2 Gawˇliˬtu 5:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khoermirnae, aqdui aqmyanluf yawduq baw-eu ma. Aqdui-euq nymr pyeuf-eu mawrdo heu-euq lafkhoer jawrluf ngae keuvni, Sanqpaq Miqyaer-euq dawqpae jawr-eu maqngeur laer aqdui siqnya ma.

Akha

⁶ Kʼoeˇ miˇ neh, nga maꞈ aˬ myah luꞈ nui ma kʼaˬ duˬ ni jaˆ ma. Miˇ tsaˬ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ jawˇ luꞈ kʼoeˇ keuˆ ni, Sahˬpaˬ Yeˬsuˇ Ka li-ahˇ gaˇ mahˇ kaˬ-a siˬ lehˇ nga maꞈ siˬ nya ma.

2 Gawˇliˬtu 5:6 ပူးပေါင်းရင်းမြစ်များ

Jaceuq 119:19

Ngar-aq, mirtsaq-euq khoertav boermiq siqkhaq lof-aer daefluf-eu taef ma. Nawq-euq zanrdawq khofdawq, Ngaq-anr nae taq yurzaf naeqlaf.

Jaceuq 39:12

“Ya’we Miqyaer-or! Ngaq-euq guiqlanq shardawq-anr narhaq naeqlaf-awr, Ngar gur-eu gar, nawq-euq naqbawr ciqkhmr naeqlaf-awq. Ngar myavbir dovluf-eu gar haw-awr ciqcurni taq jawrbyov naeqlaf. Ngar khawf, ngaq-euq aqpoeq aqbawr deuq lof-aer, Nawq naeq-aer mirkhanq-anr can-eu daqyan tiq ghaq pyeuf-awr jawrluf-eu ma.

Dawqdaq 14:26

Ya’we Miqyaer-anr guv-eu jeq-euq lafkhoer, Tsawrhaq tiq ghaq, zifdanni ghae-eu yawduq baw-eu jeq jav-awr, Aqyawf-euq zaqdeuq caevzafkhar za-eu mae.

2 Gawˇliˬtu 5:1

Aqjeq mirnae aernar-aq, aqdui-euq mirtsaq-euq nymr heu-aq, saeqghawv lof-aer dur-eu mae. Saeqghawv heu cawv-ir nar-aq, tsawrhaq-euq aqlaf nae tsov-euq nymr maqngeur-eu, mq-euq khoertav, Miqyaer nae aqdui-euq gharduq tsovtaq-euq, mqmaq maqbyav yarzir zif-eu nymr jav mae laer siqnya ma.

2 Gawˇliˬtu 5:8

Aqdui yawduqbaw ma. Mawrdo heu-anr ghawqmawf-awr, Sanqpaq Miqyaer naeq-aer jawrler mawfdzaeq mir-a.

HeˬByehˇ 10:35

Khoermirnae, nawmaf yawduq baw-eu jeq-anr taq byaerdzae. Aqjeq mirnae aernar-aq, nawmaf heu-euq baqda’nae huiq duidui-eu mrpoeq lafsawq za taef-a.

HeˬByehˇ 11:13

Tsawrhaq khoerdeuq yawqghaq navluf jan-eu lafkhoer shir-euq mae. Aqyawfmaf, Miqyaer nae sarjax dzaqtaq-euq jeq-anr maqza-aq. Aerkhawf, garmanr kaq-eu gar nae khoerdeuq-anr ya’mawr-awr, aqyawfmaf mirtsaq-euq khoertav jawr ngae, yawqkhanq yawqmir yawq-euq tsawrhaq hawr-eu daqyan lof-aer taef ma laer, aqyawfmaf yawduq baw-awr hageuf-euq mae.

HeˬByehˇ 13:14

Aqjeq mirnae aernar-aq, heugar aqdui zif-eu meuq maqjav. Aerkhawf, aqdui aqkar javle-eu meuq-anr sharpov luf-eu ma.

1 Beˬtuˆluˆ 5:1

Ngar-aq, aqyuif aqtsu pyeuf-awr, Kali nae yadaq-euq shaqzanq-anr sarkir kamq-eu ghaq hawr-eu, aqkar panmaeq naeqlaf-eu yawshaef khanqsaer-anr aqyawf naeq-aer tiqkawv lof-aer za-eu ghaq khawf ngeur ma. Ngar, nawmaf-euq ghanrcae jawr-eu aqyuif aqtsu deuq-anr heulof-aer ghaq bif-eu ma.

Panmaeq 1:9

Ngar, Yorhaq, nawmaf-euq maernmr pyeuf-awr, Yeqsur Kali-euq daqcoer orcoer-eu jeq, Miqyaer uvlanr-eu jeq hawr-eu shaq-awr zanq-eu jeq-euq lafkhoer nawmaf-euq cawq khawf pyeuf-eu ma. Ngar, Miqyaer-euq dawq hawr-eu Yeqsur Kali-euq garkawv sarkir kamq-euq mirnae, Baqmor laer kur-eu irjawlanr-anr ya jawrluf-eu ma.