2 Gawˇliˬtu 2:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aerkhawf, aqyawf ardzaeq noeqshaq dzeur-awr, maqya cawv-ir ni, nawmaf, aqyawf-anr iqbax pyaeqjir naeq-awr, aqyawf-anr bi noeqsar lar-eu tsaq taef-a.

Akha

⁷ Ehˇ kʼawꞈ, aˬ yawꞈ aˇ dzehˬ dzeuˇ ni noeˬ shaˬ-awˇ maˬ ya cawˆ-iˇ ni, nymˬ-mˇ naw maꞈ aˬ yawꞈ-ahˇ iˬ baˇ pyehˬ nehˬ-awˇ gʼaˬ biꞈ nehˬ-eu tsaˬ tehꞈ-a.

2 Gawˇliˬtu 2:7 ပူးပေါင်းရင်းမြစ်များ

Jaceuq 124:3

Aqyawfmaf, aqdui-anr miqdzaq dof-eu lof-aer nuima paer ngae, Aqdui-anr yawdaef-aer myeufanr jir-euq ngeur-eu dur;

Jaceuq 21:9

Nawr nuima paer-eu aryamq-anr, nawr, aqyawf maf-anr miqdzaq tsawqbym lof-aer bi pyeuflar-awr; Ya’we Miqyaer nuima yawkhav-aer paer-eu lafkhoer, aqyawf maf-anr myeufanr jir-awr; Khoernar-aq, miqdzaq, aqyawf maf-anr puivdzaqjir taef-a.

Jaceuq 57:3

Miqyaer, ghawqshaq gaq-eu jeq hawr-eu yawtsaq yawdawr jeq khaerghaelef taef-a; Aqyawf, ngaq-anr bibuq-ir-eu jeq mq-euq khoertav nae bi’oe-awr; Aqyawf, ngaq-anr myeufanr-eu laer ghae-eu tsawrhaq-anr aerdoernaeq taef-a. Sela.

Dawqdaq 1:12

Aqduimaf, shir-eu mirkhanq lof-aer aqyawf maf-anr yawdaef-aer myeufanr-awr, Mawrdo dolanni duqkhanq-anr ga’anrbyov ghae-euq lof-aer myeufanrnaeq kar-eur.

Dawqdaq 17:22

Nuima laqkhaq caer-eu jeq-aq, javghaq lof-aer muiq-eu mae. Aerkhawf, nuima saflar pav-ir-euq nar-aq, shaqyoeq gui-ir-eu mae.

1 Gawˇliˬtu 15:54

Buf-ir shov-ir nya-eu heu-anr, maqbuf maqshov-ir nya-eu jeq dmdav-awr, shirnya-eu heu-anr, maq shirnya-eu jeq nae dmdav ghaq ngae, Yaerbof-euq lafkhoer boftaq-euq dawq heudawq byanlar taef-a. “Ghaqler-eu jeq nae shir-eu jeq-anr myeufanr-euq mae.” (Isy 25:8)

2 Gawˇliˬtu 2:8

Khoermirnae, nawmaf, aqyawf-anr aqdir gaq-eu ngar-a laer aqyawf yasiqni, nawmaf, aqyawf-anr janrnaeq-awq laer ngar, nawmaf-anr ghaq bif-eu ma.

2 Gawˇliˬtu 5:4

Aqdui saeqghawv heu-euq lafkhoer jawrluf ngae, khavbaev yawkan pi-awr manrluf-eu ma. Aerkhawf, maeqtsoeq laevdzae-eu lof-aer laevdzae mawf-eu mirnae maqngeur-eu, daef-eu jeq, shirnya-eu jeq-anr myeufanr-awr, ya dmdavni manrluf-eu ma.

2 Gawˇliˬtu 7:10

Aqjeq mirnae aernar-aq, Miqyaer-anr yawzeu baw-eu lafkhoer noeqshaq-eu jeq-aq, kakhof-eu jeq za’ni noeqpov noeqpar-eu jeq bi dovlar-eu mirnae, nuima cawv paq-aer ghae-eu jeq maqngeur-a. Aerkhawf, mirtsaq-anr taf-eu noeqshaq-eu jeq-aq, shir-eu jeq-anr saqler-eu mae.

Eˇpeˇsu 4:32

Kali-euq lafkhoer, Miqyaer, nawmaf-anr iqbax pyaeqnaeq-euq lof-aer, nawmaf khawf tiqghaq tirghaq iqbax pyaeq-awr, nuima nanqyuni ghae-eu lafkhoer, tiqghaq tirghaq ghawqshaq gaq-awq.

Piˇliˇpiˆ 2:27

Aqdir aernar-aq, aqyawf shirtaw taeqni nar-euq mae. Aerkhawf, Miqyaer, aqyawf-anr ghawqshaq gaqnaeq-euq mae. Aqyawf-anr taef-aer ghawqshaq gaq-euq maqngeur-aer, ngar noeqshaq duidui luf-eu gar maqbi noeqshaq dzaeq-eu laer, ngaq-anr khawf ghawqshaq gaqnaeq laf-euq mae.

Gawˇlawˇsehˇ 3:13

Tiqghaq tirghaq oror-aer daef-awq. Tiqghaq-euq khoertav tiqghaq iqbax taqkharza nar-aq, tiqghaq tirghaq iqbax pyaeq-awq. Kali, nawmaf-euq iqbax-anr pyaeq-euq lof-aer, nawmaf khawf tiqghaq tirghaq iqbax yapyaeq-eu mae.

1 Teˇsaˬloˇni 4:13

Aqyuif aqnyir deuq-or! Tiqjeq-iq noeqtmq khar maqza-eu tsawrhaq deuq noeqshaq-eu lof-aer nawmaf maqya noeqshaqni, yufkhav dzeur-euq tsawrhaq deuq-euq garkawv, nga’maf, nawmaf-anr maq siqnya-aer maqbi ghaemawf nya.

2 Teˇsaˬloˇni 3:6

Aqyuif aqnyir deuq-or! Aqdui-euq Sanqpaq Yeqsur Kali-euq tsawrmyanr-euq uqmov nga’maf, nawmaf-anr dawq heulof-aer bif-eu ma. Nga’maf nae nawmaf-anr maeqnaeq-euq maeqnan maq cantae-eu aqyuif aqnyir yawdoer yawqghaq navluf-anr ghawqtsaev tsaev-awq.