2 Gawˇliˬtu 6:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ yawtsaq yawdawr-euq dawq maeq-eu, Miqyaer-euq baoq-anr ghoe-eu, tsaq-awr dawr-eu guirdeuv keuka, arcar armar-aer tuvtaeq taq-awr mr-euq ma.

Akha

⁷ maˇ jawˆ ni gʼeh-eu gʼoeˇ-eu gaˬ-eu jeˬ-ahˇ gʼoe-eu laꞈ kʼoeˇ maˬ ehˇ, Miˬyehˇ-euˬ baoˬ-ahˇ gʼoe-eu laꞈ kʼoeˇ maˬ ehˇ, kʼoeˇ loꞈ-ehˇ bi mawˇ leˇ-euˬ ma. Nga maꞈ-euˬ guiˇ deuˆ-eu keu ka pyeuꞈ-eu yaw tsaˬ yaw dawˇ jeˬ-ahˇ, aˇ caˇ aˇ maˇ nyiˬ laꞈ luꞈ tuˆ tehˬ taˬ-euˬ ma.

2 Gawˇliˬtu 6:7 ပူးပေါင်းရင်းမြစ်များ

Jaceuq 119:43

Ngaq-euq khaqmae-anr nae yawtsaq yawdawr-euq dawq taq yurdovjir naeqlaf. Aqjeq mirnae aernar-aq, ngar, nawq-euq bifdawq-anr noeqtmq taq-euq ma.

Dawqdaq 3:16

Zaqsiq tsawrganr-euq armar laf-anr zirbaw zirza-eu jeq anr-awr, Arcar laf-anr smrmuiq muiq-eu jeq hawr-eu taqhuiq taqmanr-eu jeq anr-eu mae.

Maˬkuˆ 16:20

Zaqlanr deuq dov-ir-awr, yawqgar navluf dawqmaeq maeq-ir-euq mae. Sanqpaq Miqyaer, aqyawfmaf naeq-aer gar mr-awr, aqyawfmaf nae maeq-euq dawq bi duqdzaeq larni, bisiq bimawr-eu jeq khawf bi mawrluf-eu mae. Aqmeq.

Gʼaˬkʼehˇ 11:21

Sanqpaq Miqyaer-euq aqlaf, aqyawf maf-anr sheuqghae luf-eu mirnae, tsawrhaq ghawqmya’ni Sanqpaq Miqyaer-anr janlar-awr, aqyawf jawr-eu paw pyawrlar-euq mae.

1 Gawˇliˬtu 1:24

Aerkhawf, Miqyaer nae kharkur taq-euq tsawrhaq-euq gharduq-aq, Yurdav tsawrhaq hawr-eu Heqlaqsar tsawrhaq-euq gharduq khawf, Kali-aq, Miqyaer-euq baoq hawr-eu Miqyaer-euq zaqsiq tsawrganr pyeuf-eu mae.

2 Gawˇliˬtu 13:4

Aqyawf, ghaq baq-eu lafkhoer lafyaq-euq khoertav bi tafsaef-euq mae. Aerkhawf, Miqyaer-euq baoq baqda’nae daefluf-eu mae. Nga’maf khawf, aqyawf-euq lafkhoer ghaq baq-eu tsawrhaq ma. Aerkhawf, Miqyaer-euq baoq baqda’nae, nawmaf-euq gharduq nga’maf, Kali naeq-aer yadaef taef-a.

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.

2 Gawˇliˬtu 4:2

Aerkhawf, nga’maf shafdawrlar paq-aer ghae-eu zaftaq-euq jeq byaerdzae jir-awr, jaqmyawf-euq lafkhoer maqdaef-aer, maershuir maqanrni, Miqyaer-euq dawq khawqluf-eu ma. Khoermirnae, Miqyaer-euq maeqshi, tsawrhaq dawqtawv luf-euq zaqsiq nuisiq-anr tsaqni, yawtsaq yawdawr-aq, nga’maf-anr byacaevni ciqpoeq luf-eu mae.

2 Gawˇliˬtu 7:14

Ngar maq shafdawrni Tirtuv-euq maeqshi, nawmaf-euq garkawv khanqsaer jaev-euq ma. Nga’maf, nawmaf-anr yawqdawq navluf dawrcoeni ngaeqnaeq-euq lof-aer, Tirtuv-euq maeqshi ngaq nae nawmaf-euq garkawv khanqsaer jaev-euq-aq tsaq duidui-eu mae.

Eˇpeˇsu 1:13

Nawmaf-anr kakhof nya-eu yawtsaq yawdawr-euq guiqlanq dawq-anr yagaq ngae, nawmaf, Kali-anr ghoelar-euq mae. Khoermirnae, jan-eu lafkhoer sarjax biftaq-euq lof-aer, Yawshawr Saflar-anr ghoe-awr nawmaf-anr jmq diqtaq-euq mae.

Eˇpeˇsu 3:20

Aqdui-euq lafkhoer gar mrluf-eu aqyawf-euq baoq-anr ghoe-awr, aqdui sharnoeq-awr tanqshar nya-eu navmaqtser, ardzaeq paw-aer tiqbyan tiqlof mrpyeuf nya-eu Miqyaer-anr taqhuiq taqmanr kar-eur.

Eˇpeˇsu 4:21

Yeqsur-euq lafkhoer yawtsaq yawdawr anr-eu lof-aer, aqyawf nae nawmaf-anr bimaeq-awr, nawmaf, aqyawf-euq dawq yagaq-euq ngeur nar-aq,

Gawˇlawˇsehˇ 1:5

Khoeruqtaf, nawmaf-euq gharduq mq-euq khoertav jeqhmq taq-euq noeqtmq-eu jeq-euq baqda’nae khawf, Miqyaer-anr jaceuq luf-eu ma. Noeqtmq-eu jeq khoer-aq, dzeurlaf ngae, nawmaf nae yagaq-euq dawq yawtsaq yawdawr-euq guiqlanqdawq khoer mae.

1 Teˇsaˬloˇni 5:8

Aerkhawf, aqdui-aq, nan’ghanr-anr taf-eu tsawrhaq mirnae, yawha-euq nuima-anr ghaqler-eu tsaq mae. Jan-eu jeq hawr-eu gaq-eu jeq khanq-anr daeqdaq-eu jeq lof-aer dm-awr, kakhof-eu jeq za mae laer noeqtmq-eu jeq, shmr uqkhov lof-aer khov kar-eur.

2 Tiˆmoˇseˬ 2:15

Nawr, Miqyaer-euq maeqshi, tsermr haw-eu jeq-anr daqdzeur nya-eu tsawrhaq, shafdawr khar maqza-eu gar mrzaq hawr-eu yawtsaq yawdawr-euq dawq-anr dawrcoeni maeqnaeq nya-eu tsawrhaq pyeuflarni laejae duidui-awq.

2 Tiˆmoˇseˬ 4:7

Ngar guirdeuv yawmuiq-aer deuv-awr, ngar caev paq-aer ghae-eu garma caevli-euq ma. Ngar jan-eu jeq-anr zifdanni nyaeftaeq laf-euq ma.

HeˬByehˇ 2:4

Miqyaer, aqyawf nuima tsaq-eu lof-aer bisiq bimawr-eu jeq, zanqler paq-aer ghae-eu jeq hawr-eu khavjeq-aer ghae-eu jeq ghawqmya jeq mr-awr, Yawshawr Saflar-euq lafsawq bizmq-eu lafkhoer sarkir kamqnaeq laf-euq mae.

Yaˬkoˆ 1:18

Khar baetaq-euq yawqjeq navluf-euq lafkhoer, aqdui-aq, awfbae baelar-euq arsiq lof-aer pyeufni, aqyawf nuima khartsaq-eu lof-aer yawtsaq yawdawr-euq dawq-anr ghoe-awr, aqdui-anr bi daefle-euq mae.