr muiq-eu tsawrhaq yapyeuf-eu mae. Maqngeur nar-aq, aqcawq jabu jadoer-eu gar yadaq-awr, naef sanqpaq nae lanrju khmrtaq-euq gar pafler-eu baw-mr.

1 Tiˆmoˇseˬ 4:10

Khoer baqda’nae, arnyaf laejae-eu lafkhoer gar mr-awr dawqdoer daqluf-eu ma. Aqjeq mirnae aernar-aq, aqdui, daefluf-eu Miqyaer-anr noeqtmq luf-eu ma. Aqyawf-aq, tsawrhaq dawqtawv luf-anr Kakhof-eu ghaq pyeuf-awr, aqyawf-anr jan-eu deuq-euq gharduq, ngeurdzaeq Kakhof-eu ghaq pyeuf-eu mae.

HeˬByehˇ 13:13

Khoermirnae, aqdui khawf, saeqghawv-euq lafnyir paw aqyawf jawr-eu gar ir-awr, aqcawq yaeqbawq-aer ghaelar-eu gar Yeqsur daq-euq lof-aer, aqdui khawf daq-ir kar-eur.

1 Beˬtuˆluˆ 4:14

Kali-euq tsawrmyanr baqda’nae, aqcawq, nawmaf-anr yaeqbawq-aer aerlar nar-aq, nawmaf guiqlanqhuiq taef-a. Aqjeq mirnae aernar-aq, yawshaef khanqsaer hawr-eu Miqyaer-euq Saflar, nawmaf-euq khoertav jawrluf-eu mae.

3 Yoˇhaˬ 1:12

Deqmeqdeqlir yawmuiq mae laer tsawrhaq dawqtawvluf sarkir kamq-eu mae. Yawtsaq yawdawr jeq khawf aqyawf-euq gharduq sarkir kamqluf-eu mae. Nga’maf khawf aqyawf-euq gharduq sarkir kamq-eu ma. Nga’maf kamq-eu jeq tsaq-awr dawr mae laer nawr siqnya mae.

Panmaeq 3:9

Aqdir Yurdav tsawrhaq maqngeur-eu gar, Yurdav tsawrhaq ma laer jaqmyawf myawf-eu, naef Saqdaq-euq zanrdawq khawqnymr-anr gawf-eu deuq, nawq-euq aqkuir-euq dawqpae lar-awr awbyavni ngar janr ma. Khoerngae, ngar, nawq-anr gaq-eu ngar-a laer aqyawfmaf yasiq taef-a.