2 Gawˇliˬtu 11:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngar, nawmaf jawr-eu gar jawr ngae tiqjeqnav mawf-eu khawf, tiqghaq-iq-euq khavbaev maqbi pyeuf-aq. Aqjeq mirnae aernar-aq, Maqgeqdawrniv mirkhanq-anr nae oe-euq aqyuif aqnyir deuq nae ngar nym-eu jeq bifnaeq laf-euq mae. Dzeurlaf ngae, nawmaf-anr tiqjeq-iq maqbi dar-euq lof-aer, maeqhu paw khawf khoerlof-aer mrghae ma.

Akha

⁹ Naw maꞈ nehˬ-ehˇ ngaˇ jawˇ ngeh, pyuˇ loˬ laˇ kʼawꞈ naw maꞈ-ahˇ maˬ shaˇ haw-aˬ. Maˬgeˬdawˇniˆˆ miˇ kʼahˬ-ahˇ neh oe-euˬ aˬ yuiꞈ aˬ nyiˇ Ka li zaˬ deuˬ ngaˇ kʼaˇ loˬ-eu jeˬ sha ha le-euˬ meh. Dzeuˇ laˇ ngeh naw maꞈ-ahˇ tiˬ jeˬ-iˬ maˬ shaˇ haw-euˬ loꞈ-ehˇ, aˬ kaˇ mehˬ hu paw kʼawꞈ maˬ shaˇ ni mˇ daˆ leꞈ ma.

2 Gawˇliˬtu 11:9 ပူးပေါင်းရင်းမြစ်များ

Gʼaˬkʼehˇ 18:3

Aqnyaf dzerzaq-aq, saqpar saeqghawv janranq-eu tsawrhaq mae. Pawrluv khawf aqnyaf dzerzaq lof-aer gar aqyawf tiqjeq mr-eu mirnae, Pawrluv, aqyawfnyaf naeq-aer jawr-awr gar mr-euq mae.

Gʼaˬkʼehˇ 18:5

Siqlav hawr-eu Tivmorseq, Maqgeqdawrniv mirkhanq-anr nae oekeuv ngae, Pawrluv, muiq-eu Saflar katir-eu mirnae, Yeqsur-aq, Kali mae laer Yurdav tsawrhaq deuq-anr sarkir kamqnaeq luf-eu mae.

Gʼaˬkʼehˇ 20:33

Ngar-aq, tiqghaq-iq-euq pyur, shuir maqngeur nar-aq, dmghaq dmlmr-anr maerjuir maqjuir-aq.

Lormav 15:26

Aqjeq mirnae aernar-aq, Maqgeqdawrniv mirkhanq hawr-eu Aqgaqyar mirkhanq-anr jawr-eu tsawrshawr deuq, Yeqlursaqlaeq-anr jawr-eu tsawrshawr deuq-euq lafkhoer irshaqzaq deuq-euq gharduq, pyur damq-awr cawba-eu gar nuikhanr shir-eu mae.

1 Gawˇliˬtu 16:17

Saqteqpaqna, Pawqdurnav hawr-eu Aqgaqyaqgur aqha’maf, ngar jawr-eu gar oe-euq mirnae, ngar laqkhaqcaer duidui nya. Aqjeq mirnae aernar-aq, nawmaf nae maq mrluiv-euq jeq-anr aqyawfmaf mrbyan naeqlaf-euq mae.

2 Gawˇliˬtu 6:4

Aerkhawf, nga’maf yawqjeq navluf-euq lafkhoer yawqhar yawqha, Miqyaer-euq guiqlanq-euq gar mrzaq ma laer noeqpoeq-awr, heudeuq-anr yadaq-euq ma: yawkhav-aer ya’or-eu, shaqzanq myaq-eu, mawf-awr nym-eu, noeqshaq-eu,

2 Gawˇliˬtu 9:12

Aqjeq mirnae aernar-aq, guiqlanq-euq gar heu-aq, tsawrshawr deuq mawf-eu jeq-anr cawba-eu taef-aer maqngeur-eu, tsawrhaq ghawqmya’ni Miqyaer-euq guiqlanq-anr jaceuq duidui-eu jeq khawf dovlar-eu mae.

Piˇliˇpiˆ 2:25

Ngaq-euq maernmr Irbaqpawqdir-anr nawmaf jawr-eu gar bighofle-eu tsaq-eu paq laer khawf ngar sharnoeq luf-eu ma. Aqyawf-aq, ngaq-euq gar mrcawq hawr-eu, saflar paw-euq guirdeuv deuvcawq mae. Nawmaf nae ngar mawf-eu jeq-anr bi cawba-eu laer khaerlef-euq tiq ghaq khawf pyeuf-eu mae.

1 Teˇsaˬloˇni 2:6

Nga’maf, Kali-euq ghaqkhaer pyeuf-eu mirnae, nawmaf-anr khaernya-eu khawf maqkhaer-aq. Nga’maf, tsawrhaq bifnaeq laf-eu khanqsaer-anr maqpov-aq. Nawmaf bifnaeq laf-eu gar maqaer, aqcawq bifnaeq laf-eu gar maqaer maqpov-aq.

1 Teˇsaˬloˇni 2:9

Aqyuif aqnyir deuq-or! Nga’maf, nawmaf naeq-aer jawr ngae, mrdui shar duidui-awr, laejae duidui-euq gar nawmaf noeqdovlar taef-a. Nawmaf-anr Miqyaer-euq guiqlanqdawq maeqnaeqluf ngae, nawmaf tiqghaq-anr-iq khavbaev maqya pyeufni, nga’maf uqcif nan’ghanr maqaer gar mr-euq ma.

HeˬByehˇ 11:37

Aqyawfmaf khaqlo nae bi biqsaef-awr, yaeqma nae nyiq tsaev bi yaeqtsaev-euq uqtaf, murjur jur-eu gar yadaq-awr, micaer nae bisaef-euq mae. Aqyawf maf-aq, irshaq shaq-eu jeq, khaeq-awr khav-eu jeq hawr-eu shaqdui zanq duidui-eu jeq-anr yadaq-eu lafkhoer, yawr bawkhov hawr-eu cifmyaef bawkhov dm-awr, tiqgar sair tiqgar doedoe-aer yacan-euq mae.