2 Gawˇliˬtu 3:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nga’maf, dawqma sarjax yawshuif-euq guiqlanq-euq gar bi mrnya larni Miqyaer, nga’maf-anr janrnaeq laf-euq mae. Dawqma sarjax heu-aq, sanqbof armawr-anr taf-eu maqngeur-a, muiq-eu Saflar-anr taf-eu mae. Aqjeq mirnae aernar-aq, sanqbof armawr-aq, lavsaef-eu khawf, muiq-eu Saflar-aq, daef-eu jeq bif-eu mae.

Akha

⁶ Boꞈ doˆ taˬ-euˬ zahˇ dawˬ kʼoꞈ dawˬ-ahˇ maˬ taꞈ-ehˇ, Yaw sahˇ Miˬyehˇ-ahˇ taꞈ-eu dawˬ ma saˇ jaˇ yaw shuiꞈ gʼaˇ duˬ nga maꞈ gaˇ mˇ nya ni Miˬyehˇ neh jahˇ nehˬ laꞈ-euˬ meh. Boꞈ doˆ taˬ-euˬ zahˇ dawˬ kʼoꞈ dawˬ-aˬ, bi shiˇ-eu jeˬ pyeuꞈ-eu meh. Ehˇ kʼawꞈ Yaw sahˇ Miˬyehˇ-aˬ, bi dehꞈ laˇ-eu jeˬ pyeuꞈ-eu meh.

2 Gawˇliˬtu 3:6 ပူးပေါင်းရင်းမြစ်များ

Maꞈtehˬ 13:52

Yeqsur, aqyawf maf-anr aernaeq-eu, “Miqyaer-euq mirkhanq-euq garkawv dzawtaq-euq zanr maeq-eu yawqghaq navluf, nymrsanr tiq ghaq, aqyawf-euq myawq taqduq-anr nae, myawq yawshuif hawr-eu yawoer yurdov lef-eu gar dur-eu mae.”

Maꞈtehˬ 26:28

Aqjeq mirnae aernar-aq, heu-aq, dawqma sarjax yawshuif-anr taf-eu ngaq-euq shiq ma. Tsawrhaq ghawqmya ni-euq iqbax pyaeqnaeq nya’ni ngaq-euq shiq bi yoerle ma.

Maˬkuˆ 14:24

Khoerngae, Yeqsur heulof-aer aer-eu mae, “Heu-aq, dawqma sarjax yawshuif-anr taf-eu ngaq-euq shiq ma. Tsawrhaq ghawqmya ni-euq gharduq bi yoerle-eu ma.

Luˇkaꞈ 22:20

Khoerlof-aer durni, cifhawq dzaqghaq ngae, aqyawf aqgaf dzaruir danq-eu khmqmaq ciq-awr heulof-aer aer-eu mae, “Khmqmaq heu-aq, dawqma sarjax yawshuif-anr taf-eu ngaq-euq shiq ma. Shiq heu nawmaf-euq gharduq bi yoerle ma.

Yoˇhaˬ 5:21

“Aqda, shir-euq tsawrhaq-anr bi ghofdaef lar-awr, daef-eu jeq bif-euq lof-aer, Zaqyo khawf, aqyawf nuima tsaq-eu tsawrhaq-anr daef-eu jeq bif-eu mae.

Yoˇhaˬ 6:63

Muiq-eu Saflar taef-aer daef-eu jeq bif-eu ghaq pyeuf-eu mae. Shiqshaq-aq, tiqjeq-iq gardanr maqtsoeq-a. Ngaq nae nawmaf-anr aernaeq-euq dawq-aq, saflar hawr-eu daef-eu jeq pyeuf-eu mae.

Lormav 1:5

Nga’maf, aqyawf-euq baqda’nae, guiqlanq yawdzanr za-awr ghaqkhaer yageuf-euq ma. Khoer-aq, aqyawf-euq tsawrmyanr gharduq hawr-eu mirkhanq-euq tsawrjeuq dawqtawv luf-euq ghanrcae nae, jan-awr narhaq geuf-eu tsawrhaq bi dovlar-eu gharduq mae.

Lormav 3:20

Zanrdawq-anr mrcaw-eu baqda’nae, tsawrhaq tiqghaq-iq Miqyaer-euq maeqshi tsaq-awr dawr-eu tsawrhaq maq pyeuflar nya-a. Aqjeq mirnae aernar-aq, zanrdawq-euq baqda’nae iqbax-anr siqnya-eu tsawrganr anrlar-eu mae.

Lormav 4:15

Aqjeq mirnae aernar-aq, zanrdawq-aq, Miqyaer nuima paer-eu jeq bi keuvle-eu mae. Aerkhawf, zanrdawq maqjav-eu gar-aq, mrbanq-eu jeq khawf maqjav-a.

Lormav 4:17

Aqbyaqhaq janluf-eu Miqyaer-aq, shir-euq tsawrhaq-anr daef-eu jeq bifnya-eu uqtaf, maqjav-eu jeq-anr kur-awr bi javlar nya-eu Miqyaer mae. Miqyaer khoerghaq-euq maeqshi, Aqbyaqhaq-aq, aqdui yawqghaq navluf-euq aqda yawdzanr pyeuflar-euq mae. Khoer-aq, “Ngar, nawq-anr mirkhanq-euq tsawrjeuq ghawqmya jeuq-euq aqda yawdzanr bi pyeuflar ma,” (Adb 17:5) laer Yaerbof-euq lafkhoer boftaq-euq lof-aer mae.

Lormav 7:6

Aerkhawf, nymq-mr aqdui zanrdawq-anr nae buq-ir-euq ma. Dzeurlaf ngae, aqdui-anr ganrdzanq taq-euq zanrdawq-anr nae aqdui shirdzeur-euq mirnae, aqdui-aq, boftaq-euq zanrdawq yawoer-euq uqmov, Miqyaer-euq gar mr-eu maqngeur-aer, muiq-eu Saflar uvlanr-eu yawshuif-euq lafkhoer mrluf-eu ma.

Lormav 8:2

Aqjeq mirnae aernar-aq, muiq-eu Saflar-euq zanr-aq, ngaq-anr Yeqsur Kali-euq lafkhoer daef-eu jeq bif-awr, iqbax hawr-eu shir-eu jeq-euq zanr-anr nae bibuq-ir naeqlaf-euq mae.

1 Gawˇliˬtu 11:25

Khoerlof-aer durni, cifhawq dzaqghaq ngae, aqyawf, khmqmaq ciq-awr aer-eu, “Khmqmaq heu-aq, ngaq-euq shiq-anr ghoe-awr nae bif-eu dawqma sarjax yawshuif ma. Nawmaf khardawr ngae, ngaq-anr noeqkeuv-eu gharduq heulof-aer janr-awq.”

1 Gawˇliˬtu 12:28

Miqyaer, tsawrhaq heudeuq-anr Kalizaq armur-euq lafkhoer bijawr-euq mae. Tif, ghaqkhaer deuq, nyif, Miqyaer gharduq ngaeqdan-eu deuq, smr, maeqnaeq tsovnaeq-eu deuq mae. Khoernar-aq, khavjeq-aer ghae-eu jeq mr-eu deuq, nargawr lavtaq-eu lafsawq za-euq deuq, aqcawq-anr cawba-eu deuq, dzoeqdzaq mr-eu deuq hawr-eu dawqbav ghawqmya jeq bav-eu deuq-anr bijawr-euq mae.

1 Gawˇliˬtu 15:45

Khoerlof-aer durni, Yaerbof-euq lafkhoer boftaq-euq, “Tsawrhaq yawbae ghaq pyeuf-eu Aqdaq-aq, daef-eu tsawrhaq pyeuflar-euq mae.” (Adb 2:7) Arsaq saq-eu Aqdaq ghaq-aq, daef-eu jeq bif-eu saflar pyeuflar-euq mae.

1 Gawˇliˬtu 3:10

Ngar, Miqyaer nae ngaq-anr bifnaeq laf-euq guiqlanq yawdzanr-anr ghoe-awr, tsawrganr anr-eu nymr tsov-eu yawsanr lof-aer gawrdanq baetaq-euq ma. Heunar-aq, yawqghaqyawq khoergar nae ya tsovdavlef taef-a. Aerkhawf, yawqghaq navluf aqjox-aer tsovdav lef-eu le laer yawmuiq-aer sharnoeq-awr tsovdav lef-eu tsaq taef-a.

1 Gawˇliˬtu 3:5

Pawrluv aqsur ghaq la? Aqpawrluv khawf aqsur ghaq la? Nga’nyaf-aq, nawmaf janlarni guiqlanq-euq gar mrzaq taef ma. Sanqpaq Miqyaer nae kharbi mrlaf-euq lof-aer yawqha-euq gar yawqha mrluf-eu ma.

2 Gawˇliˬtu 11:23

Aqyawfmaf, Kali-euq ghaqzaq ghaqkhaer-a laq? Ngar, aqdzawq argan lof-aer ngaeq ma de-eq. Ngar, aqyawf maf-euq navmaqtser Kali-euq ghaqzaq ghaqkhaer ma. Ngar, aqyawf maf-euq navmaqtser gar mr-eu laejae-awr, maq guijir coerni diqlar khovlaf-eu gar yadaq-euq uqtaf, aqyawf maf-euq myavmaqtser kuv-anr urmyaq dzaeq-awr, shirtaw taeqni khawf ghawqmya pov daqhaw-euq ma.

2 Gawˇliˬtu 3:14

Aqyawf maf-euq nuima-euq myavnuiv-aq, baef-ir taq-euq mae. Iqnan keuvni dawqma sarjax yawoer-anr gui ngae, daeqkaq taq-euq saqpar khoer maq yurdzae-aq siq. Aerkhawf, Kali-euq lafkhoer saqpar khoer yurdzae-euq mae.

2 Gawˇliˬtu 3:3

Nawmaf-aq, Kali nae nga’maf-anr ghoe-awr boftaq-euq sanqbof ngar-a laer byacaevni javluf-eu mae. Sanquir nae boftaq-euq sanqbof maqngeur-a, daefluf-eu Miqyaer-euq Saflar nae boftaq-euq mae. Khaqlo terbyaf-anr boftaq-euq khawf maqngeur-a, shiqshaq-euq terbyaf pyeuf-eu nuima-euq lafkhoer boftaq-euq sanqbof mae.

2 Gawˇliˬtu 3:7

Shir-eu jeq-euq gar-aq, khaqlo-euq khoertav tafbof taq-awr yawshaef-euq lafkhoer dovlar-euq mae. Morseq-euq myavpyawq-anr byadov lef-eu yawshaef khoer byov-ir luf-eu khawf yawshaef ardzaeq-aer khav-eu mirnae, Irsaqleqlav tsawrhaq, aqyawf-euq myavpyawq-anr maq hawnya nar-aq,

2 Gawˇliˬtu 3:9

Laeq-ir-euq mirnae yarkhaq dar-eu jeq, yawshaef khanqsaer jav-eu ngeur nar-aq, tsaq-awr dawr-eu tsawrhaq bi pyeuflarni mr-eu guiqlanq-euq gar ngeurdzaeq, yawshaef khanqsaer yawkhav-aer huiqdzaeq-eu mae.

Gaˬlaˬtiˆ 3:21

Tox-aer mar-iq, zanrdawq-aq, Miqyaer nae aertaq-euq dawqma sarjax-anr lavcawv-eu nga lor? Maqngeur-a de-eq! Biftaq-euq zanrdawq khoer, tsawrhaq-anr daef-eu jeq bifnya lawnmr-aq, zanrdawq-euq baqda’nae tsaq-awr dawr-eu jeq aqdir za taef-a.

Eˇpeˇsu 2:1

Dzeurlaf ngae, nawmaf yawbanq yawlaeq hawr-eu iqbax-euq lafkhoer shir-euq khawf, aqyawf, nawmaf-anr bi ghofdaef lar-euq mae.

Eˇpeˇsu 2:5

aqdui mrbanq lavbanq-euq lafkhoer shirdzeur-euq khawf, aqyawf, aqdui-anr Kali naeq-aer yawdaef bi daeflar naeqlaf-euq mae. Guiqlanq yawdzanr baqda’nae, nawmaf kakhof-eu jeq za-euq mae.

Eˇpeˇsu 3:7

Miqyaer-euq baoq gar mr-eu lafkhoer, Miqyaer, ngaq-anr lafsawq lof-aer, aqyawf-euq guiqlanq yawdzanr bifnaeq laf-euq mirnae, ngar kuirlaf zaqkhav geuflar-euq ma.

1 Tiˆmoˇseˬ 4:6

Nawr, aqyuif aqnyir deuq-anr garkawv heudeuq maeqnaeq nar-aq, nawr-aq, Yeqsur Kali-euq muiq-eu kuirlaf zaqkhav pyeuf taef-a. Jan-eu jeq-anr taf-eu dawq hawr-eu muiq-eu dawqmaeq dawqtsov-anr yawmuiq-aer cantae-eu lafkhoer huiqlar taef-a.

2 Tiˆmoˇseˬ 1:11

Ngar, aqcawq tsawrjeuq tsawrca-euq gharduq ghaqkhaer geuf-awr dawqmaeq maeq-eu ghaq geuf-eu uqtaf, maeqnaeq tsovnaeq-eu ghaq geuf-awq laer Miqyaer, ngaq-anr kadar naeqlaf-euq mae.

HeˬByehˇ 12:24

Khoeruqtaf, dawqma sarjax yawshuif-euq tsawrkaq Yeqsur khawf khoergar jawr-awr, juifshaeq taq-euq shiq khawf khoergar jav-eu mae. Aqbeqlav-euq shiq nae ngaeq-euq dawq navmaqtser, juifshaeq taq-euq shiq khoer nae ngaeq-euq dawq-aq, muiqdzaeq-eu mae.

HeˬByehˇ 13:20

Nuisar bif-eu Miqyaer, aqdui-euq Sanqpaq Yeqsur shir-euq gar nae bi ghofdaef lar-euq mae. Yawr bo-eu Yawhuiq khoerghaq, mqmaq maqbyav yarzir zif-eu dawqma sarjax-anr taf-eu shiq-anr ghoe-awr,

HeˬByehˇ 7:22

Khoermirnae, Yeqsur-aq, muiqdzaeq-eu dawqma sarjax khoer zifni, yawduq bi bawlar-eu ghaq pyeuf-eu mae.

HeˬByehˇ 8:13

“Dawqma sarjax yawshuif” laer aer ngae, dawqma sarjax yawbae hmq zmq-eu aryamq bijir-euq mae. Zmq-eu aryamq jir-awr, oer-ir-euq jeq-aq, byov-ir-eu dawqpae paelar-eu mae.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.

1 Yoˇhaˬ 1:1

Ardanqbae ngae nae jawrluf-eu daef-eu jeq bif-eu dawq-anr nga’maf yagaq-awr, myavnuiv nae ya’mawr-euq uqtaf, ya hawduq-awr, aqlaf nae ya toeqciv-euq ma.