2 Gawˇliˬtu 5:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nga’maf, Sanqpaq Miqyaer-anr guv paq-aer ghae-eu nga laer siqnya-eu mirnae, tsawrhaqzaq-anr gheupyawr duidui luf-eu ma. Khoeruqtaf, nga’maf aqjox-aer ghae-eu tsawrhaq la laer, Miqyaer yawmuiq-aer siqnya luf-eu mae. Nawmaf-euq zaqsiq nuisiq khawf, nga’maf-anr khoerlof-aer siqnya taef-a laer ngar noeqtmq ma.

Akha

¹¹ Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.

2 Gawˇliˬtu 5:11 ပူးပေါင်းရင်းမြစ်များ

Jaceuq 73:19

Or-oq, aqyawfmaf tiqpov taef-aer bi lavcawv-awr; Aqyawfmaf, guv-awr gav-eu jeq nae yabi puivdzaqjir taef-a.

Jaceuq 76:7

Nawq-anr aer ngae, nawr-aq, guvlar paq-aer ghae-eu mae. Nawr nuima paer ngae, nawq-euq maeqshi aqsur ghaq yawfpeuq-eu?

Jaceuq 90:11

Nawq-euq nuipaer-euq baoq-anr aqsur ghaq siqnya-eu? Aqjeq mirnae aernar-aq, nawq-anr guv paq-aer ghae-eu lof-aer; Nawq-euq nuima paer-eu jeq-aq, guvlar paq-aer ghae-eu mae.

Maꞈtehˬ 10:28

Mawrdo-anr saefnya-eu khawf, saflar-anr maq saefnya-eu deuq-anr taqguv. Aerkhawf, mawrdo hawr-eu saflar-anr shiqbuir lanma-euq lafkhoer lavcawv nya-eu ghaq-anr guv-awq.

Maꞈtehˬ 25:46

Aqyawf maf-aq, mqmaq maqbyav yarzir darnaeq-eu lafkhoer ya’ur-ir-awr, tsaq-awr dawr-eu tsawrhaq deuq-aq, mqmaq maqbyav yarzir daef-eu lafkhoer ya urler taef-a.”

Luˇkaꞈ 12:5

Nawmaf, aqsur ghaq-anr guv paq-aer ghae-eu la laer ngar, nawmaf-anr panmaeqnaeq nyar. Lavsaef-awr shiqbuir lanma-anr biqanr nya-eu aryaq jav-eu ghaq-anr guv-awq. Ngar, nawmaf-anr aernaeq nyar, aqyawf-anr guv-awq!

Luˇkaꞈ 16:31

Aqbyaqhaq, aqyawf-anr aernaeq-eu, ‘Aqyawfmaf, Morseq-euq dawq hawr-eu Miqyaer gharduq ngaeqdan-eu deuq-euq dawq-anr maq narhaq nar-aq, shir-euq tsawrhaq tiqghaqnav ghofdaef lar-euq khawf, aqyawf maf-anr maq lavjan nya-ar.’ ”

Gʼaˬkʼehˇ 13:43

Tsawrhaq armaf ghawq-ir ngae, Yurdav tsawrhaq hawr-eu Miqyaer-anr guv-eu Yurdav-euq zanr tawqlar-euq tsawrhaq ghawqmya’ni, aqyawf maf-anr maeqnaeq-euq Pawrluv hawr-eu Baqnaqbar-euq maeqnan cantae ghae-euq mae. Aqyawfnyaf, aqyawf maf-anr Miqyaer-euq guiqlanq yawdzanr-euq lafkhoer daefdav lefni maeqjan yaf-euq mae.

Gʼaˬkʼehˇ 18:13

aer-eu, “Tsawrhaq heughaq-aq, zanrdawq-anr banq-eu jeq-aer Miqyaer-anr uqduq tanqni, aqcawq-anr gheupyawr luf-eu mae.”

Gʼaˬkʼehˇ 18:4

Yurdav tsawrhaq hawr-eu Heqlaqsar tsawrhaq, Kali-anr janlarni, landaw jawrnan yawqnan navluf zanrdawq khawqnymr-euq lafkhoer Pawrluv kurcawq-eu mae.

Gʼaˬkʼehˇ 19:26

Aerkhawf, tsawrhaq-euq aqlaf nae taev-euq miqyaer deuq-aq, miqyaer maqngeur-a laer Pawrluv heughaq aeraer-aer, Erpersu-anr taef-aer maqngeur-eu, Aqsir mircoer yawqgar navluf aerghaqni, aqyawf, tsawrhaq ghawqmya ni-anr gheupyawr-awr nuima lavpar luf-eu gar nawmaf yagaq ya’mawr-euq mae.

Gʼaˬkʼehˇ 26:26

Garkawv heudeuq-anr sanqpaq Aqgirpav siqnya-eu mirnae, ngar, aqyawf-euq maeqshi nuima khaqduqni aerpeuq-eu ma. Garkawv heudeuq barzaf-anr pyeuflar-euq maqngeur-eu mirnae, aqyawf maqsiq maqmawr-euq tiqjeq-iq maqjav-a laer ngar yawduqbaw ma.

Gʼaˬkʼehˇ 28:23

Khoernar-aq, aqyawfmaf, Pawrluv naeq-aer nanpax pax-euq mae. Khoernan keuvlar ngae, tsawrhaq ghawqmya’ni Pawrluv jawr-eu gar uiqlar-euq mae. Pawrluv uqshawq paw nae uqcif pawdzer keuvni, Miqyaer uvlanr-eu garkawv, aqyawf maf-anr sarkir kamqnaeq-awr, aqyawfmaf, Yeqsur-anr taf-eu paw pyawrlarni, Morseq-euq zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-anr ghoeghoe-aer, yawmuiq paq-aer dufyawrni ja’maeq naeq-euq mae.

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.

2 Gawˇliˬtu 5:20

Khoermirnae, nga’maf-aq, Kali-euq danzar geufluf-eu ma. Miqyaer, nga’maf-anr ghoe-awr nawmaf-anr sharluf-eu gar dur-eu mae. Miqyaer-anr tsaqler dzoerler-awq laer nga’maf, Kali-euq danzar geuf-awr, nawmaf-anr tanqshar-eu ma.

2 Gawˇliˬtu 6:1

Nawmaf, Miqyaer-euq guiqlanq yawdzanr hageuf-euq khoer yawqngaef-aer taqbi pyeuf laer Miqyaer-euq gar mrcawq pyeuf-awr mrluf-eu nga’maf, nawmaf-anr tanqshar-eu ma.

Gaˬlaˬtiˆ 1:10

Nymq-mr, tsawrhaq, ngaq-anr nuima tsaqni ngar mrluf-eu nga lor? Maqngeur nar-aq, Miqyaer nuima tsaqni mrluf-eu nga laq? Tsawrhaq, ngaq-anr nuikhanr bishir-eu laer ngar povluf-eu nga lor? Tsawrhaq, ngaq-anr nuikhanr bishir-eu laer ngar povluf-eu ngeur nar-aq, ngar-aq, Kali-euq zaqkhav maqngeur-a.

Eˇpeˇsu 5:21

Miqyaer-anr yawzeu baw-eu lafkhoer, tiq ghaq-euq lafov tiq ghaq yawmuiq-aer jawr-awq.

HeˬByehˇ 10:31

Daefluf-eu Miqyaer-euq aqlaf-euq lafkhoer ya ga’ur-eu-aq, guvlar paq-aer ghae-eu jeq pyeuf-eu mae.

HeˬByehˇ 12:29

Aqjeq mirnae aernar-aq, aqdui-euq Miqyaer-aq, puivdzaqjir nya-eu miqdzaq pyeuf-eu mae.

Yuˇdaˆ 1:23

Aerkhawf, nawmaf guv-eu nuima anr-eu lafkhoer tsawrhaq tiqpavnav deuq-anr bibuq-ir ni miqdzaq-euq lafkhoer nae gheudov naeq-awq. Shiqshaq baqda’nae maqshawrni bipyeuf-ir-euq maeqtsoeq-anr taef-aer khawf byae-awq.

Panmaeq 20:15

Khoernar-aq, Daef-eu jeq bif-eu sanqbof-euq lafkhoer tsawrmyanr maqanr-eu tsawrhaq yawqghaq navluf, miqdzaq-euq lan-anr bi dzaepuf jir-euq mae.