2 Gawˇliˬtu 3:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Shir-eu jeq-euq gar-aq, khaqlo-euq khoertav tafbof taq-awr yawshaef-euq lafkhoer dovlar-euq mae. Morseq-euq myavpyawq-anr byadov lef-eu yawshaef khoer byov-ir luf-eu khawf yawshaef ardzaeq-aer khav-eu mirnae, Irsaqleqlav tsawrhaq, aqyawf-euq myavpyawq-anr maq hawnya nar-aq,

Akha

⁷ Zahˇ dawˬ kʼoꞈ dawˬ kʼoeˇ-aˬ, kʼaˬ lo kʼoeˇ taˆ taꞈ boꞈ taˬ-awˇ, Zahˇ dawˬ kʼoꞈ dawˬ kʼoeˇ biꞈ le ngeh, Miˬyehˇ-euˬ yaw shehꞈ kʼahˬ sehˇ doˆ le-euˬ meh. Moˇseˬ-euˬ myaˆ pyawˬ kʼoeˇ taˆ bya-eu yaw shehꞈ kʼoeˇ-aˬ, tiˬ kʼehˇ laˇ kʼehˬ tehꞈ-ehˇ gmˬ-eu yaw shehꞈ pyeuꞈ kʼawꞈ, yaw shehꞈ aˇ dzehˬ-ehˇ kʼaˆ-eu miˇ neh Iˇsaˬleˬlaˇ tsawˇ haˬ deuˬ Moˇseˬ-euˬ myaˆ pyawˬ-ahˇ maˬ haw peuˬ-a. Shiˇ-eu jeˬ bi keuˆ le-eu Zahˇ dawˬ kʼoꞈ dawˬ kʼawꞈ, kʼoeˇ naˆ naˆ-ehˇ gʼeh-eu yaw shehꞈ kʼahˬ sehˇ laꞈ kʼoeˇ oe-euˬ ngeuˇ naˇ,

2 Gawˇliˬtu 3:7 ပူးပေါင်းရင်းမြစ်များ

Jaceuq 119:174

Ya’we Miqyaer-or! Ngar, nawq-euq kakhof-eu jeq-anr lofluf-eu ma; Nawq-euq zanrdawq-aq, ngaq-euq laqkhaq caerduq pyeuf-eu mae.

Jaceuq 119:97

Or-oq, ngar, nawq-euq zanrdawq-anr arnavni gaq-eu nga! Nan’ga-i ngar, nawq-euq zanrdawq-anr dzardziv dziv-eu ma.

Gʼaˬkʼehˇ 6:15

Khoerngae, khavma armur-euq lafkhoer nuirluf-eu tsawrhaq dawqtawvluf, Saqteqpaq-anr hawtsov taq-awr, aqyawf-euq myavpyawq, mqtav ghaqkhaer-euq myavpyawq lof-aer dur-eu gar ya’mawr-euq mae.

Lormav 10:4

Kali-aq, aqyawf-anr kharjan-eu tsawrhaq yawqghaq navluf, tsaq-awr dawr-eu tsawrhaq pyeuflarni, zanrdawq mrbyan-eu ghaq mae.

Lormav 4:15

Aqjeq mirnae aernar-aq, zanrdawq-aq, Miqyaer nuima paer-eu jeq bi keuvle-eu mae. Aerkhawf, zanrdawq maqjav-eu gar-aq, mrbanq-eu jeq khawf maqjav-a.

Lormav 5:20

Zanrdawq javle-awr mrbanq lavlaeq-eu jeq myaqlar-euq mae. Aerkhawf, iqbax myaq-eu jawrduq-anr-aq, Miqyaer-euq guiqlanq yawdzanr par myaqdzaeq lar-eu mae.

Lormav 7:10

Zanrdawq khofdawq daef-eu jeq bif paq-aer ghae-eu khawf, shir-eu jeq bif-eu nga laer ngar ya’mawr-euq ma.

Lormav 7:22

Aqjeq mirnae aernar-aq, ngaq-euq lafkhoer paw-euq saflar taef lawnmr-aq, Miqyaer-euq zanr-anr laqkhaqcaer mir-a.

Lormav 7:5

Aqjeq mirnae aernar-aq, aqdui shiqshaq-euq lafkhoer daefluf ngae, shir-eu jeq-euq gharduq arsiq siqleni, aqdui-euq arsaer iqbax mr-eu laer bi lovlarni, zanrdawq gar mrluf-eu mae.

1 Gawˇliˬtu 13:10

Aerkhawf, byan-eu jeq keuvle ngae, maqbyan-eu jeq byov-ir taef-a.

2 Gawˇliˬtu 3:3

Nawmaf-aq, Kali nae nga’maf-anr ghoe-awr boftaq-euq sanqbof ngar-a laer byacaevni javluf-eu mae. Sanquir nae boftaq-euq sanqbof maqngeur-a, daefluf-eu Miqyaer-euq Saflar nae boftaq-euq mae. Khaqlo terbyaf-anr boftaq-euq khawf maqngeur-a, shiqshaq-euq terbyaf pyeuf-eu nuima-euq lafkhoer boftaq-euq sanqbof mae.

2 Gawˇliˬtu 3:6

Nga’maf, dawqma sarjax yawshuif-euq guiqlanq-euq gar bi mrnya larni Miqyaer, nga’maf-anr janrnaeq laf-euq mae. Dawqma sarjax heu-aq, sanqbof armawr-anr taf-eu maqngeur-a, muiq-eu Saflar-anr taf-eu mae. Aqjeq mirnae aernar-aq, sanqbof armawr-aq, lavsaef-eu khawf, muiq-eu Saflar-aq, daef-eu jeq bif-eu mae.

2 Gawˇliˬtu 3:8

muiq-eu Saflar-anr taf-eu guiqlanq-euq gar ngeurdzaeq, yawshaef khoernav maqtser khavdzaeq-eu maqngeur-a lor?

Gaˬlaˬtiˆ 3:10

Zanrdawq-euq maeqnan khar cantae-eu tsawrhaq-aq, yaqkhaer yaq-eu lafov jawrluf-eu mae. Aqjeq mirnae aernar-aq, “Zanrdawq-euq lafkhoer khar boftaq-euq yawqjeq navluf-anr aqmyanluf maqmr-eu tsawrhaq dawqtawvluf, yaqkhaer yaqgar yadaq mae,” (Dm 27:26) laer Yaerbof-euq lafkhoer boftaq-euq mae.

Gaˬlaˬtiˆ 3:21

Tox-aer mar-iq, zanrdawq-aq, Miqyaer nae aertaq-euq dawqma sarjax-anr lavcawv-eu nga lor? Maqngeur-a de-eq! Biftaq-euq zanrdawq khoer, tsawrhaq-anr daef-eu jeq bifnya lawnmr-aq, zanrdawq-euq baqda’nae tsaq-awr dawr-eu jeq aqdir za taef-a.

HeˬByehˇ 12:18

Nawmaf-aq, heulof-aer ghae-eu gawqjawq-anr larkeuv-euq maqngeur-a: toeqciv nya-awr miqdzaq dof-eu, navcawfni pyeuf-ir-awr zanrtsuini ghae-eu uqtaf, jaqlaer laerma baw-eu,

HeˬByehˇ 3:3

Nymr-anr navmaqtser, nymr tsov-euq ghaq-anr taqhuiq-eu lof-aer, Yeqsur khawf Morseq navmaqtser khanqsaer za-eu geux mae laer sawxtaq-euq mae.

HeˬByehˇ 9:4

Khoergar, yawsaw jeq dofdamq-eu shuir lawrguir hawr-eu yawqpyawq navluf shuir nae yawtaq-euq dawqma sarjax bawqkeuv jav-eu mae. Bawqkeuv-euq lafkhoer, maqnav anr-eu shuir oeqlanq, bawnmq nmqlar-euq Aqloq-euq gawqyoeq hawr-eu dawqma sarjax-euq terbyaf anr-eu mae.