2 Gawˇliˬtu 4:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Nymq-mr nga’maf tiqkhaeq-euq lafkhoer ya daqluf-eu pyarsawvni ghae-eu shaqzanq heudeuq-aq, maq ciqcaev nya-eu myaq duidui-awr, mqmaq maqbyav yarzir, huiq-eu yawshaef khanqsaer-anr nga’maf-anr biza-eu gharduq mrluf-eu jeq pyeuf-eu mae.

Akha

¹⁷ Tiˬ kʼehˬ tiˬ yamˬ laꞈ kʼoeˇ nga maꞈ ya daˬ luꞈ-eu ehˇ nyaꞈ maˬ nyeuˆ-eu shaˬ zahˬ heu-aˬ, maˬ shaˇ cehˆ nya gaˇ keuˆ ni huiˬ-eu mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ-ahˇ za nya ni lehˬ hmˬ luꞈ gaˇ duˇ-eu ma.

2 Gawˇliˬtu 4:17 ပူးပေါင်းရင်းမြစ်များ

Jaceuq 119:67

Ngar, shaqzanq yadaq-euq maeqhu, Garbanq banqyaf-euq khawf, nymq-mr-aq, Ngar, nawq-euq dawq-anr mrcaw-eu ma.

Jaceuq 119:71

Ngar, nawq-euq zanrtaq khoftaq-anr dzawgeuf-eu gharduq, Ngaq nae shaqzanq yadaq-euq khoer-aq, yawmuiq mae.

Jaceuq 30:5

Aqjeq mirnae aernar-aq, aqyawf nuima paer-eu tiqkhaeq larkhaeq taef-aer paer-awr; Aqyawf ghoer mr-eu jeq-aq, tiqzir zif-eu mae. Uqcif mirlan-aer ya’ngoer-eu law-awr khawf, Uqshawq paw laqkhaq caer-eu jeq keuvle-eu mae.

Jaceuq 31:19

Or-oq, nawq-anr guv-eu deuq-euq khoertav bi keuvle-awr, Nawq nae tsawrhaq-euq zaqdeuq-euq maeqshi, Nawq-anr ghoe-eu deuq-euq gharduq laeqhmq taq-euq yawmuiq jeq arnavni huiq-eu nga.

Jaceuq 73:24

Nawr, ngaq-anr nawq-euq maeqbawq nae sheuqghae naeqlaf-awr; Arsaq saqlar ngae nawr, ngaq-anr yawshaef khanqsaer-euq lafkhoer, Hageuf naeqlaf taef-a.

Maꞈtehˬ 5:12

Laqkhaq caer-awr lurgha caergha-awq. Aqjeq mirnae aernar-aq, mq-euq khoertav nawmaf-euq mrpoeq lafsawq ghawqmya’ni jav-eu mae. Nawmaf-euq maeqhu daefyaf-euq Miqyaer gharduq ngaeqdan-eu tsawrhaq deuq-anr khawf, aqcawq, aqyawf maf-anr khoerlof-aer khaeqnaeq khavnaeq-euq mae.

Luˇkaꞈ 6:23

“Khoerngae nan-anr, nawmaf tsawqtsawq-aer laqkhaq caer-awq. Aqjeq mirnae aernar-aq, mq-euq khoertav nawmaf-euq mrpoeq lafsawq huiq duidui-eu mae. Aqyawf maf-euq aqpoeq deuq khawf, Miqyaer gharduq ngaeqdan-eu tsawrhaq-anr khoerlof-aer janrnaeq-euq mae.

Gʼaˬkʼehˇ 20:23

Aerkhawf, ngar khar irkeuv-euq meuq-euq lafkhoer, shmrcav hawr-eu shaqzanq, ngaq-anr dawqluf-eu mae laer Yawshawr Saflar, ngaq-anr byacaevni aernaeq laf-euq mae.

Lormav 2:7

Nuima zifdanni or-eu lafkhoer yawmuiq jeq mr-awr, yawshaef khanqsaer hawr-eu taqhuiq taqmanr-eu jeq-anr pov-eu uqtaf, maqbyov-ir maqcawv-ir nya-eu jeq-anr pov-eu tsawrhaq-aq, mqmaq maqbyav yarzir daef-eu jeq za taef-a.

Lormav 8:18

Ngar heulof-aer sharnoeq-eu ma. Heuzir-anr yadaq-eu shaqzanq-aq, aqkar aqdui-anr panmaeq naeqlaf-eu yawshaef khanqsaer-anr tiqpawf-iq sheucaevnyaf maqnyeuv-a.

Lormav 8:34

Aqyawfmaf yawlaeq mae laer yarkhaq darnya-eu aqsur ghaq la? Yeqsur Kali-aq, shir-euq khawf ghofdaef lar-awr, nymq-mr Miqyaer-euq armar paw jawr-awr nae aqdui-euq gharduq guiqlanq shardan luf-eu mae.

Lormav 8:37

Aerkhawf, aqdui-anr gaq-eu ghaq-anr ghoe-awr, heudeuq dawqtawv luf-anr yawmuiq-aer ghaqler jir-euq ma.

1 Gawˇliˬtu 2:9

Aerkhawf, Yaerbof aer-eu, “Myavnuiv maq mawrhaw-aer, naqbawr maq gaqhaw-euq uqtaf, tsawrhaq-euq nuima maq noeqkeuv coer-eu jeq, Miqyaer nae aqyawf-anr gaq-eu tsawrhaq-euq gharduq laeqhmq taq-euq mae.” (Isy 64:5)

2 Gawˇliˬtu 3:18

Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

Piˇliˇpiˆ 1:19

Aqjeq mirnae aernar-aq, nawmaf guiqlanq shar-eu mirnae hawr-eu, Yeqsur Kali-euq Saflar cawba naeqlaf-eu mirnae, ngaq-anr pyaeqnaeqlaf taef-a laer ngar siqnya ma.

2 Teˇsaˬloˇni 1:4

Khoeruqtaf, nga’maf, Miqyaer-euq Kalizaq armur deuq-euq maeqshi, nawmaf-euq garkawv khanqsaer jaev-eu ma. Aqjeq mirnae aernar-aq, khaeq-awr khav-eu hawr-eu shaqdui zanq duidui-eu yawqjeq navluf-anr nawmaf daqcoer orcoer-eu lafkhoer janluf-eu mae.

2 Teˇsaˬloˇni 1:6

Heu-aq, dawr-awr tsaq-eu jeq pyeuf-eu mae. Nawmaf-anr khaeq-awr khav-eu tsawrhaq deuq-anr Miqyaer khaeqkhof khavkhof naeq-awr,

2 Tiˆmoˇseˬ 2:10

Khoermirnae, tserdov taq-euq tsawrhaq deuq khawf, Yeqsur Kali-euq lafkhoer anr-eu kakhof-eu jeq za’ni, ngar yawqjeq navluf-anr orluf-eu ma. Kakhof-eu jeq khoer naeq-aer tiqkawv lof-aer li-eu maqbawni zif-eu yawshaef khanqsaer khawf za taef-a.

Yaˬkoˆ 1:12

Tsermr haw-eu jeq-anr yadaq ngae, daqcoer orcoer-eu tsawrhaq guiqlanq huiq-eu mae. Aqjeq mirnae aernar-aq, aqyawf daqdzeur ordzeurghaq ngae, daef-eu jeq-euq shuir uqkhov za taef-a. Shuir uqkhov khoer-aq, aqyawf-anr gaq-eu tsawrhaq deuq-anr bif ma laer Miqyaer nae sarjax dzaqtaq-euq shuir uqkhov mae.

1 Beˬtuˆluˆ 4:7

Yawqjeq navluf arsaq saq-eu dawqpae paelar-euq mae. Khoermirnae, nawmaf noeqganr-awr, yawbeur beur-aer guiqlanq sharshar-aer jawr-awq.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.

1 Yoˇhaˬ 3:2

Ngar zawr gaq-eu cawqdeuq-or! Nymq-mr aqdui-aq, Miqyaer-euq zaq ma. Aqkar aqdui aqjox-aer pyeuflar-eu gar maq panmaeq laf-aq siq. Aerkhawf, Kali dovle ngae, aqdui, aqyawf lof-aer pyeuflar taef-a laer siqnya ma. Aqjeq mirnae aernar-aq, aqyawf aqjox-aer pyeuf-eu gar aqdui byacaevni ya’mawr taef-a.

Yuˇdaˆ 1:24

Nawmaf sanqtif maqya tifni, Miqyaer, nawmaf-anr bosav nya-eu mae. Nawmaf iqbax taqkhar maqza-eu tsawrhaq lof-aer laqkhaq caertavni, Aqyawf-euq yawshaef khanqsaer byan-eu maeqshi yajawrni, Aqyawf sheuqkeuv naeqlaf luf-ur.