2 Gawˇliˬtu 10:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nga’maf-aq, shiqshaq-euq lafkhoer daefluf-eu khawf, shiqshaq-anr taf-eu guir deuvluf-eu maqngeur.

Akha

³ Nga maꞈ-aˬ, miˇ tsaˬ kʼoeˇ taˆ jawˇ luꞈ-eu tsawˇ haˬ ngeuˇ ma. Ehˇ kʼawꞈ, miˇ tsaˬ shiˬ shaˬ jiˇ-ahˇ taꞈ-eu guiˇ deuˆ luꞈ-eu maˬ ngeuˇ.

2 Gawˇliˬtu 10:3 ပူးပေါင်းရင်းမြစ်များ

Lormav 7:5

Aqjeq mirnae aernar-aq, aqdui shiqshaq-euq lafkhoer daefluf ngae, shir-eu jeq-euq gharduq arsiq siqleni, aqdui-euq arsaer iqbax mr-eu laer bi lovlarni, zanrdawq gar mrluf-eu mae.

Lormav 8:13

Nawmaf shiqshaq-anr daefcaw nar-aq yashir taef-a. Aerkhawf, muiq-eu Saflar-anr ghoe-awr, mawrdo mr-awr shar-eu jeq-anr lavsaef nar-aq yadaef taef-a.

Lormav 8:4

Aqdui shiqshaq-euq maeqnan maq cantae-aer, muiq-eu Saflar-euq maeqnan cantae luf-eu ma. Khoermirnae, zanrdawq-euq lafkhoer ya’mr mae laer aertaq-euq tsaq-awr dawr-eu jeq aqdui-euq lafkhoer byanlarni, Miqyaer khoerlof-aer janr-euq mae.

2 Gawˇliˬtu 1:17

Ngar khoerlof-aer noeq-eu-aq, nuima povpov lavlav-aer ghae-euq nga lor? Maqngeur nar-aq, ngar noeq-eu jeq, tsawrhaqzaq-euq nuinoeq pi-awr, ngeur-eu jeq khawf, maqngeur-eu jeq khawf, keuqkeuq soso-aer aer-euq nga laq?

2 Gawˇliˬtu 10:4

Nga’maf-euq guirdeuv keuka-aq, shiqshaq-anr taf-eu maqngeur. Zifdanni jav-eu lanrlof-anr gheuka nya-eu Miqyaer-euq baoq anr-eu keuka ma.

Gaˬlaˬtiˆ 2:20

Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

1 Tiˆmoˇseˬ 1:18

Ngaqli Tivmorseq-or! Dzeurlaf ngae, Miqyaer gharduq ngaeqdan-eu deuq nae, nawq-euq garkawv aertaq-euq lof-aer, ngar, nawq-anr dawq heulof-aer bif-eu ma. Dawq khoerdeuq-euq baqda’nae, guirdeuv yawmuiq-aer deuv-awq.

2 Tiˆmoˇseˬ 4:7

Ngar guirdeuv yawmuiq-aer deuv-awr, ngar caev paq-aer ghae-eu garma caevli-euq ma. Ngar jan-eu jeq-anr zifdanni nyaeftaeq laf-euq ma.

HeˬByehˇ 12:1

Jan-eu jeq-euq garkawv sarkir kamq-eu tsawrhaq, juqkhoeq tmq-eu lof-aer aqdui-euq tiqjawq jawrluf-eu mirnae, aqdui-anr kanluf-eu yawqjeq navluf pyaeqka yaf-awr, aqdui-anr gheupaf lar-eu iqbax dawqtawvluf khawf puirdzae yaf-eu uqtaf, nuinoeq ghawqmanrni noeq-awr, aqdui-euq gharduq lavsav taq-euq garma-anr caevghae kar-eur.