2 Gawˇliˬtu 6:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nuima shawr-eu, siqnya-eu tsawrganr zmq-eu, nuinoeq ghawqmanrni noeq-eu, ghawqshaq gaq-eu, Yawshawr Saflar-anr ghoe-eu, nuima shawrjaevni gaq-eu,

Akha

⁶ Nga maꞈ-euˬ muiˬ-eu shawˇ-eu nui ma, zaˬ siˬ nui gahˇ, oˇ oꞈ coeˇ-eu jeˬ hawˇ-eu, gʼawˬ shaˬ gaˬ nya-eu nui ma-ahˇ gʼoe gʼoe-ehˇ, nga maꞈ Miˬyehˇ-euˬ zaˬ kʼaˆ pyeuꞈ-eu gaˇ kawˆ aˬ cawˬ-ahˇ bi mawˇ leˇ-euˬ ma. Muiˬ-eu Shawˇ-eu Yaw sahˇ miˬyehˇ-ahˇ gʼoe-eu laꞈ kʼoeˇ maˬ ehˇ,

2 Gawˇliˬtu 6:6 ပူးပေါင်းရင်းမြစ်များ

Lormav 12:9

Nawmaf, gaq-eu jeq jaqmyawf maqbi anrni, aqdir gaq-eu jeq bipyeuf-awq. Yawdoer jeq-anr byae-awr, yawmuiq jeq-anr zifdanni nyaeftaeq taq-awq.

Lormav 15:19

Baoq huiq-eu bisiq bimawr-eu jeq hawr-eu zanqler paq-aer ghae-eu jeq heudeuq, Miqyaer-euq Saflar-euq baoq-anr ghoe-awr mr-euq ma. Khoerlof-aer mrmr-aer, ngar, Yeqlursaqlaeq-anr nae Irlurliv-anr keuvni, Kali-euq garkawv guiqlanqdawq maeqdoe-euq ma.

1 Gawˇliˬtu 12:8

Muiq-eu Saflar-aq, tiq ghaq-anr zaqsiq tsawrganr-euq dawq bif-awr, muiq-eu Saflar heughaq, tiq ghaq-anr-aq, siqnya-eu tsawrganr-euq dawq bif-eu mae.

1 Gawˇliˬtu 13:4

Gaq-eu jeq-aq, nuinoeq ghawqmanrni noeq-awr, ghawqshaq gaqnya-eu mae. Gaq-eu jeq-aq, myav maqnav-aer, maq janrghae-eu uqtaf, nuima maqhuiq-a.

1 Gawˇliˬtu 2:16

Aqjeq mirnae aernar-aq, “Sanqpaq Miqyaer-anr maeqnaeqler paq-aer aqyawf-euq nuinoeq nuima-anr siqnya-eu aqsur ghaq jawr-eu la?” (Isy 40:13) Aerkhawf, aqdui-aq, Kali-euq nuinoeq nuima anr-eu ma.

1 Gawˇliˬtu 2:4

Ngar dawq ngaeq-eu khawf, dawqmaeq maeq-eu khawf, tsawrhaq-euq zaqsiq tsawrganr anr-eu dawq zmq-awr mur-euq maqngeur, muiq-eu Saflar hawr-eu baoq-anr ghoe-awr mrmaeq mrmawr naeq-euq ma.

2 Gawˇliˬtu 1:23

Ngar, Miqyaer-anr kur-awr, ngaq-euq nuima-euq gharduq sarkir bikamq ma. Ngar, Gawrliqtu-anr maqoe-euq khoer-aq, nawmaf-anr maqbi deuqlarni taqnaeq mawf-eu mirnae ma.

2 Gawˇliˬtu 11:11

Aqjeq mirnae la? Ngar, nawmaf-anr maqgaq-eu mirnae-a lor? Ngar, nawmaf-anr gaq-eu Miqyaer siqnya mae.

2 Gawˇliˬtu 11:4

Nga’maf nae dawqmaeq maeq-euq Yeqsur maqngeur-eu, Yeqsur nuighaq-euq garkawv maeqlar-awr, nawmaf nae hageuf-euq Saflar maqngeur-eu, saflar nuijeq-anr hageuf-eu uqtaf, nawmaf nae hageuf-euq guiqlanqdawq maqngeur-eu, guiqlanqdawq nuijeq-anr hageuf-awr nae zawr-aer daqnya-eu nga aerlawq!

2 Gawˇliˬtu 11:6

Ngar dawq ngaeq-eu paw maq dzawlaf-euq khawf, siqnya-eu tsawrganr paw-aq maqteq. Khoer-aq, yawqjeq navluf-euq lafkhoer nga’maf, nawmaf-anr byacaevni bimawr-euq ma.

2 Gawˇliˬtu 12:15

Ngar, nawmaf-anr gaq-eu myaqlarluf ngae, nawmaf, ngaq-anr gaq-eu cuiv-ir luf-eu khawf, nawmaf-euq nuima saflar gharduq, laqkhaq caertavni ngar jav-eu jeq zmq-awr, ngaq-euq mawrdo-anr khawf bizmq ma.

2 Gawˇliˬtu 13:10

Khoermirnae, ngar, nawmaf jawr-eu gar oekeuv ngae, Sanqpaq Miqyaer nae ngaq-anr aryaq bifnaeq laf-euq lof-aer nawmaf-anr yawkhav-aer maqya janrnaeqni, ngar, nawmaf jawr-eu gar maqjawr ngae, garkawv heudeuq sanqbof bofanr lef-eu ma. Aryaq yawkhav-aer zmq-eu-aq, lavcawv-eu gharduq maqngeur-a, bihuiq bi manrlar-eu gharduq mae.

2 Gawˇliˬtu 2:10

Nawmaf, tsawrhaq tiqghaq nav-euq iqbax-anr pyaeqnaeq nar-aq, ngar khawf khoerghaq-euq iqbax-anr pyaeqnaeq ma. Ngar iqbax tiqjeqnav pyaeqnaeq-eu-aq, nawmaf-euq gharduq Kali-euq maeqshi pyaeqnaeq-eu ma.

2 Gawˇliˬtu 2:4

Dzeurlaf ngae, ngar nuima-euq lafkhoer shaqzanq mr duidui-awr, khanqlanr duidui-eu lafkhoer, myavbir juju-aer nawmaf-anr sanqbof khoer bofanr lef-euq ma. Nawmaf-anr bi noeqshaq-eu laer bofanr lef-euq maqngeur, ngar, nawmaf-anr gaq duidui ngar-a laer nawmaf yasiqni bofanr lef-euq ma.

2 Gawˇliˬtu 3:3

Nawmaf-aq, Kali nae nga’maf-anr ghoe-awr boftaq-euq sanqbof ngar-a laer byacaevni javluf-eu mae. Sanquir nae boftaq-euq sanqbof maqngeur-a, daefluf-eu Miqyaer-euq Saflar nae boftaq-euq mae. Khaqlo terbyaf-anr boftaq-euq khawf maqngeur-a, shiqshaq-euq terbyaf pyeuf-eu nuima-euq lafkhoer boftaq-euq sanqbof mae.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

2 Gawˇliˬtu 7:2

Nga’maf-anr nawmaf-euq nuima pannaeq laf-awq. Nga’maf tiqghaq-anr-iq maq mrlaeq-aq, tiqghaq-anr-iq maq lavcawv-aq, tiqghaq-anr-iq maq shuirdzaq haw-aq.

Gaˬlaˬtiˆ 3:2

Ngar, nawmaf-anr tiqjeq narhaq mawf-eu taef mir-a. Nawmaf, Yawshawr Saflar za-euq-aq, zanrdawq-anr mrcaw-euq mirnae-a lor? Maqngeur nar-aq, guiqlanqdawq yagaq-awr jan-euq mirnae-a laq?

Gaˬlaˬtiˆ 3:5

Khoeruqtaf, Miqyaer, nawmaf-anr Yawshawr Saflar bifnaeq lef-awr, nawmaf-euq lafkhoer khavjeq-aer ghae-eu jeq janrdov laf-eu-aq, nawmaf zanrdawq-euq maeqnan cantae-euq mirnae-a lor? Maqngeur nar-aq, nawmaf guiqlanqdawq yagaq-awr jan-euq mirnae-a laq?

Gaˬlaˬtiˆ 5:22

Aerkhawf, muiq-eu Saflar-euq arsiq-aq: gaq-eu, laqkhaq caer-eu, nuisar of-eu, nuinoeq ghawqmanrni noeq-eu, ghawqshaq gaq-eu, yawmuiq jeq mr-eu, sarjax zif-eu,

Eˇpeˇsu 3:4

Nawmaf gui-euq nar-aq, ngar, Kali-anr taf-eu zaftaq-euq jeq-anr ngaq-euq siqnya-eu tsawrganr garkawv, nawmaf ghovshaw nyalar taef-a.

Eˇpeˇsu 4:2

Yawqjeq navluf-euq lafkhoer, nuinanq nuiyu anr-awr, nuima nanqyuni ghae-eu uqtaf, nuinoeq ghawqmanrni noeq-awr, gaq-eu lafkhoer tiqghaq tirghaq or-awq.

Eˇpeˇsu 4:32

Kali-euq lafkhoer, Miqyaer, nawmaf-anr iqbax pyaeqnaeq-euq lof-aer, nawmaf khawf tiqghaq tirghaq iqbax pyaeq-awr, nuima nanqyuni ghae-eu lafkhoer, tiqghaq tirghaq ghawqshaq gaq-awq.

Gawˇlawˇsehˇ 1:27

Zaftaq-euq heujeq, yawshaef khanqsaer arnavni sanr-eu garkawv, Miqyaer, aqcawq tsawrjeuq tsawrca-euq ghanrcae jawr-eu aqyawf maf-anr bi siqnya mawf-eu mae. Zaftaq-euq jeq heu-aq, Kali, nawmaf-euq lafkhoer jawr-eu mirnae, nawmaf, yawshaef khanqsaer za’ni noeqtmqduq pyeuf-eu mae.

Gawˇlawˇsehˇ 2:3

Poeq-awr lawq-eu zaqsiq tsawrganr hawr-eu siqnya-eu tsawrganr dawqtawvluf, Kali-euq lafkhoer zaftaq-euq mae.

Gawˇlawˇsehˇ 3:12

Nawmaf-aq, Miqyaer nae tserdov taq-awr, aqyawf zawr gaq-awr shawr-eu tsawrhaq pyeuf-eu mirnae, ghawqshaq gaq-eu, yawmuiq jeq mr-eu, nuinanq nuiyu anr-eu, nuima nanqyuni ghae-eu, nuinoeq ghawqmanrni noeq-eu, heudeuq dmdav-awq.

1 Teˇsaˬloˇni 2:10

Nga’maf, nawmaf naeq-aer jawr ngae, kharmr kharshaq-euq jeq-aq, yawmuiq yawshawr, tsaq-awr dawr-eu hawr-eu iqbax taqkhar maqza-a laer Kali-anr jan-eu nawmaf hawr-eu Miqyaer khawf sarkir pyeuf-eu mae.

1 Tiˆmoˇseˬ 4:12

Nawr zaqguq pyeuf-eu mirnae, aqcawq nae yaeqbawq-aer taqbi hawdoer. Ngaeq-awr tmr-eu paw, mr-awr shar-eu paw, gaq-eu paw, saflar paw, jan-eu paw hawr-eu shawrjaevni daef-eu paw, jan-eu tsawrhaq, nawq-anr hawgeuf dzawgeufduq pyeuf paq-aer daef-awq.

1 Tiˆmoˇseˬ 5:2

Aqpiq tsawrmawq deuq-anr yawqha-euq aqma laer sawx-awr, aqbur zaqguq deuq-anr yawqdzer dzaq-anr navluf nuima shawrjaevni ghae-eu lafkhoer, yawqha-euq dmrma laer sawx-awr ghaq bif-awq.

2 Tiˆmoˇseˬ 3:10

Aerkhawf, nawr-aq, ngaq-euq dawqmaeq dawqtsov, mr-awr shar-eu, noeqtmq-eu, jan-eu, nuinoeq ghawqmanrni noeq-eu, gaq-eu, or-eu nuima anr-eu, heudeuq-anr yawmuiq-aer cantae-euq mae.

2 Tiˆmoˇseˬ 4:2

Yaerdawq yawmuiq-aer maeq-awq! Aryamq za ngae khawf, maqza ngae khawf maeq-eu laer laeqhmq taq-awq. Mrlaeq-euq deuq-anr toeqmaeq-awr, yawkhav khav-aer maeqpar tsovpar naeq-awq. Yawqjeq navluf-euq lafkhoer nuinoeq ghawqmanrni noeq-awr maeq-eu uqtaf, ghaq khawf bif-awq.

Tiˇtuˆ 2:7

Aqyawfmaf dzawgeuf nya’ni, yawqjeq navluf-euq lafkhoer, nawr yawmuiq jeq taef-aer mr-awr, dawqmaeq dawqtsovtsov ngae, nuima keuv-awr yawzeu baw-eu lafkhoer, dawrcoeni maeqnaeq tsovnaeq-awq.

Yaˬkoˆ 3:17

Aerkhawf, mq-anr nae dovle-euq zaqsiq tsawrganr yawbae jeq-aq, yawshawr mae. Khoeruqtaf, tsaqler dzoerler-eu jeq hawr-eu nuinanq nuiyu anr-awr, narhaqgeuf nya-eu jeq hawr-eu ghawqshaq gaq-eu nuima tiqbyanni anr-eu uqtaf, yawmuiq jeq mr-awr, myavpyawq huiqnyir maqtser-aer, yawmuiq janrgeuf-eu jeq maqanr-a.

1 Beˬtuˆluˆ 1:12

Miqyaer gharduq ngaeqdan-eu khoerdeuq, aqyawfmaf gar mr-eu-aq, yawqha-euq gharduq mr-eu maqngeur-aer, aqdui-euq gharduq mr-eu mae laer Miqyaer, aqyawf maf-anr panmaeq naeq-euq mae. Mq-anr nae bi’oe-euq Yawshawr Saflar, aqyawf maf-anr panmaeq naeq-euq mirnae, nymq-mr aqyawfmaf guiqlanqdawq khoerdeuq, nawmaf-anr maeqnaeq luf-eu mae. Mqtav ghaqkhaer deuq khawf, khoerdeuq-anr mawrmawf duidui-eu mae.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

1 Yoˇhaˬ 3:18

Ngar gaq-eu zaqdeuq-or! Aqdui tiqghaq tirghaq gaq-eu jeq, dawq hawr-eu maeqlar nae taef-aer taqgaq. Aerkhawf, yawtsaq yawdawr-euq lafkhoer gaq-awr mrdov shardov laf-awq.