2 Gawˇliˬtu 4:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nga’maf-anr yawqpaw navluf nyaefsuflar luf-eu khawf, nyaefpyaev lar-eu gar maqkeuv-a. Noeq ngae maqdov-eu khawf, noeqtmqkhar maqza-eu gar maqkeuv-a.

Akha

⁸ Shaˬ zahˬ gʼawˬ mya jeˬ-ahˇ nga maꞈ ya daˬ-euˬ ma. Ehˇ kʼawꞈ, yaw li uˬ duˬ maˬ keuˆ le-aˬ siˬ. Tiˬ poˆ na noeˬ dui noeˬ duiˇ gaˇ keuˆ-euˬ ma. Ehˇ kʼawꞈ, nui ma cawˆ gaˇ maˬ keuˆ-aˬ siˬ.

2 Gawˇliˬtu 4:8 ပူးပေါင်းရင်းမြစ်များ

Jaceuq 129:2

“Ngar, zaqguq ngae nae, aqyawfmaf, ngaq-anr khaeqnaeq khavnaeq laf-euq mae; Aerkhawf, aqyawfmaf, ngaq-anr maq ghaqlar nya-a.

Jaceuq 37:33

Aerkhawf, Ya’we Miqyaer, tsaq-awr dawr-eu tsawrhaq-anr, Tsawrcawv-euq aqlaf-euq lafkhoer maq byaerdzae yaf-ar; Aqyawf-anr yarkhaq dar-eu khawf, yawlaeq nga laer maqya bidar-ar.

Dawqdaq 14:26

Ya’we Miqyaer-anr guv-eu jeq-euq lafkhoer, Tsawrhaq tiq ghaq, zifdanni ghae-eu yawduq baw-eu jeq jav-awr, Aqyawf-euq zaqdeuq caevzafkhar za-eu mae.

Dawqdaq 18:10

Ya’we Miqyaer-euq tsawrmyanr-aq, Zifdanni ghae-eu lofpir-eu nymrgor pyeuf-awr, Tsaq-awr dawr-eu tsawrhaq deuq caevzafler ngae, Yabuq-ir-eu mae.

Yoˇhaˬ 14:18

“Ngar, nawmaf-anr murcoeq aqnmr lof-aer maq byaerdzaeyaf. Ngar, nawmaf jawr-eu gar par ghofle ma.

1 Gawˇliˬtu 10:13

Nawmaf-anr keuvle teurle-awr yadaq-eu murjur jur-eu jeq-aq, tsawrhaqzaq maq daqhaw-euq murjur jur-eu jeq maqngeur-a. Miqyaer sarjax zif-eu mirnae, nawmaf maq daqcoer-eu murjur jur-eu jeq nawmaf-anr maqbi keuvle-a. Murjur jur-eu jeq keuvle ngae, nawmaf daqcoerni buq-ir nya-eu garma shardanr taq-euq mae.

2 Gawˇliˬtu 12:10

Khoermirnae, ngar, Kali-euq gharduq laqkhaq caertavni, ghaq baq-eu, yaeqbawq-aer aerlar-eu, nym-awr ju-eu, khaeq-awr khav-eu, nuima shaqzanq mr-eu, heudeuq-anr daq-eu ma. Aqjeq mirnae aernar-aq, ngar ghaqbaqbaq ngae, ngar ghaq khav-eu ma.

2 Gawˇliˬtu 6:12

Nawmaf-euq nuima-aq, nga’maf-euq baqda’nae piqtaeq taq-euq maqngeur-a, yawqha-euq nuinoeq-euq baqda’nae piqtaeq taq-euq mae.

2 Gawˇliˬtu 6:4

Aerkhawf, nga’maf yawqjeq navluf-euq lafkhoer yawqhar yawqha, Miqyaer-euq guiqlanq-euq gar mrzaq ma laer noeqpoeq-awr, heudeuq-anr yadaq-euq ma: yawkhav-aer ya’or-eu, shaqzanq myaq-eu, mawf-awr nym-eu, noeqshaq-eu,

2 Gawˇliˬtu 7:5

Nga’maf, Maqgeqdawrniv mirkhanq-anr larkeuv ngae, tiqjawr-iq ghaqnaq naq-eu maqdan-aq. Khoeruqtaf, nga’maf-euq tiqjawq nuima maqsar-eu jeq keuvle-eu gar yadaq-euq ma. Lafnyir paw iqdaeq iqcae dovlar luf-awr, lafkhoer paw guv-eu jeq anr-eu mir-a.

Gaˬlaˬtiˆ 4:20

Ngar, nawmaf-euq garkawv noeq ngae maqdov nya. Nymq-mr ngar, nawmaf naeq-aer jawr lawnmr-aq laer noeqsaef nya. Jawr lawnmr-aq, dawq ngaeq-eu tersar lavpar-awr maeqnaeqmawf mir-a.