2 Gawˇliˬtu 12:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar khanqsaer jaev-eu-aq gardanr maqtsoeq-a. Aerkhawf, Sanqpaq Miqyaer nae panmaeq naeqlaf-euq deuq hawr-eu mawrle-euq deuq-euq garkawv ngar ja’naeq ma de-eq.

Akha

¹ Kʼahˬ sehˇ jehˆ-eu jeˬ gaˇ dahˇ maˬ tsoeˬ kʼawꞈ, ngaˇ kʼahˬ sehˇ ya jehˆ meh. Nymˬ-mˇ ngaˇ Sahˬpaˬ Yeˬsuˇ neh pah mehˬ nehˬ laꞈ-euˬ yaw sahˇ laꞈ kʼoeˇ ya siˬ ya mawˇ-euˬ gaˇ kawˆ ja ma.

2 Gawˇliˬtu 12:1 ပူးပေါင်းရင်းမြစ်များ

Yoˇhaˬ 16:7

Ngar, nawmaf-anr dawrcoeni aernaeq nyar. Ngar ghofler-eu-aq, nawmaf-euq gharduq yawmuiq mae. Aqjeq mirnae aernar-aq, ngar maq ghofler nar-aq, Cawba-eu ghaq, nawmaf jawr-eu gar maqoe-a. Aerkhawf, ngar ghawq-ir-euq nar-aq, aqyawf-anr nawmaf jawr-eu gar khaerghaelef ma.

Yoˇhaˬ 18:14

Gaqyaqpar heughaq-aq, yawbae Yurdav tsawrhaq-anr, ‘Tsawrjeuq tiq jeuq-euq gharduq tsawrhaq tiq ghaq shirdan nar-aq muiq taef-a’ laer, nuinoeq nuidur bif-euq khoerghaq mae.

Gʼaˬkʼehˇ 18:9

Uqcif pawdzer mawrle-eu lafkhoer, Sanqpaq Yeqsur, Pawrluv-anr heulof-aer aer-eu mae, “Taqguv. Nawr ciqcurni maqjawr-aer ngaeq-awq.

Gʼaˬkʼehˇ 23:11

Nishawq nan ngae mir, Sanqpaq Yeqsur, Pawrluv-euq dawqpae yawfle-awr aer-eu, “Pawrluv-or! Nuima khaqduqni jawr-awq. Nawr, ngaq-euq garkawv Yeqlursaqlaeq-euq lafkhoer sarkir kamq-euq lof-aer, Lormav meuq-anr khawf sarkir yakamq taef-a.”

1 Gawˇliˬtu 10:23

Ngar yawqjeq navluf mrkhmq ma. Aerkhawf, yawqjeq navluf-aer gardanr tsoeq-eu maqngeur-a. Ngar yawqjeq navluf mrkhmq ma. Aerkhawf, yawqjeq navluf-aer bihuiq bi manrlar-eu maqngeur-a.

1 Gawˇliˬtu 14:6

Aqyuif aqnyir deuq-or! Ngar, nawmaf jawr-eu gar lar-awr, Miqyaer nae panmaeq-euq jeq hawr-eu siqnya-eu tsawrganr anr-eu dawq maqngaeq-aer, Miqyaer gharduq maq ngaeqdan-eu uqtaf, maqmaeq maqtsov-aer, dawqbav taef-aer bav nar-aq, nawmaf-euq gharduq aqjeq gardanr tsoeq-eu la?

1 Gawˇliˬtu 6:12

Ngar yawqjeq navluf mrkhmq ma. Aerkhawf, yawqjeq navluf-aer gardanr tsoeq-eu maqngeur-a. Ngar yawqjeq navluf mrkhmq ma. Aerkhawf, ngar, aqgeu jeq-euq baoq-euq uqmov maqkaq maqjawr.

2 Gawˇliˬtu 12:11

Nawmaf, ngaq-anr katir-eu mirnae, ngar khanqsaer jaev-eu lafkhoer aqdzawq argan pyeuf-ir-euq mir-a. Aqdir aernar-aq, nawmaf, ngaq-anr ciqpoeq paq-aer ghae-eu mae. Aqjeq mirnae aernar-aq, ngar tiqjeq-iq bym-awr nya-eu tsawrhaq maqngeur-eu khawf, huiq-awr manr-eu ghaqkhaer khoerdeuq taf-aer teqdzaeq-eu maqngeur.

2 Gawˇliˬtu 12:5

Ngar, tsawrhaq khoerghaq-euq garkawv khanqsaer jaev ma. Aerkhawf, ngaq-euq garkawv-aq, ghaq baq-eu garkawv maqngeur nar-aq, khanqsaer maqjaev.

2 Gawˇliˬtu 12:7

Ngar panmaeq-eu jeq ghawqmya jeq-anr ya’mawr-eu mirnae, ngar nuima ardzaeq-aer maqbi huiqni, ngaq-euq shiqshaq mawrdo-anr aqgan tiqgan tsawvluf-eu mae. Aqgan khoer-aq, naef Saqdaq-euq ghaqkhaer pyeuf-awr, ngar nuima ardzaeq-aer maqbi huiqni ngaq-anr khaeqluf-eu mae.

2 Gawˇliˬtu 12:9

Aerkhawf, aqyawf, ngaq-anr aernaeq laf-eu, “Ngaq-euq guiqlanq yawdzanr, nawq-euq gharduq lof mae. Aqjeq mirnae aernar-aq, tsawrhaq ghaq baq-eu tsanr-anr ngaq-euq ghaq byanlar taef-a.” Khoermirnae, Kali-euq baoq ngaq-anr joeshmr-awr javnya’ni, ngar, ngaq-euq ghaq baq-eu garkawv, laqkhaq caertavni khanqsaer jaevmawf mir-a.

2 Gawˇliˬtu 8:10

Ngar, garkawv heukawv-anr taf-eu, ngaq-euq nuinoeq nawmaf-anr heulof-aer aernaeq-eu ma. Heu-aq, nawmaf-euq gharduq yawmuiq mae. Aqjeq mirnae aernar-aq, nawmaf gar heuhmq mrmawf-awr, mirnuivkhof nae mrdanq baetaq-euq mae.

Gaˬlaˬtiˆ 1:12

Aqjeq mirnae aernar-aq, tsawrhaq-anr nae za-euq maqngeur, tsawrhaqzaq nae maeqnaeq laf-euq khawf maqngeur-a. Yeqsur Kali nae ngaq-anr panmaeq naeqlaf-euq mae.

Gaˬlaˬtiˆ 2:2

Miqyaer, ngaq-anr panmaeq naeqlaf-euq mirnae le-euq ma. Ngaq nae aqcawq tsawrjeuq tsawrca-anr guiqlanqdawq maeqnaeq-euq garkawv, aqyuif aqnyir deuq-anr dzawrnaeq-euq ma. Aerkhawf, ter dov-eu deuq-anr taef-aer ciqcurni dzawrnaeq-euq ma. Nymq-mr ngar mrluf-eu jeq hawr-eu mrdzeur yaf-euq jeq yawqngaef-aer maqya pyeufni dzawrnaeq-euq ma.

Eˇpeˇsu 3:3

Miqyaer, aqyawf nae zaftaq-euq jeq ngaq-anr aqjox-aer panmaeq naeqlaf-awr bi siqnya naeqlaf-euq garkawv, dzeurlaf ngae, ngar, nawmaf-anr sanqbof yawnymr nymr-aer bofanr lef-euq lof-aer ma.

1 Teˇsaˬloˇni 4:15

Nga’maf, Sanqpaq Yeqsur-euq dawq-anr ghoeghoe-aer nawmaf-anr garkawv tiq kawv aernaeq nyar. Sanqpaq Yeqsur zafkale ngae keuvni yawdaef daefluf-eu aqdui maf-aq, yufkhav dzeur-euq tsawrhaq deuq-euq maeqhu nae ya lekeuv-eu maqngeur-a.

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.