2 Gawˇliˬtu 10:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nga’maf shiqshaq-euq maeqnan daefluf-eu mae laer noeqluf-eu tsawrhaq-anr, yawduq baw-awr nuima khaqduqni janrnaeq ma laer ngar noeqtsaev taq-euq ma. Aerkhawf, ngar, nawmaf jawr-eu gar oekeuv ngae, nuima khaqduqni maqya janrni, ngar, nawmaf-anr tanqshar-eu ma.

Akha

² Ngaˇ naw maꞈ jawˇ gaˇ oe ngeh, nui ma huiˬ laˇ ni taˬ jahˇ nehˬ laꞈ. Nga maꞈ-ahˇ shiˬ shaˬ jiˇ-euˬ nui noeˬ mehˬ nah caw teh-awˇ dehꞈ-eu meh lehˇ ehˇ laˇ-eu deuˬ-euˬ mehˬ shi ngaˇ nui ma huiˬ-eu gaˇ kawˆ bi mawˇ ma lehˇ kʼaˬ duˬ ni ehˇ tsehˆ-eu ma.

2 Gawˇliˬtu 10:2 ပူးပေါင်းရင်းမြစ်များ

Lormav 8:1

Khoermirnae, nymq-mr Yeqsur Kali-euq lafkhoer jawr-awr, shiqshaq-euq nuikhanr maeqnan maqcan-aer, muiq-eu Saflar-euq lafkhoer canluf-eu tsawrhaq deuq-aq, yarkhaq dar-eu gar maqpar yadaq-eu mae.

Lormav 8:4

Aqdui shiqshaq-euq maeqnan maq cantae-aer, muiq-eu Saflar-euq maeqnan cantae luf-eu ma. Khoermirnae, zanrdawq-euq lafkhoer ya’mr mae laer aertaq-euq tsaq-awr dawr-eu jeq aqdui-euq lafkhoer byanlarni, Miqyaer khoerlof-aer janr-euq mae.

Lormav 8:5

Aqjeq mirnae aernar-aq, shiqshaq-anr daefcaw-eu tsawrhaq-aq, shiqshaq paw-euq garkawv-anr taef-aer noeqtsov taq-euq mae. Aerkhawf, muiq-eu Saflar-anr daefcaw-eu tsawrhaq-aq, muiq-eu Saflar-anr taf-eu deuq-anr noeqtsov taq-euq mae.

2 Gawˇliˬtu 1:17

Ngar khoerlof-aer noeq-eu-aq, nuima povpov lavlav-aer ghae-euq nga lor? Maqngeur nar-aq, ngar noeq-eu jeq, tsawrhaqzaq-euq nuinoeq pi-awr, ngeur-eu jeq khawf, maqngeur-eu jeq khawf, keuqkeuq soso-aer aer-euq nga laq?

2 Gawˇliˬtu 11:21

Nga’maf khoerlof-aer janrni ghaqbaqbaq mir-a laer shafdawr-eu lafkhoer ya’aer-eu ngar-a! Aerkhawf, tsawrhaq tiqghaqnav aqjeq-euq garkawv-anr nae nuima khaqduqni ghae nar-aq, ngar khawf, nuima khaqduqni ghae ma. (Ngar heulof-aer ngaeq-eu-aq, aqdzawq argan lof-aer ngaeq-eu ma.)

2 Gawˇliˬtu 13:10

Khoermirnae, ngar, nawmaf jawr-eu gar oekeuv ngae, Sanqpaq Miqyaer nae ngaq-anr aryaq bifnaeq laf-euq lof-aer nawmaf-anr yawkhav-aer maqya janrnaeqni, ngar, nawmaf jawr-eu gar maqjawr ngae, garkawv heudeuq sanqbof bofanr lef-eu ma. Aryaq yawkhav-aer zmq-eu-aq, lavcawv-eu gharduq maqngeur-a, bihuiq bi manrlar-eu gharduq mae.

2 Gawˇliˬtu 13:2

Ngar, nawmaf jawr-eu gar nyiq pov tiqpov oe ngae aertaq yaf-euq lof-aer, nymq-mr ngar, nawmaf naeq-aer maqjawr-eu khawf, ngar oekeuv nar-aq, dzeurlaf ngae iqbax mr-euq tsawrhaq hawr-eu nuideuq dawqtawv luf-anr khawf maq taqnaeq laer bofanr lef-euq ma.