2 Gawˇliˬtu 3:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nga’maf, yawqha-euq ghaq-anr ghoe-awr, yawqha taef-aer tiqjeqnav mrnya ma laer aer-eu maqngeur. Aerkhawf, nga’maf, Miqyaer-euq ghaq-anr ghoe-awr mrnya-eu gar aer-eu ma.

Akha

⁵ Gaˇ heu nga maꞈ mˇ nya ma lehˇ ehˇ paˬ-ehˇ nga maꞈ laꞈ kʼoeˇ tiˬ jeˬ-iˬ maˬ ahˇ. Nga maꞈ mˇ nya-eu kʼoeˇ-aˬ, Miˬyehˇ neh biꞈ laꞈ-euˬ jeˬ pyeuꞈ-eu meh.

2 Gawˇliˬtu 3:5 ပူးပေါင်းရင်းမြစ်များ

Luˇkaꞈ 21:15

Aqjeq mirnae aernar-aq, nawmaf-anr muir-eu tsawrhaq dawqtawvluf pyaer-eu khawf maq pyaernya-aer, lavtsoeq-eu khawf maq lavtsoeq nya-eu dawq hawr-eu zaqsiq tsawrganr, ngar, nawmaf-anr bifnaeq ma.

Luˇkaꞈ 24:49

Narhaq sher-eq. NgaqDa-euq sarjax, ngar, nawmaf-euq khoertav bi jawrle ma. Nawmaf mq-euq khoertav-euq baoq maqza-euq khoerkeuvni meuq-euq lafkhoer dawqtawq siq.”

Yoˇhaˬ 15:5

“Ngar-aq, aqgaf cirni nima ma. Nawmaf-aq, cirni nizaq deuq mae. Ngaq-euq lafkhoer jawr-awr, ngar khawf aqyawf-euq lafkhoer jawr-eu tsawrhaq-aq, arsiq ghawqmya’ni siqle taef-a. Aqjeq mirnae aernar-aq, ngar maqjawr nar-aq, nawmaf tiqjeq-iq maq janrnya-a.

Lormav 15:18

Aqcawq tsawrjeuq tsawrca narhaqgeuf larni, Kali, ngaq-anr ghoe-awr ngaq-euq dawq hawr-eu ngaq nae mr-awr shar-euq jeq bi pyeufler-euq garkawv maqngeur nar-aq, ngar tiqjeq-iq maq aerpeuq nya.

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

1 Gawˇliˬtu 3:10

Ngar, Miqyaer nae ngaq-anr bifnaeq laf-euq guiqlanq yawdzanr-anr ghoe-awr, tsawrganr anr-eu nymr tsov-eu yawsanr lof-aer gawrdanq baetaq-euq ma. Heunar-aq, yawqghaqyawq khoergar nae ya tsovdavlef taef-a. Aerkhawf, yawqghaq navluf aqjox-aer tsovdav lef-eu le laer yawmuiq-aer sharnoeq-awr tsovdav lef-eu tsaq taef-a.

1 Gawˇliˬtu 3:6

Ngar-aq, ka-eu ghaq pyeuf-awr, Aqpawrluv-aq, ircuf shaeq-eu ghaq pyeuf-eu mae. Aerkhawf, bihuiq bi maerlar-eu ghaq-aq Miqyaer mae.

2 Gawˇliˬtu 12:9

Aerkhawf, aqyawf, ngaq-anr aernaeq laf-eu, “Ngaq-euq guiqlanq yawdzanr, nawq-euq gharduq lof mae. Aqjeq mirnae aernar-aq, tsawrhaq ghaq baq-eu tsanr-anr ngaq-euq ghaq byanlar taef-a.” Khoermirnae, Kali-euq baoq ngaq-anr joeshmr-awr javnya’ni, ngar, ngaq-euq ghaq baq-eu garkawv, laqkhaq caertavni khanqsaer jaevmawf mir-a.

2 Gawˇliˬtu 2:16

Aqdui-aq, cawv-ir luf-eu tsawrhaq-euq gharduq lavsaef nya-eu yawsaf pyeuf-awr, buq-ir luf-eu tsawrhaq-euq gharduq-aq, lavdaef nya-eu yawsaf pyeuf-eu ma. Heulof-aer aqsur ghaq janrnya la?

2 Gawˇliˬtu 4:7

Huiq-awr muiq-eu baoq heu-aq, nga’maf-anr nae maqngeur-eu, Miqyaer-anr nae dovle-euq ngar-a laer bisiqni, nga’maf poeq-eu myawqganq heu, mirtsaq oeqlanq-euq lafkhoer anrluf-eu ma.

Piˇliˇpiˆ 2:13

Aqjeq mirnae aernar-aq, Miqyaer nuikhanr shir-eu lof-aer, nawmaf mrmawf-eu nuima anrlar-awr mrnya’ni, Miqyaer, nawmaf-euq lafkhoer gar mrluf-eu mae.

Piˇliˇpiˆ 4:13

Ngaq-anr ghaq bifnaeq laf-eu Kali-anr ghoeghoe-aer, ngar dawqtawvluf mrnya sharnya ma.

2 Tiˆmoˇseˬ 2:2

Tsawrkaq ghawqmya ghaq-euq maeqshi, ngaq nae maeqnaeq tsovnaeq-euq gar nawr yagaq-euq khoerdeuq, sarjax zif-awr aqcawq-anr maeqnaeq tsovnaeq nya-eu tsawrhaq deuq-anr khawf a’naeq-awq.

Yaˬkoˆ 1:17

Guiqlanq yawmuiq dawqtawvluf hawr-eu kufdui byan duidui-eu lafsawq dawqtawvluf mq-euq khoertav jawr-eu yawshaef-euq Aqda-anr nae oe-euq mae. Aqyawf-aq, povlar parlar-eu narshmr maqbaw-aer, tiqjawr-iq maqpov maq parlar-a.