2 Gawˇliˬtu 4:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nga’maf-aq, yawqha-euq garkawv dawqmaeq maeqluf-eu maqngeur. Yeqsur Kali-aq, Sanqpaq Miqyaer mae laer maeq-eu uqtaf, nga’maf-aq, Yeqsur-euq gharduq nawmaf-euq zaqkhav pyeufluf-eu ma.

Akha

⁵ Nga maꞈ-aˬ, yawˬ ha-euˬ gaˇ kawˆ mehˬ luꞈ-eu maˬ ngeuˇ. Yeˬsuˇ Ka li-aˬ, tsawˇ haˬ dawˬ tawˆ luꞈ-euˬ Sahˬpaˬ pyeuꞈ-awˇ, nga maꞈ-aˬ, aˬ yawꞈ-euˬ gʼaˇ duˬ naw maꞈ-euˬ zaˬ kʼaˆ pyeuꞈ-eu gaˇ kawˆ mehˬ-eu ma.

2 Gawˇliˬtu 4:5 ပူးပေါင်းရင်းမြစ်များ

Maꞈtehˬ 23:8

Aerkhawf, aqcawq nae nawmaf-anr ‘Saqlaq’ laer taqbi kur. Aqjeq mirnae aernar-aq, nawmaf-euq saqlaq tiq ghaq taef-aer jawr-awr, nawmaf dawqtawvluf aqyuif aqnyir taef mae.

Maꞈtehˬ 3:11

Nawmaf noeqpov noeqparni, ngar-aq, aqdir nawmaf-anr ircuf nae bartirsaq mrnaeq luf-eu ma. Aerkhawf, ngaq-euq maeqnan oeluf-eu ghaq-aq, ngaq-euq navmaqtser baoq huiq-eu mae. Ngar-aq, aqyawf-euq saeqnawv yurnaeq-eu taef khawf maqgeux-a. Aqyawf-aq, Yawshawr Saflar hawr-eu miqdzaq nae nawmaf-anr bartirsaq mrnaeq taef-a.

Yoˇhaˬ 7:18

Yawqha-anr nae dovlar-euq jeq ngaeq-eu tsawrhaq-aq, yawqha-euq yawshaef khanqsaer pov-eu mae. Aerkhawf, aqyawf-anr khaerghae lef-euq ghaq-euq yawshaef khanqsaer-anr pov-eu ghaq-aq, tsaq-awr dawr-awr, aqyawf-euq lafkhoer maqtsaq maqdawr-eu jeq maqanr-a.

Gʼaˬkʼehˇ 10:36

Miqyaer, aqyawf-euq dawq, Irsaqleqlav tsawrhaq-anr bif-euq mae. Dawq khoerdawq-aq, dawqtawv luf-euq Sanqpaq pyeuf-eu Yeqsur Kali-euq baqda’nae, nuisar biza’ni maeq-eu guiqlanqdawq mae.

Gʼaˬkʼehˇ 2:36

“Khoermirnae, Irsaqleqlav-euq nymrkhanq yawqkhanq navluf garkawv heu-anr yawmuiq-aer siqduq-awq. Nawmaf nae tafsaef-euq Yeqsur khoerghaq-anr Miqyaer nae Sanqpaq Miqyaer hawr-eu Kali bi pyeuflar ghaq-euq mae.”

Gʼaˬkʼehˇ 5:31

Uvlanr-eu ghaq hawr-eu Kakhof-eu ghaq pyeuf-awr, Irsaqleqlav-anr noeqpov noeqpar-eu jeq hawr-eu, iqbax pyaeq-eu jeq bif-eu gharduq, Miqyaer, aqyawf-anr aqyawf-euq armar paw ciqgor naeq-euq mae.

1 Gawˇliˬtu 1:23

Aerkhawf, aqdui, Kali lafyaq-anr bi tafsaef-euq garkawv dawqmaeq maeq-eu ma. Garkawv heu-aq, Yurdav tsawrhaq-euq gharduq sanqtif tif-eu jeq pyeuf-awr, Heqlaqsar tsawrhaq-euq gharduq zaqsiq tsawrganr maqanr-eu jeq pyeuf-eu mae.

1 Gawˇliˬtu 10:33

Ngar kharmr-eu yawqjeq navluf-euq lafkhoer, tsawrhaq dawqtawvluf nuikhanr shirni mr-eu lof-aer, aqyawfmaf kakhof-eu jeq za’ni, ngar, yawqha-anr muiqlar-eu jeq maqpov-aer, tsawrhaq ghawqmya ni-anr muiqni povluf-eu ma.

1 Gawˇliˬtu 12:3

Khoermirnae, ngar, nawmaf-anr heulof-aer bi siqnya’mawf mir-a. Tsawrhaq tiqghaq-iq Miqyaer-euq Saflar-anr ghoe-awr nae, Yeqsur-anr yaqkhaer yaq-eu dawq maqngaeq-ar. Khoeruqtaf, Yawshawr Saflar-anr maqghoe nar-aq, Yeqsur-aq, Sanqpaq mae laer tsawrhaq tiqghaq-iq maqaer nya-a.

1 Gawˇliˬtu 15:47

Yawbae ghaq-aq, mirtsaq shaqjaev-anr nae pyeufdov lar-awr mirtsaq-anr taf-eu mae. Nyiq ghaq tiqghaq-aq, mq-anr nae oe-euq mae.

1 Gawˇliˬtu 2:2

Ngar, nawmaf naeq-aer jawr ngae, Yeqsur Kali-euq garkawv hawr-eu, aqyawf, lafyaq-euq khoertav bi tafsaef-euq garkawv maqngeur nar-aq, nuijeq tiqjeq-iq siqnya-eu maqgeuf laer ngar noeqtsaev taq-euq ma.

1 Gawˇliˬtu 4:15

Kali-euq garkawv nawmaf-anr maeqnaeq-eu 10,000 ghaq jawr-eu khawf, aqda ghawqmya ghaq jawr-eu maqngeur-a. Aqjeq mirnae aernar-aq, ngar guiqlanqdawq maeq-awr, Yeqsur Kali-euq lafkhoer nawmaf-anr ngaq-euq zaq bi pyeuflar-euq ma.

1 Gawˇliˬtu 8:6

Aerkhawf, aqdui-euq gharduq-aq, Miqyaer tiq ghaq taef-aer jawr-awr, aqyawf-aq, aqdui-euq Aqda mae. Yawqjeq navluf aqyawf-anr nae dovle-awr, aqdui khawf aqyawf-euq gharduq daefluf-eu ma. Aqdui-euq Sanqpaq khawf tiq ghaq jawr-eu taef ma. Aqyawf-aq, Sanqpaq Yeqsur Kali mae. Aqyawf-euq baqda’nae yawqjeq navluf javluf-awr, aqdui khawf, aqyawf-euq baqda’nae daefluf-eu ma.

2 Gawˇliˬtu 1:19

Aqjeq mirnae aernar-aq, ngar, Siqlav hawr-eu Tivmorseq, nga’maf nae nawmaf-anr dawqmaeq maeqnaeq-euq, Miqyaer-euq Zaqyo Yeqsur Kali-euq garkawv-aq, ngeur-eu jeq khawf, maqngeur-eu jeq khawf, keuqkeuq soso-aer ghae-eu maqngeur-aer, aqyawf-euq lafkhoer-aq ngeur-eu jeq taef mae.

2 Gawˇliˬtu 1:24

Nga’maf, nawmaf jan-eu jeq-anr dzoeq-eu laer maqngeur. Nawmaf jan-eu lafkhoer yawfluf-eu mae. Nga’maf-aq, nawmaf laqkhaq caerni nawmaf-euq gar mrcawq pyeuf-eu ma.

Gaˬlaˬtiˆ 5:13

Aqyuif aqnyir deuq-or! Nawmaf buq-ir-euq tsawrhaq bipyeuf-eu laer Miqyaer, nawmaf-anr kur-euq mae. Aerkhawf, buq-ir-euq khoer-anr shiqshaq-euq nuilov gharduq taqzmq. Gaq-eu lafkhoer, tiqghaq tirghaq-euq kuirlaf zaqkhav geufnaeq-awq.

Piˇliˇpiˆ 1:15

Tsawrhaq tiqghaq nav-aq, myavnav nav-awr caeghaq mawf-eu mirnae, Kali-euq garkawv dawqmaeq maeqluf-eu mae. Aerkhawf, tiqghaq nav-aq, aqdir nuima keuv-awr maeqluf-eu mae.

Piˇliˇpiˆ 2:11

Khoeruqtaf, Aqda Miqyaer-euq yawshaef khanqsaer za’ni, maeqlar yawqlar navluf, Yeqsur Kali-aq, Sanqpaq Miqyaer mae laer ya aerdov taef-a.

2 Tiˆmoˇseˬ 2:10

Khoermirnae, tserdov taq-euq tsawrhaq deuq khawf, Yeqsur Kali-euq lafkhoer anr-eu kakhof-eu jeq za’ni, ngar yawqjeq navluf-anr orluf-eu ma. Kakhof-eu jeq khoer naeq-aer tiqkawv lof-aer li-eu maqbawni zif-eu yawshaef khanqsaer khawf za taef-a.

Tiˇtuˆ 1:11

Aqyawf maf-anr maqbi ja’ni lavtsoeq-awq. Aqjeq mirnae aernar-aq, aqyawf maf-aq, pyurshuir za’ni, maqmaeq paq-aer ghae-eu jeq maeqmaeq-aer nymrkhanq khanqlan ni-anr lavcawv luf-eu mae.

2 Beˬtuˆluˆ 2:3

Aqyawfmaf pyurshuir myawqganq-anr maerjuir juir-eu mirnae, jaqmyawf maershuir-euq dawq nae nawmaf-anr myawfdzaq lar-eu mae. Aerkhawf, dzeurlaf ngae nae, aqyawf maf-anr yarkhaq dartsaev taq-euq khoer, maq nyinaq-aer, lavcawv-eu jeq maq yufbyovni, aqyawf maf-euq khoertav keuvle luf-eu mae.