2 Gawˇliˬtu 4:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Akha

⁶ “Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

2 Gawˇliˬtu 4:6 ပူးပေါင်းရင်းမြစ်များ

Jaceuq 63:2

Khoermirnae, ngar, nawq-euq shawr-eu jawrduq-euq lafkhoer, Nawq-euq baoq hawr-eu yawshaef khanqsaer-anr ya’mawrni, Ngar, nawq-anr povlar-euq ma.

Jaceuq 74:16

Nan’ghanr-aq, nawq-euq pyeuf-awr; uqcif khawf nawq-euq mae; Nanrma hawr-eu yawshaef-aq, nawq nae laeqhmq taq-euq mae.

Jaceuq 90:16

Nawq-euq kuirlaf zaqkhav-anr nawq-euq gar bi mawrle naeqlaf-awr; Aqyawf maf-euq zaqdeuq-anr nawq-euq yawshaef khanqsaer bimawr-awq.

Luˇkaꞈ 10:22

Heudeuq dawqtawvluf ngaqDa nae, ngaq-anr bifnaeq laf-euq mae. Aqda maqngeur nar-aq, Zaqyo aqsur ghaq-a laer tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda aqsur ghaq-a laer tiqghaq-iq maq siqnya-a.”

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Yoˇhaˬ 11:40

Yeqsur, aqyawf-anr aernaeq-eu, “Nawr jan nar-aq, Miqyaer-euq yawshaef khanqsaer-anr ya’mawr taef-a laer ngar, nawq-anr aernaeq-euq maqngeur-a lor?”

Yoˇhaˬ 12:41

Irsaqyar, Kali-euq yawshaef khanqsaer-anr ya’mawr-awr ya’ngaeq-euq mirnae, aqyawf-euq garkawv khoerlof-aer aer-eu mae.

Gʼaˬkʼehˇ 26:18

Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”

1 Gawˇliˬtu 12:8

Muiq-eu Saflar-aq, tiq ghaq-anr zaqsiq tsawrganr-euq dawq bif-awr, muiq-eu Saflar heughaq, tiq ghaq-anr-aq, siqnya-eu tsawrganr-euq dawq bif-eu mae.

2 Gawˇliˬtu 2:10

Nawmaf, tsawrhaq tiqghaq nav-euq iqbax-anr pyaeqnaeq nar-aq, ngar khawf khoerghaq-euq iqbax-anr pyaeqnaeq ma. Ngar iqbax tiqjeqnav pyaeqnaeq-eu-aq, nawmaf-euq gharduq Kali-euq maeqshi pyaeqnaeq-eu ma.

2 Gawˇliˬtu 3:18

Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

Eˇpeˇsu 1:17

Aqdui-euq Sanqpaq Yeqsur Kali-euq Miqyaer pyeuf-eu, yawshaef khanqsaer-euq Aqda, nawmaf-anr zaqsiq tsawrganr hawr-eu panmaeq-eu Saflar bifnaeq-awr, aqyawf-anr siqnya-eu tsawrganr anrlarni, ngar guiqlanq sharluf-eu ma.

Eˇpeˇsu 1:18

Miqyaer, nawmaf-anr kur-euq khoer, noeqtmq-eu jeq aqjox-aer jav-awr, tsawrshawr deuq-euq lafkhoer jeqbir-euq yawshaef khanqsaer arnavni sanr-eu nga laer, nawmaf-euq ghovshaw nya-eu myavnuiv panlarni khawf, ngar guiqlanq sharluf-eu ma.

Eˇpeˇsu 5:8

Dzeurlaf ngae, nawmaf yawzanr pyeuf-eu khawf, nymq-mr-aq, Sanqpaq Miqyaer-euq lafkhoer yawshaef pyeuflar-euq mae. Khoermirnae, yawshaef-euq zaq lof-aer daef-awq.

Piˇliˇpiˆ 2:6

Aqyawf, Miqyaer pyeuf-eu khawf, Miqyaer lof-aer pyeuf-awr di-eu jeq-anr ya nyaeftaeq taq-eu mae laer maqnoeq-aq.

Gawˇlawˇsehˇ 1:15

Kali-aq, maq mawrlar-eu Miqyaer-euq shaevdzeuf pyeuf-awr, baetaq-euq yawqjeq navluf-euq khoertav huqbaw zaqyo ghaq pyeuf-eu mae.

1 Teˇsaˬloˇni 2:12

Miqyaer uvlanr-eu lafkhoer hawr-eu aqyawf-euq yawshaef khanqsaer-euq lafkhoer urlarni, nawmaf-anr kur-euq Miqyaer-anr geuxni yawdaef daef-awq laer nga’maf, nawmaf-anr dawq bif-euq ma.

HeˬByehˇ 1:3

Aqyawf-aq, Miqyaer-euq yawshaef khanqsaer-euq yawshaef pyeuf-awr, Miqyaer-euq shaevdzeuf byan-eu ghaq pyeuf-eu mae. Aqyawf, aqyawf-euq baoq anr-eu dawq-anr ghoe-awr, dawqtawv luf-anr hawlanr lavsav luf-eu mae. Aqyawf, aqyawf-euq mawrdo nae aqdui-euq iqbax-anr tsiqshawr ghaq-awr, yawgor-anr khanqsaer huiq-eu Ghaq-euq armar paw nuirluf-eu mae.

HeˬByehˇ 6:4

Aqjeq mirnae aernar-aq, yawshaef-anr mawrhaw-awr, mq-euq khoertav-euq lafsawq-anr myeufhaw-euq uqtaf, aqcawq lof-aer Yawshawr Saflar za-awr,

1 Beˬtuˆluˆ 1:12

Miqyaer gharduq ngaeqdan-eu khoerdeuq, aqyawfmaf gar mr-eu-aq, yawqha-euq gharduq mr-eu maqngeur-aer, aqdui-euq gharduq mr-eu mae laer Miqyaer, aqyawf maf-anr panmaeq naeq-euq mae. Mq-anr nae bi’oe-euq Yawshawr Saflar, aqyawf maf-anr panmaeq naeq-euq mirnae, nymq-mr aqyawfmaf guiqlanqdawq khoerdeuq, nawmaf-anr maeqnaeq luf-eu mae. Mqtav ghaqkhaer deuq khawf, khoerdeuq-anr mawrmawf duidui-eu mae.

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)

2 Beˬtuˆluˆ 1:19

Khoermirnae, aqdui yawduq baw-eu, Miqyaer gharduq ngaeqdan-eu dawq jav-eu ma. Nawmaf dawq khoer-anr narhaqgeuf nar-aq yawmuiq mae. Khoer-aq, nawmaf-euq nuima-euq lafkhoer, uqbya byalar-awr, shawqmuir dovlar ngae keuvni, yawzanr-euq lafkhoer byaluf-eu yawshaef-anr nawmaf ghoe-eu lof-aer dur-eu mae.