2 Gawˇliˬtu 6:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aerkhawf, nga’maf yawqjeq navluf-euq lafkhoer yawqhar yawqha, Miqyaer-euq guiqlanq-euq gar mrzaq ma laer noeqpoeq-awr, heudeuq-anr yadaq-euq ma: yawkhav-aer ya’or-eu, shaqzanq myaq-eu, mawf-awr nym-eu, noeqshaq-eu,

Akha

⁴ Ehˇ kʼawꞈ, kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nga maꞈ Miˬyehˇ-euˬ zaˬ kʼaˆ pyeuꞈ-eu gaˇ kawˆ aˬ cawˬ-ahˇ mawˇ leˇ ni, shaˬ-eu zahˬ-eu jeˬ, noeˬ dui noeˬ duiˇ-eu jeˬ, nui ma shaˬ zahˬ naꞈ-eu jeˬ, heu deuˬ-ahˇ oˇ oˇ-ehˇ daˬ dui dui luꞈ ma.

2 Gawˇliˬtu 6:4 ပူးပေါင်းရင်းမြစ်များ

Luˇkaꞈ 21:19

Nawmaf orcoer-eu baqda’nae, nawqmaf-euq nuima saflar za taef-a.”

Yoˇhaˬ 16:33

Nawmaf, ngaq-euq lafkhoer nuisar of-eu jeq za’ni, ngar, nawmaf-anr garkawv heudeuq aernaeq-eu ma. Mirtsaq-euq khoertav jawr ngae, nawmaf shaq-awr zanq-eu jeq-anr yadaq taef-a. Aerkhawf, nawmaf nuima zif-awr laqkhaq caer-awq, ngar, mirtsaq-anr ghaqler-euq ma.”

Gʼaˬkʼehˇ 2:22

“Irsaqleqlav tsawrhaq deuq-or! Ngar aer-eu gar narhaq sher-eq. Miqyaer, Naqzaqlaer tsawrhaq Yeqsur-anr ghoe-awr, nawmaf-euq ghanrcae khavjeq-aer ghae-eu jeq, zanqler paq-aer ghae-eu jeq hawr-eu bisiq bimawr-eu jeq bimr-awr, Miqyaer nae nawmaf-euq gharduq sarkir bipyeuf-euq ghaq mae laer nawmaf yawqghaq navluf siqnya-eu lof-aer mae.

Gʼaˬkʼehˇ 20:34

Ngar hawr-eu ngaq naeq-aer jawr-eu deuq mawf-eu jeq za’ni, ngaq-euq aqlaf heu aqmyanluf mrluf-eu mae laer nawmaf siqnya-eu mae.

Gʼaˬkʼehˇ 9:16

Ngaq-euq tsawrmyanr baqda’nae, aqyawf shaqzanq ghawqmya jeq yadaq-a laer ngar, aqyawf-anr bimawr ma.”

Lormav 14:18

Kali-euq gharduq mr-eu tsawrhaq-anr Miqyaer nuikhanr shir-awr, tsawrhaqzaq khawf nuima tsaq taef-a.

Lormav 16:10

Kali-euq lafkhoer tsermr haw-eu gar yadaq-euq, Aqbeqler-anr khawf Aqlirdawrbuv-euq zawfjir-anr khawf dawqcawq puq-eu ma.

Lormav 3:5

Aqdui-euq maqtsaq maqdawr-eu jeq-euq baqda’nae, Miqyaer-euq tsaq-awr dawr-eu jeq bi dovlar nar-aq, aqdui aqjox-aer aer-eu tsaq la? Miqyaer maqtsaq maqdawr-eu lafkhoer, aqyawf nuima paer-eu jeq bi keuvle-eu nga laer aer-eu lor? (Ngar-aq, tsawrhaqzaq noeq-eu lof-aer aer-eu taef ma.)

Lormav 5:8

Aerkhawf, Miqyaer, aqdui-anr gaq-eu byacaevni bi mawrlar-eu laer aqdui, iqbaxzaq pyeufluf ngae, Kali, aqdui-euq gharduq shirdan-euq mae.

1 Gawˇliˬtu 3:5

Pawrluv aqsur ghaq la? Aqpawrluv khawf aqsur ghaq la? Nga’nyaf-aq, nawmaf janlarni guiqlanq-euq gar mrzaq taef ma. Sanqpaq Miqyaer nae kharbi mrlaf-euq lof-aer yawqha-euq gar yawqha mrluf-eu ma.

1 Gawˇliˬtu 4:1

Nga’maf-aq, Kali-euq ghaqzaq ghaqkhaer pyeuf-awr, Miqyaer nae zaftaq-euq deuq-anr hawpir-eu tsawrhaq nga laer tsawrhaqzaq sawxnaeq laf-eu tsaq taef-a.

1 Gawˇliˬtu 9:11

Nga’maf, nawmaf-euq lafkhoer saflar paw-euq siqyoeq saeq-awr, shiqshaq-anr taf-eu jeq yaeqdzaq nar-aq, ardzaeq dzeur-eu la lor?

2 Gawˇliˬtu 11:23

Aqyawfmaf, Kali-euq ghaqzaq ghaqkhaer-a laq? Ngar, aqdzawq argan lof-aer ngaeq ma de-eq. Ngar, aqyawf maf-euq navmaqtser Kali-euq ghaqzaq ghaqkhaer ma. Ngar, aqyawf maf-euq navmaqtser gar mr-eu laejae-awr, maq guijir coerni diqlar khovlaf-eu gar yadaq-euq uqtaf, aqyawf maf-euq myavmaqtser kuv-anr urmyaq dzaeq-awr, shirtaw taeqni khawf ghawqmya pov daqhaw-euq ma.

2 Gawˇliˬtu 11:27

Laejae-awr gar mr-euq mirnae ghaqdoerdoer duidui-awr, maqmyanr kaq-anr maqya yufdaev-eu uqtaf, hawq maef-awr ircuf maef-eu hawr-eu ghawqmya pov maqdzaq maqdawrni dzanq-euq ma. Yawgav gavgav-aer nermyawvni khawf ya shaqhaw-euq ma.

2 Gawˇliˬtu 11:9

Ngar, nawmaf jawr-eu gar jawr ngae tiqjeqnav mawf-eu khawf, tiqghaq-iq-euq khavbaev maqbi pyeuf-aq. Aqjeq mirnae aernar-aq, Maqgeqdawrniv mirkhanq-anr nae oe-euq aqyuif aqnyir deuq nae ngar nym-eu jeq bifnaeq laf-euq mae. Dzeurlaf ngae, nawmaf-anr tiqjeq-iq maqbi dar-euq lof-aer, maeqhu paw khawf khoerlof-aer mrghae ma.

2 Gawˇliˬtu 12:10

Khoermirnae, ngar, Kali-euq gharduq laqkhaq caertavni, ghaq baq-eu, yaeqbawq-aer aerlar-eu, nym-awr ju-eu, khaeq-awr khav-eu, nuima shaqzanq mr-eu, heudeuq-anr daq-eu ma. Aqjeq mirnae aernar-aq, ngar ghaqbaqbaq ngae, ngar ghaq khav-eu ma.

2 Gawˇliˬtu 12:12

Ngar ghaqkhaer ngar-a laer aqdir bisiq bimawr-eu jeq-aq, nawmaf naeq-aer jawr ngae, yawqjeq navluf daq-awr or-eu, bisiq bimawr-eu jeq, zanqler paq-aer ghae-eu jeq hawr-eu, baoq huiq-eu deuq mr-euq ma.

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.

2 Gawˇliˬtu 3:6

Nga’maf, dawqma sarjax yawshuif-euq guiqlanq-euq gar bi mrnya larni Miqyaer, nga’maf-anr janrnaeq laf-euq mae. Dawqma sarjax heu-aq, sanqbof armawr-anr taf-eu maqngeur-a, muiq-eu Saflar-anr taf-eu mae. Aqjeq mirnae aernar-aq, sanqbof armawr-aq, lavsaef-eu khawf, muiq-eu Saflar-aq, daef-eu jeq bif-eu mae.

2 Gawˇliˬtu 4:17

Nymq-mr nga’maf tiqkhaeq-euq lafkhoer ya daqluf-eu pyarsawvni ghae-eu shaqzanq heudeuq-aq, maq ciqcaev nya-eu myaq duidui-awr, mqmaq maqbyav yarzir, huiq-eu yawshaef khanqsaer-anr nga’maf-anr biza-eu gharduq mrluf-eu jeq pyeuf-eu mae.

2 Gawˇliˬtu 4:2

Aerkhawf, nga’maf shafdawrlar paq-aer ghae-eu zaftaq-euq jeq byaerdzae jir-awr, jaqmyawf-euq lafkhoer maqdaef-aer, maershuir maqanrni, Miqyaer-euq dawq khawqluf-eu ma. Khoermirnae, Miqyaer-euq maeqshi, tsawrhaq dawqtawv luf-euq zaqsiq nuisiq-anr tsaqni, yawtsaq yawdawr-aq, nga’maf-anr byacaevni ciqpoeq luf-eu mae.

2 Gawˇliˬtu 4:8

Nga’maf-anr yawqpaw navluf nyaefsuflar luf-eu khawf, nyaefpyaev lar-eu gar maqkeuv-a. Noeq ngae maqdov-eu khawf, noeqtmqkhar maqza-eu gar maqkeuv-a.

2 Gawˇliˬtu 7:11

Miqyaer-anr yawzeu baw-eu lafkhoer noeqshaq-eu jeq-aq, nawmaf-euq lafkhoer aqgeu jeq bi dovlar-euq nga laer sharnoeqhaw sher-eq: nawmaf laejae mawf-eu nuima anrlar-awr, yawqha-euq garkawv jashaw mawf-eu uqtaf, maqtsaq-eu jeq-anr nuima paer duidui lar-awr, Miqyaer-anr guv-eu jeq anrlar-euq uqtaf, yawmuiq jeq-anr za’mawf duidui lar-awr, yawmuiq jeq mrmawf-eu shaqdaef shaqnar anrlar-euq uqtaf, dawrcoeni yarkhaq darmawf lar-euq mae. Heudeuq dawqtawv luf-euq lafkhoer, nawmaf yawlaeq maqanr nga laer byacaevni dovlar-euq mae.

Gawˇlawˇsehˇ 1:11

Aqyawf-euq yawshaef khanqsaer huiq-eu baoq baqda’nae, nawmaf laqkhaq caertavni yawqjeq navluf-euq lafkhoer, ornya-awr nuima ghawqmanrni taqnya’ni, baoq dawqtawvluf nae nawmaf-anr ghaq bi khavlar-awq laer sharluf-eu ma.

Gawˇlawˇsehˇ 1:24

Nymq-mr ngar, nawmaf-euq gharduq shaqzanq ya daqluf-eu khawf, laqkhaqcaer mir-a. Aqjeq mirnae aernar-aq, Kali, aqyawf-euq mawrdo pyeuf-eu Kalizaq armur-euq gharduq maqya daqjir-euq shaqzanq deuq daqbyanni, ngar, ngaq-euq shiqshaq-euq lafkhoer daqluf-eu ma.

1 Teˇsaˬloˇni 3:7

Khoermirnae, aqyuif aqnyir deuq-or! Nga’maf shaq-awr zanq-eu, khaeq-awr khav-eu yawqjeq navluf-anr yadaq khawf, nawmaf jan-eu garkawv yagaq-awr nga’maf-euq nuima sarlar-euq mir-a.

1 Teˇsaˬloˇni 5:14

Aqyuif aqnyir deuq-or! Nga’maf, nawmaf-anr ghaq heulof-aer parbif-eu ma. Yawdoer tsawrhaq-anr maeqbawq bif-awq. Nuima ghaq baq-eu tsawrhaq-anr ghaq bif-awq. Ghaqbyaev byaev-eu tsawrhaq-anr cawba-awq. Tsawrhaq dawqtawv luf-euq khoertav nuima ghawqmanrni taq-awq.

1 Tiˆmoˇseˬ 2:15

Aerkhawf, zaqmiq aqbur deuq-aq, jan-eu, gaq-eu, yawshawr shawr-aer daef-eu hawr-eu yawqha-euq nuima-anr ghaqler-eu, heudeuq-euq lafkhoer zifluf nar-aq, zaqciq zaqcu mr ngae yabuq-ir taef-a.

1 Tiˆmoˇseˬ 4:6

Nawr, aqyuif aqnyir deuq-anr garkawv heudeuq maeqnaeq nar-aq, nawr-aq, Yeqsur Kali-euq muiq-eu kuirlaf zaqkhav pyeuf taef-a. Jan-eu jeq-anr taf-eu dawq hawr-eu muiq-eu dawqmaeq dawqtsov-anr yawmuiq-aer cantae-eu lafkhoer huiqlar taef-a.

1 Tiˆmoˇseˬ 6:11

Aerkhawf, Miqyaer-euq tsawrhaq pyeuf-eu nawr ghaq-aq, khoerdeuq-anr caevdzeur-awq. Tsaq-awr dawr-eu jeq, Miqyaer-anr yawzeu baw-eu jeq, jan-eu jeq, gaq-eu jeq, daqcoer orcoer-eu jeq hawr-eu nuinanq nuiyu anr-eu jeq, heudeuq-anr taemir nya’ni laejae-awq.

2 Tiˆmoˇseˬ 1:8

Khoermirnae, aqdui-euq Sanqpaq Miqyaer-euq garkawv sarkir kamq-eu taq shafdawr, aqyawf-euq gharduq kuv-anr urluf-eu ngar baqda’nae khawf taq shafdawr. Aerkhawf, Miqyaer-euq baoq-anr ghoe-eu lafkhoer, guiqlanq dawq-eu gharduq ngaq naeq-aer tiqkawv lof-aer shaqzanq daq-awq.

2 Tiˆmoˇseˬ 2:24

Sanqpaq Yeqsur-euq zaqkhav-aq, aqcawq naeq-aer maqya cae-a. Aqyawf-aq, yawqghaq navluf-euq khoertav nuima nanqyuni taq-awr, aqcawq-anr maeqnaeq tsovnaeq nya-eu uqtaf, ornya-eu tsawrhaq yapyeuf-eu mae.

2 Tiˆmoˇseˬ 4:5

Aerkhawf, nawr-aq, yawqjeq navluf-euq lafkhoer yawqha-euq nuima-anr ghaqler-eu tsawrhaq pyeuf-awq. Shaqzanq nargawr-anr daq-awr, guiqlanqdawq maeq-eu uqtaf, nawq-euq guiqlanq-euq gar mrluiv-awq.

HeˬByehˇ 12:1

Jan-eu jeq-euq garkawv sarkir kamq-eu tsawrhaq, juqkhoeq tmq-eu lof-aer aqdui-euq tiqjawq jawrluf-eu mirnae, aqdui-anr kanluf-eu yawqjeq navluf pyaeqka yaf-awr, aqdui-anr gheupaf lar-eu iqbax dawqtawvluf khawf puirdzae yaf-eu uqtaf, nuinoeq ghawqmanrni noeq-awr, aqdui-euq gharduq lavsav taq-euq garma-anr caevghae kar-eur.

Panmaeq 1:9

Ngar, Yorhaq, nawmaf-euq maernmr pyeuf-awr, Yeqsur Kali-euq daqcoer orcoer-eu jeq, Miqyaer uvlanr-eu jeq hawr-eu shaq-awr zanq-eu jeq-euq lafkhoer nawmaf-euq cawq khawf pyeuf-eu ma. Ngar, Miqyaer-euq dawq hawr-eu Yeqsur Kali-euq garkawv sarkir kamq-euq mirnae, Baqmor laer kur-eu irjawlanr-anr ya jawrluf-eu ma.

Panmaeq 3:10

Nawr, ngaq-euq dawq narhaq geuf-awr daqcoer orcoer-eu mirnae, mirtsaq-euq khoertav kharjawr-eu tsawrhaqzaq-anr tsermr-eu shaq-awr zanq-eu jeq keuvle ngae, ngar, nawq-anr bibuq-ir ma.