2 Gawˇliˬtu 3:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

Akha

¹⁸ Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

2 Gawˇliˬtu 3:18 ပူးပေါင်းရင်းမြစ်များ

Jaceuq 84:7

Aqyawfmaf maeqhu paw ngaeq-aer leghae nar-aq, Ghaq ngaeq-aer anrdzaeq lar-awr; Aqyawf ghaq aqyawf, Ziroq-euq lafkhoer Miqyaer-euq maeqshi ya lekeuv-euq mae.

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Yoˇhaˬ 12:41

Irsaqyar, Kali-euq yawshaef khanqsaer-anr ya’mawr-awr ya’ngaeq-euq mirnae, aqyawf-euq garkawv khoerlof-aer aer-eu mae.

Yoˇhaˬ 17:22

Aqyawfmaf, arnyaf lof-aer, nuima tiqsiq taef-aer taqnya larni, nawq nae ngaq-anr biza-euq yawshaef khanqsaer khoer, ngar, aqyawf maf-anr biza-euq ma.

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Lormav 12:2

Nawmaf, mirtsaqzaq daef-eu lof-aer taqdaef. Aerkhawf, nuima bi lavshuif-awr daefzir parlar-awq. Khoernar-aq, nawmaf, Miqyaer nuima tsaq-eu jeq-anr siqnya lar-awr, yawmuiq jeq, Miqyaer nuikhanr shir-eu jeq hawr-eu byan-eu jeq-anr siqnyalar taef-a.

Lormav 13:14

Maeqtsoeq dm-eu lof-aer Sanqpaq Yeqsur Kali dmdav-awq. Shiqshaq-euq nuikhanr mrbyan-eu laer tiqjeq-iq laeqhmq taq-awr taqbi jav.

Lormav 8:29

Aqjeq mirnae aernar-aq, aqyawfmaf, aqyawf-euq Zaqyo-euq shaevdzeuf anrlarni, yawbae ngae nae Miqyaer siqnya-awr tserdov taq-euq mae. Maernmr ghawqmya ghaq-anr nae, aqyawf-euq Zaqyo-anr huqbaw zaqyo ghaq bigeuf-eu laer Miqyaer khoerlof-aer janr-euq mae.

Lormav 8:4

Aqdui shiqshaq-euq maeqnan maq cantae-aer, muiq-eu Saflar-euq maeqnan cantae luf-eu ma. Khoermirnae, zanrdawq-euq lafkhoer ya’mr mae laer aertaq-euq tsaq-awr dawr-eu jeq aqdui-euq lafkhoer byanlarni, Miqyaer khoerlof-aer janr-euq mae.

Lormav 8:7

Shiqshaq paw-euq garkawv-anr noeqtsov taq-eu-aq, Miqyaer-anr muir-eu jeq pyeuf-eu mae. Aqjeq mirnae aernar-aq, khoerlof-aer ghae-eu nuima-aq, Miqyaer-euq zanr-euq uqmov maqjawr-aer, jawr khawf maq jawrnya-a.

1 Gawˇliˬtu 13:12

Nymq-mr aqdui-aq, maq mawrshawr lar-eu pyawqhaw-anr hawluf-eu gar dur-eu mae. Aerkhawf tiqnan-aq, myavpyawq dzoer-awr ya mawrduq taef-a. Nymq-mr ngar siqnya-eu maqbyan-a. Aerkhawf, khoerngae nan keuvlar nar-aq, Miqyaer, ngaq-anr siqnya-eu lof-aer, ngar khawf tiqbyanni siqnyalar taef-a.

1 Gawˇliˬtu 15:49

Aqdui, mirtsaq nae taevtaq-euq ghaq-euq shaevdzeuf piluf-eu lof-aer, aqkar, mq-anr nae oe-eu ghaq-euq shaevdzeuf khawf yapi taef-a.

2 Gawˇliˬtu 3:17

Sanqpaq Miqyaer-aq, muiq-eu Saflar pyeuf-eu mae. Sanqpaq Miqyaer-euq Saflar aqgeugar jawr-eu ngeur nar-aq, khoergar buq-ir-eu jeq jav-eu mae.

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

2 Gawˇliˬtu 5:17

Tsawrhaq tiq ghaq, Kali-euq lafkhoer jawr nar-aq, aqyawf, tsawrhaq yawshuif pyeuflar-euq mae. Yawoer dawqtawvluf byovjir-awr, dawqtawvluf yawshuif pyeuflar-euq mae.

Gaˬlaˬtiˆ 6:15

Aqjeq mirnae aernar-aq, Yeqsur Kali-euq lafkhoer bawkhov maeqdzaq yaeq-eu hawr-eu maqyaeq-eu heu-aq, tiqjeq-iq gardanr tsoeq-eu maqngeur-a. Tsawrhaq yawshuif pyeuflar-eu taef-aer gardanr tsoeq-eu mae.

Gawˇlawˇsehˇ 3:10

tsawrhaq yawshuif dmdav-euq mae. Yawshuif khoerghaq-aq, aqyawf-anr bae-euq ghaq-euq shaevdzeuf lof-aer bi durlarni, siqnya-eu tsawrganr bi lavshuif-euq mae.

1 Tiˆmoˇseˬ 1:11

Tsaq-awr tsanr-eu jan-eu jeq khoer-aq, ngaq-anr a’naeq laf-euq guiqlanq byan-eu Miqyaer-euq yawshaef khanqsaer huiq-eu guiqlanq dawq-anr tsaqler-eu mae.

Tiˇtuˆ 3:5

aqyawf, aqdui-anr kakhof naeqlaf-euq khoer-aq, aqdui tsaq-awr dawr-eu jeq mr-euq mirnae maqngeur-a. Aerkhawf, aqyawf, aqdui-anr ghawqshaq gaq-eu mirnae, Yawshawr Saflar-euq lafkhoer lavshuif-eu jeq hawr-eu daefpov daeqpar-eu jeq-anr taf-eu tsiqshawr-eu jeq baqda’nae, aqyawf, aqdui-anr bibuq-ir naeqlaf-euq mae.

Yaˬkoˆ 1:23

Miqyaer-euq dawq yagaq-awr maq mrcaw-eu tsawrhaq-aq, pyawqhaw-anr haw-awr yawqha-euq myavpyawq-anr haw-eu gar dur-eu mae.

1 Yoˇhaˬ 3:2

Ngar zawr gaq-eu cawqdeuq-or! Nymq-mr aqdui-aq, Miqyaer-euq zaq ma. Aqkar aqdui aqjox-aer pyeuflar-eu gar maq panmaeq laf-aq siq. Aerkhawf, Kali dovle ngae, aqdui, aqyawf lof-aer pyeuflar taef-a laer siqnya ma. Aqjeq mirnae aernar-aq, aqyawf aqjox-aer pyeuf-eu gar aqdui byacaevni ya’mawr taef-a.