2 Gawˇliˬtu 4:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Miqyaer ghawqshaq gaq-eu baqda’nae, nga’maf guiqlanq-euq gar heu za-euq ma. Khoermirnae, nga’maf nuighaq maqbaq.

Akha

¹ Miˬyehˇ gʼawˬ shaˬ gaˬ-eu laꞈ kʼoeˇ nga maꞈ-ahˇ gaˇ heu bi mˇ laꞈ-euˬ miˇ neh, nga maꞈ-euˬ nui ma gʼaˬ maˬ baˬ.

2 Gawˇliˬtu 4:1 ပူးပေါင်းရင်းမြစ်များ

Luˇkaꞈ 18:1

Aqyawfmaf nuima maqcawv-aer, yawqjawr navluf guiqlanq sharni, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae:

1 Gawˇliˬtu 3:5

Pawrluv aqsur ghaq la? Aqpawrluv khawf aqsur ghaq la? Nga’nyaf-aq, nawmaf janlarni guiqlanq-euq gar mrzaq taef ma. Sanqpaq Miqyaer nae kharbi mrlaf-euq lof-aer yawqha-euq gar yawqha mrluf-eu ma.

1 Gawˇliˬtu 7:25

Zaqguq deuq-euq garkawv-anr tafler-awr Sanqpaq Miqyaer nae bif-euq dawq ngar maqza-aq. Aerkhawf, Sanqpaq Miqyaer, ngaq-anr ghawqshaq gaq-eu mirnae, ngaq-anr jancoer paq-aer ghae-eu tsawrhaq bi pyeuflar naeqlaf-euq lof-aer, ngaq-euq nuinoeq nawmaf-anr ja’naeq nyar.

2 Gawˇliˬtu 3:12

Aqdui heulof-aer noeqtmqkhar za-eu mirnae, aqdui nuima khaqduqni ngaeqpeuq tmrpeuq-eu ma.

2 Gawˇliˬtu 3:6

Nga’maf, dawqma sarjax yawshuif-euq guiqlanq-euq gar bi mrnya larni Miqyaer, nga’maf-anr janrnaeq laf-euq mae. Dawqma sarjax heu-aq, sanqbof armawr-anr taf-eu maqngeur-a, muiq-eu Saflar-anr taf-eu mae. Aqjeq mirnae aernar-aq, sanqbof armawr-aq, lavsaef-eu khawf, muiq-eu Saflar-aq, daef-eu jeq bif-eu mae.

2 Gawˇliˬtu 4:16

Khoermirnae, nga’maf nuighaq maqbaq. Nga’maf-euq shiqshaq lafnyir paw cawv-ir luf-eu khawf, lafkhoer paw-euq saflar-aq, tiqnan sair tiqnan yawshuif pyeuflar luf-eu ma.

2 Gawˇliˬtu 5:18

Khoerdeuq dawqtawvluf Miqyaer-anr nae pyeufdov le-euq mae. Miqyaer, Kali-anr ghoe-awr aqdui, aqyawf-anr tsaqler dzoerlerni janrnaeq laf-euq mae. Khoeruqtaf, tsaqler dzoerlerni guiqlanq-euq gar heu aqdui-anr bifnaeq laf-euq mae.

Gaˬlaˬtiˆ 6:9

Khoermirnae, ghaqbyaev maqbyaevni yawmuiq jeq mr kar-eur. Aqdui nuima maqcawv nar-aq, aryamq tsaqlar ngae yayaeq taef-a.

Eˇpeˇsu 3:13

Khoermirnae, ngar, nawmaf-euq gharduq shaq-awr zanq-eu jeq ya daqluf-eu baqda’nae, nuighaq taqbaq laer ngar, nawmaf-anr shar-eu ma. Heu-aq, nawmaf-euq gharduq yawshaef khanqsaer pyeuf-eu mae.

Piˇliˇpiˆ 4:13

Ngaq-anr ghaq bifnaeq laf-eu Kali-anr ghoeghoe-aer, ngar dawqtawvluf mrnya sharnya ma.

2 Teˇsaˬloˇni 3:13

Aqyuif aqnyir deuq-or! Nawmaf yawmuiq jeq mr-eu ghaqbyaev taqbyaev.

1 Tiˆmoˇseˬ 1:13

Dzeurlaf ngae, ngar-aq, aqyawf-anr yaeqbawq saerlu-aer aer-awr, khaeqnaeq khavnaeq-euq uqtaf, khar janrnaeq mawf-eu lof-aer janrnaeq-euq tsawrhaq ma. Aerkhawf, ngar maqjan-eu lafkhoer maq siqnya-aer janr-euq mirnae, aqyawf, ngaq-anr ghawqshaq gaqnaeq laf-euq mae.

HeˬByehˇ 12:3

Nawmaf-euq nuima ghaq maqya baq-ir-aer, nuima maqya cawv-ir ni, Kali, aqyawfghaq khawf iqbaxzaq muir-awr janrnaeq-eu gar daqdzeur nya-euq garkawv-anr sharnoeqhaw sher-eq.

1 Beˬtuˆluˆ 2:10

Yawbae, nawmaf-aq, tsawrmyanr maqjav-eu tsawrjeuq tsawrca pyeuf-eu mae. Aerkhawf, nymq-mr-aq, Miqyaer-euq tsawrhaq pyeuflar-euq mae. Yawbae, nawmaf, Miqyaer-euq ghawqshaq gaq-eu jeq maqza-aq. Aerkhawf, nymq-mr-aq, ghawqshaq gaq-eu jeq za-euq mae.

Panmaeq 2:3

Nawr daqcoer-awr orcoer duidui-eu lafkhoer, ngaq-euq tsawrmyanr-euq gharduq, ghaqdoer maqdoerni laejae duidui-euq mae.