2 Gawˇliˬtu 11:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Miqyaer, nawmaf-anr myavnav nav-eu lof-aer, ngar khawf nawmaf-anr myavnavnav mir-a. Aqjeq mirnae aernar-aq, nawmaf-aq, zaqyo aqli tiq ghaq-anr bi danqdzaq-ir-eu laer ngaq nae aertsaev taq-euq ma. Shawrjaevni ghae-eu miqdaf dafshawr lof-aer Kali-anr nawmaf a’naeq-eu laer ma.

Akha

² Miˬyehˇ naw maꞈ-ahˇ nui ma maˬ shiˇ-eu loꞈ-ehˇ, ngaˇ kʼawꞈ naw maꞈ-ahˇ nui ma maˬ shiˇ nya. Naw maꞈ miˬ shuiꞈ tiˬ gʼaˬ loꞈ-ehˇ Ka li tiˬ gʼaˬ-ahˇ tehꞈ-ehˇ bi dahˬ dzaˬ-iˇ-eu gʼaˇ duˬ saˇ jaˇ dzaˬ nehˬ-euˬ gʼaˬ ngaˇ ma.

2 Gawˇliˬtu 11:2 ပူးပေါင်းရင်းမြစ်များ

Yoˇhaˬ 3:29

Miqshuif-anr sheuq-eu ghaq-aq, Yoshuif mae. Yoshuif-euq cawq yoshuif-euq dawqpae yawf-awr, yoshuif-euq dawq yagaq ngae, laqkhaqcaer duidui-eu mae. Khoerlof-aer durni, ngar khawf laqkhaq caer-eu jeq byan duidui mir-a.

Lormav 7:4

Ngaq-euq aqyuif aqnyir deuq-or! Khoerlof-aer durni, nawmaf khawf Kali-euq mawrdo-anr ghoe-awr, zanrdawq-anr nae shirdzeur-euq mae. Khoeruqtaf, nawmaf, shir-euq gar nae ghofdaef lar-euq khoerghaq-anr danqdzaq-ir-euq mae. Khoer-aq, aqdui, Miqyaer-euq gharduq arsiq bi siqle-eu laer mae.

1 Gawˇliˬtu 4:15

Kali-euq garkawv nawmaf-anr maeqnaeq-eu 10,000 ghaq jawr-eu khawf, aqda ghawqmya ghaq jawr-eu maqngeur-a. Aqjeq mirnae aernar-aq, ngar guiqlanqdawq maeq-awr, Yeqsur Kali-euq lafkhoer nawmaf-anr ngaq-euq zaq bi pyeuflar-euq ma.

2 Gawˇliˬtu 4:14

Aqjeq mirnae aernar-aq, Sanqpaq Yeqsur-anr bi ghofdaef lar-euq khoerghaq, nga’maf-anr khawf Yeqsur naeq-aer tiqkawv lof-aer bi ghofdaef lar-awr, aqyawf-euq maeqshi, nga’maf-anr khawf nawmaf naeq-aer tiqkawv lof-aer yajawr taef-a laer siqnya ma.

Gaˬlaˬtiˆ 4:11

Ngaq nae nawmaf-euq gharduq laejae-euq-aq, yawqngaef jeq nga laer noeqguv mir-a.

Piˇliˇpiˆ 1:8

Yeqsur Kali-euq ghoer-awr gaq-eu jeq nae, ngar, nawmaf yawqghaq navluf-anr mawrmawf duidui luf-eu ma. Heu-euq gharduq, Miqyaer, ngaq-euq sarkir pyeuf-eu mae.

Gawˇlawˇsehˇ 1:28

Nga’maf, aqyawf-euq garkawv dawqmaeq maeq-eu-aq, tsawrhaq yawqghaq navluf, Yeqsur Kali-euq lafkhoer tsawrkhav khavlar-euq tsawrhaq lof-aer a’naeq-eu gharduq, yawqghaq navluf yanryanr-aer daefnya’ni, zaqsiq tsawrganr dawqtawvluf zmq-awr, maeqnaeq tsovnaeq luf-eu ma.

1 Teˇsaˬloˇni 2:11

Aqda tiq ghaq, yawqha-euq zaq-anr janrnaeq-eu lof-aer, nga’maf khawf nawmaf yawqghaq navluf-anr ghaq bif-awr, nuima bi sarlar-euq gar nawmaf siqnya mae.

Panmaeq 14:4

Tsawrhaq heudeuq-aq, zaqmiq aqbur-euq baqda’nae maq lavjawf-euq shawr-eu tsawrhaq mae. Aqyawf maf-aq, Yawrzaq kharir-eu gar cantae-eu, Miqyaer hawr-eu Yawrzaq-anr lawrnaeq-eu awfbae baelar-euq arsiq pyeufni, aqyawf maf-anr tsawrhaqzaq-euq lafkhoer nae kakhofdov taq-euq deuq mae.