2 Gawˇliˬtu 2:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nawmaf, tsawrhaq tiqghaq nav-euq iqbax-anr pyaeqnaeq nar-aq, ngar khawf khoerghaq-euq iqbax-anr pyaeqnaeq ma. Ngar iqbax tiqjeqnav pyaeqnaeq-eu-aq, nawmaf-euq gharduq Kali-euq maeqshi pyaeqnaeq-eu ma.

Akha

¹⁰ Tsawˇ haˬ tiˬ gʼaˬ na mˇ lehˬ-euˬ gaˇ naw maꞈ iˬ baˇ pyehˬ nehˬ naˇ, ngaˇ kʼawꞈ tsawˇ haˬ kʼoeˇ gʼaˬ-ahˇ iˬ baˇ pyehˬ-eu ma. Ngaˇ tiˬ jeˬ paˬ gʼaˇ duˬ iˬ baˇ pyehˬ naˇ, ngaˬ neh iˬ baˇ pyehˬ-euˬ kʼoeˇ-aˬ, naw maꞈ gʼaˇ duˬ Ka li-euˬ mehˬ shi iˬ baˇ pyehˬ-eu jeˬ pyeuꞈ-eu ma.

2 Gawˇliˬtu 2:10 ပူးပေါင်းရင်းမြစ်များ

Maꞈtehˬ 18:18

“Ngar, nawmaf-anr aqdirma-aer aernaeq nyar, mirtsaq-euq khoertav nawmaf nae khar paftawf-euq jeq, mq-euq khoertav khawf paftawf taef-a. Mirtsaq-euq khoertav nawmaf nae khar puirpyaeq-euq jeq, mq-euq khoertav khawf puirpyaeq taef-a.

Yoˇhaˬ 20:23

Nawmaf nae iqbax pyaeqnaeq-euq tsawrhaq-anr, Miqyaer khawf iqbax pyaeqnaeq taef-a. Nawmaf nae iqbax maq pyaeqnaeq-euq tsawrhaq-anr, Miqyaer khawf iqbax maq pyaeqnaeq-ar.”

1 Gawˇliˬtu 5:4

Nawmaf uiqler ngae, ngaq-euq nuima khawf nawmaf naeq-aer jav-eu ma. Aqdui-euq Sanqpaq Yeqsur Kali-euq tsawrmyanr-euq uqmov, aqdui-euq Sanqpaq Yeqsur Kali-euq baoq-anr ghoe-awr,

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

2 Gawˇliˬtu 5:20

Khoermirnae, nga’maf-aq, Kali-euq danzar geufluf-eu ma. Miqyaer, nga’maf-anr ghoe-awr nawmaf-anr sharluf-eu gar dur-eu mae. Miqyaer-anr tsaqler dzoerler-awq laer nga’maf, Kali-euq danzar geuf-awr, nawmaf-anr tanqshar-eu ma.

2 Gawˇliˬtu 6:6

Nuima shawr-eu, siqnya-eu tsawrganr zmq-eu, nuinoeq ghawqmanrni noeq-eu, ghawqshaq gaq-eu, Yawshawr Saflar-anr ghoe-eu, nuima shawrjaevni gaq-eu,

Eˇpeˇsu 4:32

Kali-euq lafkhoer, Miqyaer, nawmaf-anr iqbax pyaeqnaeq-euq lof-aer, nawmaf khawf tiqghaq tirghaq iqbax pyaeq-awr, nuima nanqyuni ghae-eu lafkhoer, tiqghaq tirghaq ghawqshaq gaq-awq.