2 Gawˇliˬtu 5:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nga’maf tsawruq uq-ir-euq nar-aq, Miqyaer-euq gharduq uq-ir-euq ma. Nga’maf-euq nuima ganrluf-eu ngeur nar-aq, nawmaf-euq gharduq ma.

Akha

¹³ Nga maꞈ uˬ-iˇ-euˬ nga loˇ. Uˬ-iˇ-euˬ ngeuˇ naˇ, Miˬyehˇ hawˇ-eu nga maꞈ-euˬ yaw kaˬ-ahˇ jaˆ luꞈ-uˇ. Nga maꞈ maˬ uˬ-iˇ ngaˬ loˇ. Maˬ uˬ-iˇ-euˬ ngeuˇ naˇ kʼawꞈ, naw maꞈ gʼaˇ duˬ guiˬ lahˬ baw luꞈ-uˇ.

2 Gawˇliˬtu 5:13 ပူးပေါင်းရင်းမြစ်များ

Maˬkuˆ 3:21

Yeqsur-euq aqyuif aqnyir deuq garkawv heu-anr yagaq ngae, “Aqyawf uq-ir-euq ngar-a” laer aer-awr, aqyawf-anr gheunaq-ir-eu laer dov-ir-euq mae.

Lormav 12:3

Ngaq-anr bifnaeq laf-euq guiqlanq yawdzanr baqda’nae, nawmaf-euq lafkhoer jawr-eu yawqghaq navluf-anr ngar heulof-aer aernaeq-eu ma. Yawqhar yawqha sharnoeq paq-aer ghae-eu taf-aer taqnoeq huiqdzeur. Aerkhawf, Miqyaer nae tiqghaq sair tiqghaq-anr jan-eu jeq bifnaeq taq-euq gar tsaqni taef-aer, yawmuiq-aer sharnoeq sharsawx-awq.

2 Gawˇliˬtu 11:1

Ngar, aqdzawq argan-euq dawq uicuiv ngaeq-eu gar nawmaf bi ormawf mir-a. Nawmaf, ngaq-anr aqdir or naeqlaf-euq mae.

2 Gawˇliˬtu 12:11

Nawmaf, ngaq-anr katir-eu mirnae, ngar khanqsaer jaev-eu lafkhoer aqdzawq argan pyeuf-ir-euq mir-a. Aqdir aernar-aq, nawmaf, ngaq-anr ciqpoeq paq-aer ghae-eu mae. Aqjeq mirnae aernar-aq, ngar tiqjeq-iq bym-awr nya-eu tsawrhaq maqngeur-eu khawf, huiq-awr manr-eu ghaqkhaer khoerdeuq taf-aer teqdzaeq-eu maqngeur.

2 Gawˇliˬtu 12:6

Ngar khanqsaer jaevmawf-eu law-awr khawf, ngar, aqdzawq argan maqgeuf. Aqjeq mirnae aernar-aq, ngar yawtsaq yawdawr taef-aer ngaeq-eu ma. Aerkhawf, ngaq nae mr-euq jeq-anr ya’mawr-awr, ngaq nae ngaeq-euq dawq-anr yagaq-euq taf-aer, tsawrhaq tiqghaq-iq ngaq-anr ardzaeq-aer maqbi noeqhuiqdzeur mawf-eu mirnae, ngar tiqjeq-iq maqpar ngaeq ma.

2 Gawˇliˬtu 7:12

Khoermirnae, ngar, nawmaf-anr sanqbof bofnaeq-euq-aq, mrbanq-euq tsawrhaq-euq gharduq maqngeur. Aqcawq mrbanq lar-eu gar ya daqluf-eu tsawrhaq-euq gharduq khawf maqngeur. Miqyaer-euq maeqshi nga’maf, nawmaf-anr arnavni khanqlanr-eu garkawv bisiqni bofanr lef-euq ma.

Gawˇlawˇsehˇ 1:24

Nymq-mr ngar, nawmaf-euq gharduq shaqzanq ya daqluf-eu khawf, laqkhaqcaer mir-a. Aqjeq mirnae aernar-aq, Kali, aqyawf-euq mawrdo pyeuf-eu Kalizaq armur-euq gharduq maqya daqjir-euq shaqzanq deuq daqbyanni, ngar, ngaq-euq shiqshaq-euq lafkhoer daqluf-eu ma.

1 Teˇsaˬloˇni 1:5

Nga’maf nae maeq-euq guiqlanq dawq-aq, nawmaf jawr-eu gar dawq taef-aer keuvle-euq maqngeur-a. Aerkhawf, baoq lafkhoer, Yawshawr Saflar-euq lafkhoer hawr-eu janduq duidui-eu lafkhoer keuvle-euq mae. Aqjeq mirnae aernar-aq, nga’maf, nawmaf naeq-aer jawr ngae, nawmaf-euq gharduq gardanr tsoeqni daef-euq gar nawmaf siqnya-eu mae.

2 Tiˆmoˇseˬ 2:10

Khoermirnae, tserdov taq-euq tsawrhaq deuq khawf, Yeqsur Kali-euq lafkhoer anr-eu kakhof-eu jeq za’ni, ngar yawqjeq navluf-anr orluf-eu ma. Kakhof-eu jeq khoer naeq-aer tiqkawv lof-aer li-eu maqbawni zif-eu yawshaef khanqsaer khawf za taef-a.