2 Gawˇliˬtu 4:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqjeq mirnae aernar-aq, Yeqsur-euq daef-eu jeq, shirnya-eu nga’maf-euq mawrdo-anr nae byacaevni dovlar nya’ni, nga’maf daefluf-eu deuq-aq, aqmyanluf Yeqsur-euq gharduq shirni a’naeq-eu gar ya daqluf-eu ma.

Akha

¹¹ Nga maꞈ-euˬ buꞈ-iˇ cehˇ-iˇ nya-eu gʼawˇ mawˇ heu laꞈ kʼoeˇ Yeˬsuˇ dehꞈ luꞈ-eu gaˇ kawˆ aˬ cawˬ mawˇ nya ni, nga maꞈ yaw dehꞈ dehꞈ-eu heu aˬ yawꞈ gʼaˇ duˬ aˬ myah luꞈ shiˇ paˬ-ehˇ tsaˬ laˇ-eu meh.

2 Gawˇliˬtu 4:11 ပူးပေါင်းရင်းမြစ်များ

Jaceuq 141:7

Tsawrhaq nae mirtsaq duqpoq-eu laer duqtaq-euq lof-aer; Nga’maf-euq shaqyoeq, lmqbymr maeqkhaeq-anr tiqgar tiqhmq-aer galuf-eu mae.

Jaceuq 44:22

Aerkhawf, nawq-euq gharduq, nga’maf nan’ga-i saef-eu gar ya daqluf-eu ma. Nga’maf-aq, yabi saef-eu laer ghae-eu yawr lof-aer bi sawxtaq-euq ma.

Lormav 8:11

Khoeruqtaf, Yeqsur-anr shir-euq gar nae bi ghofdaef lar-euq ghaq-euq Saflar, nawmaf-euq lafkhoer jawr nar-aq, Yeqsur Kali-anr shir-euq gar nae bi ghofdaef lar-euq ghaq, nawmaf-euq lafkhoer jawr-eu aqyawf-euq Saflar-anr ghoe-awr, nawmaf-euq shirnya-eu mawrdo-anr khawf bi ghofdaeflar taef-a.

Lormav 8:36

Yaerbof-euq lafkhoer boftaq-euq lof-aer, “Nawq-euq gharduq, nga’maf nan’ga-i saef-eu gar ya daqluf-eu ma. Nga’maf-aq, yabi saef-eu laer ghae-eu yawr lof-aer bi sawxtaq-euq ma.” (Jc 44:22)

1 Gawˇliˬtu 15:31

Aqdui-euq Sanqpaq Yeqsur Kali-euq lafkhoer nawmaf-euq baqda’nae, ngar khanqsaer jaev-awr, nan-anr nae shirluf-eu ma laer ngar aertsaev peuq-eu ma.

1 Gawˇliˬtu 15:49

Aqdui, mirtsaq nae taevtaq-euq ghaq-euq shaevdzeuf piluf-eu lof-aer, aqkar, mq-anr nae oe-eu ghaq-euq shaevdzeuf khawf yapi taef-a.

2 Gawˇliˬtu 4:10

Nga’maf-euq mawrdo-anr nae Yeqsur-euq daef-eu jeq byacaevni bi dovlar nya’ni, nga’maf-euq mawrdo-euq lafkhoer aqmyanluf Sanqpaq Yeqsur shir-euq jeq piluf-eu ma.

2 Gawˇliˬtu 4:12

Khoermirnae, nga’maf-euq lafkhoer shir-eu jeq gar mrluf-eu khawf, nawmaf-euq lafkhoer daef-eu jeq gar mrluf-eu mae.

2 Gawˇliˬtu 5:4

Aqdui saeqghawv heu-euq lafkhoer jawrluf ngae, khavbaev yawkan pi-awr manrluf-eu ma. Aerkhawf, maeqtsoeq laevdzae-eu lof-aer laevdzae mawf-eu mirnae maqngeur-eu, daef-eu jeq, shirnya-eu jeq-anr myeufanr-awr, ya dmdavni manrluf-eu ma.

2 Gawˇliˬtu 6:9

Aqcawq tiqghaq-iq maq siqnya-eu tsawrhaq-anr dur-eu khawf, aqcawq ghawqmya’ni siqnya-eu mae. Shirtaw taeqni pyeuf-ir-euq tsawrhaq-anr dur-eu khawf, daefluf-eu tsawrhaq ma. Diq-eu gar yadaq-euq khawf, saef-eu gar maqya daq-aq.