2 Gawˇliˬtu 5:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Tsawrhaq tiq ghaq, Kali-euq lafkhoer jawr nar-aq, aqyawf, tsawrhaq yawshuif pyeuflar-euq mae. Yawoer dawqtawvluf byovjir-awr, dawqtawvluf yawshuif pyeuflar-euq mae.

Akha

¹⁷ Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

2 Gawˇliˬtu 5:17 ပူးပေါင်းရင်းမြစ်များ

Jaceuq 51:10

Miqyaer-or! Ngaq-euq lafkhoer shawr-eu nuima tiq siq bae’anr naeqlaf-awr; Ngaq-euq lafkhoer zifdanni ghae-eu saflar lavshuif naeqlaf-awq.

Maꞈtehˬ 12:33

“Arbawr yawmuiq nar-aq, arsiq khawf yawmuiq mae laer nawmaf siqnya-awr, arbawr maqmuiq nar-aq, arsiq khawf maqmuiq-a laer siqnya-eu mae. Arsiq-anr haw nar-aq, arbawr-anr siqlar taef-a.

Maꞈtehˬ 24:35

Mqmir byov-ir taef-a. Aerkhawf, ngaq-euq dawq tiqjawr-iq maqbyov-ir-ar.

Luˇkaꞈ 5:38

Aerkhawf, aqgaf dzaruir yawshuif-aq, shaqkhov irpuq yawshuif-anr shaevanr nar-aq, nyiq jeq luf-anr jeqhmqnya taef-a.

Yoˇhaˬ 14:20

Khoerngae nan keuvle nar-aq, ngar, Aqda-euq lafkhoer jawr-awr, nawmaf, ngaq-euq lafkhoer jawr-awr, ngar khawf nawmaf-euq lafkhoer jawr-eu gar nawmaf yasiq taef-a.

Yoˇhaˬ 15:2

Aqyawf, ngaq-anr tsoftsaf luf-eu gar nae arsiq maq siqle-eu cirni nizaq dawqtawv luf-anr deuvdzae-eu mae. Arsiq khar siqle-eu cirni nizaq deuq-anr-aq, bi siqdzaeq le-eu laer aqyawf yawmuiq-aer dawnaeq-eu mae.

Yoˇhaˬ 15:5

“Ngar-aq, aqgaf cirni nima ma. Nawmaf-aq, cirni nizaq deuq mae. Ngaq-euq lafkhoer jawr-awr, ngar khawf aqyawf-euq lafkhoer jawr-eu tsawrhaq-aq, arsiq ghawqmya’ni siqle taef-a. Aqjeq mirnae aernar-aq, ngar maqjawr nar-aq, nawmaf tiqjeq-iq maq janrnya-a.

Yoˇhaˬ 17:23

Ngar, aqyawf maf-euq lafkhoer jawr-awr, nawr, ngaq-euq lafkhoer jawr-eu mirnae, aqyawfmaf nuima taf-awr gm-eu byanlar taef-a. Khoerngae, nawq nae ngaq-anr khaerghae lef-awr, nawr, ngaq-anr gaq-eu lof-aer, aqyawf maf-anr khawf gaq-eu ngar-a laer, mirtsaqzaq siqnyalar taef-a.

Yoˇhaˬ 3:3

Yeqsur aerkhof naeq-eu, “Ngar, nawq-anr aqdir aqmar aernaeq nyar, tsawrhaq tiq ghaq maq daefpov maq daefpar nar-aq, Miqyaer uvlanr-eu jeq-anr maqya mawr-ar.”

Yoˇhaˬ 3:5

Khoerngae, Yeqsur heulof-aer aerkhof naeq-euq mae, “Ngar, nawq-anr aqdir aqmar aernaeq nyar, tsawrhaq tiq ghaq ircuf hawr-eu muiq-eu Saflar-anr nae daefle-euq maqngeur nar-aq, Miqyaer uvlanr-eu lafkhoer maqya urler-a.

Lormav 16:10

Kali-euq lafkhoer tsermr haw-eu gar yadaq-euq, Aqbeqler-anr khawf Aqlirdawrbuv-euq zawfjir-anr khawf dawqcawq puq-eu ma.

Lormav 16:11

Ngaq-euq aqyuif aqnyir pyeuf-eu, Heqlordiroq hawr-eu Sanqpaq Miqyaer-euq lafkhoer jawr-eu Naqgiqsur-euq zawfjir-anr khawf dawqcawq puq-eu ma.

Lormav 16:3

Ngaq naeq-aer Yeqsur Kali-euq gar mrcawq pyeuf-eu, Birgirla hawr-eu Aqgurla-anr dawqcawq puq-eu ma.

Lormav 16:7

Ngaq naeq-aer kuv-anr urhaw-euq ngaq-euq aqyuif aqnyir pyeuf-eu Aqdawrniv hawr-eu Yurniv aqnyaf-anr khawf dawqcawq puq-eu ma. Aqyawf nyaf-aq, ngaq-euq maeqhu nae Kalizaq pyeuflar-awr, ghaqkhaer deuq-euq ghanrcae tsawrmyanr muiq-eu mae.

Lormav 16:9

Kali-euq lafkhoer aqdui-euq gar mrcawq Urlaqbaq hawr-eu ngar zawr gaq-eu Seqdaqgur-anr khawf dawqcawq puq-eu ma.

Lormav 7:6

Aerkhawf, nymq-mr aqdui zanrdawq-anr nae buq-ir-euq ma. Dzeurlaf ngae, aqdui-anr ganrdzanq taq-euq zanrdawq-anr nae aqdui shirdzeur-euq mirnae, aqdui-aq, boftaq-euq zanrdawq yawoer-euq uqmov, Miqyaer-euq gar mr-eu maqngeur-aer, muiq-eu Saflar uvlanr-eu yawshuif-euq lafkhoer mrluf-eu ma.

Lormav 8:1

Khoermirnae, nymq-mr Yeqsur Kali-euq lafkhoer jawr-awr, shiqshaq-euq nuikhanr maeqnan maqcan-aer, muiq-eu Saflar-euq lafkhoer canluf-eu tsawrhaq deuq-aq, yarkhaq dar-eu gar maqpar yadaq-eu mae.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

1 Gawˇliˬtu 13:11

Ngar, zaq pyeufluf ngae-aq, zaq lof-aer ngaeq-awr, zaq lof-aer ghovshaw-euq uqtaf, zaq lof-aer ngaeq-eu ma. Aerkhawf, ngar, tsawrkhav khavlar-euq nar-aq, zaq-anr taf-eu jeq-anr byaerdzaejir yaf-euq ma.

2 Gawˇliˬtu 12:2

Dzeurlaf-euq 14 khof-anr, mq-euq khoertav smq tiv tiqtiv-anr bi ciqdav lef-euq Kali-euq lafkhoer jawr-eu tiq ghaq-anr ngar siqnya ma. Mawrdo davler-euq maqsiq, saflar taef-aer davler-euq maqsiq, Miqyaer taef-aer siqnya-eu mae.

2 Gawˇliˬtu 5:16

Khoermirnae, iqnan taf nar-aq, nga’maf, aqcawq-anr shiqshaq-euq myavnuiv nae maqpar haw ma. Dzeurlaf ngae, shiqshaq-euq myavnuiv nae Kali-anr haw-euq khawf, aqkar nar-aq, khoerlof-aer maqpar haw ma.

2 Gawˇliˬtu 5:19

Khoer-aq, Miqyaer, Kali-anr ghoe-awr mirtsaqzaq, aqyawf-anr tsaqlar dzoerlarni mr-eu jeq pyeuf-eu mae. Miqyaer, aqyawfmaf nae mrbanq lavbanq-euq jeq-anr maq sawxtaq-aer, tsawrhaqzaq, Miqyaer-anr tsaqler dzoerler-eu gar taf-eu dawq, nga’maf-anr a’naeq laf-euq mae.

2 Gawˇliˬtu 5:21

Kali-aq, iqbax tiqpawf-iq maqanr-eu khawf, aqdui-euq gharduq Miqyaer, aqyawf-anr iqbax bipyeuf-ir-euq mae. Khoermirnae, Kali-euq lafkhoer aqdui, Miqyaer-euq tsaq-awr dawr-eu tsawrhaq pyeuflar-euq ma.

Gaˬlaˬtiˆ 3:28

Nawmaf dawqtawvluf, Yeqsur Kali-euq lafkhoer tiq ghaq lof-aer taef-aer pyeuf-eu mirnae, Yurdav tsawrhaq hawr-eu Heqlaqsar tsawrhaq, zaqkhav hawr-eu buq-ir-euq tsawrhaq, zaqyo aqli hawr-eu zaqmiq aqbur laer maqpar baw-eu mae.

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

Gaˬlaˬtiˆ 6:15

Aqjeq mirnae aernar-aq, Yeqsur Kali-euq lafkhoer bawkhov maeqdzaq yaeq-eu hawr-eu maqyaeq-eu heu-aq, tiqjeq-iq gardanr tsoeq-eu maqngeur-a. Tsawrhaq yawshuif pyeuflar-eu taef-aer gardanr tsoeq-eu mae.

Eˇpeˇsu 2:10

Aqdui-aq, Miqyaer-euq lafzar ma. Yawbae ngae nae aqdui-anr bimr-eu laer laeqhmq taq-euq yawmuiq jeq-anr, aqdui mrmr-aer daefni, Yeqsur Kali-euq lafkhoer aqdui-anr bae naeqlaf-euq mae.

Eˇpeˇsu 2:15

Aqyawf-euq lafkhoer, tsawrhaq nyiq ghaq pyeuf-eu khawf, tsawrshuif tiq ghaq taef-aer bi pyeuflar-awr, bitsaq bi dzoerler-eu laer, zanrdawq-euq lafkhoer anr-eu zanrdawq khofdawq-euq zanrtaq khoftaq-anr taf-eu, tiqghaq tirghaq muir-eu jeq-anr, aqyawf-euq shiqshaq nae lavbyov-euq mae.

Piˇliˇpiˆ 4:21

Yeqsur Kali-euq lafkhoer jawr-eu tsawrshawr yawqghaq navluf-anr dawqcawqpuq ma. Heugar, ngaq naeq-aer jawr-eu aqyuif aqnyir deuq khawf nawmaf-anr dawqcawq puqanr lef-euq mae.