2 Gawˇliˬtu 5:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Kali-euq gaq-eu jeq nga’maf-anr katir luf-eu mae. Tsawrhaq tiq ghaq, tsawrhaq dawqtawv luf-euq gharduq shirdan-euq mirnae, tsawrhaq dawqtawvluf shir-euq mae laer nga’maf noeqduq taq-euq ma.

Akha

¹⁴ Ka li-euˬ gʼoeˇ-eu gaˬ-eu jeˬ nga maꞈ-ahˇ uˆ lahˇ luꞈ-eu meh. Tsawˇ haˬ dawˬ tawˆ luꞈ gʼaˇ duˬ tsawˇ haˬ tiˬ gʼaˬ shiˇ dah-euˬ meh lehˇ nga maꞈ jah duˬ taˬ-euˬ ma. Kʼoeˇ miˇ neh, dawˬ tawˆ luꞈ aˬ yawꞈ nehˬ-ehˇ shiˇ-euˬ gaˇ duˇ-eu meh.

2 Gawˇliˬtu 5:14 ပူးပေါင်းရင်းမြစ်များ

Maꞈtehˬ 20:28

Aqjeq mirnae aernar-aq, Tsawrhaq-euq Zaqyo-aq, aqcawq-anr yawqha-euq kuirlaf bigeuf-eu laer oe-euq maqngeur-eu. Aqcawq-euq kuirlaf geuf-awr, tsawrhaq ghawqmya ni-euq gharduq yawqha-euq daefzir bif-awr kakhof-eu laer oe-euq mae.”

Luˇkaꞈ 15:24

Aqjeq mirnae aernar-aq, ngaqli heughaq-aq, shir-euq khawf ghofdaef lar-awr, byov-ir-euq khawf mawrkhof-euq ma.’ Khoernar-aq, aqyawfmaf danqbae-awr laqkhaq caer-eu mae.

Luˇkaꞈ 15:32

Aerkhawf, nawqnyir heughaq-aq, shir-euq khawf ghofdaef lar-awr, byov-ir-euq khawf mawrkhof-euq mirnae, aqdui laqkhaq caertavni laqkhaq cawcaer naeq-eu tsaq taef-a.’ ”

Luˇkaꞈ 24:29

Khoerngae, aqyawfnyaf, Yeqsur-anr yawkhav-aer aer-eu, “Mq cifle-awr, nanrma ga’anr shaw-iq ngar-a. Nga’nyaf naeq-aer yaf-awq.” Khoermirnae, Yeqsur, aqyawfnyaf naeq-aer yaf-eu laer urler-euq mae.

Yoˇhaˬ 1:29

Nishawq ngae nan, aqyawf jawr-eu paw Yeqsur oeluf-eu gar Yorhaq ya’mawr ngae, heulof-aer aer-eu mae, “Mirtsaqzaq-euq iqbax-anr pidzae-eu Miqyaer-euq Yawrzaq-anr hawsher-eq!

Yoˇhaˬ 11:25

Yeqsur, aqyawf-anr heulof-aer aernaeq-euq mae, “Ngar-aq, ghofdaef lar-eu jeq hawr-eu daef-eu jeq pyeuf-eu ma. Ngaq-anr jan-eu tsawrhaq-aq, shir-euq khawf ghofdaeflar taef-a.

Yoˇhaˬ 5:25

“Ngar, nawmaf-anr aqdir aqmar aernaeq nyar, shir-euq tsawrhaq deuq, Miqyaer-euq Zaqyo-euq tersar-anr yagaq-eu aryamq keuvle luf-eu mae. Nymq-mr nae keuvle-euq mae. Yagaq-euq tsawrhaq yadaef taef-a.

Gʼaˬkʼehˇ 18:5

Siqlav hawr-eu Tivmorseq, Maqgeqdawrniv mirkhanq-anr nae oekeuv ngae, Pawrluv, muiq-eu Saflar katir-eu mirnae, Yeqsur-aq, Kali mae laer Yurdav tsawrhaq deuq-anr sarkir kamqnaeq luf-eu mae.

Lormav 2:2

Aerkhawf, Miqyaer khoerlof-aer ghae-eu tsawrhaq-anr yarkhaq darnaeq-eu-aq, yawtsaq yawdawr-euq lafkhoer dar-eu mae laer aqdui siqnya ma.

Lormav 5:15

Aerkhawf, mrbanq lavlaeq-euq khoer-aq, yawqngaef-aer bif-eu lafsawq-anr maqdur-a. Aqjeq mirnae aernar-aq, tsawrhaq tiq ghaq mrbanq lavlaeq-euq mirnae, tsawrhaq ghawqmya’ni yashir-eu ngeur nar-aq, Miqyaer-euq guiqlanq yawdzanr hawr-eu Yeqsur Kali laer kur-eu khoerghaq-euq guiqlanq yawdzanr-euq lafkhoer anr-eu lafsawq-aq, ngeurdzaeq, tsawrhaq ghawqmya ni-euq gharduq byandzaeq-eu mae.

Lormav 6:13

Nawmaf-euq arsaer deuq maqtsaq maqdawr-eu jeq mr-eu gar zmq-eu keuka bi pyeufni, iqbax-anr taq a’naeq. Shir-euq gar nae ghofdaef lar-euq tsawrhaq lof-aer, yawqha-euq mawrdo, Miqyaer-anr a’naeq-awr, nawmaf-euq arsaer deuq khawf, tsaq-awr dawr-eu jeq-euq gharduq zmq-eu keuka pyeufni, Miqyaer-anr a’naeq-awq.

Lormav 6:6

Aqdui iqbax-euq zaqkhav maqpar yageuf-aer, iqbax-euq mawrdo heu-anr lavcawv nya’ni, aqdui-euq yawoer ghaq, aqyawf naeq-aer lafyaq-euq khoertav bi taftaeq-euq mae laer aqdui siqnya-eu ma.

1 Gawˇliˬtu 16:22

Aqsur ghaq maqkaq, Sanqpaq Yeqsur Kali-anr maqgaq nar-aq, aqyawf-euq khoertav yaqkhaer yaq-eu jeq keuvle luf-ur. Sanqpaq Yeqsur-or, oe-awq!

1 Gawˇliˬtu 2:14

Aerkhawf, Miqyaer-euq Saflar-anr taf-eu deuq-anr maq daefpov-euq tsawrhaq maq hageuf nya-a. Khoerdeuq-aq, aqyawf-euq gharduq aqdzawq argan-euq dawq lof-aer pyeuf-awr aqyawfmaf, garkawv heudeuq-anr maq ghovshaw nya-a. Aqjeq mirnae aernar-aq, saflar paw tserpav birpav nya-eu tsawrhaq taef-aer heudeuq-anr ghovshaw nya-eu mae.

2 Gawˇliˬtu 3:7

Shir-eu jeq-euq gar-aq, khaqlo-euq khoertav tafbof taq-awr yawshaef-euq lafkhoer dovlar-euq mae. Morseq-euq myavpyawq-anr byadov lef-eu yawshaef khoer byov-ir luf-eu khawf yawshaef ardzaeq-aer khav-eu mirnae, Irsaqleqlav tsawrhaq, aqyawf-euq myavpyawq-anr maq hawnya nar-aq,

2 Gawˇliˬtu 3:9

Laeq-ir-euq mirnae yarkhaq dar-eu jeq, yawshaef khanqsaer jav-eu ngeur nar-aq, tsaq-awr dawr-eu tsawrhaq bi pyeuflarni mr-eu guiqlanq-euq gar ngeurdzaeq, yawshaef khanqsaer yawkhav-aer huiqdzaeq-eu mae.

Gaˬlaˬtiˆ 2:20

Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

Eˇpeˇsu 6:24

Aqdui-euq Sanqpaq Yeqsur Kali-anr maqbyov-ir ni gaq-eu tsawrhaq yawqghaq navluf-euq khoertav, guiqlanq yawdzanr jav luf-ur. Aqmeq.

Gawˇlawˇsehˇ 2:13

Dzeurlaf ngae, nawmaf-aq, mrbanq lavbanq-eu lafkhoer hawr-eu shiqshaq paw bawkhov maeqdzaq maqyaeq-euq lafkhoer, shir-euq tsawrhaq pyeuf-eu khawf, Miqyaer, nawmaf-anr Kali naeq-aer tiqkawv lof-aer yawdaef bi daeflar-awr, nawmaf nae mrbanq lavbanq-euq dawqtawv luf-anr pyaeqnaeq jir-euq mae.

Gawˇlawˇsehˇ 3:3

Aqjeq mirnae aernar-aq, nawmaf-aq shirdzeur-awr, nawmaf daef-eu jeq Miqyaer-euq lafkhoer Kali naeq-aer zaftaq-euq mae.

1 Tiˆmoˇseˬ 2:6

Aqyawf-aq, tsawrhaq yawqghaq navluf-anr zeurkhof-eu laer aqyawf-euq mawrdo lawrnaeq-euq mae. Aryamq tsaqlar ngae, garkawv khoer bisiq bimawr laf-euq mae.

1 Tiˆmoˇseˬ 5:6

Aerkhawf, lurgha caergha-eu gar gaq-eu miqcoeq miqma-aq, daefluf-eu khawf shir-euq gar dur-eu mae.

Tiˇtuˆ 3:3

Aqjeq mirnae aernar-aq, dzeurlaf ngae aqdui khawf, aqdzawq argan gan-awr, aerdawq maq narhaq-eu uqtaf, maershuir-anr tawvler-awr, nuikhanr hawr-eu lurgha caergha-eu ghawqmya jeq-euq zaqkhav geuf-euq, muir-eu hawr-eu myavnav nav-eu lafkhoer daef-awr, aqcawq, aqdui-anr byae-eu uqtaf, aqdui khawf tiqghaq tirghaq byae-euq ma.

HeˬByehˇ 2:9

Aerkhawf, mqtav ghaqkhaer taf-aer uicuiv teqni janrnaeq-euq Yeqsur-anr aqdui ya’mawr-euq ma. Aqyawf shir-eu gar yadaq-euq mirnae, taqhuiq taqmanr-eu jeq hawr-eu yawshaef khanqsaer, shuir uqkhov lof-aer aqyawf-anr ciqkhov naeq-euq mae. Miqyaer-euq guiqlanq yawdzanr baqda’nae, aqyawf, tsawrhaq yawqghaq navluf-euq gharduq shirdan-euq mae.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

1 Beˬtuˆluˆ 1:8

Nawmaf, aqyawf-anr maq mawrhaw-euq khawf, aqyawf-anr gaqluf-eu mae. Nymq-mr nawmaf, aqyawf-anr maqya mawr khawf, aqyawf-anr jan-eu mirnae, yawshaef khanqsaer byan-awr, maq aernya paq-aer laqkhaq caer-eu jeq-euq lafkhoer, nawmaf laqkhaqcaer luf-eu mae.

1 Yoˇhaˬ 5:19

Aqdui-aq, Miqyaer-euq zaqdeuq pyeuf-awr, mirtsaqzaq dawqtawvluf yawcawv khoerghaq uvlanr-eu uqmov jawrluf-eu mae laer siqnya ma.