2 Gawˇliˬtu 11:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Aqyawfmaf, Kali-euq ghaqzaq ghaqkhaer-a laq? Ngar, aqdzawq argan lof-aer ngaeq ma de-eq. Ngar, aqyawf maf-euq navmaqtser Kali-euq ghaqzaq ghaqkhaer ma. Ngar, aqyawf maf-euq navmaqtser gar mr-eu laejae-awr, maq guijir coerni diqlar khovlaf-eu gar yadaq-euq uqtaf, aqyawf maf-euq myavmaqtser kuv-anr urmyaq dzaeq-awr, shirtaw taeqni khawf ghawqmya pov daqhaw-euq ma.

Akha

²³ Ngaˇ tsawˇ uˬ loꞈ-ehˇ ngehˬ la de. Aˬ yawꞈ maꞈ Ka li-euˬ zaˬ kʼaˆ ngeuˇ naˇ, ngaˇ-aˬ, aˬ yawꞈ maꞈ naˆ maˬ tseˇ bym dzehˬ-eu Ka li-euˬ zaˬ kʼaˆ ma. Aˬ yawꞈ maꞈ naˆ maˬ tseˇ ngaˇ mˇ taˬ shaˇ taˬ-euˬ jaˆ ma. Aˬ yawꞈ maꞈ naˆ maˬ tseˇ tawˬ-ahˇ uˇ haw-euˬ ma. Aˬ yawꞈ maꞈ naˆ maˬ tseˇ yahˬ caˆ neh bi juiꞈ haw-euˬ ma. Aˬ yawꞈ maꞈ naˆ maˬ tseˇ shiˇ taw tehˬ ni gʼawˬ mya poˆ bi kʼehˬ bi kʼaˆ haw-euˬ ma.

2 Gawˇliˬtu 11:23 ပူးပေါင်းရင်းမြစ်များ

Gʼaˬkʼehˇ 14:19

Khoerngae, Yurdav tsawrhaq Aqdirawq hawr-eu Irgawrnir-anr nae khoergar oe-euq mae. Aqyawfmaf, tsawrhaq armaf mafma-anr gheupyawr nya-awr, Pawrluv-anr khaqlo bibiq-euq mae. Aqyawf shir-euq jeq nga laer noeq-awr, meuq-euq lafnyir gheudzae-ir-euq mae.

Gʼaˬkʼehˇ 20:23

Aerkhawf, ngar khar irkeuv-euq meuq-euq lafkhoer, shmrcav hawr-eu shaqzanq, ngaq-anr dawqluf-eu mae laer Yawshawr Saflar, ngaq-anr byacaevni aernaeq laf-euq mae.

Gʼaˬkʼehˇ 21:11

Aqyawf, nga’maf jawr-eu gar oe-awr, Pawrluv-euq jofpaf yur-euq mae. Khoernar-aq, aqyawf-euq aqkuir aqlaf-anr pafcuf-awr aer-eu, “Yawshawr Saflar heulof-aer aer-eu mae, ‘Yeqlursaqlaeq-anr jawr-eu Yurdav tsawrhaq deuq, jofpaf heucav-euq yawsanr ghaq-anr heulof-aer paf-awr, aqcawq tsawrjeuq tsawrca-euq aqlaf-anr bianr-ir taef-a.’ ”

Gʼaˬkʼehˇ 25:14

Aqyawfnyaf khoergar ghawqmya nan jawrkeuvlaf ngae, Beqtur, Pawrluv-euq garkawv sanqpaq Aqgirpav-anr heulof-aer ja’naeq-euq mae: “Heugar, Peqlir nae bi kalanr yaf-euq tsawrhaq tiq ghaq jawr-eu mae.

Gʼaˬkʼehˇ 27:1

Nga’maf-anr lawq-anr bidziq-awr, Irdaqliq mirkhanq-anr bi’ir ma laer noeqtsaev ghaq-euq nar-aq, Pawrluv hawr-eu kuv-anr ur-eu nuideuq-anr, Awrgurtuv guirzaq tiq mur-anr taf-eu, Yurluv laer kur-eu yardzoeq guirhuq-euq aqlaf-anr a’naeq-euq mae.

Gʼaˬkʼehˇ 28:16

Khoernar-aq, nga’maf, Lormav meuq-anr lekeuv ngae, yardzoeq guirhuq ghaq, aqyawf nae paftaq-euq tsawrhaq deuq, lofpir-eu guirzaq aqyuif ghaq-anr a’naeq-euq mae. Aerkhawf, Pawrluv-anr-aq, aqyawf-anr lof-eu guirzaq tiq ghaq bihaw-awr aqyawxyawf bijawr-euq mae.

Gʼaˬkʼehˇ 28:30

Khoernar-aq, Pawrluv, aqyawf nae ngaqtaq-euq nymr-anr nyiq khof byanni jawr-awr, aqyawf jawr-eu gar kharlar-eu tsawrhaq dawqtawv luf-anr hageuf-euq mae.

Gʼaˬkʼehˇ 9:16

Ngaq-euq tsawrmyanr baqda’nae, aqyawf shaqzanq ghawqmya jeq yadaq-a laer ngar, aqyawf-anr bimawr ma.”

Lormav 8:36

Yaerbof-euq lafkhoer boftaq-euq lof-aer, “Nawq-euq gharduq, nga’maf nan’ga-i saef-eu gar ya daqluf-eu ma. Nga’maf-aq, yabi saef-eu laer ghae-eu yawr lof-aer bi sawxtaq-euq ma.” (Jc 44:22)

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

1 Gawˇliˬtu 3:5

Pawrluv aqsur ghaq la? Aqpawrluv khawf aqsur ghaq la? Nga’nyaf-aq, nawmaf janlarni guiqlanq-euq gar mrzaq taef ma. Sanqpaq Miqyaer nae kharbi mrlaf-euq lof-aer yawqha-euq gar yawqha mrluf-eu ma.

1 Gawˇliˬtu 4:1

Nga’maf-aq, Kali-euq ghaqzaq ghaqkhaer pyeuf-awr, Miqyaer nae zaftaq-euq deuq-anr hawpir-eu tsawrhaq nga laer tsawrhaqzaq sawxnaeq laf-eu tsaq taef-a.

1 Gawˇliˬtu 4:11

Nymq-mr keuvni, nga’maf hawq maef-awr ircuf maefluf-eu ma. Dmghaq dmlmr maqlof-aer, diqlar khovlar-eu gar daqluf-eu uqtaf, jawrduq maqjav-aer shaqluf-eu ma.

1 Gawˇliˬtu 4:9

Miqyaer-aq, ghaqkhaer pyeuf-eu nga’maf-anr, saef-awq laer yarkhaq dartsaev taq-euq tsawrhaq lof-aer, aqcawq-euq jeqnan nansaq bijawr naeqlaf-euq mae laer ngar noeq-eu ma. Khoermirnae, nga’maf-aq, mirtsaq-euq khoertav, mqtav ghaqkhaer hawr-eu tsawrhaqzaq hawnirghaduq pyeuflar-euq mae.

2 Gawˇliˬtu 10:7

Nawmaf myav-anr mawrlar-eu lafnyir paw taef-aer haw-eu le laq? Tsawrhaq tiqghaqnav yawqhar yawqha, Kali-euq tsawrhaq ma laer yawduqbaw nar-aq, aqyawf, Kali-euq tsawrhaq pyeuf-eu lof-aer, nga’maf khawf Kali-euq tsawrhaq ngar-a laer aqyawf par sharnoeq paq-aer ghae-eu mae.

2 Gawˇliˬtu 11:5

Ngar-aq, huiqdui gor duidui-eu ghaqkhaer khoerdeuq taf-aer tiqpawf-iq maqteq laer noeq-eu ma.

2 Gawˇliˬtu 3:6

Nga’maf, dawqma sarjax yawshuif-euq guiqlanq-euq gar bi mrnya larni Miqyaer, nga’maf-anr janrnaeq laf-euq mae. Dawqma sarjax heu-aq, sanqbof armawr-anr taf-eu maqngeur-a, muiq-eu Saflar-anr taf-eu mae. Aqjeq mirnae aernar-aq, sanqbof armawr-aq, lavsaef-eu khawf, muiq-eu Saflar-aq, daef-eu jeq bif-eu mae.

2 Gawˇliˬtu 4:11

Aqjeq mirnae aernar-aq, Yeqsur-euq daef-eu jeq, shirnya-eu nga’maf-euq mawrdo-anr nae byacaevni dovlar nya’ni, nga’maf daefluf-eu deuq-aq, aqmyanluf Yeqsur-euq gharduq shirni a’naeq-eu gar ya daqluf-eu ma.

2 Gawˇliˬtu 6:9

Aqcawq tiqghaq-iq maq siqnya-eu tsawrhaq-anr dur-eu khawf, aqcawq ghawqmya’ni siqnya-eu mae. Shirtaw taeqni pyeuf-ir-euq tsawrhaq-anr dur-eu khawf, daefluf-eu tsawrhaq ma. Diq-eu gar yadaq-euq khawf, saef-eu gar maqya daq-aq.

Gaˬlaˬtiˆ 6:17

Iqnan tafnar-aq, tsawrhaq tiqghaq-iq ngaq-anr taq banqghalar. Aqjeq mirnae aernar-aq, ngaq-euq mawrdo-anr Sanqpaq Yeqsur nae tsaqtsov taq-euq marbyawf baw-eu ma.

Eˇpeˇsu 3:1

Ngar-aq, aqcawq tsawrjeuq tsawrca pyeuf-eu nawmaf-euq gharduq, Yeqsur Kali-euq baqda’nae, kuv-anr bi nyaefur taq-euq Pawrluv ma.

Eˇpeˇsu 4:1

Sanqpaq Yeqsur-euq gharduq kuv-anr urluf-eu ngar, nawmaf-anr heulof-aer shar-eu ma. Miqyaer, nawmaf-anr kur-euq lof-aer, kur-euq gar geuxni daef-awq.

Eˇpeˇsu 6:20

Khoer-euq gharduq, ngar shmrcav daq-awr danzar danluf-eu ma. Ngar shmrcav daqluf-eu lafkhoer, nuima khaqduqni ngaeq paq-aer ghae-eu lof-aer ngaeqnya’ni khawf, guiqlanq sharcaw naeqlaf-awq.

Piˇliˇpiˆ 1:13

Khoerlof-aer pyeuflar-euq mirnae, ngar, Kali-euq gharduq shmrcav daqluf-eu mae laer, sanqpaq-euq nymr-anr lofpir-eu deuq hawr-eu, nuideuq dawqtawvluf byacaevni siqnya-eu mae.

Piˇliˇpiˆ 2:17

Nawmaf-euq jan-eu jeq-anr taf-eu uqduq tanq-eu gar hawr-eu, lawrnaeq-eu jeq-euq khoertav ngaq-euq mawrdo shaevdav-awr, lawr-eu jeq lof-aer yabi shaevdav-eu law khawf, ngar laqkhaq caer-awr, nawmaf dawqtawvluf naeq-aer laqkhaq cawcaer ma.

Gawˇlawˇsehˇ 1:24

Nymq-mr ngar, nawmaf-euq gharduq shaqzanq ya daqluf-eu khawf, laqkhaqcaer mir-a. Aqjeq mirnae aernar-aq, Kali, aqyawf-euq mawrdo pyeuf-eu Kalizaq armur-euq gharduq maqya daqjir-euq shaqzanq deuq daqbyanni, ngar, ngaq-euq shiqshaq-euq lafkhoer daqluf-eu ma.

Gawˇlawˇsehˇ 1:29

Kali, ngaq-euq lafkhoer baoq huiq duidui-eu jeq nae gar mrluf-eu gar ghoe-awr, teu-euq gharduq ngar khawf laejae-awr gar mrluf-eu ma.

1 Teˇsaˬloˇni 3:2

Nawmaf jan-eu jeq zifdanni ghaelarni, ghaq bibif-eu gharduq, nga’maf nae nawmaf jawr-eu gar aqdui-euq maernmr Tivmorseq bilar-euq ma. Aqyawf-aq, Miqyaer-euq kuirlaf zaqkhav pyeuf-awr, Kali-euq guiqlanqdawq maeq-eu, nga’maf-euq gar mrcawq pyeuf-eu mae.

1 Tiˆmoˇseˬ 4:6

Nawr, aqyuif aqnyir deuq-anr garkawv heudeuq maeqnaeq nar-aq, nawr-aq, Yeqsur Kali-euq muiq-eu kuirlaf zaqkhav pyeuf taef-a. Jan-eu jeq-anr taf-eu dawq hawr-eu muiq-eu dawqmaeq dawqtsov-anr yawmuiq-aer cantae-eu lafkhoer huiqlar taef-a.

2 Tiˆmoˇseˬ 1:16

Sanqpaq Yeqsur, Awqneqsiqpawq-euq nymrjir-anr ghawqshaq gaqnaeq luf-ur. Aqjeq mirnae aernar-aq, aqyawf, ngaq-anr ghawqmya pov nuima sarlarni janrnaeq laf-euq mae. Ngaq-anr shmrcav paftaq-euq gar aqyawf maq shafdawr-a.

2 Tiˆmoˇseˬ 1:8

Khoermirnae, aqdui-euq Sanqpaq Miqyaer-euq garkawv sarkir kamq-eu taq shafdawr, aqyawf-euq gharduq kuv-anr urluf-eu ngar baqda’nae khawf taq shafdawr. Aerkhawf, Miqyaer-euq baoq-anr ghoe-eu lafkhoer, guiqlanq dawq-eu gharduq ngaq naeq-aer tiqkawv lof-aer shaqzanq daq-awq.

2 Tiˆmoˇseˬ 2:9

Guiqlanqdawq heu baqda’nae, yawdoer jeq mr-euq tsawrhaq tiq ghaq-anr shmrcav nae paf-eu lof-aer, ngaq-anr paf-awr, ngar shaq-awr zanq-eu jeq-anr ya daqluf-eu ma. Aerkhawf, Miqyaer-euq dawq-anr shmrcav nae maq paftawf nya-a.

2 Tiˆmoˇseˬ 3:11

Khoeruqtaf, khaeq-awr khav-eu jeq hawr-eu shaqzanq nargawr daqgar khawf nawr yawmuiq-aer cantae-euq mae. Aqdirawq, Irgawrnir hawr-eu Lurdaqlar-anr jawr ngae, ngar yadaq duidui-euq ma. Aerkhawf, khaeq-awr khav-eu khoerdeuq dawqtawv luf-euq lafkhoer nae, Sanqpaq Yeqsur, ngaq-anr bibuq-ir naeqlaf-euq mae.

Piˇleˇmoˬ 1:9

Aerkhawf, ngar khoerlof-aer maqjanr. Ngar-aq, tsawrmawq mawqle-awr, Yeqsur Kali-euq gharduq kuv-anr khawf urluf-eu Pawrluv ma. Gaq-eu lafkhoer taef-aer ngar, nawq-anr heulof-aer sharmawf-eu ma.

HeˬByehˇ 10:34

Aqjeq mirnae aernar-aq, shmrcav nae bi paftaq-euq ngaq-anr khawf, nawmaf ghawqshaq gaq-awr, aqcawq, nawmaf-euq myawqdeuq-anr khaeqgeuf khavgeuf-euq khawf, nawmaf laqkhaq caertavni daq-awr hageuf coer-eu mae. Aqjeq mirnae aernar-aq, heunav maqtser muiqdzaeq zifdzaeq-eu jeqbir nawmaf-euq gharduq jav-eu mae laer nawmaf siqnya-eu mae.