2 Gawˇliˬtu 10:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Yawqhar yawqha ciqgor-awr, Miqyaer-anr siqnya-eu tsawrganr-anr lavtsoeq-eu yawgor yawqjeq navluf hawr-eu, dawqpyaer pyaer-eu jeq-anr nga’maf pyavdzae luf-eu ma. Khoeruqtaf, nuinoeq dawqtawv luf-anr paf-awr, Kali-anr bi narhaq geuf-eu ma.

Akha

⁵ Miˬyehˇ-ahˇ siˬ nya-eu jeˬ-ahˇ kʼaˇ laˆ tsoeˬ-eu nui ma huiˬ-eu mahˇ-eu jeˬ-ahˇ nga maꞈ gʼeu ka-eu ma. Nui noeˬ yawˬ hmˬ na luꞈ-ahˇ nga maꞈ paꞈ cuꞈ-awˇ, Ka li-euˬ ehˇ dawˬ bi naˇ haˬ-eu ma.

2 Gawˇliˬtu 10:5 ပူးပေါင်းရင်းမြစ်များ

Jaceuq 10:4

Tsawrcawv-aq, nuima huiq-eu lafkhoer Miqyaer-anr maqpov-a. Aqyawf maf-euq nuinoeq dawqtawv luf-euq lafkhoer, Miqyaer-anr maq noeqkeuv-a.

Jaceuq 139:2

Nawr-aq, ngar nuir ngae hawr-eu yawf ngae khawf siqnya-eu mae; Nawr garmanr kaq-eu gar jawr-awr, ngaq-euq nuinoeq ghovshaw nya-eu mae.

Jaceuq 18:27

Aqjeq mirnae aernar-aq, nawr, nuinanq nuiyu anr-eu tsawrhaq-anr bibuq-ir-awr, Nawr, nuima huiq-awr haw-eu deuq-anr gheuka naeq-euq mae.

Jaceuq 18:44

Aqyawfmaf, ngaq-euq garkawv yagaq-euq naeq-aer, ngaq-euq dawq narhaq geuf-awr; Aqcawq tsawrjeuq, ngaq-euq maeqshi awbyav lar-eu mae.

Dawqdaq 15:26

Ya’we Miqyaer, tsawrcawv deuq-euq nuinoeq-anr nuidav dav-eu mae. Aerkhawf, ghawqshaq gaq-eu dawq-aq, shawrjaevni ghae-eu mae.

Dawqdaq 24:9

Yawdzawq yawgan jeq noeqdov-eu-aq, iqbax pyeuf-eu mae. Aqjaf jaf-eu tsawrhaq-aq, Aqcawq-euq gharduq nuidav davlar paq-aer ghae-eu mae.

Maꞈtehˬ 15:19

Aqjeq mirnae aernar-aq, nuima-euq lafkhoer nae heudeuq dovlar-eu mae: yawdoer jeq sharnoeq-eu, tsawrhaq saef-eu, banq-awr joe-eu, banq-awr muv-eu, smrkhoeq khoeq-eu, maqtsaq maqdawr-eu sarkir kamq-eu hawr-eu, yaeqbawq saerlu-aer aer-eu

Luˇkaꞈ 1:51

Aqyawf-euq lafdu nae baoq huiq-eu deuq mr-euq mae. Yawqha-euq nuinoeq nuilov geufgeuf-aer nuima huiq-eu tsawrhaq-anr aqyawf taebyav-euq mae.

Lormav 1:21

Aqyawfmaf, Miqyaer-anr siqnya-eu khawf, aqyawf-anr Miqyaer lof-aer maq ciqhuiq maq ciqmanr-eu uqtaf, guiqlanq-anr khawf maq jaceuq-a. Aerkhawf, aqyawfmaf tiqjeq-iq gardanr maqtsoeq-eu jeq taef-aer sharnoeq sharsawx-awr, maqganr-eu aqyawf maf-euq nuima zanrtsuini pyeuf-ir taq-euq mae.

Lormav 1:5

Nga’maf, aqyawf-euq baqda’nae, guiqlanq yawdzanr za-awr ghaqkhaer yageuf-euq ma. Khoer-aq, aqyawf-euq tsawrmyanr gharduq hawr-eu mirkhanq-euq tsawrjeuq dawqtawv luf-euq ghanrcae nae, jan-awr narhaq geuf-eu tsawrhaq bi dovlar-eu gharduq mae.

Lormav 16:26

Mirkhanq-euq tsawrjeuq dawqtawvluf janlar-awr narhaq geufnya’ni, mqmaq maqbyav yarzir daef-eu Miqyaer nae dawq biftaq-euq lof-aer zaftaq-euq khoer, nymq-mr panmaeq naeqlaf-awr, Miqyaer gharduq ngaeqdan-eu deuq-euq sanqbof-anr ghoe-awr, tsawrjeuq tsawrca dawqtawvluf zaftaq-euq khoer-anr byacaevni ya’mawr-euq mae.

Lormav 7:23

Aerkhawf, ngaq-euq arsaer-euq lafkhoer zanr yawqjeqyawq anr-eu gar ngar ya’mawr-euq ma. Zanr khoer-aq, ngaq-euq nuinoeq-euq zanr naeq-aer deuvcae caeluf-eu mae. Khoeruqtaf, ngaq-euq arsaer-euq lafkhoer anr-eu iqbax-euq zanr-euq uqmov bijawrni ngaq-anr paf-awr tsanrghae luf-eu mae.

1 Gawˇliˬtu 1:19

Aqjeq mirnae aernar-aq, Yaerbof heulof-aer boftaq-euq mae, “Ngar, tsawrganr anr-eu deuq-euq zaqsiq tsawrganr-anr lavcawv-awr, Siqzaq-euq ghovshaw nya-eu jeq-anr yawqngaef-aer bipyeuf-ir ma.” (Isy 29:14)

1 Gawˇliˬtu 3:19

Aqjeq mirnae aernar-aq, mirtsaq-euq zaqsiq tsawrganr-aq, Miqyaer-euq maeqshi yawdzawq yawgan mae. Yaerbof aer-eu, “Miqyaer, tsawrganr anr-eu tsawrhaq-anr yawqha-euq tsawrganr lanrju-anr yawqha bi pafler-eu mae.” (Yb 5:13)

2 Gawˇliˬtu 11:20

Tsawrhaq tiqghaqnav, nawmaf-anr zaqkhav bigeuf-awr, nawmaf-anr kawfsaef dzaqlar-eu uqtaf, nawmaf-anr myawfdzaq shuirdzaq lar-awr, yawqhar yawqha ciqgor-eu uqtaf, nawmaf-anr naqtaev taevlar-eu khawf, nawmaf daq-awr or-eu nga aerlawq.

2 Gawˇliˬtu 9:13

Nawmaf, Kali-euq guiqlanq dawq-euq uqmov jawr-eu ma laer sarkir kamq-awr, aqyawf maf-anr khawf, tsawrhaq dawqtawv luf-anr khawf, nuima jerloni bifnaeq-eu guiqlanq-euq gar heu-anr aqcawq ya’mawr-awr, Miqyaer-anr ciqhuiq ciqmanr taef-a.

Piˇliˇpiˆ 4:7

Khoerlof-aer shar nar-aq, Miqyaer-anr nae dovle-euq tsawrhaqzaq maq ghovshaw nya-eu nuisar of-eu jeq, Yeqsur Kali-euq lafkhoer, nawmaf-euq nuima hawr-eu nuinoeq nuidur-anr bosav naeqlaf taef-a.

2 Teˇsaˬloˇni 2:4

Aqyawf-aq, tsawrhaqzaq uqduq tanq-eu yawqjeq navluf-anr hawr-eu miqyaer laer kharkur-eu deuq-anr lavtsoeq-awr, khoerdeuq dawqtawv luf-euq khoertav yawqhar yawqha taqhuiq taef-a. Khoeruqtaf, aqyawf, Miqyaer-euq uqduq tanqnymr nymrma-euq lafkhoer Miqyaer lof-aer nuir-awr, “Ngar-aq, Miqyaer ma” laer aer taef-a.

2 Teˇsaˬloˇni 2:8

Lavtsoeq-eu ghaq dov-ir ghaq-euq nar-aq, Zanrdawq-anr leur-eu ghaq dovlar taef-a. Aerkhawf, Sanqpaq Yeqsur zafkale ngae, aqyawf-anr lavcawv-awr, Yeqsur-euq khaqmae-anr nae dovle-euq saf nae aqyawf-anr puivbyovjir taef-a.

HeˬByehˇ 4:12

Miqyaer-euq dawq-aq, daefluf-awr baoq tiqbyanni anr-eu mae. Dawq heu-aq, miseuq nyiq paw baw-eu micaer navmaqtser tav-awr, nuima hawr-eu saflar-anr khawf, yoeqtsuif hawr-eu purnmf-anr khawf, tsawvcov dov-awr birpav nya-eu mae. Tsawrhaq-euq nuima-euq nuinoeq hawr-eu nuikhanr-anr khawf tserpav nya-eu mae.

HeˬByehˇ 5:9

Aqyawf khoerlof-aer byanlar-euq nar-aq, aqyawf-anr narhaq geuf-eu yawqghaq navluf-euq, li-eu maqbawni kakhof-eu jeq-euq dawqpaeq duqpur pyeuflar-euq mae.

1 Beˬtuˆluˆ 1:2

Nawmaf-aq, Yeqsur Kali-euq dawq narhaq geuf-awr, aqyawf-euq shiq nae bi byavshaeq-eu gharduq, arhuba nae, Aqda Miqyaer siqnya-eu lafkhoer tserdov taq-awr, muiq-eu Saflar nae lavshawr naeq-euq tsawrhaq deuq mae. Nawmaf-euq khoertav guiqlanq yawdzanr hawr-eu nuisar of-eu jeq myaqlar luf-ur.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.