2 Gawˇliˬtu 2:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Dzeurlaf ngae, ngar nuima-euq lafkhoer shaqzanq mr duidui-awr, khanqlanr duidui-eu lafkhoer, myavbir juju-aer nawmaf-anr sanqbof khoer bofanr lef-euq ma. Nawmaf-anr bi noeqshaq-eu laer bofanr lef-euq maqngeur, ngar, nawmaf-anr gaq duidui ngar-a laer nawmaf yasiqni bofanr lef-euq ma.

Akha

⁴ Ngaˇ nui ma cawˆ dui dui-awˇ shaˬ zahˬ mˇ-eu laꞈ kʼoeˇ, myaˆ biˇ doˆ doˆ-ehˇ naw maꞈ-ahˇ sahˬ boꞈ kʼoeˇ taꞈ boꞈ ahˇ leꞈ-euˬ ma. Ngaˬ-euˬ nui ma laꞈ kʼoeˇ-aˬ, naw maꞈ-ahˇ bi noeˬ shaˬ mawꞈ-eu maˬ ngeuˇ. Ngaˇ naw maꞈ-ahˇ aˇ naˆ ni gaˬ-eu gaˇ kawˆ bi siˬ duˬ mawꞈ-eu ma.

2 Gawˇliˬtu 2:4 ပူးပေါင်းရင်းမြစ်များ

Jaceuq 119:136

Tsawrhaqzaq, nawq-euq zanrdawq-anr maq daefcaw-eu mirnae, Ngaq-euq myavnuiv-anr nae myavbir lawrgawv yoerluf-eu mae.

2 Gawˇliˬtu 11:2

Miqyaer, nawmaf-anr myavnav nav-eu lof-aer, ngar khawf nawmaf-anr myavnavnav mir-a. Aqjeq mirnae aernar-aq, nawmaf-aq, zaqyo aqli tiq ghaq-anr bi danqdzaq-ir-eu laer ngaq nae aertsaev taq-euq ma. Shawrjaevni ghae-eu miqdaf dafshawr lof-aer Kali-anr nawmaf a’naeq-eu laer ma.

2 Gawˇliˬtu 12:15

Ngar, nawmaf-anr gaq-eu myaqlarluf ngae, nawmaf, ngaq-anr gaq-eu cuiv-ir luf-eu khawf, nawmaf-euq nuima saflar gharduq, laqkhaq caertavni ngar jav-eu jeq zmq-awr, ngaq-euq mawrdo-anr khawf bizmq ma.

2 Gawˇliˬtu 2:9

Nawmaf, yawqjeq navluf-euq lafkhoer narhaqgeuf luf-eu nga lor laer, nawmaf-anr tsermr haw-eu gharduq ngar sanqbof khoer bofanr lef-euq ma.

2 Gawˇliˬtu 7:12

Khoermirnae, ngar, nawmaf-anr sanqbof bofnaeq-euq-aq, mrbanq-euq tsawrhaq-euq gharduq maqngeur. Aqcawq mrbanq lar-eu gar ya daqluf-eu tsawrhaq-euq gharduq khawf maqngeur. Miqyaer-euq maeqshi nga’maf, nawmaf-anr arnavni khanqlanr-eu garkawv bisiqni bofanr lef-euq ma.

Piˇliˇpiˆ 3:18

Aqjeq mirnae aernar-aq, dzeurlaf ngae, khoerdeuq-euq garkawv, ngar, nawmaf-anr ghawqmya pov aernaeq-euq ma. Nymq-mr khawf myavbir dovdov-aer tiq pov par aernaeq nyar. Aqyawf maf-aq, Kali-euq lafyaq-anr muir-eu tsawrhaq mae.