2 Gawˇliˬtu 5:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Khoerdeuq dawqtawvluf Miqyaer-anr nae pyeufdov le-euq mae. Miqyaer, Kali-anr ghoe-awr aqdui, aqyawf-anr tsaqler dzoerlerni janrnaeq laf-euq mae. Khoeruqtaf, tsaqler dzoerlerni guiqlanq-euq gar heu aqdui-anr bifnaeq laf-euq mae.

Akha

¹⁸ Heu deuˬ dawˬ tawˆ luꞈ Miˬyehˇ neh mˇ-euˬ jeˬ pyeuꞈ-eu meh. Ka li-ahˇ gʼoe-eu laꞈ kʼoeˇ aˬ dui aˬ yawꞈ-ahˇ tsaˬ leˇ tsahˇ leˇ nya ni aˬ yawꞈ mˇ-awˇ, aˬ cawˬ aˬ yawꞈ-ahˇ tsaˬ leˇ tsahˇ leˇ ni mˇ-eu gʼaˇ duˬ aˬ dui-ahˇ aˬ yawꞈ gaˇ biꞈ nehˬ laꞈ-euˬ meh.

2 Gawˇliˬtu 5:18 ပူးပေါင်းရင်းမြစ်များ

Luˇkaꞈ 10:5

Nymr aqgeu nymr-anr davler-eu maqkaq, ‘Nymr heunymr-euq khoertav nuisar of-eu jeq keuvle luf-ur’ laer jeqhu aer-awq.

Luˇkaꞈ 24:47

Khoeruqtaf, nawmaf, aqyawf-euq tsawrmyanr-anr ghoe-awr, iqbax noeqpov-eu jeq hawr-eu iqbax pyaeqnaeq-eu garkawv, Yeqlursaqlaeq-anr nae mirkhanq-euq tsawrjeuq tsawrca dawqtawv luf-anr dawqmaeq ya’maeq-ir taef-a.

Yoˇhaˬ 3:16

“Miqyaer, mirtsaqzaq-anr gaq duidui-eu mirnae, aqyawf-euq Zaqyo tiq ghaq taef khawf bifnaeq lef-euq mae. Zaqyo-anr kharjan-eu tsawrhaq maqya cawv-ir-eu uqtaf, mqmaq maqbyav yarzir yadaef-eu mae.

Yoˇhaˬ 3:27

Yorhaq heulof-aer aerkhof naeq-euq mae, “Mq-euq khoertav jawr-eu Miqyaer nae bifnaeq-euq jeq maqngeur nar-aq, tsawrhaqzaq-aq tiqjeq-iq maqza nya-a.

Gʼaˬkʼehˇ 10:36

Miqyaer, aqyawf-euq dawq, Irsaqleqlav tsawrhaq-anr bif-euq mae. Dawq khoerdawq-aq, dawqtawv luf-euq Sanqpaq pyeuf-eu Yeqsur Kali-euq baqda’nae, nuisar biza’ni maeq-eu guiqlanqdawq mae.

Lormav 11:36

Aqjeq mirnae aernar-aq, kharjawr kharjav-eu yawqjeq navluf, aqyawf-anr nae dovle-awr aqyawf-euq baqda’nae javluf jawrluf-awr, aqyawf-euq gharduq taef mae. Mqmaq maqbyav yarzir aqyawf-anr yawshaef khanqsaer damqnaeq kar-eur. Aqmeq.

Lormav 5:1

Aqdui jan-eu baqda’nae tsaq-awr dawr-eu tsawrhaq pyeuflar-awr, aqdui-euq Sanqpaq Yeqsur Kali-euq baqda’nae Miqyaer-anr tsaqler dzoerler-euq ma.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

1 Gawˇliˬtu 11:12

Aqjeq mirnae aernar-aq, zaqmiq aqbur-aq, zaqyo aqli-anr nae bae-awr, zaqyo aqli-aq, zaqmiq aqbur-anr nae daefle-euq mae. Aerkhawf, dawqtawvluf Miqyaer-anr nae dovle-euq mae.

1 Gawˇliˬtu 12:6

Mrdov laf-eu jeq beugar-eu mae. Aerkhawf, tsawrhaq yawqghaq navluf-euq lafkhoer yawqjeq navluf mr-eu ghaq-aq, Miqyaer tiq ghaq taef mae.

1 Gawˇliˬtu 3:5

Pawrluv aqsur ghaq la? Aqpawrluv khawf aqsur ghaq la? Nga’nyaf-aq, nawmaf janlarni guiqlanq-euq gar mrzaq taef ma. Sanqpaq Miqyaer nae kharbi mrlaf-euq lof-aer yawqha-euq gar yawqha mrluf-eu ma.

1 Gawˇliˬtu 8:6

Aerkhawf, aqdui-euq gharduq-aq, Miqyaer tiq ghaq taef-aer jawr-awr, aqyawf-aq, aqdui-euq Aqda mae. Yawqjeq navluf aqyawf-anr nae dovle-awr, aqdui khawf aqyawf-euq gharduq daefluf-eu ma. Aqdui-euq Sanqpaq khawf tiq ghaq jawr-eu taef ma. Aqyawf-aq, Sanqpaq Yeqsur Kali mae. Aqyawf-euq baqda’nae yawqjeq navluf javluf-awr, aqdui khawf, aqyawf-euq baqda’nae daefluf-eu ma.

Gawˇlawˇsehˇ 1:22

Khoer-aq, nawmaf, Miqyaer-euq maeqshi, aerkhar maqza-aer iqbax taqkhar maqza-eu uqtaf, shawr-eu tsawrhaq lof-aer bi jawrlerni, shiqshaq baw-eu Kali-euq mawrdo shirdan-euq gar ghoe-awr janr-euq mae.

HeˬByehˇ 2:17

Khoermirnae, aqyawf, tsawrhaqzaq-euq iqbax-euq gharduq lawrbyan nya’ni hawr-eu, Miqyaer-euq gar mr-eu lafkhoer, ghawqshaq gaqnya-awr sarjax zif-eu Pirma yawhuiq ghaq geuf-eu gharduq, yawqjeq navluf-euq lafkhoer, aqyawf, aqyawf-euq maernmr lof-aer yapyeuf-euq mae.

Yaˬkoˆ 1:17

Guiqlanq yawmuiq dawqtawvluf hawr-eu kufdui byan duidui-eu lafsawq dawqtawvluf mq-euq khoertav jawr-eu yawshaef-euq Aqda-anr nae oe-euq mae. Aqyawf-aq, povlar parlar-eu narshmr maqbaw-aer, tiqjawr-iq maqpov maq parlar-a.

1 Yoˇhaˬ 2:2

Aqyawf-aq, aqdui-euq gharduq lawrbyan-euq ghaq mae. Aqdui-euq gharduq taef-aer maqngeur-eu, mirtsaqzaq dawqtawv luf-euq gharduq khawf lawrbyan-euq mae.

1 Yoˇhaˬ 4:10

Gaq-eu jeq-aq heulof-aer mae: aqdui, Miqyaer-anr gaq-euq maqngeur-eu, Miqyaer, aqdui-anr gaq-awr, aqdui-euq iqbax tsiqshawr-eu gharduq bi lawrbyan-eu laer aqyawf-euq Zaqyo bi’oe-euq mae.