2 Gawˇliˬtu 11:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqjeq mirnae la? Ngar, nawmaf-anr maqgaq-eu mirnae-a lor? Ngar, nawmaf-anr gaq-eu Miqyaer siqnya mae.

Akha

¹¹ Ngaˇ naw maꞈ-ahˇ maˬ gaˬ-eu miˇ neh heu loꞈ-ehˇ ehˇ-eu nga loˇ. Ngaˇ naw maꞈ-ahˇ aˇ naˆ ni gaˬ-eu Miˬyehˇ siˬ nya luꞈ meh.

2 Gawˇliˬtu 11:11 ပူးပေါင်းရင်းမြစ်များ

Jaceuq 44:21

Miqyaer maq hawmawr-aer jav taef-a laq? Aqjeq mirnae aernar-aq, aqyawf nuima-euq lafkhoer zaftaq-euq jeq khawf siqnya-eu mae.

Yoˇhaˬ 21:17

Yeqsur, aqyawf-anr smq pov tiqpov par narhaq-eu, “Yornav-euq zaqyo Sirmoq-or! Nawr, ngaq-anr gaq ma lor?” “Nawr, ngaq-anr gaq ma lor?” laer Yeqsur, aqyawf-anr smq pov narhaq keuvlaf-euq mirnae, Beqtuvluv noeqshaq lar-awr, aqyawf-anr aerkhof naeq-eu, “Sanqpaq-or! Nawr, yawqjeq navluf siqnya-eu mae. Ngar, nawq-anr gaq-eu nawr siqnya mae.” Yeqsur, aqyawf-anr heulof-aer aernaeq-euq mae, “Ngaq-euq yawrdeuq-anr bidzaq bidawr-awq.

Gʼaˬkʼehˇ 15:8

Tsawrhaq-euq nuima-anr siqnya-eu Miqyaer-aq, aqdui-anr Yawshawr Saflar bifnaeq laf-euq lof-aer, aqcawq tsawrjeuq tsawrca-anr khawf bifnaeq-euq mirnae, Miqyaer, aqyawf maf-anr khawf hageuf-eu nga laer mawrlar-eu mae.

Lormav 1:9

Ngar, nawmaf-euq gharduq maq naqlerni aqmyanluf guiqlanq shar-eu gar Miqyaer, ngaq-euq gharduq sarkir kamqnya mae. Ngar-aq, ngaq-euq nuima saflar nae aqyawf-euq gharduq mr-awr, aqyawf-euq Zaqyo-euq garkawv guiqlanqdawq maeqluf-eu ma.

2 Gawˇliˬtu 11:10

Ngaq-euq lafkhoer Kali-euq yawtsaq yawdawr jeq anr-eu mirnae, Aqgaqyar mirkhanq-anr jawr-eu tsawrhaq tiqghaq-iq ngar khanqsaer jaev-eu gar maq lavtsoeq nya-ar.

2 Gawˇliˬtu 11:31

Ngar jaqmyawf myawf-eu maqngeur-a laer, mqmaq maqbyav yarzir guiqlanq huiq-eu Sanqpaq Yeqsur Kali-euq Aqda Miqyaer siqnya mae.

2 Gawˇliˬtu 12:15

Ngar, nawmaf-anr gaq-eu myaqlarluf ngae, nawmaf, ngaq-anr gaq-eu cuiv-ir luf-eu khawf, nawmaf-euq nuima saflar gharduq, laqkhaq caertavni ngar jav-eu jeq zmq-awr, ngaq-euq mawrdo-anr khawf bizmq ma.

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.

2 Gawˇliˬtu 7:3

Ngar heulof-aer aer-eu-aq, nawmaf-anr yarkhaq dar-eu maqngeur. Shir khawf tiqkawv lof-aer shir-awr, daef khawf tiqkawv lof-aer yadaefni, nga’maf-euq nuima-euq lafkhoer nawmaf-anr gaq mir-a laer ngar, nawmaf-anr aernaeq dzeur-euq ma.

HeˬByehˇ 4:13

Khar baetaq-euq yawqjeq navluf, aqyawf-euq maeqshi zaftaq-euq tiqjeq-iq maqjav-a. Yawqjeq navluf aqyawf-euq maeqshi byacaevni pandzae taq-euq mae. Aqkar, aqdui, aqyawf-anr dawqdzawr ya mrnaeq-eu mae.

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.