2 Gawˇliˬtu 11:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Arlawr, aqyawf-euq jaqmyawf nae Erbav-anr maershuir shuirtawv-euq lof-aer, Kali-euq lafkhoer shawrjaevni ghae-eu nawmaf-euq nuima khoersiq byov-ir gar ngar guv mir-a.

Akha

³ Eˇbaˆ-ahˇ aˇ lawˇ neh mehˇ shuiˇ bi shuiˇ tawˆ-euˬ loꞈ-ehˇ, Ka li-ahˇ maˇ maˇ ni shawˇ jehˆ ni gaˬ-eu naw maꞈ-euˬ nui ma bi tsahˇ pyawˇ gaˇ ngaˇ kʼahˬ lahˇ dui dui nya.

2 Gawˇliˬtu 11:3 ပူးပေါင်းရင်းမြစ်များ

Jaceuq 119:53

Tsawrcawv deuq, nawq-euq zanrdawq-anr byaerdzae-eu mirnae, Nuima paer duidui-eu jeq, ngaq-anr uvlanr le-euq mir-a.

Maꞈtehˬ 24:24

Aqjeq mirnae aernar-aq, Kali jaqmyawf deuq hawr-eu Miqyaer gharduq ngaeqdan-eu jaqmyawf deuq dovle-awr, ghaenya nar-aq, Miqyaer nae tserdov taq-euq tsawrhaq deuq-anr sheuqbanq ghaeni, huiq duidui-eu bisiq bimawr-eu jeq hawr-eu zanq duidui ler paq-aer ghae-eu jeq, aqyawfmaf janrmaeq taef-a.

Yoˇhaˬ 8:44

Nawmaf-aq, nawmaf-euq aqda, naef sanqpaq-anr nae dovle-awr, nawmaf-euq aqda-euq nuikhanr nawmaf mrmawf-eu mae. Aqyawf-aq, yawbae ngae nae tsawrhaq-anr saef-awr, yawtsaq yawdawr-euq lafkhoer maqjawr-a. Aqjeq mirnae aernar-aq, aqyawf-euq lafkhoer yawtsaq yawdawr jeq maqanr-a. Aqyawf jaqmyawf myawf-eu-aq, aqyawf-euq lafkhoer pyeufluf-eu lof-aer myawf-eu mae. Aqjeq mirnae aernar-aq, aqyawf-aq, jaqmyawf myawf-eu ghaq pyeuf-awr, jaqmyawf-euq aqda mae.

Lormav 12:8

Ghaq bif-eu lafsawq za-euq ngeur nar-aq, ghaq bif-awq. Bif-awr damq-eu lafsawq za-euq ngeur nar-aq, nuima jerloni bif-awr damq-awq. Sheuqghae-eu lafsawq za-euq ngeur nar-aq, laejae-awr sheuqghae-awq. Ghawqshaq gaq-eu lafsawq za-euq ngeur nar-aq, laqkhaq tiqcaer ghawqshaq gaqnaeq-awq.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

2 Gawˇliˬtu 11:20

Tsawrhaq tiqghaqnav, nawmaf-anr zaqkhav bigeuf-awr, nawmaf-anr kawfsaef dzaqlar-eu uqtaf, nawmaf-anr myawfdzaq shuirdzaq lar-awr, yawqhar yawqha ciqgor-eu uqtaf, nawmaf-anr naqtaev taevlar-eu khawf, nawmaf daq-awr or-eu nga aerlawq.

2 Gawˇliˬtu 11:29

Tsawrhaq tiqghaqnav ghaqbaqbaq nar-aq, ngar khawf ghaq maqbaq-a lor? Tsawrhaq tiqghaq nav-anr sanqtif bitif nar-aq, ngar nuima maqpaer-ar laq?

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.

2 Gawˇliˬtu 4:2

Aerkhawf, nga’maf shafdawrlar paq-aer ghae-eu zaftaq-euq jeq byaerdzae jir-awr, jaqmyawf-euq lafkhoer maqdaef-aer, maershuir maqanrni, Miqyaer-euq dawq khawqluf-eu ma. Khoermirnae, Miqyaer-euq maeqshi, tsawrhaq dawqtawv luf-euq zaqsiq nuisiq-anr tsaqni, yawtsaq yawdawr-aq, nga’maf-anr byacaevni ciqpoeq luf-eu mae.

Gaˬlaˬtiˆ 1:6

Kali-euq guiqlanq yawdzanr-euq lafkhoer nawmaf-anr kur-euq Miqyaer-anr, nawmaf yaw’awr laf-aer byaerdzae-awr, guiqlanqdawq yawqdawq yawq-anr hageuf-euq mirnae, ngar zanq duidui ler nya.

Gaˬlaˬtiˆ 2:4

Aqjeq mirnae aernar-aq, tsawrhaq tiqpavnav deuq aqyuif aqnyir janrgeuf-awr, nga’maf-euq lafkhoer urkhoeq lar-euq mae. Aqdui-anr zaqkhav bigeuf-ir-eu laer Yeqsur Kali-euq lafkhoer za-euq buq-ir-eu jeq-anr khoeqsho luf-eu mae.

Gaˬlaˬtiˆ 3:1

Gaqlaqtiv-anr jawr-eu aqdzawq argan deuq-or! Yeqsur Kali, lafyaq-euq khoertav bi tafsaef-euq khoer nawmaf-euq myavkhae byacaevni jav-eu khawf, nawmaf yawtsaq yawdawr-anr maq narhaqgeuf paq-aer, aqsur ghaq nae bi shuirtawv-euq le?

Gaˬlaˬtiˆ 4:11

Ngaq nae nawmaf-euq gharduq laejae-euq-aq, yawqngaef jeq nga laer noeqguv mir-a.

Eˇpeˇsu 4:14

Khoerngae tiqjawr, aqdui, zaq maqpar pyeuf-eu uqtaf, tsawrhaq-euq tsawrganr hawr-eu jaqmyawf maershuir-euq bawqtov zmq-eu lafkhoer, kharngeur-eu dawqmaeq dawqtsov-euq jaqlaer bawlar ngae, khar bawpyawr ghae-eu paw maqpyawr-ir-ar.

Eˇpeˇsu 4:22

nawmaf, dzeurlaf ngae mr-euq yawqha-euq mrjeq sharkawv yawoer khoer laevdzae yaf-awq. Tsawroer khoerghaq-aq, jaqmyawf maershuir anr-eu nuikhanr nuilov-euq baqda’nae cawv-ir duidui luf-eu mae.

Eˇpeˇsu 6:24

Aqdui-euq Sanqpaq Yeqsur Kali-anr maqbyov-ir ni gaq-eu tsawrhaq yawqghaq navluf-euq khoertav, guiqlanq yawdzanr jav luf-ur. Aqmeq.

Gawˇlawˇsehˇ 2:18

Gardanr maqtsoeq-eu gar shiqshaq nuilov-euq lafkhoer nuima huiq-awr, yawqha nae maq mawrhaw-euq jeq-anr banqgha-eu uqtaf, nuinanq nuiyu jaqmyawf anr-awr, mqtav ghaqkhaer-anr uqduq tanq-eu heudeuq-anr nuikhanr shir-eu tsawrhaq tiqghaq nae-iq, nawmaf-euq mrpoeq lafsawq maqbi shuirdovni yanr-awq.

Gawˇlawˇsehˇ 2:4

Aqcawq, nawmaf-anr gheupyawr lar-eu dawq ngaeqngaeq-aer maqbi shuirtawvni, ngar heulof-aer aer-eu ma.

Gawˇlawˇsehˇ 2:8

Tsawrganr siqzaq-euq dawqmaeq hawr-eu gardanr maqtsoeq-eu jaqmyawf maershuir dawqdeuq ngaeqngaeq-aer, nawmaf-anr shuirlar-eu tsawrhaq-anr yanr-awr, tiqghaq nae-iq taqbi shuirtawv. Dawq khoerdeuq-aq, Kali-anr maqtaf-aer, tsawrhaqzaq-euq zanroer-anr taf-eu dawq hawr-eu, mirtsaq-euq zanrsanrkhof-anr taf-eu dawqdeuq mae.

1 Teˇsaˬloˇni 3:5

Khoer baqda’nae, ngar maq jawrtaeqcoer lar-aer, nawmaf jan-eu jeq aqjox-aer pyeufluf-eu nga laer yasiqni, Tivmorseq-anr bilar-euq ma. Murjur jur-eu khoerghaq, nawmaf-anr murza-awr, nga’maf nae laejae-awr mryaf-euq jeq yawqngaef pyeuf-ir-euq baw-mr laer khanqlanr mir-a.

1 Tiˆmoˇseˬ 1:3

Ngar, Maqgeqdawrniv mirkhanq-anr le-eu laer ghae ngae, tsawrhaq tiqpavnav deuq-anr dawq bibif-eu gharduq, nawq-anr heulof-aer tanqshar-euq ma, “Erpersu-anr jawryaf-awr, ‘Dawqmaeq dawqtsov nuijeq taqpar maeq.

1 Tiˆmoˇseˬ 2:14

Khoeruqtaf, maershuir bi shuirtawv-euq ghaq-aq, Aqdaq maqngeur-a, zaqmiq aqbur khoerghaq maershuir bi shuirtawv-awr, mrbanq mrlaeq-euq mae.

2 Tiˆmoˇseˬ 3:13

Aerkhawf, yawdoer jeq mr-eu tsawrhaq hawr-eu jaqmyawf maershuir shuir-eu tsawrhaq deuq-aq, ngaeq-aer nar-aq ngaeq-aer doerdzaeqlar taef-a. Aqyawfmaf, aqcawq-anr maershuir shuir-eu lof-aer, aqcawq khawf aqyawf maf-anr maershuirshuir taef-a.

Tiˇtuˆ 1:10

Aqjeq mirnae aernar-aq, aqcawq-euq dawq maq narhaq-eu tsawrhaq ghawqmya’ni jawr-eu mae. Aqyawf maf-aq, gardanr maqtsoeq-eu dawq taef-aer ngaeq-eu uqtaf, jaqmyawf myawfmyawf-aer aqcawq-anr sheuqbanq luf-eu mae. Aqyawfmaf myaqni-aq, bawkhov maeqdzaq yaeq-eu tsawrhaq-euq lafkhoer keuq-eu mae.

HeˬByehˇ 13:9

Nawmaf, beugar-eu dawqmaeq dawqtsov kharngeur-eu jeq-anr taq cantae-ir. Aqjeq mirnae aernar-aq, dzaqdzaq dawrdawr-euq baqda’nae maqngeur-eu, guiqlanq yawdzanr-euq lafkhoer nuima bi zifdzaeq lar-eu-aq, muiqdzaeq-eu mae. Dzaqdzaq dawrdawr-aq, dzaqdzaq dawrdawr nae bi uvlanr taq-eu tsawrhaq khoerghaq-anr tiqjeq-iq gardanr maqtsoeq-a.

2 Beˬtuˆluˆ 3:17

Aerkhawf, ngar zawr gaq-eu cawqdeuq-or! Nawmaf yawbae ngae nae, garkawv heudeuq-anr siqnya-eu mae. Tsawrcawv deuq-euq yawlaeq jeq nae nawmaf-anr maqbi sheuqbanq ghae-aer, nawmaf nyaefzif taq-euq jeq-anr nae maqya coq-ir ni yanr-awq.

2 Beˬtuˆluˆ 3:3

Yawbae jeq-aq heulof-aer siqnya-awq. Arsaq saq-eu arnan aryamq-anr, yawqha-euq nuikhanr maeqnan cantae-awr, yaeqbawq-aer aqjaf jaf-eu tsawrhaq dovlar taef-a.

1 Yoˇhaˬ 2:18

Ngar gaq-eu zaqdeuq-or! Nymq-mr-aq, arsaq saq-eu aryamq mae. Kali-anr muir-eu ghaq dovle taef-a laer nawmaf nae yagaq-euq lof-aer, nymq-mr nae Kali-anr muir-eu ghawqmya ghaq dovlar-euq mae. Khoermirnae, nymq-mr-aq, arsaq saq-eu aryamq nga laer aqdui siqnya ma.

1 Yoˇhaˬ 4:1

Ngar zawr gaq-eu cawqdeuq-or! Kharngeur-eu saflar-anr taqjan. Saflar khoer Miqyaer-anr nae oe-euq saflar nga laq laer yawmuiq-aer tsermr haw-awq. Aqjeq mirnae aernar-aq, Miqyaer gharduq ngaeqdan-eu jaqmyawf deuq ghawqmya ghaq mirtsaq doeni dov-ir taq-euq mae.

Yuˇdaˆ 1:4

Aqjeq mirnae aernar-aq, tsawrhaq tiqghaqnav, aqdui maf-euq lafkhoer urkhoeq lar-euq mae. Aqyawf maf-aq, jawflafni ghae-eu jeq mrnya’ni, Miqyaer-euq guiqlanq yawdzanr lavpyawv-awr, aqdui-euq Sanqpaq Yeqsur Kali tiq ghaq taef-aer Sanqpaq Miqyaer pyeuf-eu mae laer maq hageuf-eu, Miqyaer-anr yawzeu maqbaw-eu tsawrhaq mae. Aqyawf maf-aq, yarkhaq dar-eu gar yadaqni arhuba nae bi dartsaev taq-euq mae.

Panmaeq 12:15

Khoerngae, zaqmiq aqbur khoerghaq-anr ircuf nae bi budzaq-eu laer, arlawr khoermawr khaqmae-anr nae zaqmiq aqbur khoerghaq-euq narkhan paw, ircuf lawrgawv lof-aer mymrdzae lef-euq mae.

Panmaeq 12:9

Arhu-euq arlawr khoermawr pyeuf-eu, naef sanqpaq hawr-eu naef Saqdaq laer khawf kur-eu, mirtsaqzaq dawqtawv luf-anr sheuqbanq-eu byavyanq yanqma khoermawr, mirtsaq-euq khoertav bi biqka lef-awr, aqyawf-euq mqtav ghaqkhaer deuq-anr khawf, aqyawf naeq-aer tiqkawv lof-aer bi biqka lef-euq mae.

Panmaeq 20:2

Aqyawf, naef sanqpaq hawr-eu naef Saqdaq pyeuf-eu byavyanq, arhu-euq arlawr khoermawr-anr nyaef-awr 1,000 khof byanni paftawf taq-euq mae.