2 Gawˇliˬtu 2:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, Miqyaer-anr jaceuq ma. Aqyawf, aqmyanluf Kali-anr ghoe-awr ghaqler-eu lafkhoer, aqdui-anr sheuqghae naeqlaf luf-eu mae. Kali-anr siqnya-eu tsawrganr-euq baqda’nae dovlar-eu yawsaw jeq, Miqyaer, aqdui-anr ghoe-awr yawqgar navluf bi sawkeuv-ir luf-eu mae.

Akha

¹⁴ Ehˇ kʼawꞈ, Miˬyehˇ-euˬ guiˬ lahˬ-ahˇ ja ceuˬ-eu ma. Aˬ jeˬ miˇ neh ehˇ naˇ, Ka li laꞈ kʼoeˇ aˬ dui gʼaˬ leˇ nya ni aˬ yawꞈ sheuˬ gʼeh nehˬ laꞈ-awˇ, tsiˇ yaw saw jeˬ yawˬ gaˇ na luꞈ saw keuˆ-iˇ-eu loꞈ-ehˇ, Ka li-ahˇ siˬ nya-eu jeˬ yawˬ gaˇ na luꞈ byah-iˇ ni nga maꞈ-ahˇ aˬ yawꞈ zmˬ nehˬ laꞈ-euˬ meh.

2 Gawˇliˬtu 2:14 ပူးပေါင်းရင်းမြစ်များ

Jaceuq 106:47

Nga’maf-euq Miqyaer pyeuf-eu Ya’we Miqyaer-or! Nga’maf-anr kakhof naeqlaf-awq. Nga’maf, nawq-anr khanqsaer jaevjaev-aer jaceuq-awr; Nawq-euq shawr-eu tsawrmyanr-euq guiqlanq-anr jaceuq nya’ni; Aqcawq tsawrjeuq-euq ghanrcae jawrluf-eu nga’maf-anr sheuquiq naeqlaf.

Jaceuq 148:14

Aqyawf, aqyawf-euq tsawrhaq deuq-euq, ghaq-euq uqcoer ciqgor-eu mae; Aqyawf-euq tsawrshawr dawqtawvluf—aqyawf-euq dawqpae jawr-eu tsawrhaq, Irsaqleqlav tsawrhaq khawf, aqyawf-anr jaceuq luf-ur. Haleluya!

Yoˇhaˬ 16:33

Nawmaf, ngaq-euq lafkhoer nuisar of-eu jeq za’ni, ngar, nawmaf-anr garkawv heudeuq aernaeq-eu ma. Mirtsaq-euq khoertav jawr ngae, nawmaf shaq-awr zanq-eu jeq-anr yadaq taef-a. Aerkhawf, nawmaf nuima zif-awr laqkhaq caer-awq, ngar, mirtsaq-anr ghaqler-euq ma.”

Lormav 1:8

Yawbae jeq-aq, nawmaf, Miqyaer-anr jan-eu garkawv mirkhanq doeni gaqdoe-ir-euq mirnae, ngar, nawmaf dawqtawv luf-euq gharduq Yeqsur Kali-anr ghoe-awr ngaq-euq Miqyaer-anr jaceuq ma.

Lormav 15:19

Baoq huiq-eu bisiq bimawr-eu jeq hawr-eu zanqler paq-aer ghae-eu jeq heudeuq, Miqyaer-euq Saflar-euq baoq-anr ghoe-awr mr-euq ma. Khoerlof-aer mrmr-aer, ngar, Yeqlursaqlaeq-anr nae Irlurliv-anr keuvni, Kali-euq garkawv guiqlanqdawq maeqdoe-euq ma.

Lormav 6:17

Dzeurlaf ngae, nawmaf iqbax-euq zaqkhav geuf-euq mae. Aerkhawf, nymq-mr-aq, nawmaf-anr maeqnaeq-euq dawqmaeq dawqtsov-anr nuima nae narhaq geuf-euq mirnae, Miqyaer-euq guiqlanq-anr jaceuq ma.

Lormav 8:37

Aerkhawf, aqdui-anr gaq-eu ghaq-anr ghoe-awr, heudeuq dawqtawv luf-anr yawmuiq-aer ghaqler jir-euq ma.

1 Gawˇliˬtu 12:8

Muiq-eu Saflar-aq, tiq ghaq-anr zaqsiq tsawrganr-euq dawq bif-awr, muiq-eu Saflar heughaq, tiq ghaq-anr-aq, siqnya-eu tsawrganr-euq dawq bif-eu mae.

1 Gawˇliˬtu 15:37

Khoeruqtaf, nawr ka ngae aqkar daeflar-eu arbawq ka-eu maqngeur-aer, siqyoeq ka-eu taef mae. Caer siqyoeq maqngeur nar-aq, nuijeq-euq siqyoeq ka-eu taef mae.

1 Gawˇliˬtu 15:57

Aerkhawf, aqdui-euq Sanqpaq Yeqsur Kali-anr ghoe-awr, aqdui-anr bi ghaqler naeqlaf-euq Miqyaer-anr jaceuq kar-eur.

2 Gawˇliˬtu 1:11

Nawmaf khawf, nga’maf-anr guiqlanq sharcaw naeqlaf-awq. Tsawrhaq ghawqmya’ni guiqlanq sharluf-eu mirnae, nga’maf nae za-euq lafsawq-euq gharduq, tsawrhaq ghawqmya’ni Miqyaer-anr jaceuq taef-a.

2 Gawˇliˬtu 8:16

Ngar, nawmaf-euq gharduq nuima keuv-eu lof-aer, Tirtuv khawf nawmaf-euq gharduq nuima keuvni, Miqyaer janrnaeq laf-euq mirnae, Miqyaer-euq guiqlanq-anr jaceuq ma.

2 Gawˇliˬtu 9:15

Maq aerjir coer-eu lafsawq bifnaeq laf-euq Miqyaer-anr jaceuq kar-eur.

Eˇpeˇsu 5:2

Kali, aqdui-anr gaq-awr, aqyawf-euq mawrdo, Miqyaer-anr damqnaeq-eu jeq hawr-eu lawrnaeq-eu yawsaw jeq lof-aer aqdui-anr bifnaeq laf-euq mae. Khoermirnae, nawmaf khawf gaq-eu lafkhoer daef-awq.

Eˇpeˇsu 5:20

Aqdui-euq Sanqpaq Yeqsur Kali-euq tsawrmyanr-anr ghoe-awr, aqmyanluf yawqjeq navluf-euq lafkhoer, Aqda Miqyaer-anr jaceuq-awq.

Piˇliˇpiˆ 4:18

Nymq-mr ngar yawqjeq navluf javlof-eu uqtaf, ardzaeq jav-eu nya siq. Nawmaf nae Irbaqpawqdir-anr khaer-awr bi shaha le-euq lafsawq khoerdeuq-euq baqda’nae, ngar tiqbyanni javluf-eu ma. Lafsawq khoerdeuq-aq, Miqyaer nuikhanr shir-awr hageuf-eu, saw duidui-eu lawrnaeq-eu jeq pyeuf-eu mae.

Gawˇlawˇsehˇ 1:23

Nawmaf nae yagaq-euq guiqlanq dawq-anr taf-eu noeqtmq-eu jeq-anr nae maq jivdov-ir ni, jan-eu lafkhoer dawqpaeq zif-awr, zifdanni nyaeftaeqtaq nya-euq ngeur nar-aq, khoer-aq, mq-euq uqmov baetaq-euq yawqjeq navluf-anr dawqmaeq maeqnaeq-euq mirnae mae. Ngar, Pawrluv khawf khoer-euq gharduq kuirlaf zaqkhav geuflar-euq ma.

Gawˇlawˇsehˇ 1:6

Yawtsaq yawdawr-anr taf-eu Miqyaer-euq guiqlanq yawdzanr garkawv khoer, mirtsaq doeni gaqbyan-ir-awr, arsiq siqle luf-eu lof-aer, nawmaf jawr-eu gar gaqkeuv le-awr, nawmaf yagaq-awr siqnya-euq nan-anr nae nar-aq, nawmaf-euq ghanrcae khawf arsiq siqle luf-eu mae.

Gawˇlawˇsehˇ 2:15

Aqyawf heu-euq lafkhoer, mqsanr hawr-eu aryaq deuq-anr ghaqler-awr, aqyawfmaf shafdawr paq-aer aqcawq-euq maeqshi byacaevni janrnaeq-euq mae.

1 Teˇsaˬloˇni 1:8

Aqjeq mirnae aernar-aq, nawmaf-euq baqda’nae, Sanqpaq Yeqsur-euq garkawv Maqgeqdawrniv hawr-eu Aqgaqyar mirkhanq-anr gaqdoe-ir-euq uqtaf, nawmaf, Miqyaer-anr jan-eu garkawv yawqgar navluf gaqdoe-ir luf-eu mirnae, nga’maf tiqjeq-iq aerkhar maqza nya.

1 Teˇsaˬloˇni 3:9

Nawmaf-euq baqda’nae nga’maf, aqdui-euq Miqyaer-euq maeqshi laqkhaqcaer duidui mir-a. Laqkhaq caer-eu heudeuq dawqtawv luf-euq lafkhoer nawmaf-euq gharduq, nga’maf, Miqyaer-anr aqjox-aer jaceuq jircoer nmr-mq!

1 Tiˆmoˇseˬ 2:8

Khoermirnae, zaqyo aqli deuq aqgar jawr ngae maqkaq, nuima maqpaer-aer, tsawrpyaer maqpyaerni, shawr-eu aqlaf bafdir-awr guiqlanq shar-eu gar ngar geufmawf mir-a.

2 Tiˆmoˇseˬ 2:2

Tsawrkaq ghawqmya ghaq-euq maeqshi, ngaq nae maeqnaeq tsovnaeq-euq gar nawr yagaq-euq khoerdeuq, sarjax zif-awr aqcawq-anr maeqnaeq tsovnaeq nya-eu tsawrhaq deuq-anr khawf a’naeq-awq.

Panmaeq 7:12

aer-eu, “Aqmeq. Jaceuq-eu jeq hawr-eu yawshaef khanqsaer, Zaqsiq tsawrganr hawr-eu guiqlanq-anr jaceuq-eu jeq, Taqhuiq taqmanr-eu jeq, baoq hawr-eu ghaq dawqtawvluf, Mqmaq maqbyav yarzir, aqdui-euq Miqyaer-anr of luf-ur. Aqmeq.”