2 Gawˇliˬtu 12:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Dzeurlaf-euq 14 khof-anr, mq-euq khoertav smq tiv tiqtiv-anr bi ciqdav lef-euq Kali-euq lafkhoer jawr-eu tiq ghaq-anr ngar siqnya ma. Mawrdo davler-euq maqsiq, saflar taef-aer davler-euq maqsiq, Miqyaer taef-aer siqnya-eu mae.

Akha

² Dzeuˇ laˇ-euˬ tseˇ oeˬ kʼoꞈ-ahˇ, mˬ kʼoeˇ taˆ goˇ dui dui-eu tiˆ-ahˇ bi ciˬ daˆ leꞈ-euˬ Ka li zaˬ tiˬ gʼaˬ-ahˇ ngaˇ siˬ nya ma. (Gaˇ kawˆ kʼoeˇ maˇ maˇ ni pyeuꞈ dzeuˇ yaꞈ-euˬ jeˬ ngeuˇ-eu maˬ siˬ. Yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu maˬ siˬ. Ngaˬ-ahˇ maˬ ehˇ duˬ nya nya. Miˬyehˇ tiˬ gʼaˬ tehꞈ-ehˇ siˬ duˬ-eu meh.)

2 Gawˇliˬtu 12:2 ပူးပေါင်းရင်းမြစ်များ

Jaceuq 148:4

Nawmaf, mqdeuq-euq khoertav jav-eu ircuf hawr-eu, Mqdeuq-euq khoertav jav-eu mqdeuq, aqyawf-anr jaceuq-awq!

Luˇkaꞈ 24:51

Khoerngae, heulof-aer pyeuflar-euq mae. Dawq ngaeqghae naeqluf ngae, Yeqsur, aqyawf maf-anr nae ghawq-ir-awr, mq-euq khoertav bi sheuqdav lef-euq mae.

Yoˇhaˬ 6:56

Ngaq-euq shaqjir dzaq-awr ngaq-euq shiq dawr-eu tsawrhaq-aq, ngaq-euq lafkhoer jawr-awr, ngar khawf aqyawf-euq lafkhoer jawr-eu ma.

Gʼaˬkʼehˇ 14:6

Aqyawfnyaf garkawv khoer-anr yasiq ngae, Lurgawrnir mirkhanq-anr jav-eu Lurdaqlar meuq, Deqbeq hawr-eu jawqlaw jawrlawr jav-eu jawrkhanq-anr caev-ir-euq mae.

Gʼaˬkʼehˇ 22:17

“Khoernar-aq, ngar, Yeqlursaqlaeq-anr ghofkeuv lar-awr, uqduq tanqnymr nymrma-euq lafkhoer guiqlanq sharluf ngae, mawrle-euq lafkhoer,

Lormav 16:10

Kali-euq lafkhoer tsermr haw-eu gar yadaq-euq, Aqbeqler-anr khawf Aqlirdawrbuv-euq zawfjir-anr khawf dawqcawq puq-eu ma.

Lormav 16:3

Ngaq naeq-aer Yeqsur Kali-euq gar mrcawq pyeuf-eu, Birgirla hawr-eu Aqgurla-anr dawqcawq puq-eu ma.

Lormav 16:7

Ngaq naeq-aer kuv-anr urhaw-euq ngaq-euq aqyuif aqnyir pyeuf-eu Aqdawrniv hawr-eu Yurniv aqnyaf-anr khawf dawqcawq puq-eu ma. Aqyawf nyaf-aq, ngaq-euq maeqhu nae Kalizaq pyeuflar-awr, ghaqkhaer deuq-euq ghanrcae tsawrmyanr muiq-eu mae.

Lormav 16:9

Kali-euq lafkhoer aqdui-euq gar mrcawq Urlaqbaq hawr-eu ngar zawr gaq-eu Seqdaqgur-anr khawf dawqcawq puq-eu ma.

Lormav 8:1

Khoermirnae, nymq-mr Yeqsur Kali-euq lafkhoer jawr-awr, shiqshaq-euq nuikhanr maeqnan maqcan-aer, muiq-eu Saflar-euq lafkhoer canluf-eu tsawrhaq deuq-aq, yarkhaq dar-eu gar maqpar yadaq-eu mae.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

2 Gawˇliˬtu 11:11

Aqjeq mirnae la? Ngar, nawmaf-anr maqgaq-eu mirnae-a lor? Ngar, nawmaf-anr gaq-eu Miqyaer siqnya mae.

2 Gawˇliˬtu 13:5

Nawr jan-eu lafkhoer daefluf mir-a lor laer yawqhar yawqha tsermr haw-awr, nawr yawqhar yawqha pyaevtser haw-awq. Yeqsur Kali, nawmaf-euq lafkhoer jawrluf-eu gar nawmaf maq siqnya-eu le lor? Maqngeur nar-aq, tsermr haw-eu jeq-anr nawmaf maq daqcoer-euq le laq?

2 Gawˇliˬtu 5:17

Tsawrhaq tiq ghaq, Kali-euq lafkhoer jawr nar-aq, aqyawf, tsawrhaq yawshuif pyeuflar-euq mae. Yawoer dawqtawvluf byovjir-awr, dawqtawvluf yawshuif pyeuflar-euq mae.

2 Gawˇliˬtu 5:21

Kali-aq, iqbax tiqpawf-iq maqanr-eu khawf, aqdui-euq gharduq Miqyaer, aqyawf-anr iqbax bipyeuf-ir-euq mae. Khoermirnae, Kali-euq lafkhoer aqdui, Miqyaer-euq tsaq-awr dawr-eu tsawrhaq pyeuflar-euq ma.

Gaˬlaˬtiˆ 1:22

Khoerngae, Yurdav mirkhanq-anr jawr-eu Kali-anr jan-eu Kalizaq armur deuq, ngaq-anr maq mawrhaw-aq siq.

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

Eˇpeˇsu 4:10

Irka-euq khoerghaq, yawqjeq navluf-euq lafkhoer jawrbyan-eu gharduq, mq ledzeur-eu gar keuvni ghofdav ler-euq khoerghaq mae.

1 Teˇsaˬloˇni 4:17

Khoernar-aq, yawdaef daefluf-eu aqdui maf-aq, aqyawfmaf naeq-aer tiqkawv lof-aer Sanqpaq Yeqsur-anr tanqpuq ler-eu laer, mqmir yawkaq-anr mqdmr-euq lafkhoer tiqpov taef-aer bi sheuqdavlef taef-a. Khoernar-aq, aqduimaf, Sanqpaq Yeqsur naeq-aer aqmyanluf yajawr taef-a.

HeˬByehˇ 4:14

Aqdui, Pirma yawhuiq ghaq jawr-eu ma. Aqyawf-aq, mqtav mirkhanq-anr cantsaev-euq Miqyaer-euq Zaqyo Yeqsur mae. Aqdui nae aerdov-euq jeq-anr aqdui zifdanni nyaeftaeqtaq kar-eur.

HeˬByehˇ 9:24

Aqjeq mirnae aernar-aq, marmarni ghae-eu jawrduq-euq arbar taef-aer pyeuf-eu, tsawrhaqzaq nae tsovtaq-euq shawr-eu jawrduq-anr Kali urler-euq maqngeur-a. Aerkhawf, aqyawf, aqdui-euq danzar Miqyaer-euq maeqshi jawrni mq-euq khoertav urler-euq mae.

Panmaeq 1:10

Ngar, Sanqpaq Miqyaer-euq arnan-anr, muiq-eu Saflar-euq lafkhoer jawrluf ngae, darhae tersar lof-aer ngaq-euq narkhan paw, khav duidui-eu tersar-anr yagaq-euq ma.

Panmaeq 12:5

Khoerngae, zaqmiq aqbur khoerghaq, aqkar shmr gawqyoeq nae tsawrjeuq tsawrca dawqtawv luf-anr uvlanr-eu aqlizaq tiq ghaq ciq-euq mae. Khoernar-aq, aqyawf-euq aqlizaq-aq, Miqyaer jawr-eu gar hawr-eu aqyawf-euq nuirmanq jav-eu gar bi ciqdav lef-euq mae.

Panmaeq 4:2

Khoernar-aq, tiqpov taef-aer muiq-eu Saflar-euq lafkhoer jawrluf ngae, mq-euq khoertav nuirmanq tiq manq jav-awr, nuirmanq-anr tiq ghaq nuirluf-eu gar ngar ya’mawr-euq ma.