2 Gawˇliˬtu 13:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqyuif aqnyir deuq-or! Ghawqdawq ngaeq-awr arsaqsaq ma. Nawmaf byanlar-awr, nuima sarlar-awr, nuinoeq tiqjeq taef-aer taq-eu uqtaf, tiqghaq tirghaq tsaqler dzoerler-awq. Khoerlof-aer janr nar-aq, gaq-eu jeq bif-awr nuisar bif-eu Miqyaer, nawmaf naeq-aer jawr taef-a.

Akha

¹¹ Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ ma. Laˬ kʼaˬ cehˇ-eu jeˬ oꞈ luꞈ-uˇ. Naw maꞈ dehꞈ paˇ-awˬ. Ngaˬ-euˬ shaˇ dawˬ naˇ haˬ nehˬ laꞈ-awˬ. Tiˬ gʼaˬ tiˇ gʼaˬ tsaˬ leˇ dzoeˇ leˇ-awˬ. Gʼoeˇ-eu gaˬ-eu jeˬ hawˇ-eu nui saˇ oꞈ-eu jeˬ biꞈ-eu Miˬyehˇ naw maꞈ nehˬ-ehˇ jawˇ tehꞈ-a.

2 Gawˇliˬtu 13:11 ပူးပေါင်းရင်းမြစ်များ

Maꞈtehˬ 1:23

“Hawde-eq, miqdaf dafshawr tiq ghaq, zaq tsaevler-awr, Zaqyo tiq ghaq ciq taef-a. Aqcawq, aqyawf-anr Ermaqnoeqlar laer kur taef-a” (Isy 7:14) “Ermaqnoeqlar” laer aer-eu-aq, “Miqyaer, aqdui naeq-aer jawr mae” laer aermawf-eu mae.

Maꞈtehˬ 5:48

Khoermirnae, mq-euq khoertav jawr-eu nawmaf-euq Aqda byan-eu lof-aer nawmaf khawf byanlar-awq.

Maˬkuˆ 10:49

Yeqsur naqler-awr, aqyawf-anr kurlaf-awq laer dawq bif-euq mae. Khoerngae, aqyawfmaf, myavbaef khoerghaq-anr aernaeq-eu, “Laqkhaq caertavni tur-awq, aqyawf, nawq-anr kurluf-eu nga.”

Maˬkuˆ 9:50

Saqdeuf-aq, yawmuiq mae. Aerkhawf, saqca tav-eu byov-ir nar-aq, nawmaf saqca aqjox-aer parbi tavlar nya-eu? Nawmaf-euq lafkhoer saqdeuf bi’anr-awr, tiqghaq tirghaq tsaqler dzoerler-awq.”

Luˇkaꞈ 9:61

Yawqghaqyawq aer-eu, “Sanqpaq-or! Ngar, nawq-euq maeqnan cantaelar ma. Aerkhawf, ngaq-anr irkanr jawryaf-euq deuq-anr jeqhu bi dzawrgaq-ir laf.”

Yoˇhaˬ 17:23

Ngar, aqyawf maf-euq lafkhoer jawr-awr, nawr, ngaq-euq lafkhoer jawr-eu mirnae, aqyawfmaf nuima taf-awr gm-eu byanlar taef-a. Khoerngae, nawq nae ngaq-anr khaerghae lef-awr, nawr, ngaq-anr gaq-eu lof-aer, aqyawf maf-anr khawf gaq-eu ngar-a laer, mirtsaqzaq siqnyalar taef-a.

Gʼaˬkʼehˇ 15:29

Nawmaf maq mrkhmq-eu jeq-aq heudeuq mae, tanqpanq aqma mawrkawr-anr lawrnaeq-euq dzaqdzaq dawrdawr dzaq-eu, shiq dzaq-eu, pafsaef-euq jeqzaq dzaq-eu hawr-eu banq-awr khaqmiq sheu-eu, heudeuq-anr nawmaf maqmr nar-aq muiq duidui-eu mae. Nawmaf nuisar of luf-ur.”

Gʼaˬkʼehˇ 18:21

Aerkhawf, aqyawf, aqyawf maf-anr ghawq-ir ngae aer-eu, “Ngar khar ghaenya-eu lof-aer Yeqlursaqlaeq-anr yawbui jav-eu gar ya irkeuv-a. Aerkhawf, Miqyaer nuima tsaq nar-aq, ngar, nawmaf jawr-eu gar par ghoflar ma.” Khoernar-aq, aqyawf, lawq-anr dziq-awr Erpersu-anr nae dov-ir-euq mae.

Gʼaˬkʼehˇ 23:30

Arnan, tsawrhaq heughaq-anr saef-eu laer Yurdav tsawrhaq laeqhmq taq-euq mae laer, aqcawq, ngaq-anr aernaeq lar-euq naeq-aer, ngar, aqyawf-anr nawr jawr-eu gar yawkawr-aer bi sheuqha le-euq ma. Aqyawf-anr yarkhaq ja’mawf-eu tsawrhaq khawf, nawq-euq maeqshi ja-ir-awq laer ngar dawq bif-euq ma. Guiqlanqhuiq luf-ur.”

Lormav 12:16

Tiqghaq tirghaq tsaqler dzoerler-eu nuima anr-awq. Huiqmawf manrmawf-eu nuima maqanr-aer, teq-awr nyir-eu tsawrhaq deuq naeq-aer khawf cawq cawq-awq. Yawqhar yawqha tsawrganr anr-eu ma laer taqnoeq. (Dd 3:7)

Lormav 12:18

Nawq-euq navni kharjav-eu jeq, khar ghaenya-eu lof-aer, tsawrhaq yawqghaq navluf naeq-aer tsaqler dzoerlerni daef-awq.

Lormav 14:19

Khoermirnae, aqdui tsaqler dzoerlerni hawr-eu tiqghaq tirghaq bihuiq bi manrlarni mr kar-eur.

Lormav 15:13

Yawshawr Saflar-euq baoq baqda’nae nawmaf noeqtmq-eu jeq myaqlarni, nawmaf jan-eu lafkhoer, noeqtmq-eu jeq bif-eu Miqyaer, nawmaf-anr laqkhaq caer-eu jeq hawr-eu nuisar of-eu jeq bi byanlar luf-ur.

Lormav 15:33

Nuisar bif-eu Miqyaer, nawmaf yawqghaq navluf naeq-aer jawr luf-ur. Aqmeq.

Lormav 16:20

Ghawqmyanr maqghae-aer, nuisar bif-eu Miqyaer-aq, nawmaf-euq aqkuir paeqzar-euq uqmov, naef Saqdaq-anr nawqpyaev taef-a. Aqdui-euq Sanqpaq Yeqsur Kali-euq guiqlanq yawdzanr nawmaf-euq khoertav jav luf-ur.

1 Gawˇliˬtu 1:10

Aqyuif aqnyir deuq-or! Ngar, aqdui-euq Sanqpaq Yeqsur Kali-euq tsawrmyanr-euq uqmov nawmaf-anr heulof-aer shar-eu ma. Nawmaf dawqtawvluf tsaqler dzoerler-eu dawq ngaeq-awr, nawmaf-euq yawkaq armaf taq birpav. Nawmaf yawmuiq-aer gawfler gmler nya’ni, nuima tiqsiq taef-aer taq-awr nuinoeq tiqgar taef-aer tsaq-awq.

2 Gawˇliˬtu 1:4

Miqyaer, aqdui-anr nuima bi sarlar-euq lof-aer, khaeq-awr khav-eu kharngeur-eu jeq-anr yadaq-eu tsawrhaq-anr nuima bi sarlar nya’ni, aqdui nae yadaq-euq khaeq-awr khav-eu yawqjeq navluf-euq lafkhoer, aqyawf, aqdui-anr nuima bi sarlar naeqlaf-euq mae.

2 Gawˇliˬtu 13:14

Sanqpaq Yeqsur Kali-euq guiqlanq yawdzanr, Miqyaer-euq gaq-eu jeq hawr-eu Yawshawr Saflar-euq lafkhoer cawq cawqtaf-eu jeq, nawmaf yawqghaq navluf-euq khoertav jav luf-ur. Aqmeq.

2 Gawˇliˬtu 13:9

Nga’maf ghaqbaqbaq ngae, nawmaf ghaq khav-eu mirnae, nga’maf laqkhaqcaer mir-a. Nawmaf kuflar byanlarni khawf, nga’maf guiqlanq sharluf-eu ma.

Eˇpeˇsu 4:12

Heu-aq, tsawrshawr deuq-anr maeqbym-awr, guiqlanq-euq gar mr-eu mirnae, Kali-euq mawrdo bihuiq bi manrlar-eu gharduq bifnaeq laf-euq mae.

Eˇpeˇsu 4:3

Tsaqler dzoerler-eu jeq-euq lafkhoer tiqghaq tirghaq bi ganrdzanq-awr, muiq-eu Saflar-euq lafkhoer nuima tiqsiq taef-aer taq-eu jeq maqbi byov-ir ni laejae-awq.

Eˇpeˇsu 6:23

Aqda Miqyaer hawr-eu Sanqpaq Yeqsur Kali-anr nae oe-euq, nuisar of-eu jeq, gaq-eu jeq hawr-eu jan-eu jeq, aqyuif aqnyir deuq-euq khoertav jav luf-ur.

Piˇliˇpiˆ 1:27

Aqjox-aer law khawf, nawmaf, Kali-euq guiqlanq dawq-anr geuxni yawdaef daef-awq. Khoerlof-aer daef nar-aq, ngar oekeuv-awr nawmaf-anr ya’mawr ngae maqaer, nawmaf naeq-aer maqjawr ngae maqkaq, nawmaf nuima tiqsiq taef-aer taq-awr, nuinoeq tiqjeq taef-aer taq-eu uqtaf, guiqlanq dawq-anr taf-eu jan-eu jeq-euq gharduq, tiqkawv lof-aer laejae duidui-eu garkawv-anr ngar yagaq taef-a.

Piˇliˇpiˆ 3:16

Aqjox-aer law-awr khawf, aqdui nuima tiqgar taf-awr, aqdui aqgeu tiv-anr zataq-euq ngeur nar-aq, khoertiv-anr geuxni daef kar-eur.

Piˇliˇpiˆ 4:2

Ngar, Irbawrdir hawr-eu Surtuv-anr Sanqpaq Miqyaer-euq lafkhoer nuinoeq tiqgar tsaq-awq laer shar-eu ma.

Piˇliˇpiˆ 4:4

Aqmyanluf Sanqpaq Miqyaer-euq lafkhoer laqkhaq caer-awq. Ngar tiq pov par aernaeq nyar, laqkhaq caer-awq!

Piˇliˇpiˆ 4:9

Nawmaf, ngaq-anr nae dzaw-awr hageuf-euq deuq hawr-eu, yagaq-awr ya’mawr-euq deuq, heudeuq dawqtawv luf-anr nawmaf mrghae-awq. Khoerlof-aer mr nar-aq, nuisar bif-eu Miqyaer, nawmaf naeq-aer jawr taef-a.

1 Teˇsaˬloˇni 3:10

Nga’maf, nawmaf-anr parya mawr-awr, nawmaf jan-eu maqbyan-eu deuq byanlarni, uqcif nan’ghanr maqaer guiqlanqshar duidui luf-eu ma.

1 Teˇsaˬloˇni 4:1

Aqyuif aqnyir deuq-or! Ngar heulof-aer arsaq saqmawf mir-a. Nga’maf, Sanqpaq Yeqsur-anr ghoeghoe-aer, nawmaf-anr heulof-aer sharshar-aer ghaq bifmawf nya siq. Nawmaf, Miqyaer nuikhanr shirni yawdaef aqjox-aer yadaef-eu garkawv, nga’maf, nawmaf-anr maeqnaeq-euq ma. Nawmaf khoer-euq maeqnan cantae luf-eu lof-aer, maeqhu paw khawf khoernav maqtser laejae laejae-aer cantae ghae-awq.

1 Teˇsaˬloˇni 4:18

Khoermirnae, nuima sarlarni tiqghaq tirghaq dawq heudeuq jasawx-awq.

1 Teˇsaˬloˇni 5:13

Aqyawfmaf khoerlof-aer mr-eu mirnae, gaq-eu lafkhoer, aqyawf maf-anr taqhuiq taqmanr naeq-awq. Nawmaf-euq yawkaq khawf tsaqler dzoerler-awq.

1 Teˇsaˬloˇni 5:16

Aqmyanluf laqkhaq caer-awq.

1 Teˇsaˬloˇni 5:23

Nuisar bif-eu Miqyaer aqyawfghaq, yawqjeq navluf-euq lafkhoer, nawmaf-anr lavshawr-awr, aqdui-euq Sanqpaq Yeqsur Kali zafkale ngae, nawmaf-euq saflar, nuima hawr-eu mawrdo dawqtawvluf aerkhar maqza’ni bosavnaeq luf-ur.

2 Teˇsaˬloˇni 2:16

Aqdui-euq Sanqpaq Yeqsur Kali hawr-eu aqdui-euq Aqda Miqyaer, aqdui-anr gaq-awr, aqyawf-euq guiqlanq yawdzanr baqda’nae, li-eu maqbaw-eu nuima sar-eu jeq hawr-eu muiq-eu noeqtmq-eu jeq aqdui-anr bifnaeq laf-awr,

2 Teˇsaˬloˇni 3:1

Aqyuif aqnyir deuq-or! Arsaq saq-eu dawq-aq heulof-aer ma. Sanqpaq Miqyaer-euq dawq, nawmaf-euq ghanrcae yawkawr-aer gaqdoe le-awr, nawmaf ciqpoeq-eu lof-aer, yawqgar navluf khoerlof-aer pyeuflarni, nga’maf-euq gharduq guiqlanq sharcaw naeqlaf-awq.

2 Teˇsaˬloˇni 3:16

Nuisar biof-eu Sanqpaq Miqyaer, aqyawfghaq, nawmaf-anr aqmyanluf yawqjeq navluf-euq lafkhoer nuisar biof luf-ur. Sanqpaq Miqyaer, nawmaf yawqghaq navluf naeq-aer jawr luf-ur.

2 Tiˆmoˇseˬ 2:22

Nawr zaqguq-euq nuikhanr jav-eu jeq-anr garjaw jaw-awq. Shawrjaevni ghae-eu nuima anr-eu lafkhoer Sanqpaq Yeqsur-anr tanqshar-eu tsawrhaq deuq naeq-aer tsaq-awr dawr-eu jeq, jan-eu jeq, gaq-eu jeq hawr-eu tsaqler dzoerler-eu jeq heudeuq-anr laejae-awq.

HeˬByehˇ 12:14

Tsawrhaq yawqghaq navluf naeq-aer tsaqler dzoerlerni laejae-awr, shawrlarni khawf laejae-awq. Aqjeq mirnae aernar-aq, maqshawr nar-aq, tsawrhaq tiqghaq-iq Sanqpaq Miqyaer-anr maq mawrnya-a.

HeˬByehˇ 13:20

Nuisar bif-eu Miqyaer, aqdui-euq Sanqpaq Yeqsur shir-euq gar nae bi ghofdaef lar-euq mae. Yawr bo-eu Yawhuiq khoerghaq, mqmaq maqbyav yarzir zif-eu dawqma sarjax-anr taf-eu shiq-anr ghoe-awr,

Yaˬkoˆ 1:4

Nawmaf tiqjeq-iq maqteq-aer, byan-awr kuf-eu tsawrhaq pyeuflarni, aqmyanluf oror-aer daef-awq.

1 Beˬtuˆluˆ 3:11

Maqmuiq-eu yawdoer jeq-anr byaerdzae-awr, yawmuiq jeq mr-awq. Tsaqler dzoerler-eu jeq-anr sharpov-awr, Khoer-euq maeqnan cantae-awq.

1 Beˬtuˆluˆ 3:8

Arsaq heulof-aer saq-eu ma: nawmaf dawqtawvluf nuima tiqsiq taef-aer taq-awr, tiqghaq tirghaq ghawqshaq gaq-eu uqtaf, aqyuif aqnyir yawkaq gaq-eu lof-aer gaq-awr, nuima nanqyuni ghae-eu lafkhoer, aqcawq-euq gharduq sharnoeq nya-awq.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.

Panmaeq 22:21

Sanqpaq Yeqsur Kali-euq guiqlanq yawdzanr, nawmaf yawqghaq navluf-euq khoertav jav luf-ur. Aqmeq.