2 Gawˇliˬtu 6:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Nawmaf, Miqyaer-euq guiqlanq yawdzanr hageuf-euq khoer yawqngaef-aer taqbi pyeuf laer Miqyaer-euq gar mrcawq pyeuf-awr mrluf-eu nga’maf, nawmaf-anr tanqshar-eu ma.

Akha

¹ Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

2 Gawˇliˬtu 6:1 ပူးပေါင်းရင်းမြစ်များ

Maꞈtehˬ 23:37

“Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-eu beu.

Gʼaˬkʼehˇ 11:23

Aqyawf khoergar irkeuv-awr, Miqyaer-euq guiqlanq yawdzanr-anr ya’mawr-euq mirnae, laqkhaq caer-eu mae. Aqyawf, aqyawfmaf yawqghaq navluf-anr nuima zifdanni, Sanqpaq Miqyaer-euq dawqpae taeqni daef-awq laer ghaq bif-euq mae.

Gʼaˬkʼehˇ 14:3

Aqyawfnyaf khoergar ghawqmyanrni jawr-awr, Sanqpaq Miqyaer-euq lafkhoer khaqduqni ngaeq-euq mae. Aqyawfnyaf ngaeqluf-eu aqyawf-euq guiqlanq yawdzanr-euq dawq khoer-anr sarkir bipyeuf-eu gharduq, aqyawf nyaf-euq aqlaf-anr ghoe-awr, bisiq bimawr-eu jeq hawr-eu zanqler paq-aer ghae-eu jeq ghawqmya jeq mr-euq mae.

Lormav 12:1

Khoermirnae, aqyuif aqnyir deuq-or! Miqyaer-euq ghawqshaq gaq-eu jeq-euq baqda’nae, ngar, nawmaf-anr shar-eu ma. Miqyaer nuima tsaq-eu, shawrjaevni ghae-eu, daefluf-eu lawrnaeq-eu jeq lof-aer, nawmaf-euq mawrdo a’naeq-awq. Nawmaf heulof-aer mr-eu-aq, aqdir uqduq tanq-eu jeq pyeuf-eu mae.

1 Gawˇliˬtu 3:9

Nga’nyaf-aq, Miqyaer-euq gar mrcawq ma. Nawmaf-aq, Miqyaer-euq daeyar mae. Nawmaf-aq, Miqyaer tsovluf-eu nymr mae.

2 Gawˇliˬtu 10:1

Ngar-aq, nawmaf naeq-aer jawr ngae nuinanq nuiyu anr-awr, nawmaf naeq-aer maqjawr ngae-aq, nuima khaqduqni ghae-eu Pawrluv ma. Nymq-mr ngar, Kali-euq nuinanq nuiyu hawr-eu nuima nanqyuni ghae-eu lafkhoer, nawmaf-anr shar-eu ma.

Gaˬlaˬtiˆ 2:21

Ngar, Miqyaer-euq guiqlanq-anr maq byaerdzae. Zanrdawq-euq baqda’nae tsaq-awr dawr-eu tsawrhaq pyeuflarnya lawnmr-aq, Kali shir-euq-aq, yawqngaef mae.”

Gaˬlaˬtiˆ 3:4

Nawmaf shaqzanq-anr khoermyav myav-aer yadaq-euq khoer, yawqngaef-aer daq-euq le lor? Khoerdeuq yawqngaef mae laer ngar maq noeqnya.

1 Teˇsaˬloˇni 3:5

Khoer baqda’nae, ngar maq jawrtaeqcoer lar-aer, nawmaf jan-eu jeq aqjox-aer pyeufluf-eu nga laer yasiqni, Tivmorseq-anr bilar-euq ma. Murjur jur-eu khoerghaq, nawmaf-anr murza-awr, nga’maf nae laejae-awr mryaf-euq jeq yawqngaef pyeuf-ir-euq baw-mr laer khanqlanr mir-a.

Tiˇtuˆ 2:11

Aqjeq mirnae aernar-aq, tsawrhaqzaq dawqtawv luf-anr kakhof-eu laer Miqyaer-euq guiqlanq yawdzanr panmaeq naeqlaf-euq mae.

HeˬByehˇ 12:15

Nawmaf, Miqyaer-euq guiqlanq yawdzanr-anr nae kaq-ir-awr, khaqjawfni ghae-eu nuima baw-eu duqcir dovlar-awr, gardzaq garkawv lavdov-eu uqtaf, ghawqmya ghaq-anr maqshawrni bi pyeuflar-eu gar yanr-awq.

HeˬByehˇ 12:25

Nawmaf-anr dawq ngaeqcawq lar-eu ghaq-euq dawq-anr maq narhaq-aer maqghaeni yanr-awq. Aqjeq mirnae aernar-aq, mirtsaq-euq khoertav aqyawf maf-anr aernoeq naeq-euq khoerghaq-euq dawq-anr, aqyawfmaf maq narhaq-euq mirnae, maqya dzeur-ir-euq ngeur nar-aq, mq-anr nae aernoeq naeqlaf-euq khoerghaq-euq dawq-anr aqdui maq narhaq nar-aq, ngeurdzaeq aqjox-aer parya dzeur-ir nmr-mq?

HeˬByehˇ 4:1

Khoermirnae, aqyawf-euq ghaqnaq naqduq-anr urler-eu sarjax javluf ngae, nawmaf-euq lafkhoer tiqghaqnav maqya urler-eu paq laer, aqdui khawf guvkhar za-eu mae.

1 Beˬtuˆluˆ 4:10

Nawmaf, Miqyaer-euq guiqlanq yawdzanr ghawqmya jeq-anr hawpir-eu tsawrhaq lof-aer, yawqghaq navluf tiqghaq tirghaq guiqlanq pyeufni, yawqha nae zataq-euq lafsawq zmq-awq.