2 Gawˇliˬtu 3:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Nga’maf, ardanq bae-awr, yawqhar yawqha ciqpoeq-eu laer parghae-eu nga lor? Tsawrhaq tiqpavnav deuq janr-eu lof-aer, aqcawq nae nga’maf-euq garkawv nawmaf-anr bofnaeq-euq, ciqpoeq-eu sanqbof yageuf-eu la laq? Maqngeur nar-aq, nawmaf nae nga’maf-anr ciqpoeq-euq sanqbof yageuf-eu la lor?

Akha

¹ Nga maꞈ yawˬ haˇ yawˬ ha kʼahˬ sehˇ paˇ jehˆ gaˇ duˇ-eu nga loˇ. Aˬ cawˬ jahˇ luꞈ-eu loꞈ-ehˇ, nga maꞈ gʼeh naw maꞈ jawˇ gaˇ laˇ ngeh naw maꞈ ha geuꞈ nehˬ laꞈ ni aˬ cawˬ neh nga maꞈ-euˬ gaˇ kawˆ naw maꞈ-ahˇ boꞈ nehˬ-euˬ sahˬ boꞈ yuˇ leꞈ-eu loˬ ta loˇ. Maˬ ngeuˇ naˇ, nga maꞈ aˬ cawˬ jawˇ gaˇ iˇ ngeh, aˬ cawˬ nga maꞈ-ahˇ ha geuꞈ nehˬ laꞈ ni, naw maꞈ neh nga maꞈ-euˬ gaˇ kawˆ boꞈ nehˬ-euˬ sahˬ boꞈ yuˇ gʼeh-eu loˬ ta loˇ.

2 Gawˇliˬtu 3:1 ပူးပေါင်းရင်းမြစ်များ

Gʼaˬkʼehˇ 18:27

Aqyawf, Aqgaqyar mirkhanq-anr irtsaev mawf-eu mirnae, khoergar jawr-eu zaqlanr deuq aqyawf-anr bi ha’ni, ghaq bif-eu laer aqyuif aqnyir deuq nae sanqbof bofanr ghae-euq mae. Aqyawf khoergar irkeuv ngae, Miqyaer-euq guiqlanq yawdzanr-euq baqda’nae, janlar-euq tsawrhaq deuq-anr yawkhav-aer cawba naeq-euq mae.

Lormav 16:1

Geqjeq Kalizaq armur-anr cawba-eu ghaq geufluf-eu, aqdui-euq dmrma Pirbeq-aq, noeqpoeq paq-aer ghae-eu tiq ghaq mae laer nawmaf-anr bisiq-eu ma.

1 Gawˇliˬtu 10:33

Ngar kharmr-eu yawqjeq navluf-euq lafkhoer, tsawrhaq dawqtawvluf nuikhanr shirni mr-eu lof-aer, aqyawfmaf kakhof-eu jeq za’ni, ngar, yawqha-anr muiqlar-eu jeq maqpov-aer, tsawrhaq ghawqmya ni-anr muiqni povluf-eu ma.

1 Gawˇliˬtu 16:3

Ngar larkeuv ngae, nawmaf nae sanqbof bof-awr khaerdov taq-euq tsawrhaq-anr ghoe-awr, nawmaf nae yuruiq taq-euq pyur khoer yur-awr, Yeqlursaqlaeq-anr bi shaha-ir ma.

1 Gawˇliˬtu 3:10

Ngar, Miqyaer nae ngaq-anr bifnaeq laf-euq guiqlanq yawdzanr-anr ghoe-awr, tsawrganr anr-eu nymr tsov-eu yawsanr lof-aer gawrdanq baetaq-euq ma. Heunar-aq, yawqghaqyawq khoergar nae ya tsovdavlef taef-a. Aerkhawf, yawqghaq navluf aqjox-aer tsovdav lef-eu le laer yawmuiq-aer sharnoeq-awr tsovdav lef-eu tsaq taef-a.

1 Gawˇliˬtu 4:15

Kali-euq garkawv nawmaf-anr maeqnaeq-eu 10,000 ghaq jawr-eu khawf, aqda ghawqmya ghaq jawr-eu maqngeur-a. Aqjeq mirnae aernar-aq, ngar guiqlanqdawq maeq-awr, Yeqsur Kali-euq lafkhoer nawmaf-anr ngaq-euq zaq bi pyeuflar-euq ma.

2 Gawˇliˬtu 10:12

Nga’maf-aq, yawqhar yawqha ciqpoeq-eu tsawrhaq-anr maq ciqcaev peuq-aer, aqyawf maf-euq armur-anr maq keuqlerpeuq nya. Aqjeq mirnae aernar-aq, aqyawf maf-aq, tsawrganr maqanr-eu lof-aer, yawqha-euq yawkaq daeqdza haw-awr, tiqghaq tirghaq ciqcaev luf-eu mae.

2 Gawˇliˬtu 10:18

Aqjeq mirnae aernar-aq, yawqhar yawqha ciqpoeq-eu tsawrhaq-anr maqngeur-eu, Sanqpaq Miqyaer ciqpoeq-eu tsawrhaq-anr taef-aer hageuf paq-aer ghae-eu mae.

2 Gawˇliˬtu 10:8

Nawmaf-anr bicawv-ir-eu gharduq maqngeur-eu, nawmaf-anr bihuiq bi manrlar-eu laer Sanqpaq Miqyaer, nga’maf-anr aryaq bifnaeq laf-euq mae. Aryaq heu-euq garkawv, ngar khanqsaer uicuiv jaev-euq law-awr khawf, ngar maqya shafdawr-ar.

2 Gawˇliˬtu 12:11

Nawmaf, ngaq-anr katir-eu mirnae, ngar khanqsaer jaev-eu lafkhoer aqdzawq argan pyeuf-ir-euq mir-a. Aqdir aernar-aq, nawmaf, ngaq-anr ciqpoeq paq-aer ghae-eu mae. Aqjeq mirnae aernar-aq, ngar tiqjeq-iq bym-awr nya-eu tsawrhaq maqngeur-eu khawf, huiq-awr manr-eu ghaqkhaer khoerdeuq taf-aer teqdzaeq-eu maqngeur.

2 Gawˇliˬtu 12:19

Nawmaf nymq-mr keuvni, nga’maf, yawqha-euq garkawv jashaw-eu laer ja-eu nga laer taef-aer noeq-eu le siq laq? Nga’maf-aq, Miqyaer-euq maeqshi Kali-euq lafkhoer ngaeqluf-eu ma. Ngar zawr gaq-eu cawqdeuq-or! Heudeuq dawqtawvluf nawmaf bihuiq bi manrlar-eu laer mrluf-eu ma.

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.

2 Gawˇliˬtu 5:12

Aqjeq mirnae aernar-aq, nawmaf-euq maeqshi nga’maf yawqhar yawqha ciqpoeq-eu maqngeur. Aerkhawf, nuima-euq lafkhoer aqjox-aer pyeufluf-eu gar maq sharnoeq-aer, lafnyir paw taf-eu jeq-anr taef-aer khanqsaer jaev-eu tsawrhaq-anr ngaeqkhof nya’ni, nga’maf-euq baqda’nae nawmaf khanqsaer bijaev-eu gharduq bofanr lef-euq ma.