2 Gawˇliˬtu 3:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawmaf-aq, Kali nae nga’maf-anr ghoe-awr boftaq-euq sanqbof ngar-a laer byacaevni javluf-eu mae. Sanquir nae boftaq-euq sanqbof maqngeur-a, daefluf-eu Miqyaer-euq Saflar nae boftaq-euq mae. Khaqlo terbyaf-anr boftaq-euq khawf maqngeur-a, shiqshaq-euq terbyaf pyeuf-eu nuima-euq lafkhoer boftaq-euq sanqbof mae.

Akha

³ Naw maꞈ-aˬ, Ka li neh boꞈ ahˇ leꞈ-awˇ nga maꞈ neh hehˇ leꞈ-euˬ sahˬ boꞈ tiˬ dzeh pyeuꞈ-eu meh. Sahˬ boꞈ heu dzeh-ahˇ sahˬ uiˇ zmˬ-awˇ boꞈ taˬ-euˬ maˬ ngeuˇ-a. Dehꞈ luꞈ-eu Miˬyehˇ-euˬ Yaw sahˇ-ahˇ zmˬ-awˇ boꞈ taˬ-euˬ meh. Kʼaˬ lo teˇ byaꞈ kʼoeˇ taˆ boꞈ taˬ-euˬ maˬ ngeuˇ-a. Tsawˇ haˬ-euˬ nui ma teˇ byaꞈ kʼoeˇ taˆ boꞈ taˬ-euˬ meh.

2 Gawˇliˬtu 3:3 ပူးပေါင်းရင်းမြစ်များ

Jaceuq 40:8

Ngaq-euq Miqyaer-or! Ngar, nawq-euq nuima tsaq-eu jeq mr-eu laqkhaq caer-awr, Nawq-euq zanrdawq, ngaq-euq nuima-euq lafkhoer anrluf ma.”

Jaceuq 42:2

Ngaq-euq nuima saflar-aq, Miqyaer-anr maef mir-a, Daefluf-eu Miqyaer-anr mawrmawf mir-a. Ngar, nawr jawr-eu gar aqmyan yalar-awr, nawq-euq maeqshi ya larmawr-eu la?

Jaceuq 84:2

Ya’we Miqyaer-euq nymr-euq povka jawrler mawfsaef-awr, Ngaq-euq nuima saflar ngeurdzaeq myafler paq-aer ghae nya. Ngaq-euq nuima hawr-eu shiqshaq, Daefluf-eu Miqyaer-anr kurluf-eu ma.

Dawqdaq 3:3

Ghawqshaq gaq-eu jeq hawr-eu yawtsaq yawdawr jeq, nawq-anr taqbi byaerdzae, Zanrdawq khoer nawq-euq kawqlanr-anr dan-awr, Nawq-euq nuima-euq terbyaf-anr bofmyanq taq-awq.

Dawqdaq 7:3

Dawq khoerdeuq, nawq-euq lafnoer-anr paftawf taq-awr, Nawq-euq nuima-euq terbyaf-anr bofmyanq taq-awq.

Maꞈtehˬ 16:16

Khoerngae, Sirmoq Beqtuvluv aerkhof-eu, “Nawr-aq, daefluf-eu Miqyaer-euq Zaqyo pyeuf-eu Kali mae.”

1 Gawˇliˬtu 3:5

Pawrluv aqsur ghaq la? Aqpawrluv khawf aqsur ghaq la? Nga’nyaf-aq, nawmaf janlarni guiqlanq-euq gar mrzaq taef ma. Sanqpaq Miqyaer nae kharbi mrlaf-euq lof-aer yawqha-euq gar yawqha mrluf-eu ma.

2 Gawˇliˬtu 3:6

Nga’maf, dawqma sarjax yawshuif-euq guiqlanq-euq gar bi mrnya larni Miqyaer, nga’maf-anr janrnaeq laf-euq mae. Dawqma sarjax heu-aq, sanqbof armawr-anr taf-eu maqngeur-a, muiq-eu Saflar-anr taf-eu mae. Aqjeq mirnae aernar-aq, sanqbof armawr-aq, lavsaef-eu khawf, muiq-eu Saflar-aq, daef-eu jeq bif-eu mae.

2 Gawˇliˬtu 3:7

Shir-eu jeq-euq gar-aq, khaqlo-euq khoertav tafbof taq-awr yawshaef-euq lafkhoer dovlar-euq mae. Morseq-euq myavpyawq-anr byadov lef-eu yawshaef khoer byov-ir luf-eu khawf yawshaef ardzaeq-aer khav-eu mirnae, Irsaqleqlav tsawrhaq, aqyawf-euq myavpyawq-anr maq hawnya nar-aq,

2 Gawˇliˬtu 6:16

Miqyaer-euq uqduq tanqnymr nymrma hawr-eu tanqpanq aqma mawrkawr aqjox-aer tsaqler dzoerler nya-eu? Aqjeq mirnae aernar-aq, nawmaf-aq, daefluf-eu Miqyaer-euq uqduq tanqnymr nymrma mae. Miqyaer nae aertaq-euq lof-aer, “Ngar, aqyawf maf-euq lafkhoer jawr-awr, aqyawf maf-euq ghanrcae can ma. Ngar, aqyawf maf-euq Miqyaer pyeuf-awr, aqyawfmaf, ngaq-euq tsawrhaq pyeuf taef-a.” (Lb 26:12; Ezk 37:27)

1 Teˇsaˬloˇni 1:9

Nga’maf, nawmaf jawr-eu gar lar ngae, aqjeq pyeuflar-euq garkawv hawr-eu daefluf-awr aqdir aqmar Miqyaer pyeuf-eu Miqyaer-euq gar mrnya’ni, nawmaf, tanqpanq aqma mawrkawr-anr byaerdzae yaf-awr, Miqyaer jawr-eu paw ghoflar-euq garkawv deuq aqcawq jaluf-eu mae.

HeˬByehˇ 10:16

“Sanqpaq Miqyaer aer-eu, khoerngae yamq dzeur-euq nar-aq, Ngar, aqyawf maf-anr dawqma sarjax heulof-aer bifnaeq ma. Ngar, ngaq-euq zanrdawq aqyawf maf-euq nuima-anr dawvanr naeq-awr, Aqyawf maf-euq nuinoeq-euq lafkhoer bofanrnaeq ma.

HeˬByehˇ 8:10

Khoeryamq dzeur-euq nar-aq, Ngar, Irsaqleqlav-euq nymrkhanq-anr dawqma sarjax heulof-aer dzaq ma laer Sanqpaq Miqyaer aer-eu mae: Ngar, ngaq-euq zanrdawq aqyawf maf-euq nuinoeq-euq lafkhoer dawvanr naeq-awr, aqyawf maf-euq nuima-anr bofmyanqnaeq ma. Khoernar-aq, ngar, aqyawf maf-euq Miqyaer pyeuf-awr, Aqyawfmaf khawf ngaq-euq tsawrhaq pyeuflar taef-a.

HeˬByehˇ 9:14

Kali-euq shiq, ngeurdzaeq arnavni par lavshawr nya-eu jeq nga. Aqyawf, li-eu maqbawni daef-eu muiq-eu Saflar-anr ghoe-awr, marbyawf maqbaw-eu aqyawf-euq mawrdo, Miqyaer-anr lawrnaeq-euq mae. Nawmaf, daefluf-eu Miqyaer-anr uqduqtanq nya’ni, aqyawf-euq shiq-aq, gar yawshir-anr nae nawmaf-euq zaqsiq nuisiq-anr tsiqshawr naeqlaf-eu mae.

Panmaeq 2:1

“Erpersu Kalizaq armur-euq mqtav ghaqkhaer-anr heulof-aer bofnaeq-awq: ‘Armar laf-anr aqguir shif siq nyaeftaeq taq-awr, shuir nae janr-euq tsirkhmq dofdavduq shif hmq-euq ghanrcae canluf-eu khoerghaq heulof-aer aer-eu mae:

Panmaeq 2:12

“Beqgaqmor Kalizaq armur-euq mqtav ghaqkhaer-anr heulof-aer bofnaeq-awq: ‘Miseuq nyiq paw baw-awr tav duidui-eu micaer bafluf-eu ghaq heulof-aer aer-eu mae:

Panmaeq 2:18

“Tiqyaqdiqlar Kalizaq armur-euq mqtav ghaqkhaer-anr heulof-aer bofnaeq-awq: ‘Miqyaer-euq Zaqyo-euq myavnuiv-aq, miqdzaq miqlmr lof-aer dur-awr, aqkuir-aq, guirnyiqni guiqshuir lof-aer dur-eu mae. Aqyawf heulof-aer aer-eu mae:

Panmaeq 2:8

“Saqmeuqnav Kalizaq armur-euq mqtav ghaqkhaer-anr heulof-aer bofnaeq-awq: ‘Ardanq bae-eu hawr-eu Arsaq saq-eu ghaq pyeuf-awr, shir-euq khawf ghofdaef lar-euq khoerghaq heulof-aer aer-eu mae:

Panmaeq 3:1

“Saqdir Kalizaq armur-euq mqtav ghaqkhaer-anr heulof-aer bofnaeq-awq: ‘Miqyaer-euq Saflar shif lar hawr-eu aqguir shif siq anrluf-eu ghaq heulof-aer aer-eu mae: “Ngar, nawq nae mr-euq jeq-anr siqnya ma. Aqcawq, nawr daefluf mae laer aer-eu khawf, nawr-aq yawshir mae.

Panmaeq 3:14

“Lawqdiqciv Kalizaq armur-euq mqtav ghaqkhaer-anr heulof-aer bofnaeq-awq: ‘Sarjax zif-awr yawtsaq yawdawr-euq lafkhoer sarkir kamq-eu ghaq, Miqyaer nae khar baetaq-euq khoertav uqdzan ghaq pyeuf-awr, Aqmeq laer kur-eu ghaq heulof-aer aer-eu mae:

Panmaeq 3:22

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawqdeuq-anr yawmuiq-aer narhaq-awq.” ’ ”

Panmaeq 3:7

“Pirlaqdeqpir Kalizaq armur-euq mqtav ghaqkhaer-anr heulof-aer bofnaeq-awq: ‘Larghov pantaq-euq gar tiqghaq-iq maq piqtaeq nya-aer, piqtaeq taq-euq gar tiqghaq-iq maq pannya-eu, “Daqbir-euq mawqtawfdur tuvtaeq taq-euq dawrcoeni ghae-eu yawshawr ghaq heulof-aer aer-eu mae.”