2 Gawˇliˬtu 10:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nga’maf-euq guirdeuv keuka-aq, shiqshaq-anr taf-eu maqngeur. Zifdanni jav-eu lanrlof-anr gheuka nya-eu Miqyaer-euq baoq anr-eu keuka ma.

Akha

⁴ Nga maꞈ zmˬ luꞈ-eu guiˇ deuˆ-eu keu ka-aˬ, miˇ tsaˬ kʼoeˇ taˆ zmˬ luꞈ-eu guiˇ deuˆ-eu keu ka maˬ ngeuˇ. Nga maꞈ-euˬ guiˇ deuˆ-eu keu ka-aˬ, ziꞈ dah ni gʼeh-eu taˆ deuˬ-ahˇ laˆ cawˆ nehˬ nya-eu Miˬyehˇ-euˬ baoˬ ma. Maˬ tsaˬ maˬ dawˇ gaˇ tsawˇ pyehˇ pyehˇ-eu jeˬ-ahˇ nga maꞈ laˆ cawˆ-eu ma.

2 Gawˇliˬtu 10:4 ပူးပေါင်းရင်းမြစ်များ

Jaceuq 110:2

Ya’we Miqyaer, Ziroq-anr nae, Nawq-euq ghaq khav-eu dzoeqdzaq mr-eu gawqyoeq bi’oe-awr; Nawq-anr muir-eu deuq-euq ghanrcae bi uvlanr taef-a.

Gʼaˬkʼehˇ 7:22

Morseq-aq, Irjirtuv tsawrhaq-euq zaqsiq tsawrganr dawqtawvluf yadzaw-awr, ngaeq-awr tmr-eu paw khawf, mr-awr shar-eu paw khawf ghaq anr duidui-eu mae.

Lormav 13:12

Uqcif dzeur-awr, uqbya byalar shaw-iq-eu ngar-a. Khoermirnae, yawzanr-euq gardeuq-anr byaerdzae yaf-awr, yawshaef-euq guirdeuv keuka dmdav kar-eur.

Lormav 6:13

Nawmaf-euq arsaer deuq maqtsaq maqdawr-eu jeq mr-eu gar zmq-eu keuka bi pyeufni, iqbax-anr taq a’naeq. Shir-euq gar nae ghofdaef lar-euq tsawrhaq lof-aer, yawqha-euq mawrdo, Miqyaer-anr a’naeq-awr, nawmaf-euq arsaer deuq khawf, tsaq-awr dawr-eu jeq-euq gharduq zmq-eu keuka pyeufni, Miqyaer-anr a’naeq-awq.

1 Gawˇliˬtu 2:5

Khoermirnae, nawmaf jan-eu jeq-aq, tsawrhaq-euq zaqsiq tsawrganr-anr ghoe-eu maqngeur-eu, Miqyaer-euq baoq-anr ghoe-eu tsaq mae.

1 Gawˇliˬtu 9:7

Yawqha-euq pyurshuir myawqganq zmqzmq-aer guirdeuv deuv-ir-eu aqsur ghaq jawr-eu la? Aqgaf yarkmr mrtaq-euq gar nae, yarkmr-euq lafkhoer-euq arsiq maq pyavdzaq-eu aqsur ghaq jawr-eu la? Maqngeur nar-aq, aqcoer nyaefdawr nya-eu jeqzaq cutaq-euq gar nae, aqcoer maq nyaefdawr-eu aqsur ghaq jawr-eu la?

2 Gawˇliˬtu 10:8

Nawmaf-anr bicawv-ir-eu gharduq maqngeur-eu, nawmaf-anr bihuiq bi manrlar-eu laer Sanqpaq Miqyaer, nga’maf-anr aryaq bifnaeq laf-euq mae. Aryaq heu-euq garkawv, ngar khanqsaer uicuiv jaev-euq law-awr khawf, ngar maqya shafdawr-ar.

2 Gawˇliˬtu 13:10

Khoermirnae, ngar, nawmaf jawr-eu gar oekeuv ngae, Sanqpaq Miqyaer nae ngaq-anr aryaq bifnaeq laf-euq lof-aer nawmaf-anr yawkhav-aer maqya janrnaeqni, ngar, nawmaf jawr-eu gar maqjawr ngae, garkawv heudeuq sanqbof bofanr lef-eu ma. Aryaq yawkhav-aer zmq-eu-aq, lavcawv-eu gharduq maqngeur-a, bihuiq bi manrlar-eu gharduq mae.

2 Gawˇliˬtu 3:5

Nga’maf, yawqha-euq ghaq-anr ghoe-awr, yawqha taef-aer tiqjeqnav mrnya ma laer aer-eu maqngeur. Aerkhawf, nga’maf, Miqyaer-euq ghaq-anr ghoe-awr mrnya-eu gar aer-eu ma.

2 Gawˇliˬtu 4:7

Huiq-awr muiq-eu baoq heu-aq, nga’maf-anr nae maqngeur-eu, Miqyaer-anr nae dovle-euq ngar-a laer bisiqni, nga’maf poeq-eu myawqganq heu, mirtsaq oeqlanq-euq lafkhoer anrluf-eu ma.

2 Gawˇliˬtu 6:7

yawtsaq yawdawr-euq dawq maeq-eu, Miqyaer-euq baoq-anr ghoe-eu, tsaq-awr dawr-eu guirdeuv keuka, arcar armar-aer tuvtaeq taq-awr mr-euq ma.

1 Teˇsaˬloˇni 5:8

Aerkhawf, aqdui-aq, nan’ghanr-anr taf-eu tsawrhaq mirnae, yawha-euq nuima-anr ghaqler-eu tsaq mae. Jan-eu jeq hawr-eu gaq-eu jeq khanq-anr daeqdaq-eu jeq lof-aer dm-awr, kakhof-eu jeq za mae laer noeqtmq-eu jeq, shmr uqkhov lof-aer khov kar-eur.

1 Tiˆmoˇseˬ 1:18

Ngaqli Tivmorseq-or! Dzeurlaf ngae, Miqyaer gharduq ngaeqdan-eu deuq nae, nawq-euq garkawv aertaq-euq lof-aer, ngar, nawq-anr dawq heulof-aer bif-eu ma. Dawq khoerdeuq-euq baqda’nae, guirdeuv yawmuiq-aer deuv-awq.

2 Tiˆmoˇseˬ 2:3

Yeqsur Kali-euq zawr muiq-eu guirzaq lof-aer, nawr, ngaq naeq-aer khaeq-awr khav-eu jeq-anr daq-awq.

HeˬByehˇ 11:30

Jan-eu lafkhoer, Yeqlirkor-anr shif nan canjawq ghaq ngae, meuqlanr gabyav jir-euq mae.