2 Gawˇliˬtu 6:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ diq-eu, kuv-anr dawv-eu, tsawrhaq baqmaf-aer luiqgha lar-eu, gar yawkhav-aer mr-eu, maqya yufkhav daev-eu hawr-eu maqya dzaq maqya dawr-eu, heudeuq-anr daqdaq-aer mr-euq ma.

Akha

⁵ Aˬ cawˬ neh bi diˬ dui dui-euˬ, tawˬ-ahˇ bi dawˆ-euˬ, tsawˇ haˬ aˇ maꞈ neh yehˬ bawˬ-ehˇ bi gʼeh-euˬ, gaˇ aˇ dzehˬ mˇ dzeuˇ-euˬ, maˬ ya yuꞈ dehˆ-euˬ, maˬ ya dzaˬ maˬ ya dawˇ dehˆ-euˬ, heu deuˬ-ahˇ nga maꞈ daˬ-euˬ ma.

2 Gawˇliˬtu 6:5 ပူးပေါင်းရင်းမြစ်များ

Maꞈtehˬ 14:10

Khoernar-aq, aqyawf, aqcawq-anr khaerghae-awr, kuv-anr ur-eu Yorhaq-euq uqduq bi tovlaq-ir-euq mae.

Maꞈtehˬ 14:3

Aqyawf-euq maernmr Pirlirpuv-euq nymrdanq Heqlordir baqda’nae, Heqlor, Yorhaq-anr binyaef-ir-awr paf-awr kuv-anr dawvtaq-euq mae.

Maꞈtehˬ 9:15

Yeqsur, aqyawf maf-anr heulof-aer aernaeq-euq mae: “Yoshuif ghaq, cawqdeuq naeq-aer jawr ngae, cawqdeuq ghawqshaq-aer ghae taef-a lor? Aerkhawf, yoshuif ghaq-anr lavghawq-eu arnan keuvle taef-a. Khoerngae, aqyawfmaf dzardzaq yasheuq taef-a.

Gʼaˬkʼehˇ 13:3

Khoernar-aq, aqyawfmaf dzardzaq sheuq-awr guiqlanq shar-eu lafkhoer, aqyawf nyaf-euq khoertav aqlaf bafdav naeq-awr khaerdov ghae-euq mae.

Gʼaˬkʼehˇ 14:19

Khoerngae, Yurdav tsawrhaq Aqdirawq hawr-eu Irgawrnir-anr nae khoergar oe-euq mae. Aqyawfmaf, tsawrhaq armaf mafma-anr gheupyawr nya-awr, Pawrluv-anr khaqlo bibiq-euq mae. Aqyawf shir-euq jeq nga laer noeq-awr, meuq-euq lafnyir gheudzae-ir-euq mae.

Gʼaˬkʼehˇ 14:23

Aqyawfnyaf, Kalizaq armur yawqmur navluf-anr, aqyuif aqtsu tserdov naeq-awr, dzardzaq sheuq-awr guiqlanq shar-eu lafkhoer, aqyawfmaf janluf-eu Sanqpaq Miqyaer-euq aqlaf-euq lafkhoer a’naeq yaf-euq mae.

Gʼaˬkʼehˇ 17:5

Aerkhawf, maqjan-eu Yurdav tsawrhaq deuq myavnav nav-eu mirnae, povka laevkawv kharngeur-eu gar jawr-eu tsawrdoer deuq-anr dae’uiq-awr, meuq khoermeuq bi luiqgha lar-euq mae. Aqyawfmaf, Yaqsoq-euq nymr-anr tanqur lef-awr, Pawrluv hawr-eu Siqlav-anr tsawrhaq khoermyav ni-euq maeqshi gheudov-eu laer pov-euq mae.

Gʼaˬkʼehˇ 20:31

Khoermirnae, nawmaf yawbeur beur-aer jawr-awq. Ngar smr khof byanni uqcif nan’ghanr maqaer, maq naqlerni myavbir dovdov-aer, nawmaf yawqghaq navluf-anr aernoeq naeq-euq gar noeqmawr-awq.

Gʼaˬkʼehˇ 23:10

Khoerngae, tsawrpyaer pyaer duidui-eu mae. Tsawrhaq khoerdeuq, Pawrluv-anr gheupav gheushav baw-mr laer tanrdzoeq guirhuq khanqlanr-eu mae. Khoermirnae, guirzaq-anr khaer-awr, aqyawf maf-euq ghanrcae nae Pawrluv-anr ludov laq-ir-awr, guirzaq-euq jawrnymr-anr sheuqur laf-awq laer dawq bif-euq mae.

Gʼaˬkʼehˇ 23:35

aer-eu, “Nawq-anr yawlaeq daq-eu deuq oekeuv ngae, ngar, nawq-euq garkawv par narhaqduq ma.” Khoernar-aq, Pawrluv-anr Heqlor-euq guirmaf-euq dzoeqnymr-anr kalanr taq-awq laer dawq bif-euq mae.

Gʼaˬkʼehˇ 24:27

Nyiq khof byanlar ngae, Peqlir-euq jawrzar-anr Bawrgir Beqtur dzoeqdzaq mrlar-euq mae. Peqlir, Yurdav tsawrhaq-anr ya yurmawf-eu mirnae, Pawrluv-anr kuv-euq lafkhoer bi uryaf-euq mae.

Gʼaˬkʼehˇ 26:10

Yeqlursaqlaeq-anr khawf ngar heulof-aer mr-euq ma. Pirma aqyuif deuq nae bif-euq aryaq za-awr, tsawrshawr ghawqmya ghaq-anr nyaef-awr kuv-anr dawv-euq ma. Aqyawf maf-anr diqsaef paq-aer ghae-eu mae lor laer aqcawq narhaq ngae, ngar khawf nuima tsaq-euq ma.

Gʼaˬkʼehˇ 26:29

Khoerngae, Pawrluv aer-eu, “Ngaq-euq navni jav-eu lawnmr-aq, nawr taef-aer maqngeur-eu, iqnan ngaq-euq dawq narhaq luf-eu tsawrhaq dawqtawvluf khawf, shmrcav daq-eu heu tiq hmq maqngeur nar-aq, ngar lof-aer pyeuflarni, ngar, Miqyaer-anr guiqlanq sharluf-eu ma.”

Gʼaˬkʼehˇ 28:30

Khoernar-aq, Pawrluv, aqyawf nae ngaqtaq-euq nymr-anr nyiq khof byanni jawr-awr, aqyawf jawr-eu gar kharlar-eu tsawrhaq dawqtawv luf-anr hageuf-euq mae.

Gʼaˬkʼehˇ 5:18

Khoerngae, aqyawfmaf, ghaqkhaer deuq-anr nyaef-awr kuv-anr nyaefur taq-euq mae.

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

1 Gawˇliˬtu 4:11

Nymq-mr keuvni, nga’maf hawq maef-awr ircuf maefluf-eu ma. Dmghaq dmlmr maqlof-aer, diqlar khovlar-eu gar daqluf-eu uqtaf, jawrduq maqjav-aer shaqluf-eu ma.

1 Gawˇliˬtu 7:5

Dzardzaq sheuq-awr guiqlanq shar-eu gharduq, nyiq ghaqluf nuima tsaq-awr tiqkhaeq lafkhoer, maq yuftaf-eu laer maqngeur nar-aq, miqzaq yozaq-euq yawkaq maq yuftaf laer aer-eu maqtsaq-a. Khoer dzeur-euq nar-aq par yuftaf-awq. Heu-aq, nawmaf, yawqha-euq nuima-anr maq ghaqler-aer jawr ngae, naef Saqdaq, nawmaf-anr maqbi murni khmq-eu jeq pyeuf-eu mae.

2 Gawˇliˬtu 11:27

Laejae-awr gar mr-euq mirnae ghaqdoerdoer duidui-awr, maqmyanr kaq-anr maqya yufdaev-eu uqtaf, hawq maef-awr ircuf maef-eu hawr-eu ghawqmya pov maqdzaq maqdawrni dzanq-euq ma. Yawgav gavgav-aer nermyawvni khawf ya shaqhaw-euq ma.

Eˇpeˇsu 3:1

Ngar-aq, aqcawq tsawrjeuq tsawrca pyeuf-eu nawmaf-euq gharduq, Yeqsur Kali-euq baqda’nae, kuv-anr bi nyaefur taq-euq Pawrluv ma.

Piˇliˇpiˆ 1:13

Khoerlof-aer pyeuflar-euq mirnae, ngar, Kali-euq gharduq shmrcav daqluf-eu mae laer, sanqpaq-euq nymr-anr lofpir-eu deuq hawr-eu, nuideuq dawqtawvluf byacaevni siqnya-eu mae.

1 Teˇsaˬloˇni 2:9

Aqyuif aqnyir deuq-or! Nga’maf, nawmaf naeq-aer jawr ngae, mrdui shar duidui-awr, laejae duidui-euq gar nawmaf noeqdovlar taef-a. Nawmaf-anr Miqyaer-euq guiqlanqdawq maeqnaeqluf ngae, nawmaf tiqghaq-anr-iq khavbaev maqya pyeufni, nga’maf uqcif nan’ghanr maqaer gar mr-euq ma.

1 Tiˆmoˇseˬ 4:10

Khoer baqda’nae, arnyaf laejae-eu lafkhoer gar mr-awr dawqdoer daqluf-eu ma. Aqjeq mirnae aernar-aq, aqdui, daefluf-eu Miqyaer-anr noeqtmq luf-eu ma. Aqyawf-aq, tsawrhaq dawqtawv luf-anr Kakhof-eu ghaq pyeuf-awr, aqyawf-anr jan-eu deuq-euq gharduq, ngeurdzaeq Kakhof-eu ghaq pyeuf-eu mae.

2 Tiˆmoˇseˬ 1:8

Khoermirnae, aqdui-euq Sanqpaq Miqyaer-euq garkawv sarkir kamq-eu taq shafdawr, aqyawf-euq gharduq kuv-anr urluf-eu ngar baqda’nae khawf taq shafdawr. Aerkhawf, Miqyaer-euq baoq-anr ghoe-eu lafkhoer, guiqlanq dawq-eu gharduq ngaq naeq-aer tiqkawv lof-aer shaqzanq daq-awq.

2 Tiˆmoˇseˬ 2:9

Guiqlanqdawq heu baqda’nae, yawdoer jeq mr-euq tsawrhaq tiq ghaq-anr shmrcav nae paf-eu lof-aer, ngaq-anr paf-awr, ngar shaq-awr zanq-eu jeq-anr ya daqluf-eu ma. Aerkhawf, Miqyaer-euq dawq-anr shmrcav nae maq paftawf nya-a.

2 Tiˆmoˇseˬ 4:5

Aerkhawf, nawr-aq, yawqjeq navluf-euq lafkhoer yawqha-euq nuima-anr ghaqler-eu tsawrhaq pyeuf-awq. Shaqzanq nargawr-anr daq-awr, guiqlanqdawq maeq-eu uqtaf, nawq-euq guiqlanq-euq gar mrluiv-awq.

HeˬByehˇ 11:36

Tiqpavnav deuq-aq, aqcawq aqjaf jaf-awr, yanqcav nae juif-eu gar yadaq-euq uqtaf, shmrcav nae bipaf-awr, kuv-anr nyaefur-eu gar khawf yadaq-euq mae.

HeˬByehˇ 13:17

Nawmaf-anr uvlanr-eu deuq-anr narhaq geuf-awr, aqyawf maf-euq lafov yawmuiq-aer jawr-awq. Aqjeq mirnae aernar-aq, aqyawfmaf, Miqyaer-anr ya dzawrnaeq ler-eu lof-aer, nawmaf-euq nuima saflar-anr hawpir luf-eu mae. Aqyawfmaf hawpirluf ngae, laqkhaq caertavni bi mrnya-awq. Noeqshaq-eu lafkhoer mr-eu jeq taqbi pyeuf, khoerlof-aer ngeur nar-aq, nawmaf-euq gharduq khawf gardanr maqtsoeq-a.

HeˬByehˇ 13:23

Aqdui-euq maernmr Tivmorseq, kuv-anr nae bi pyaeqdov ghaq-euq mae. Aqyawf yawkawr-aer larkeuv nar-aq, ngar khawf aqyawf naeq-aer nawmaf jawr-eu gar lar mae laer siqnya-awq.

Panmaeq 2:10

Nawr yadaq-eu laer ghae-eu shaqzanq deuq-anr taqguv. Naef sanqpaq-aq, nawmaf-anr tsermr haw-eu laer nawmaf tiqpavnav deuq-anr kuv-anr nyaefur-awr, tser nan byanni khaeq-awr khav-eu gar yadaq taef-a. Nawr shir ngae keuvni sarjax zif-awq. Zif nar-aq, ngar, nawq-anr daef-eu jeq-euq shuir uqkhov bif ma.